انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
عرض النتائج 1 الى 2 من 2

مــحـجـبـة بس // إستايل وشيك !!!!

(روضة السعداء - منتديات لكِ النسائية - الأرشيف)
...
  1. #1
    غريبة في دنياي غير متواجد عضو جديد
    تاريخ التسجيل
    Aug 2014
    الموقع
    مصر
    الردود
    2
    الجنس
    أنثى

    مــحـجـبـة بس // إستايل وشيك !!!!





    مــحـجـبـة بس // إستايل وشيك !!!!

    هو فيه مشكلة لما نلبس محترم واستايل في نفس الوقت ؟؟؟
    أصل اللبس الواسع مش بيليق عليا خاااااااالص
    ومش مناسب لسني !!!
    ولو لبست عبايات هاضطر علشان أبقى شيك ألبس عليها طرح قصيرة وأكسسورات علشان دى حاجات أساسية بتنطق العباية وبتديها شكل تانى !!
    أنا عارفة شروط الحجاب الصح وحفظاها صم !!!!!
    وطبعا خايفة من ربنا !!
    بس محتارة وهتجججنن ومش عارفة ألبس واسع
    وشيك في نفس الوقت إزاي ؟؟!!




    هقولك:
    جملة " عايزة ألبس شيك وإستايل "
    معناها إنك عايزة ترضي الناس ويعجبهم لبسك !
    خلي بالك إن رضا الناس غاية لا تـُدرك !!
    ومهما عملتي مش هتقدري ترضيهم !!
    واللي هيغضب ربنا علشان يرضي الناس ، ربنا هيغضب عليه وهيخلـّي الناس تغضب عليه !!!
    يعني هيخسر كــــــــــــــل شئ !!!
    قال رسول الله ( من أرضى الناس بسخط الله ، سخط الله عليه وأسخط عليه الناس ، ومن أرضى الله بسخط الناس رضي الله عليه وأرضى عليه الناس ) صححه الألباني
    فخلي هدفك هو رضا الله وبس !!
    ولو ربنا رضي عنك هيرضي عنك الناس ويحببهم فيكي ...

    وبعدين اسالي نفسك :
    إنتي لابسة الحجاب ليه ؟؟
    ايه الغرض من فرض الحجاب على المسلمة ؟؟؟
    الغرض من الحجاب هو : " ستر زينة المرأة "
    قال الله : ( وَلا يُبْدِينَ زِينَتَهُنَّ ) سورة النور:31
    يعني .....
    وإنتي نازلة تشتري لبس تختاري اللبس اللي يستر زينتك مش يزينك أكتر في عيون الشباب !!!

    وإنتي واقفة قدام المراية قبل ما تخرجي وبتظبطي حجابك المفروض نيّـتك تكون هي إخفاء وستر الزينة ، مش إنك تزيني نفسك أكتر في عيون الشباب !!!

    هتقولي :
    يعني إنت عايزنا نمشي مبهدلين ؟؟؟!!!
    هقولك : مين قال كده ؟؟؟؟
    إنتي هتلبسي حجابك الواسع الفضفاض اللي هيكون نضيف ومكوي وهادي وجزمتك المتلمعة النظيفة وكده هتكوني مش مبهدلة ولا حاجة ، بالعكس ..
    اللي بتلبس كده والله بتبقى مَلِكة ماشية في الشارع .
    .


    هتقولي :

    بس أنا نفسي ألبس شيك وإستايل بِنِيّة إنى أكون قدوة حسنة !!!
    يعني وأنا ماشية بلبس جميل وشيك ممكن عشرات البنات اللي مش لابسين حجاب يحبوه ويهتدوا من غير ما أقول ولا كلمة !!
    هقولك : مينفعش !!!
    عندنا قاعدة شهيرة في الفقه بتقول :
    [ النية الصالحة لا تُصلِح العمل الفاسد ]
    وقاعدة كمان بتقول :
    [ دَرء المفاسد مُقدَّم على جَلب المصالح ]
    وأنا عايزك تعرفي إن الدعوة للحجاب عمرها ما كانت بشياكة اللبس وإستايله ، أبداااااااااااااااااااااا ا
    الدعوة بتكون بالأخلاق الفاضلة والإلتزام الصحيح .


    وأنا عايز أسأل كل بنت بتجادل في موضوع اللبس والشياكة وأقولها :
    إشمعنى الاعتراض والجدال بيبقى مع أوامر ربنا وبس ؟!!!

    ليه مشوفناش ظابط اعترض على لبسه المفروض عليه من البشر لأنه مش من الشياكة ؟؟!
    ليه مشوفناش دكتور أو دكتورة أو ممرضة اعترضوا على البالطو المفروض عليه من البشر لأنه مش من الشياكة ؟؟!
    ليه مشوفناش محامي أو قاضي اعترض على الروب الاسود المفروض عليه من البشر لأنه مش من الشياكة ؟؟!
    ليه مشوفناش لاعب اعترض على الشورت والفانلة المفروض عليه من البشر لأنه مش من الشياكة ؟؟!
    ليه مشوفناش طالب أو طالبة اعترض على الزي المدرسي المفروض عليه من البشر لأنه مش من الشياكة ؟؟!

    لو تأملنا هنلاقي إن كل المجالات لها ضوابطها وقواعدها المحترمة التي لا تـُناقش ، بل تـُفرض فرضاً من البشر بدون نقاش !!
    وكل الناس بتقبل الضوابط دي بسهولة وبصدر رحب !!
    أما كلام ربنا نقعد نجادل فيه ونقول ليه ومينفعش !!

    مع إن ربنا سبحانه وتعالى قال :
    { فَلا وَرَبِّكَ لا يُؤْمِنُونَ حَتَّى يُحَكِّمُوكَ فِيما شَجَرَ بَيْنَهُمْ ثُمَّ لا يَجِدُوا فِي أَنْفُسِهِمْ حَرَجًا مِمَّا قَضَيْتَ وَيُسَلِّمُوا تَسْلِيمًا } النساء:65

    يعني لازم نسمع ونطيع بكل حب وكل تسليم ،،
    خلاصة الكلام ببساطة ،،
    إن مفيش حاجة اسمها موضة واستايل وشياكة في لبسك خارج البيت !!
    موضة المسلمة وشياكتها طول السنة في طاعة ربها .



    د. مصطفى زايد من كتيب " فكيها شوية 2"[]

    naglaa22 أعجبه هذا.

  2. #2
    naglaa22's صورة
    naglaa22 غير متواجد مساعدة مشرفة روضة السعداء
    تاريخ التسجيل
    Mar 2012
    الموقع
    مصر - القاهره
    الردود
    3,366
    الجنس
    أنثى
    التدوينات
    13
    التكريم
    (أوسمة)
    يعجز القلم علىالاطراء
    ويعجز النبض على التعبير بما كتبت وبما طرحت
    .. بارك الله فيك وجعله فى موزين حسناااااااتك
    وجزيت الجنه ونعيمهااااا** }
    تحياتى
    دورة تعليم الامهات اللغه الانجليزيه المستوى الاول
    http://www.lakii.com/vb/a-87/a-804863/



    أدعوك يا إلهي دعاء من اشتدت فاقته وضعفت قوته وقلت حيلته
    دعاء الغريق الملهوف المكروب المشغوف الذى لا يجد لكشف مانزل به إلا أنت ولا إله إلا أنت
    فارحمنا ياأرحم الراحمين واكشف عنا مانزل بنا من هؤلاء القوم الظالمين الباغين .
    اللهم إني أشكو إليك ضعف قوتنا وقلة حيلتنا و هواننا على الناس.
    أنت رب العالمين، أنت رب المستضعفين وأنت ربنا.
    إلى من تكلنا يا رب؟ إلى بعيد يتجاهمنا أم إلى عدو ملكته أمرنا. إن لم يكن بك علينا غضب فلا نبالى )


مواضيع مشابهه

  1. إذآ نصحك شُخَصٍ
    بواسطة -بلسم الجروح- في تغريدات لكِ (تويتس - تويت - تويتر - twitter)
    الردود: 3
    اخر موضوع: 11-12-2011, 10:50 PM
  2. أول تصميم لي إستايل أريد أرائكم
    بواسطة المصمم 2009 في ركن التصاميم
    الردود: 18
    اخر موضوع: 15-09-2011, 03:49 PM
  3. حلى سريع وشيك
    بواسطة ريم الشرق في الحلويات والكب كيك والكيك وحلويات العيد
    الردود: 21
    اخر موضوع: 07-06-2008, 02:13 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96