‫#‏تفريغ_اسرار_الصلاة_٢

‫#‏السر_الأول ⬅ 💐الصلاة تغير الحياة💐
يوتيوب
صوتي
⭐السلام عليكم ورحمة الله وبركاته..
🔸الحمد لله ولي نعمتي، وملاذي عند كربتي، وأشهد أن لا إله إلا الله وحده لا شريك له، ربي اجعلني مقيم الصلاة ومن ذريتي، وأشهد أن نبينا محمد -صلى الله عليه وسلم- عبد الله ورسوله وأمامي وقدوتي -صلى الله عليه وعلى آله وصحبه وعلى من سار على هديه، واستن بسنته واقتفى أثره إلى يوم الدين-
🔸أما بعد
فأهلا ومرحبا بكم إلى الموسم الجديد والثاني من أسرار الصلاة؛ كل عام وأنتم بخير
🔸الحمد لله الذي هدانا لهذا، وما كنا لنهتدي لولا أن هدانا الله؛ كل عام وأنت بخير
🔸كيف حالكم ؟ أوحشتموني، واشتقت إليكم. وأسأل الله عز وجل أن يجعل متابعتكم لهذا البرنامج نافعة لصلاتنا، اللهم اجعلنا مقيمي الصلاة يارب
🔸وبعد أن أنعم الله علينا بأسرار الصلاة(1)، وأن أنعم علينا سبحانه وتعالى بالموسم الأول من أسرار الصلاة، وبسط الله سبحانه و تعالى توفيقه ومنه سبحانه وتعالى، من فضله علينا ولاحول ولا قوة إلا به تعالوا نكرر الكره، وندق من جديد على باب ربنا، ونطلب من ربنا سبحانه وتعالى أن يمدنا بالفتح والتأييد والعون والمدد كم قضت عيني حين كنت في الحرم المكي اللهم ارزقنا الحج والعمرة يارب
➰ حين كنت في الحرم المكي في رمضان الماضي و إنقضَّ عليَّ طفل من أطفال المسلمين وقال لي:-
🌹"قُم فصلي وعش هذا الغرام فإن المعاينة ليست كالكلام.. والسلام "🌹
🔸قولتله :-ما شاء الله إنت حافظ قالي:- أيوه اومال إيه؟حافظ ومتابع!!
🌟اللهم تقبل يارب، اللهم انفع يارب، اللهم وفق يارب، اللهم تمم يارب
➰وحين هاتفني الأسبوع الماضي أحد الأحباب يقول لي أن زوجتي كل ليلة بتصحيني من النوم عشان أقوم الليل تقول لي قوووم

🌹قم فصلي وعش هذا الغرام فإن المعاينة ليست كالكلام والسلام 🌹
🔸قولت يا سلام ماشاء الله حافظين اللهم تقبل منا يارب
🔸الصلاة حكاية، موضوع، بل الصلاة خير موضوع، وحين نتكلم عن الصلاة، ونحن نعاني ما نعاني في هذه الحياه؛ نشعر أن الصلاة مخرج وأن الصلاة فرج.
🔸حين يقول الله :-
"وأقم الصلاة إن الصلاة تنهي عن الفحشاء والمنكر"
🔸 حين تشعر أن الصلاة مدرسة ستغير الناس تقول ياليت الناس يصلون،!! يا ليت الناس أقاموا الصلاة،،!! يا ليت الناس أحبوا الصلاة،
🔸 ثم تفاجئ بمن يقول:-
↩" فلان يصلي ويفعل كذا وكذا وفلان ملتحي ويفعل كذه وكذه وفلانة منتقبة تفعل كذه وكذه"
🔸 أقول:- قال رسول الله - صل الله عليه وسلم- في مثل هذه الحال، في مثل هذه الشكاوى قال عليه الصلاة والسلام:-
🍃" إن كان كما تقول فسوف تنهاه صلاته ..."🍃
🔸إن الصلاة تنهى...حين يقوم الإنسان بين يدي الإله جل جلاله فإن الصلاة تنهاه،ترببه تغيره، تؤدبه، تصلحه لهذا أيها الأحباب إن الصلاة فرصة!! مربي يغير الناس إن الصلاة كورس أو دورة تدربية ستغير الناس فمن يشكو من إنسان يعاني من بعض أخلاقه فليحرص على هداياته وإيمانه
🔸دعونا ننطلق بين الناس نحبوهم بالصلاة، ثقة في قدرة الصلاة على تغيير الناس، ثقة في الصلاة أن تقيم لنا الحياة، وأن تغير لنا اخلاق الناس ثقة في الصلاة إننا إن كنا نشكو من مجتمع قاس حاد يشكو فيه الظلم فليكن إذن مبتدأنا في إصلاح الناس أن ندعوهم للصلاة إنت بتشتكي إن الناس وحشة
🔸طب تعالى ننزل نسأل الناس إنت بتصلي ولا لأه ونشوف أكتر الناس ال بيصلوا ولا ال ما بيصلوش؟ هنسأله إنت بتصلي وولا لأه؟ علشان تشوف وإنت اعمل معايا الامتحان دي إسأل الناس إنت بتصلي هلال رمضان ولا لأه؟ وإحنا هنمشي نسأل الناس دلوقتي و إحنا متأكدين لأسف إن أكتر الناس ما بيصلوش
↩عشان المدلول ال عاوزينه أهو إن عدم صلاة الناس هو السبب القسوة ال احنا عايشنها والأسف ال إحنا عايشينه وبعد كده نشوف أثر الصلاة على الناس تعالى نشوف نسأل الناس كده ....
💐💐💐💐💐💐💐💐💐💐💐
💢إنت بتصلي ولا لأه؟
🔽لأه
💢يعني ما بتصليش خالص ولا أحيانا وكده وبتقطع؟
🔽لأ يعني بصلي بس مش مواظب جدا على الصلاة ومقصر وبتمنى من ربنا إنه يسامحني
💢بتصلي ولا لأه؟
🔽أه بصلي
💢بتصلي ولا لأه؟
🔽يعني كده و كده بصلي شوية واقطع شوية
💢بتصلي ولا لأه؟
🔽لأه
💢يعني ما بتصليش خالص ولا أحيانا بتقطع؟
🔽بصلي فعلا بس أحيانا بقطع مش عارف ازاي
💢بتصلي ولا لأه؟
🔽اه الحمد لله بصلي طبعا.
💢تصلي ولا لأه؟
🔽بصلي متقطع يعني مش دايم
💢حضرتك بتصلي ولا لأه؟
🔽أه بس مش دايم يعني مش كل الصلوات يعني ممكن مثلا الضهر والعصر مثلا في حاجة تقطع مني كده يعني
💢بتصلي ولا لأه؟
🔽هو عامة ملتزم في رمضان مش عارف أقولك إيه ؟ ساعة لما أكون محتاج حاجة من ربنا، لما أبقى عايز حاجة من ربنا فبلجأله، بس أنا مقصر عارف الموضوع ده وإني مقصر بس الحمد لله ربنا يهدينا ويهدي الناس جميعا والحمد لله
💢إنت بتصلي ولا لأه؟
🔽لأه.
💐💐💐💐💐💐💐💐💐💐💐
🔸أهلا بكم وطيب الله أوقاتكم بذكره:-
🔸أرأيتم؟ أغلب الناس لا يصلوا!! وهذه هي المشكلة فإذا قلت أنا أصلي ، أنا أصلي و لكن أعاني من حياة قاسية
🔸 قلت لك يا صديقي أن السر الخشوع، السر في حضور القلب، السر في إعمال الصلاة بالقلب، أن تؤثر الصلاة في القلب،أن تتحرك الصلاة لتحرك القلب لتغير الحياة،الصلاة تغير الحياة، عنوان حلقة اليوم الصلاة تغير الحياه
🔸الصلاة قادرة،، قادرة فعلا على تغيير الحياة لكن المشكلة أن الناس لم يمكنون الصلاة منهم، لا يمكنون الصلاة من قلوبهم، لا يمكنون الصلاة من جوارحهم،
الصلاة قادرة أن تخلي أولادك حنينين عليك،الصلاة قادرة إنها تخلي زوجك يبقى كريم معاكي،الصلاة قادرة إنها تخلي الإنسان البخيل كريم، لكن المشكلة إن احنا بقينا بنصلي مش بنصلي ..
🔸وزي ما قولتلكم الراجل بهرني لما قولتله إنت مش خاشع ليه؟ رد عليا وقالي:- هو يعني إيه خشووع ؟؟ آآآآآآآآه آآآه آه آلمتني، أوجعت قلبي هذه الشكوى، أن قال:- هو يعني إيه خشوع؟! خشوع إيه ال إنت بتتكلم عليه ؟ أنا مش فاهم يعني إيه خشوع ؟
🌟قال رسول الله -صلى الله عليه وسلم-:-
🍃"أول ما يرفع من الدين الخشوع .."🍃 الدين هيرفع!!
⭐ قال رسول الله-صلى الله عليه وسلم-
🍃 "يدرس الإسلام كما يدرس وجه الثوب"🍃
🔸لما تشتري تي شيرت جديد، بلوزة جديدة،فانلة جديدة، جلابية جديدة، و فيها علامات و رسوم مع كل غسلة ممكن تنقص وضوح هذه الصور، لحد ما يوصل لدرجة انها مش باينة دي اسمها
🍃 "يدرس وجه الثوب .."🍃 يعني لا يبين
🔸كذلك الإسلام سيبدأ في أن يرفع الدين وكلما رفع من شئ نسي الناس الدين
⭐قال رسول الله -صل الله عليه وسلم:-
🍃"يدرس الإسلام كما يدرس وجه الثوب حتى لا يدرى لا صيام ولا صلاة ولا صدقة ولا نسك. "🍃
ولا شئ .."🍃" ..ويسرى على كتاب الله في ليلة فلا يلقى في الأرض منه آية... "🍃
🔸هيجي يوم مش هيبقى فيه في الدنيا قرآن، لما تلاقى الوضع كذلك
🌟 قال عليه لصلاة والسلام :-
🍃" ..وأول ما يرفع في في هذا الدين الخشوع.." 🍃
🔸أول حاجة هتتسحب من الدين هتتلغي من حياة الناس.. الخشوع، الناس لا تخشع
🔸علشان كده الراجل ده أول ما قالي:- هو يعني إيه خشوع ؟
🔸 اتخضيت!!، حسيت إن القيامة قربت، حسيت بصدق كلام الرسول-عليه الصلاة والسلام- إن الدين بيترفع ..
🔸إيه ده؟؟ هو الناس هتنسى يعني ايه خشوع مش هتعرف يعني إيه خشوع؟ !!
🔸 ده احنا كنا بنمشي في الشارع من قريب من 10،15سنه كنا بنمشي ندعو إلى الله والناس يوقفونا ويسألونا من غير ما نقولهم
🔸أنا نفسي أخشع في الصلاة؟ أنا بصلي من غير خشوع أعمل إيه؟؟
🔸لأ يا ناس يا مسلمين.. حافظوا على السؤال ده،
ارجوكم كل ماتشوف شيخ.. اسأله قوله انا نفسي أخشع في الصلاة، أنا عايز أخشع في الصلاة أنا عايز أدوق حلاوة الصلاة، ما تنسوش الخشوع ما تيأسوش منه حا فظوا عليه، داوموه واحرصوا عليه
🔸 لإن اليوم ال الناس هتيأس من الخشوع ال هتبدأ تنسى فيه الخشوع ده
🔸هيبقى أول يوم نقص فيه الدين، ويبتدي دين رسول الله ينقص ينقص في الدنيا حتى قيام لساعة..
🌹 اللهم توفنا قبل اشراط الساعة الكبرى اللهم نعوذ بك ان ندرك شر الزمان يا رحيم يا رحمن🌹
🔸يبقى لازم نعرف يعني إيه خشوع ؟ لإن الخشوع هو ال هيخلي للصلاة طعم، وهو ال هيخلي الناس لما تصلي تتأثر بالصلاة، تأمرهم وتنهاهم وتغيرهم وتصلحهم، زي ما بقولكم
🔸 وبالمناسبة دي تعالوا نكمل شرح كتاب أسرار الصلاة بتاع ابن القيم ال اشتغلناها السنة ال فاتت و نضم كتاب الخشوع لابن رجب الحنبلي -عليه رحمة الله- لإنه الكتابين فعلا في الغالب بينبطبوا مع بعض وبيتباعوا مع بعض في مجلد واحد.
🔸 يبقى إن شاء الله منكم إنسان طيب ينشر ر ا زي السنة ال فاتت في ناس كتير نشرو الاسطوانه بتوع أسرار الصلاة يبقى ننشر اسطوانه عليها التلاتين حلقة بتوع أسرار الصلاة(2) ال هو الخشوع ومعاهم الكتاب كتاب فيه أسرار الصلاة بتاع ابن القيم والخشوع بتاع ابن رجب واسطوانه عليها شرح للكتابين
🔸تعالوا نعيش المره دي، تعالوا نعيش السنة دي، تعالوا نعيش رمضان ده،تعالوا نعيش اليومين دول، مع كتاب الخشوع لابن رجب الحنبلي؛ عشان ندوق حلاوة الصلاة وتغيرنا الصلاة
💢 واجب اليوم إن إنت تخشع ؛عشان ال هيخشع هيدوق لذه ولا الأحلام
🔸قم فصلي وعش هذا الغرام فإن المعاينة ليست كالكلام والسلام ....😊
🌹🌹🌹🌹🌹🌹🌹🌹🌹🌹🌹🌹
‫#‏أسرار_الصلاة_٢