السلام عليكم انا ابي اسافر بلد اسعار التذاكر حلوه ومناسبه والبلد فيه اشياء حلوه وش تنصحوني فين اسافر فيه بلد ارخص من مصر غير بلاد الشام والاردن عطوني البلدان وانا بختار وبجيب لكم هدايا والله يوفقكم ياحلوين

انا انصحك بماليزيا الصراحه روووووووووووووووووووووووعه بمعنى الكلمه واسعارها مناسبه جدا جدا اصلا عملتهم مثل الريال السعودي يعني واحد رنجيت =واحد ريال ولا هي غاليه اصلا ..

انا سافرت لها العام وكانت رحله رائعه جدا بس انا اقولك من الحين يبيلك تروحين مع ناس رايقه وتحب تتفرج ومتحمسين بنفس الوقت, وانصحك انه اذا سافرتي تخلصين كل حجوزاتك وانتي بديرتك علشان تروحن هناك وكل شي مرتب مو تنحاسين وتنتظرين (تعرفين السفر ومشاكل حجوزات الفنادق), ولازم بعد ترتبين رحلاتك خلال مدنها بالترتيب يعني مو تروحين فوق بعدين تحت بعدين شمالبعدين ترجعين فوق بعدين يمين يعني انا افهمك ..
روحي بالبدايه لابعد منطقه بعدين انزلي بالتدريج الين تاصلين العصمه كوالا لمبور اللي اخرشي من مطارها تقلعين لديرتك بالسلامه ان شاء الله ..

ترا هذه الترتيبات كلها تعتمد على المكتب السياحي اللي يرتبها لكم .. انا الصراحه انبسطت هناك كثير انا واهلي كلهم
بعكس بنت عمي اللي راحت لها بدون ترتيب وكانت وجهة نظرها عكسيه عن المدينه ..

وبالتوفيق ان شاء الله ,والله يرجعكم وين ماكنتوا بالسلامه

اتمنى اني اكون افدتك وما كثرت عليك الكلام ...

ولا تنسين الهديه

اهلا اختي العزيزة

كان ودي اقول لك جربي المغرب مثلاً لكنك تطلبين بلداً ارخص من مصر وغير الشام،، المغرب جميل جداً لكنه ليس أرخص من مصر ،،، لا اعرف اسعار ماليزيا لكن يبدو ان الاخت فسفورية عندها فكرة اكبر ،، عموماً ان قمتِ بالبحث في هذا الركن تحت اسم ماليزيا رح يطلع لك اكثر من موضوع عنها وفي موضوع للاخت صدى عن الفنادق والاسعار

وبالتوفيق ان شاء الله

الاخت فسفوريه شكرا على معلوماتك الحلوه زيك وكم سعر التذاكر ل3 اشخاص اذا انتي من السعوديه او كم سعر السفر من الخطوط البحرينيه

اهلين اختي جنوبيه السراحه ما عندي خلفيه عن سعر التذكره بس اتوقع انا بحدود 3000
بس اذكر ان الوالد الله يحفظه لنا ان شاء الله .. (آمين) .. يقول تكلفه الشخص الواحد في السفره كلها 5000مع اكل وشرب وسكن وتمشيه ((عاد ابوي يحب الحسابات))
على العموم السفره كلها كلفتنا مع تذاكرها (احنا 7 أشخاص ما شاء الله) 50000 ريال سعودي

على فكره انا رحت على الخطوط السعوديه لاني سعوديه من الرياض بالتحديد
للمعلوميه انا سكنت بفنادق خمس نجوم بدون مبالغه يعني كلها فخمه امثال (شينقريلا و ذا آسكوت هوتيل ... وكلها فخمه )
وهذا يعتمد كله على المكتب السياحي مثل ما قلت لك قبل والفنادق اللي يختارها لكم

على فكره المغرب غااااليه بزياده انا اخوي راح لها الشهر اللى فات هي وتونس يمدحهم بس يقول كلها سحب فلوس