انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 2 12 الأخيرالأخير
عرض النتائج 1 الى 10 من 13

الموضوع: وناسة تعرض وتريد

  1. #1

    Post

    الاخوات الغاليات هذه ارجوزه تحكي عن حال الحموات (زوجات الاخوان ) وفيها الكثير من النقص لاني كتبتها على عجاله
    كل أملي ان يزودني اخواتي ببعض الامور التي تحصل بين زوجات الاخوان في البيت .
    خذ مني واسمع كلمات فيها حكاية وروايات
    حال الدنيا يا بنات حال الدنيا وحموات
    الله يقطع درب الغيره في الصغيرة والكبيرة
    تسعى في البيت بتدميره تقطع عطره مع عبيره
    غيري بالعيشه متهني كشخه رزه ومتثني
    ليش فلانه احسن مني ماغير تصارخ وتونّي
    تبدا الحسبه تبدا الحسبه يوم فلانه ماقامت به
    وين الغدا ليش ماجت به حتى مع شينه منت به
    اخوك طالع الحاله وانا واهلك ماهي حاله
    والثاني عنده شغاله ماكثر روحاته وتجواله
    ليش فلانه دوم تسافر لبلاد المسلم والكافر
    وانت من ذا كله نافر والدرهم موجود ووافر
    وفلانه تاخذ راحتها تعبانه من وظيفتها
    وانا لحالي ماكلتها آخذ شغلاتي وشغلتها
    ترجع تعابنه الظهرية تبدا النومه للعصريه
    تصحا جيبو الغدا ليه تعبانه من جهد فيّه
    ولا فلانه مايحتاج ساعة قدام الزجاج
    همها وين المكياج الله يقطع ذا المزاج


    وناسة تنتظر عطاءوكم
    <FONT size="6">وناسة تنتظر عطاءوكم</FONT s>

    ------------------
    زرع الابتسامة على الشفاه
    تنسيك الهموم وكل آه

  2. #2
    تاريخ التسجيل
    Oct 2000
    الردود
    3,562
    الجنس
    أنثى

    Post

    والله ضحكتيني يا وناسة !!!!!

    لكن احنا نسمي زوجات الإخوان : سلفات !!!!
    والحماة : ام الزوج !!

    وعلى كل ما كتبت كان لطيف جدا ... لكن احمد الله أنا وسلفاتي بخير ومش بهالوصف
    الحمد لله بينا احترام ومودة حقيقية غير متكلفة ولله الفضل والمنة وربنا يديم المودة .

    <FONT COLOR="#800080" SIZE="2" FACE="Simplified Arabic,Verdana">تم تحرير الموضوع بواسطة قطر الندى بتاريخ 14-03-2001 الساعة 03:10 PM</font>

  3. #3
    تاريخ التسجيل
    Jan 2001
    الردود
    672
    الجنس

    Post

    بارك الله فيك

    لقد اضحكتنى
    وونستينى ياونا سه

    ------------------
    اللهم انصر المجاهدين واخذل اعداء الدين..واجعل كلمة الذين امنوا العليا وكلمة الذين كفروا السفلى
    اللهم اعز الاسلام والمسلمين واذل الشرك والمشركين اللهم اميييييييييييييين...


  4. #4
    تاريخ التسجيل
    Jan 2001
    الموقع
    في قلب وعين زوجي الحنون
    الردود
    314
    الجنس
    أنثى

    حلوه هذي الارجوزه يا وناسه.
    لكني استغرب للغيره بين (السلفات)كما نسميها
    هذي الغيره والمنافسه احس مالها داعي وللاسف منتشره كثير, مثلا الغيره بين زوجات الرجل الواحد معروف سببها كل وحده تريد جذبه لها
    لكن الحموات كما تسمونها او السلفات كما نسميها
    ليش ,انا عن نفسي استغرب ولا انتي ايش رايك يا وناسه.

    ------------------
    بيد العفاف اصون عز حجابي #وبعفتي اسمو على اترابي

  5. #5

    Post

    الحقيقة اتمنى منكن بعد شكركن على التفاعل ذكر بعض المشاكل او المواقف التي تحصل بين السلفات او الحموات حتى اكمل الارجوزة
    وناسة

  6. #6

    Talking

    خطيرة والله ..ما شاء الله..
    فعلا الحموات أحيانا عليهم حركات نص كم
    بس مب دايم...خصوصا الغيرة اللي ذابحتهم
    الله يكفينا الشر.....
    تسلمين أخت وناسة
    وعندي سبحونة(قصة)من كتاب
    الأديب:عبدالكريم الجهيمان(أساطير شعبية)الجزء3--------------------
    كان فيه هاك الواحد والواحد الله في سماه العالي..
    هاك الرجال اللي ماله إلا أخت وحده يحبها حب الجنون ولا قصر عليها بشيء..
    الرجال قرر يتزوج وقال لأخته..وأخته نصحته بأنه يتزوج اللي تكون أخلاقها زينة..عاد الرجال دورله حرمة ..وتزوجها..
    يوم جت مرة الولد..صارت الآمرة الناهية في البيت
    وحست البنت بهالشيء..وصارت تقعد بروحها في غرفتهاولا تطلع منها إلا شوي لأنها تخاف تضايق مرة أخوها..والأخو مازال يهتم بأخته ويسألها عن كل اللي تحبه..
    شبت الغيرة في نفس الزوجة..وقررت إنهاتسوي شيء عشان يكره زوجها أخته..
    جا ذاك اليوم وكان الزوج عنده شغل وبيسافر كم شهر بعدين يرجع...ولقت زوجته الفرصة إنها تنتقم من أخت زوجها وتورطها...
    سافر الرجال......
    بدت الزوجة في خطتها..وصارت تلبس ثوب رجال وترقى للسطح وتدخل للغرفة اللي فيها البنت..
    طبعا كان تستنى المؤذن يطلع ويشوفها من فوق المنارة عشان يشك إنها رجال تواعده أخت الزوج
    المهم إن الزوجة صارت دايم تسوي ذا الحركة..
    وإذا دخلت على البنت تقول لها إني أسوي كذا عشان أوسع صدرك..ومشت هالكذبة على البنت البريئة!!
    رجع الزوج من السفر..وسأل عن أخته..وقالت له زوجته: أختك تغيرت مرة من يوم سافرت وإنهانحفت وصارت ما تتكلم ...وشكلها والله العالم عاشقة لها واحد..وصراحة عشان ماأخبي عليك تراها تواعد لها رجال في البيت وإن ما صدقتني إسأل المؤذن..
    عصب الزوج وراح سأل المؤذن وقال له المؤذن أنه كان دايم يشوف رجال يدخل في بيت هالرجال بس إنه ماقال لأحد......
    فكر الرجال وشلون يتخلص من أخته..واتفق هو وزوجته انهم يقتلونها ويدفنونها في البيت..
    البنت حست بالشيء هذا وطبت (قفزت)في بيت الجيران وقالوا لها لا تقعدين عندنا مانقدر نسوي شيء ...روحي للبيت اللي قدام المسجد وتمسكي في بشت الرجال راعي ذاك البيت..وقولي له إني داخلة على الله ثم عليك إنك تفكني من أخوي
    البنت سوت كذا ودخلها الرجال في بيته
    في ذاك الوقت كان الأخو يحفر القبر لأخته يوم دورها في البيت ما لقاها...وجاءالرجال الطيب وطق الباب وفتح له أخو البنت وفرح يوم شافه لأنه رجال طيب وراعي جاه وسلطان...يوم سأله وش يبي قال الرجال الطيب إنه يبي يخطب أخته
    قال الأخو إن ما عندنا بنات يليقون فيك..
    قال الطيب :إلا أختك وتراها في بيتي وبين أهلي
    وافق الأخو وتزوجت زواج عائلي بسيط....
    وكان الرجال ناوي يطلقها لأنه ما شافها أبدوتزوجها عشان يستر عليها....
    وفي يوم من الأيام شاف ذيك البنت الحلوةوسأل أهله عن هالبنت وقالوا له هذي زوجتك اللي ما شفتها.....
    المهم الرجال حبها واقتنع فيها وعاش معها
    وعرف الأخو إن زوجته كذابة وطلقها....
    أما أخته رزقها ربي العيال والبنات
    والحمدلله
    *********************
    هاه وش رايكم في السبحونة
    اعذروني كاني طولت عليكم؟؟

    ------------------
    سبحانك اللهم وبحمدك,
    أشهد أن لا إله إلا أنت,
    أستغفرك وأتوب إليك.

  7. #7

    Post

    شكرا يابنت سدير ديرة الكرم والطبيعة الخلابة خصوصا هالايام وقت الربيع واقول للباقيات من الاخوات هل من مزيد
    وناسة<IMG SRC="http://www.montadalakii.com/ubb/smilies/cwm15.gif" border=0>

    ------------------
    زرع الابتسامة على الشفاه
    تنسيك الهموم وكل آه

  8. #8
    تاريخ التسجيل
    Oct 2000
    الموقع
    العارض
    الردود
    65
    الجنس

    ياهلا ومرحبا بونوستي الحلوة ياونسنا بالمنتدى وينك على شمسك غيوم لولا خوفي من النقد لاقول ( طلع البدر علينا )
    محبتكم في الله

    ------------------
    الا بذكر الله تطمئن القلوب

  9. #9

    للرفع وطلب المزيد من المشاركات
    وناسة

  10. #10
    تاريخ التسجيل
    Feb 2001
    الموقع
    ابوظبى
    الردود
    475
    الجنس
    أنثى

    Post

    والله انك عسل يا وناسه وشو ها المقالب الرهيبه بين الحموات بس تعرفى مافى احلى من تجمع الحموات بالبيت الواحد والله مره وناسه
    اما بنت سدير فقصه مؤثره والله يكون فى عون مثل ها البنت من زوجات الاخ والله يعطيكم العافيه على ها الوناسه

    ------------------
    اللهم انى اسالك العفو والعافيه والمعافاه الدائمه فى الدنيا ولاخره


مواضيع مشابهه

  1. >>>> شوية وناسة ؟؟ <<<<
    بواسطة لهب في ملتقى الإخــاء والترحيب
    الردود: 6
    اخر موضوع: 28-12-2004, 01:39 PM
  2. >>>> شوية وناسة ؟؟ <<<<
    بواسطة لهب في جمالكِ سيدتي وأناقتك حواء
    الردود: 0
    اخر موضوع: 09-12-2004, 05:44 PM
  3. وناسة تعود بعد طول جمود
    بواسطة وناسة في الملتقى الحواري
    الردود: 7
    اخر موضوع: 14-07-2001, 10:23 PM
  4. وناسة لكل من ابدى احساسه
    بواسطة وناسة في الملتقى الحواري
    الردود: 9
    اخر موضوع: 15-03-2001, 08:51 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ