فكرة غريبة شوية بس جريئة جدا كنت بعملها الا وهي كشكول الاعمال يعني عندي كشكول كل يوم بالليل اكتب فيه انا عملت اية النهاردة من حسنات وسيئات وكل يوم احاول اقلل اخطائى عشان كنت بزعل لما اعمل ذنوب وكمان كنت بكتب جدول للطاعات والدعاء يعني كنت قبل رمضان اكتب دعوات الح فيها كل يوم وكل صلاة امسك صفحة الدعاء واكررها واقسم لك حوالي90%استجيبت ومنها للاصدقاء فكنت اكتب اسماء اصدقائى واقاربي واحبابي وكل واحد اكتب له دعوة منها الذرية والزواج والهداية وانا شخصيا ان ربنا يهدي عليا حماتي والحمدلله استجيبت بفضل الله. الكشكول دة كان الصديق الصالح ليا انا محتفظة بة من 5او6 سنوات وطبعا كنت اخبية وما احب حد يقراه ويذهب معي اينما ذهبت وبعد زواجي ومشاغل الحياة نسيت اكمل الكشكول واليوم حبيت اشارككم الفكرة وعودة الكشكول. ممكن يكون محتواة كالتالي: صفحة الدعاء ودى نتكتب فيها كل من نعرفه ولا ننسي الاموات خاصة القدامي كالجدود وامام كل اسم دعوة نلح علي الله بهذة الدعوات خلال شهر رمضان. وصفحة تانية نكتب جدول الطاعات في اليوم. وانا في انتظار مشاركاتكم للاضافة او اى فكرة جديدة.