مثلا صحيتي 10 او 8 مثلا صلي الضحى لو مش متعودة عليها يبقى صلي 4 ركعات بس وبعد رمضان يبقوا ركعتين بس ضحى
لو بتصلي الضحى ومتعودة يبقى هاتي 6 ركعات ضحى وبعد رمضان صلي اربعه بس

وشوفي وراكي ايه بسرعه لو مش وراكي شيء او الشيء دا ينفع يتاجل يبقى اقراى 4 ارباع قران بس

وبعدها شوفي هتنامي هتزوري رحمك هتساعدي والدتك هتروقي البيت

واول ما الظهر ياذن تصلي اربع ركعات سنة ركعتين ركعتين وبعدها تصلي الظهر وتقولى اذكار بعد الصلاة وبعدها تصلي اربع ركعات سنة برضه زي الاولى وتقراى 4 ارباع برضه بس وتنامي او تركبي اكل ع النار او تجهزي شيءكدا


نامي كمان ساعه او كدا عشان تقدري تصلي التراويح حلو بدون ملل
هتاذن العصر هتصليها بوقتها وتقولى بعدها اذكار المساء انتى وع السجادة او السيرير بتريحي شوية
وبعدها تقراى اربع ارباع بس قران
وقبل المغرب بنص ساعه تدعي مع نفسك هاتي ورقة وقلم واكتبي 10 أدعية وادعيهم بهم كل يوم من بعد العصر للمغرب

يا سلام لو قدرتي ترددي مع الآذان يبقى جميل جدا

كمان انتى وبتروقي او بتجهزي اكل قولى يارب دا افطار صائمين او اطعام طعام عشان يارب يقدروا يصوموا ويصلوا به يارب فاعطني الاجر من فضلك وكرمك

المغرب تاذن تفطري وتصلي المغرب وتروقي البيت تملي الأزايز تملي الكلمن تغسلي المواعين تسمعي برنامج مثلا سواعد الإخاء على قناة مكة بييجي الساعه 7 وخمسة المغرب

وقبل العشا كدا استعدي للتراويح

وبعد التراويح اتصلي باحد اقاربك مثلا او زيارة مريض او صلة رحم او مساعدة محتاج
خلي بالك ترويق البيت دا نعمة كبيرة وتجهيز الفطار بتاخدي اجر كبير بامر الله

حاولي مش تتعصبي

الساعه 11 كدا او هتفضلي صاحية صلي ركعتين وبعدهم ركعتين

لو بتصلي التراويح لوحدك
يبقى صلى 6 ركعات بس

واربع ركعات قبل النوم

و3 ركعات بعد السحور قبل الفجر اللي هم الشفع والوتر
وتصلي الفجر وتقولى أذكار الصباح
وتنامي وهكذا بامر الله
بحيث يبقى حافظتي ع الصلوات بوقتها
اتعلمتي تحافظي على ركعتين الضحى
والاجر بزيادة لمن زاد وختمتي مرتين
اتعلمتي الاذكار بوقتها وقيام الليل والدعاء والاحتساب
والسلام ختام
تقبل رب منا ومنكم
للنشر طبعا في كل حتة