|
للبحث في شبكة لكِ النسائية:
|
مشرفة ركن التنظيف والاجهزة الكهربائية
بسم الله الرحمن الرحيم
اخواتى فى الله
احبكم جميعا فى الله
وكل عام وانتم بخير ان شاء الله
اليوم اول ايام شهر رمضان المبارك والكثير من المسلمين رجال ونساء يودون ان يكون شهر طاعة من اول دقيقة
ولكن المرأة قد يصادفها فى هذا الشهر ما يمنعها من العبادات كالصلاة والصوم والتراويح وقراءة القران
وما اقصدة هو ان تكون المرأة قد وضعت طفل فتكون نفساء
او تكون المرأة فى فترة حيض
اود مناقشتكم فى كيف تقضى هذة المرأة ايامها فى رمضان ؟؟
مشرفة ركن المقبلات
موضوع رائع ومهم يا كنوزة
متابعة معكن لأتعلم منكن (:
اللهُم أرِنَا الحق حقاً وارزقنا اتبَاعه
...........................................وأرِنَا البَاطِل باطلاً وارزُقنا اجْتِنَابه
رب لا تذرني فردا وانت خير الوارثين
مشرفة ركن التنظيف والاجهزة الكهربائية
للاسف يا اختى الكريمة محدش قال اى شئ
ومفيش مشاركات
مشرفة ركن المقبلات
معلش يا كنوزة
بس انتي عارفه رمضان ومشاغله
طيب أنا اليوم وصلت الهانم
في الأول اتضايقت جدا
لإني مش هاقدر أصلي التراويح ولا قيام الليل
وبعدين قلت الحمد لله على نعمته
فكرت وقلت أول شيئ هاعمله هو الاستغفار
الوقت اللي كنت باقضيه في صلاة التراويح وصلاة القيام هاستغله في الاستغفار
وكمان التسبيح والتكبير
ايه رأيك يا كنوزة
انتي كمان اكتبي اللي بتعمليه
وكل لما اقرر أعمل حاجه هادخل واكتبها لك (:
حبي لك
اللهُم أرِنَا الحق حقاً وارزقنا اتبَاعه
...........................................وأرِنَا البَاطِل باطلاً وارزُقنا اجْتِنَابه
رب لا تذرني فردا وانت خير الوارثين
السلام عليكم ورحمة الله
موضوع جميل وكلنا بنحتاجه فى رمضان
انا برضه الهانم لسه مشرفة امبارح بعد ما خلصت التراويح
انا بقرا قران عادى فى الفترة دى
بلبس جوانتى واقرا من المصحف او اقرا من الكمبيوتر
طبعا الواحد ما بيحسش بنفس الخشوع كما يقرا من المصحف
بس انا بنتى بتسالنى ليه لابسه جوانتى وتحاصرنى بالاسئلة ولا تقتنع باجوبتى هههه
الى عنده اجابة شافية يقولهالى
كمان الاستغفار والذكر عامة والدعاء فى الثلث الاخير من الليل
وان شاء الله ربنا يتقبل منا لان هذا ما بايدينا
فى حاجة كمان بعملها الفترة دى غريبة شوية
بعمل حلويات بكمات كبيرة واوزع على جيرانى واحبابى
لان ما بقدرش اعمل كميات كبيره وانا صايمة خصوصا لو الحلو بيحتاج وقت كتيرووقف كتير على رجلى
او العزايم بخليها غى الوقت ده
بخرج الاولاد وافسحهم وملابس العيد اشتريها فى الوقت ده
علشان مفيش وقت اثناء الصيام
اتمنى اكون افدتكم
اهلا ميرو حبيبتى منوره الروضه يا قمر
هقولك بقه انا عمل ايه فى ايام الحيض
قبل اى حاجه هيه بتكون متعبه بالنسبة لى وبكون عصبيه شويه
حتى الاولاد بيقولوا لما ماما بتأخذ اجازه من الصلاه بتكون عصبيه
ومريم بنتى بتقولى يا ماما انتى بتأخذى اجازه ليه من الصلاه اصل احنا متعودين فى البيت نفكر بعض بالصلاه انا بقه فى المرحله دى بقولهم انا اجازه
ليه محدش ليه دعوه ربنا قال كده هههههههه
طبعا مش بقلوهم كده بحاول افهمهم واحسن حاجه فى اولادى انهم بيعملوا انهم فاهمين فابيقولوا طيب ويسكتوا وانا واثقه ان الكلا الى قلته لهم مش مفهوم اصلا ههههههه
عليهم اسئله ياساتر تجنن !!!!!!!! كل شويه ليه ومش ليه الواحد بيبقى محرج خالص
المهم بقه يا ستى نرجع لموضوعنا عمل ايه فى ايام الحيض اممممممممممممم
بصى يا ستى بكمل الورد عادى تمام من قراءة قرأن وادعيه واهتم جدا فى هذه المرحله الاستماع الى حلقات علم فى الكمبيوتر تمام
فى رمضان بخلى كل العزومات فى رمضان ومتفقه كده مع زوجى اى حد عايز تعزموا يكون فى هذه الفتره بعد كده مستحيل علشان رمضان مش يضيع من الواحد فى العزومات
وبالفعل هذا ما نفعله كل عام
بس هذه السنه لن نفعل ذلك لانى كما تعلمين لسه خارجه من عمليه جراحيه قبل رمضان بأيام فالسنه دى مفيش عزومات ولا هتعزم ولله الحمد لان الدكتور مانعنى من الخروج لمدة 3 اشهر بعد العمليه
ودى كانت احلى حاجه فى العمليه لان بجد العزومات بتكون مرهقه جداااااااااااااااا وبتكون بأعداد كبيره
حاجه كمان
بعمل ايضا كحك العيد وكل سنه وانتم طيبين فى هذه الفتره بخلص من موضوع الكحك والبسكويت ولو فى لبس للعيد ايضا بنزل واجيبه للاولاد فى هذه المرحله
وبكده بكون شطوره وخلصت كل حاجه فى الاسبوع بتاع الحيض ومش بيكون ورايه اى حاجه بعدها غير العباده فقط
ايه رأيك يا ميرو شفتى اختك شطوره ازاى
دورة تعليم الامهات اللغه الانجليزيه المستوى الاول
http://www.lakii.com/vb/a-87/a-804863/
أدعوك يا إلهي دعاء من اشتدت فاقته وضعفت قوته وقلت حيلته
دعاء الغريق الملهوف المكروب المشغوف الذى لا يجد لكشف مانزل به إلا أنت ولا إله إلا أنت
فارحمنا ياأرحم الراحمين واكشف عنا مانزل بنا من هؤلاء القوم الظالمين الباغين .
اللهم إني أشكو إليك ضعف قوتنا وقلة حيلتنا و هواننا على الناس.
أنت رب العالمين، أنت رب المستضعفين وأنت ربنا.
إلى من تكلنا يا رب؟ إلى بعيد يتجاهمنا أم إلى عدو ملكته أمرنا. إن لم يكن بك علينا غضب فلا نبالى )
مشرفة ركن التنظيف والاجهزة الكهربائية
بيبى مورو وام اروى ونوجتى حبيبتى
رفعتولى معنوياتى
انا بس استغربت ازاى بتقراو قران وانتم حائض
لان البعض منع حتى لو بجونتى
؟؟؟؟؟
انا بىق اول يوم اصومة كان اليوم لان الهانم شرفت مع اول يوم رمضان
بصراحة محيتش برمضان خالص الايام الماضية لان كنت معتمدة على اقوال اهل العلم الاكثر غالبية بمنع الحائض من قراءة القران
لكن كنت بحاول اخد اجر افطار صائم
وكنت بهتم بشئون البيت اكتر واجهز حاجات تكفينى لفترة قادمة
كنت بسمع برامج دينية
كنت بحاول احافظ على صلة الرحم
انا اليوم فكنت سعيدة لانى صليت التراويح فى البيت ولم اكسل
مشرفة ركن المقبلات
ما شاء الله يا بنوتات
حلوة أوي أفكاركم
أنا كمان محاصرة بالأسئلة من امبارح
وابني عمال يعسفني علشان مش باصلي
ومش عارفه اقول له ايه
هو عنده 5 سنين ونص
وكنا من اول رمضان بنصوم مع بعض
ونصلي التراويح والقيام وكل الصلوات طبعا
ومن امبارح وأنا اجازة وبيقول لي مصليتيش ليه
قلت له معلش يا حبيبي تعبانه شويه
بيقول لي حتى لو تعبانه لازم تقومي تصلي
انتي عاوزه ربنا يزعل منك ,, يعني تحبي أنا أدخل الجنة لوحدي وانتي متبقيش معايا
قولوا لي بقى اقول له ايييييييييييييييييييييييييه /:
اللهُم أرِنَا الحق حقاً وارزقنا اتبَاعه
...........................................وأرِنَا البَاطِل باطلاً وارزُقنا اجْتِنَابه
رب لا تذرني فردا وانت خير الوارثين
[QUOTE=بيبي مورو;13375248]بصى يا غالية يا تفهميه صح يا بلاش ده رايي
ما شاء الله يا بنوتات
حلوة أوي أفكاركم
أنا كمان محاصرة بالأسئلة من امبارح
وابني عمال يعسفني علشان مش باصلي
ومش عارفه اقول له ايه
هو عنده 5 سنين ونص
وكنا من اول رمضان بنصوم مع بعض
ونصلي التراويح والقيام وكل الصلوات طبعا
ومن امبارح وأنا اجازة وبيقول لي مصليتيش ليه
قلت له معلش يا حبيبي تعبانه شويه
بيقول لي حتى لو تعبانه لازم تقومي تصلي
انتي عاوزه ربنا يزعل منك ,, يعني تحبي أنا أدخل الجنة لوحدي وانتي متبقيش معايا
قولوا لي بقى اقول له ايييييييييييييييييييييييييه /:
علشان لو قلتيله انا تعبانة شوية يا حبيبى هيترسخ في ذهنه انه لما يكون تعبان يسيب الصلاة
وشويه وهيقولك انا كمان تعبان مش هاصلى
اقولك انا بعمل ايه انا بصلى جماعة انا وبناتى عالطول بس انا الى بفكرهم بالصلاة لانى بعرف وقت الصلاة من اذان الكمبيوتر للاسف
بعد ما الاذان ما ياذن شويه اقولها يا اروى الاذان اذن اقومى صلى تقولى يالا نصلى سوا اقولها انا صليت
وصلى على النبى فى سري يعنى يكون قصدى انى صليت على النبى شوفتى اختك اروبة ازاى؟ ههههه
مش عارفة الصراحة حكم الى بعمله ده ايه ان شاء الله مش كذب ده تورية
وساعات بتقفشنى وتقولى انا لسه سامعة الاذان حالا صليتى امتى ؟؟؟؟؟
اقولها اه صح نسيت هاصلى دلوقتى بس انا مشغولة صلى انتى الاول
بس بحاول ما اقعش فى المطب ده علشان ما تتعودش ان فى حاجة ممكن تشغل الواحد عن الصلاة
شوية لما تكبرهحاول افهمها الامور ببساطة
اما الصيام لما اكون مفطرة باكل وانا مستخبية بعيد عن العيون
امبارح بعتهم عند جارتى علشان اعرف اكل براحتى واشرب قهوتى هههه
ربنا يعيينا على تربيتهم يارب
مربية ناجحة
يا غالية اراء الفقهاء فى هذا الموضوع كتير واختلافهم رحمة لناكتبت بواسطة كنزى احمد
اتبعى الراى الذى يرتاح له قلبك
تعرفى ان فى راي عادى تمسكى المصحف وانتى حائض بدون جوانتى وفسر قوله تعالى :
لا يمسه الا المطهرون اى المؤمنون فلا يلمسه كافر
الشيخة التى اقرا عليها القران تتبع هذا الراى لانه يريحها كمحفظة للقران
انا اقرا فى المصحف بجوانتى او من شاشة الكمبيوتر تنزلى اى مصحف وتقراى عادى جدا بدون لمس ولا حاجة
لان بصراحة صعب على النساء لى فترة حيضهم طويله يوقفوا قراءة قران تماما طول الفترة
اللهم اجعل القران العظيم ربيع قلوبنا ونور صدورنا وجلاء همومنا واحزاننا اللهم امين
أعضاء قرؤوا هذا الموضوع: 0
رد مع الاستدلال
الروابط المفضلة