|
للبحث في شبكة لكِ النسائية:
|
عضو نشيط
نداء إلى بنات الإمارات
السلام عليكم
إلى أخواتي من دولة الإمارات أفكر العطلة إني ازور بلادكم وهذي أول مرة أطلع من السعودية أبي وصف كامل له يعني نجي لمه أو أصرف النظر عنه
الصراحة أبي أعرف أسعار الشقق غالية أو رخيصة (سمعت إن الشارقة رخيصة)طيب أبي أسمائهن وأسعارهن وأماكن التسوق فين والأماكن المحافظة على لبسهم وين........................ ساعدوني؟
لو سمحتو تقرير مختصر عنه؟
النجم الفضي
هلا فيك يا غاليه تنورينا
حبيبة قلبي أنا من أبوظبي وما أقدر أفيدك إلا في أبوظبي
بس عندي معلومات بسيطة عن باقي الإمارات وإن شاء الله تفيدك
السكن في الشارقة أرخص من دبي وممكن تدخلين في النت إمارة الشارقة وفي قسم للسياحة
بيساعدك في معرفة أنسب الأسعار
الأسواق متنوعه
عندك المعقول مثل السوق الإسلامي في الشارقة بس كاسري مع البائع
وفي سوق نايف وسوق الوصل في دبي
وفي المصانع في عجمان أسعارها كثير رخيصة وممكن أي تاكسي ياخذكم لها
طبعا هناك المراكز الكبيرة مثل صحارى مول وميجا مول في الشارقة
وسيتي سنتر وبرجمان ووافي وميركاتو ومول الإمارات وإبن بطوطة وهذه كلها مولات في دبي
حبيبة قلبي بشكل عام الشارقة محافظه أكثر من دبي
يا رب أكون أفدتك
كبار الشخصيات
عضو نشيط
مشكورة يالغالية(المستعينة بالله، والأخت السلطانة)
على المعلومات وإن شاء الله نزورك في أبو ظبي
النجم الفضي
هلا وغلا وان ما شالتكم الأرض نشلكم فوق روسنا
عضو جديد
الصرااااااااااااااحة حبيبتي ما عندي أي فكرة ... بس حبيت أسلم عليكم ... و أتفلسف شوي ..., كع كع كع كع كع تروحين وتجين بالسلامة .. بااااااااااااااااايووووووووووووووو
عضو نشيط
الأخت وردة العشاق
حيااااج الله في الإمارات وبتنورينا بزيارتج
بعطيج اسماء بعض الشقق المفروشه في الشارقه واسعارهم رخيصه عندج سبارك وامباسي انشالله اني كتبت االاسماء بشكل صحيح وعموما الشارقه مليانه بالشقق المفروشه واسعارهم ارخص عن دبي وعندج بعد سمر لاند هذي مثل شاليهات عالبحر بعد اسعارهم رخيصه.
بس من ناحية التجول والسياحه اكيد دبي لانها مليانه بالمراكز التجاريه وطبعا الحدائق ما ينفع تروحولها الحين لان الجو حار ورطووووووبه تخنق الصراحه.
احدث مركزين بدبي ولازم تزوروهم هم مول الإمارات وبن بطوطه
مول الإمارات جدا كبير يعني اذا بتروحوله بتقضون يوم كامل فيه عشان تخلصون وحقيقه مول جدا رائع لذا انصحكم تروحون له بدري شوي اي عالضحا وفيه قريه ثلجيه حلوووه لاتفوتونها.
بن بطوطه ديكوره يهبل وبمبتكر واظني هذا اكثر شي بيعبجكم فيه بالاضافه الى المحلات المتنوعه الرائعه هو طابق واحد بس كبير
اما عن باقي المراكز التجاريه عندكم السيتي سنتر في قلب دبي، ميركاتو، برجمان، الوافي سنتر، لامسي بلازا، الريف مول.
بالنسبه للمطاعم عندكم شارع الشيخ زايد مليان مطاعم.
طبعا الشارقه ماعندي ذيك الخبره عنها بس المركزين المعروفين فيها هم صحارى سنتر وايد حلو على مدخل الشارقه تقريبا ، وعندكم الميغا مول. بالنسبة للأسواق الشعبيه او الرخيصه في الشارقه في سوق نسيت اسمه لكن قولو لراعي التاكسي يوديكم مركز ساره نفس المكان اللي فيه السوق بس ناسيه اسمه.
ودبي فيها سوق نايف وااايد رخيص وسوق الوصل.
وانشالله يا أختي الغاليه اكون افدتج يارب واي استفسار انا حاضره.
بس لاتنسين لازم تزورينا بأبوظبي واذا نويتي عطيني خبر يالغاليه
عضو نشيط
مشكورة يالغالية والله إنكم ما تقصرون
عضو جديد
هلا والله اختي ورده العشاق
بتنورين ابلادنا بوجودج
يبت لج بعض اسماء الشقق الي في الشارجه
شقق المجره ، الصدف ، فندق الامارات
بالنسبة للسوق الي في الشارجه اسمه " سوق القديم " جذيه يسمونه
طبعا البنات ما قصروا افادوج في بعض الاماكن
وتحياتي
عضو
الامارات حلوه وانتم تحلونها بزيارتم ....يامرحبا الساع بالناس الوساع....اناأول مره اكتب في هذا الركن والبنات ماشاء الله كفن ووفن ...وكلامهم صحيح بالنسبه للشارجه لو تسكنين فيها لانها ارخص ...وفي بعد فندق اسمه ...صن ستي ....الصراحه وايد نظيف....وممكن تعملين برنامج لزيارة دبي وسنتراتها وبعد عالم مدهش ...ويوم تخلينه خاص لاسواق ومصانع عجمان الي فيه ملابس للاطفال وملابس نسائيه وخصوصا التنانير والبلوزات فهي ارخص من السنترات....وماتنسين اسواق الامارات مالة الدرهم والدرهمين والعشر والعشرين بعد في عجمان قبل المصانع مباشرة :للتحف والهدايا والله الموفق ...وهلا وغلا
أعضاء قرؤوا هذا الموضوع: 0
رد مع الاستدلال
الروابط المفضلة