انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 3 123 الأخيرالأخير
عرض النتائج 1 الى 10 من 22

جواية طاقة كبيرة ..استغلها ازاى ساعدونى

(روضة السعداء - منتديات لكِ النسائية - الأرشيف)
...
  1. #1
    cute dolly's صورة
    cute dolly غير متواجد النجم البرونزي
    تاريخ التسجيل
    Jul 2004
    الموقع
    الاسكندريه عروس البحر
    الردود
    743
    الجنس
    أنثى

    جواية طاقة كبيرة ..استغلها ازاى ساعدونى

    بسم الله الرحمن الرحيم

    السلام عليكم و رحمه الله و بركاته

    اخواتى الحبيبات
    ارجو الا تتجاهلوا رسالتى هذه
    فانى بحاجة ماسة اليكن
    وقد علمنا رسولنا الحبيب ان الله يكون فى عون العبد مادام العبد في عون اخيه
    و يعينه على الخير


    عندى مشكله كبيرة
    مش عارفه اعمل ايه
    وانا بعتبركم اصحابى و اخواتى
    رغم انى معرفش حد فيكم
    بس كفايه انكم بتقروا رسايلى
    و لعلها تفيد واحده بس فيكم
    او لعلها تذكر حد فيكم بحاجه كان غافل عنها
    او لعلها تكون قصه فيها عبره فتعتبر و تعود الى الله
    او او او
    كل هذا من اكثر اسباب حبى لكن


    مشكلتى بقى...
    انا حاسه ان جوايا طاقه كبيره قوى
    نفسي اعمل حاجه
    حاجه تنفع المسلمين و الاسلام
    و تتشفعلى عند ربي لعله يغفرلى ذنوبي
    حاسة انى اقدر
    بس مش لاقية حد جنبى ولا حد يشجعنى


    اكتر اصحابى اللى اتجوز و اللى انشغل بالشغل
    مش فى دماغهم الدعوة خالص
    ولا الاسلام
    بيصلو و بيصوموا زي اي مسلم عادي
    بس انا نفسي في الصحبه الصالحة
    و مش عارفه اجيبها منين؟؟


    حتى خطيبى مشغول جدا بشغله
    و بيضيع منه وقت كبير
    و باقى الوقت عايز يرفه عن نفسه
    او ينام و يرتاح من ضغط الشغل
    برضه بيصلى و يصوم عادي زي اي مسلم

    حتى شغلى انا اصلا بشتغل مدرسه
    و طبعا عشان الشغل صعب لللسة متخرجين
    مكنش قدامى غير شغل فى حضانه
    رغم انى خريجه كليه تربيه مش رياض اطفال
    بس قلت اشغل وقتى
    بس للاسف كانت متعبه جداااااااااااااااااا
    و حصلت مشكلة اتحججت بيها و سبت الشغل
    وبرضه كان معايا مدرسات في الشغل
    مش في دماغهم برضه
    لكن بيصلو و بيصوموا و بيتاثروا بالكلام عن الدين
    لكن..
    حاولت اتخد واحده منه صديقه تشدنى و اشدها للعمل الخيري
    و فعلا رحنا جمعيه خيريه معروفه
    و كنت مبسوطه قوى انى اخيرا هعمل حاجه تخلينى ارضى عن نفسي
    لكن للاسف..
    رحت مرتين
    طلعت.................
    اصل صاحبها كان عضو مجلس شعب تقريبا
    و كان بقى اختلااااااااااااااااط
    و هزار مع بنات و شباب عادى جدااااااااااا
    ولا كانهم في جمعيه خيريه
    قلنا لا مش هينفع
    دحنا كنا بدل مناخد ثواب هناخد ذنووووووووووووووووووب
    و سيبناها

    و بعدين رحنا جمعيه تانيه
    قلنا ناخد دوره صم و بكم
    نتعلم لغه الاشارة
    انا بصراحة قلت اشغل نفسي بحاجه مفيده
    مش عارفه هتنفعنى ولا لا بس قلت ممكن
    و برضه رحنا لقينا في دوره هتبتدي
    وفعلا اتصلت البنت بيه و بلغتنى المعاد
    لكن للاسف طلع يوم حلقه تحفيظ القران بتاعتى
    و مرحتش
    و قلتلها المعد مش مناسب
    بس مكنش فيه غيره
    و المفروض لو في حاجه تانيه كانت تتصل تبلغنا
    بس محصلش


    حتى حلقه تحفيظ القران اللى بحفظ فيها
    المحفظه جميله و شاطره و كل حاجه
    و عشان مجموعتنا بقالها حوالى 3 سنين تقريبا
    فالمجموعه بتاعتى مستواها قل جدا
    و بسبب كدا بقينا بنحفظ كميات قليله
    و لو كتير مش حافظين ناخد مراجعه
    و منخدش جديد
    و ده عملى حالت كسل
    رغم انى كنت متحمسه جدا
    و كان عندي المققدره على الحفظ اسرع و كميات اكبر
    بس عشان كم الحفظ و المراجعه كان قليل
    كنت باخره قبل مروح بيوم او 2
    بس ده مدايقنى


    مش عارفه اعمل ايه
    اخر حاجه خدت قرار فيها
    احفظ جزء لوحدى مع الجزء اللى بحفظه مع المحفظه
    و بكده اكون حفظت جزئين بدل جزء واحد
    بس مضايقه
    عشان بحب حد يسمعلى
    و يقولى صح ولا غلط
    و الاحكام مضبوطه ولا لا و كده
    و خصوصا انى نفسي احفظ اكبر كم من القران قبل الزواج
    خوفا من الانشغال فيما بعد


    البقدر اعمله دلوقتى

    انى اكتب في المنتديات الاسلاميه عالنت
    و اعتقد ان دي صدقه
    ولكنها دون تعب
    انا عايزه اتعب و اروح و اجي و اعمل


    و كمان جبت كتاب عن سيره الرسول
    عشان اعرفه اكتر و احبه
    و اقتدي بيه
    لعل حبى له يزداد فيكون شفيعا لى يوم القيامه عند ربي جل جلاله


    بس شايفه ان كل دي حاجات بسيطه
    اكيد رنا مخلقنيش عشان كده و بس
    حاسه انى لوحدى
    مش عارفه اعمل ايه


    مستخسره اضيع شبابى كده
    عشان لما ربنا يسالنى عنه يوم القيامه
    اقوله عملت كذا و كذا و كذاااااااااااا للاسلام و المسلمين



    نفسي اعمل حاجه
    نفسي في صحبه صالحة
    نفسي زوجي يكون صالح نرتفع سويا لا ننخفض لاسفل بعد الزواج
    نفسي و نفسي و نفسي


    ارجوكم الهيقرء رسالتى
    يحس بيه
    و يكون كلامه و نصائحه واقعى
    و ممكن اعمله
    او ينقل لى تجاربه و اعماله التى تفيدنى
    و جعله الله في ميزان حسناتكم


    اسفه انى طولت عليكم
    و السلام عليكم و رحمه الله و بركاته

  2. #2
    الداعيةللخير's صورة
    الداعيةللخير غير متواجد عضو نشيط
    تاريخ التسجيل
    Sep 2009
    الموقع
    الامارات-ابوظبي
    الردود
    367
    الجنس
    امرأة
    و الله يا اختي ان الله لن يضيع ابدا نيتك الصادقة واجتهادك ومجاهدتك لنفسك لفعل ما يرضيه وتذكري انه كلما تقربت الى الله بنية صادقة كلما هداك الى ما يرضيه عنك وتاكدي حتما ان الله سوف ينير لك دربك لتصلي الى ما يناسبك فعلا ويناسب قدراتك و انصحك باللجوء الى الله مالك مفاتيح كل شيء ادعوه وتذللي في الدعاء ولا تملي وكلك ثقة انه سوف يعطيك تلك الشمعة التي ستضيء لك الطريق

    وتذكري

    و من يتق الله يجعل له مخرجا و يرزقه من حيث لم يحتسب
    و لا تنسيني من دعائك بان يصلح الله لي امري

  3. #3
    cute dolly's صورة
    cute dolly غير متواجد النجم البرونزي
    تاريخ التسجيل
    Jul 2004
    الموقع
    الاسكندريه عروس البحر
    الردود
    743
    الجنس
    أنثى
    جزاك الله خيرا
    على الرد و الاهتمام و خاصه
    انى كنت اتوقع ان اجد العديد من الردود
    و الافكار والتجارب الناجحه
    لان هذا ما نتوقعه دائما من اعضاء هذا المنتدى
    على اي حال سعدت كثيرا بردك الجميل
    و لكنى اعلم ان النيه فقط لا تنفع
    فكم مسلم يقول اريد و اريد و اريد
    ولن يفعل شيئا ليجزى عليه
    و هذا ما اخشاه

    اللهم اصلح لك امرك
    و اجعلك من اهل الفردوس الاعلى مع النبين و الصديقين
    و جميع امه المسلمين و المسلمات
    بلغنا الله مبتغانا اجمعين
    انه على كل شئ قدير

  4. #4
    تاريخ التسجيل
    Mar 2009
    الموقع
    بــــلاد الحــرميــن
    الردود
    146
    الجنس
    امرأة
    جزاك رب البرية خيرا على ما قدمتيه وتقدميه للاسلام والمسلمين.

    بس اختي اللي اشوفه ان كل شخص منا على ثغر ويقدم اللي هو قادر عليه قدر المستطاع ولا يكلف الله نفسا الا وسعها..

    نسال الله الاخلاص في القول والعمل..

    حبيبتي لا تتوقعين الدعوة صعبة يعني لازم تروحي وتيجي وتتعبي بالعكس تقدرين تدعين من بيتك مثلا بالنت مثل ما قلتي وايضا عن طريق الجوال ترسلين رسائل نصح لمن رايتيها على معصية او تذكرينها بصيام النوافل او بر الوالدين او فضل الاستغفار والذكر وتذكرين فيها بعض القصص.او مثلا وانتي مسافرة اخذي معك سجادة وبعض المصاحف وبعض المطويات وخليها صدقة جارية لك.
    بس نصيحتي لك حبيبتي الاخلاص والمداومة على النصح اينما كنتي في اي زمان ومكان..
    جعلنا الله واياك والمسلمين من الدعاة اليه على بصيرة ورزقنا الاخلاص الذي هو عماد كل شيء..
    العفو على الاطالة..

  5. #5
    ندى بنتى's صورة
    ندى بنتى غير متواجد النجم الفضي
    تاريخ التسجيل
    Mar 2009
    الموقع
    ^^^فى رحاب الله الواسع^^^
    الردود
    1,455
    الجنس
    امرأة
    جزاكى الله خيرا ونفع بك الاسلام والمسلمين انا عاوزة اقولك ان كان عندى الطاقة دى بس للاسف ما استغلتهاش ف وقتها وبتمنى ترجع كل دقيقة منها ربنا معاكى ويسدد خطاكى

  6. #6
    cute dolly's صورة
    cute dolly غير متواجد النجم البرونزي
    تاريخ التسجيل
    Jul 2004
    الموقع
    الاسكندريه عروس البحر
    الردود
    743
    الجنس
    أنثى
    اولا بشكركو جدا على ردكم و اهتمامكم برسالتى
    و عايزه اقولك ياندى بنتى انت معاك حق
    الايمان بيزيد و بينقص
    و فعلا الواحد لازم ميضيعش اى فرصه ربنا يبعتهالها عشان ميندمش بعد كده
    عشان كده الرسول قالنا نغتنم فتره الشباب و الفراغ قبل مننشغل بالدنيا
    و عشان العزيمه اللي عندي دى و مش عارفه استغلها بعتلكم
    اخد رايكم و اقتراحاتكم لعلكم تقدروا تساعدونى
    و جزاكم الله خيرا
    دعواتكم اقدر اعمل حاجه تنفعنى و تشفعلى و تكفر عنى كل اللى عملته في حياتى
    وفقكم الله و نفع بكم الاسلام و المسلمين
    و برضه مستنيه ردودكم لليقدر يساعد باى فكرة او اقتراح

  7. #7
    قطرة ودق's صورة
    قطرة ودق غير متواجد النجم الفضي
    تاريخ التسجيل
    Jun 2009
    الموقع
    متى ستأتي الخلافة الاسلامية ..!؟؟
    الردود
    2,914
    الجنس
    أنثى
    بارك الله فيكِ غاليتي..
    شو رأيك بفكرة بسيطة دايما امي بتعملها يمكن تشوفيها سخيفة ومش كبيرة
    بس صدقيني انها عند ربي عظيمة فقد أدخل الله امرأة زانية الجنة بسببها
    هاي الفكرة يا اختي هو انك تحطي بوعاء ماء وحطيه خارج داركم للقطط
    وبذن الله حيكتب الله لك اجرا عظيم
    ..

  8. #8
    د-روعة غير متواجد عضو
    تاريخ التسجيل
    Jan 2006
    الردود
    62
    الجنس
    أنثى
    استغلى وقتك قبل الجواز بعد الجواز مش حيكون عندك وقت فراغ كبير كده
    احفظي أكبر قدر ممكن من القرآن الكريم
    لو شايفة أن الحلقة اللى أنتى فيها مش مساعداكي انقلى حلقة تانية أو اشتركي فى حلقتين مع بعض يكون ميعادهم مش متضارب

    واقترح عليكي كمان
    بما أنك خريجة تربية فممكن تشوفي دار أيتام قريبة منك وتساعديهم فى المذاكرة
    ومش بس الأيتام ممكن تساعدي أى طلبة مدارس حواليكي في المذاكرة


    ربنا يوفقك ويتقبل منك
    لا تنسيني من دعوة صالحة

  9. #9
    cute dolly's صورة
    cute dolly غير متواجد النجم البرونزي
    تاريخ التسجيل
    Jul 2004
    الموقع
    الاسكندريه عروس البحر
    الردود
    743
    الجنس
    أنثى
    جزاكن الله خيرا اخواتى الحبيبات
    اختى الحبيب قطرة ودق:
    فكرة رائعه جدا و كان نفسي اقدر اعملها
    بس المشكلة..
    احنا ساكنين في عمارة و فيها باب مغلق لمنع دخول القطط و هكذا
    لذا حتى لو حطيته مش هتشرب منه القطة
    وفقك الله و جزاك الله خيرا و جزى امك الجنه و جميع المسلمين و المسلمات

    حبيبتى د.روعه انا فعلا فكرت في موضوع الحلقة الثانية
    بس مش لاقي حلقة في نفس الانا وصلت له
    يا قبل يا بعد
    بس بحاول ادور تاني ان شاء الله

    و بالنسبه للمذاكرة للايتام فكرة رائعه
    لفتى نظري اليها
    بحاول اشوف دار وان شاء الاقى و تكون مواعيدها مناسبة
    جزاك الله خيرا
    وجعلنا وياك من اهل الفردوس الاعلى ان شاء الله

  10. #10
    om maram's صورة
    om maram غير متواجد عضو نشيط
    تاريخ التسجيل
    Oct 2009
    الموقع
    france
    الردود
    179
    الجنس
    امرأة

    byebye

    السلام عليكم...والله يا أختي لما قرات موضوعك حسيتك تحكي على لساني...والله وصلتي كل إلي حاسة به واللي عايشته من زمن..أنا كمان متخرجة..إختصاصي لغة و اداب فرنسية متزوجة وعايشة مع زوجي في فرنسا...ماعندي أطفال إنشغل فيهم..وبالعكس عندي وقت فراغ كثير و موش عارفة أستثمرو....والله خايفة من سؤال ربي عن شبابي كيف امضيته..حاولت أحفض قرآن بس أنا وحدي وماللقيت تشجيع....زوجي دايمن فالشغل..و هنا صعب اطبقي كل متتمني في مجال الدعوة إلى الله...أخاف أن النية وحدها لا تكفي...

مواضيع مشابهه

  1. ازاى اشرح لى ابنى ... ساعدونى
    بواسطة shaimaa 78 في ركن اللغات
    الردود: 9
    اخر موضوع: 13-06-2011, 01:06 PM
  2. بتحبها طيب استغلها
    بواسطة دودي دو في همسات بنات
    الردود: 7
    اخر موضوع: 16-04-2010, 02:06 PM
  3. ساعدونى...اعمل حنتى ازاى
    بواسطة arosa masreya في نافذة إجتماعية
    الردود: 24
    اخر موضوع: 23-09-2007, 05:33 PM
  4. سبحة كبيرة اشلون استغلها في الديكور؟؟؟؟؟؟؟؟؟؟؟؟
    بواسطة اللبؤة في الديكور الداخلي والخارجي
    الردود: 3
    اخر موضوع: 12-05-2007, 08:06 AM
  5. ساعدوني لدي خادمه كيف استغلها؟؟؟؟؟؟
    بواسطة الشوق***** في ركن الأشغال اليدوية والخياطة
    الردود: 14
    اخر موضوع: 11-08-2005, 04:43 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96