إنشاء الله بزور الكويت ويا زوجي(وهي أول زيارة لي ولزوجي) في يوم الثلاثاء أو الأربعاء 5-6/12/1427هـ الموافق 26-27/ديسمبر2006, وراح نبقى يومين بالكثير ثلاثة,
بما أن المدة قصيرة, ياليت تقترحون علينا فندق حلو ننزل فيه بشرط ما يزيد سعره عن 400ريال سعودي, بنات يا حبيلكم لا تكثرون الفنادق اقترحوا فندق واحد يكفي, أو شقة فندقية.
بعد ياليت تدلونا على مطعم بوفيه راقي وحلو وهادئ.
وبعد إذا فيه عندكم محل حلويات مميز تنصحونا ناخذ منه, ياليت تقولون.
وابغى بعد مكانين تنصحوني اني ما فوتهم يكونون مميزين, لأن زيارتنا قصيرة مايمدي نروح أماكن واجد (من غير ما يكونون مدن ألعاب) لأن زوجي ما يحب الإزعاج والمدن الترفيهية
.
وأهم شيء:
ودي أشتري لأمي جلابية (دراعة) حلوة ما نلاقيها بالسعودية, يكون أسعارهم مابين 200و500ريال سعودي, والوالدة تحب جلابيات خامتها فخمة وبنفس الوقت تكون هادية, ومن غير (ردون) يعني من غيرموديل طويل في الكم, وين ألاقي جلابيات حلوة زي كذا؟؟
بقى بعد وين ألاقي أسواق راقية وحلوة (من غير ما تكون ماركات) لأن عندنا كل الماركات, يعني باختصار ودي أجيب شي حلو مميز غير عن عندنا.
وبعد كمان إذا فيه بالكويت محل أواني تنصحوني أروحله, ودي أزود مطبخي بكم قطعة كويتية.
بقى أخر حاجة, أبغى محلات ديكور وزينة منزل, قطع صغيرة مو كبيرة لأن سيارتنا ما تشيل واجد.
والله طلباتي كثيرة, لكن من قلبي ومن زمان نفسي أروح الكويت. وإن شاء الله تكون سفرة موفقة وممتعة.
يا بنات الله يخليكم الله الله بالعلوم العدلة, ومعاكم وقت وفرصة. بس عاد لاتنسوني, ولا ما تبون أحد يزور الكويت في البرد؟؟
يا بنات الكويت, بزور ديرتكم الكويت, وابغى فزعتكم (ببرنماج سياحي لمدة يومين).
رد مع الاستدلال
الروابط المفضلة