حبيبتى والله ده نعمة وفضل كبير وياريت انا البسه والله نفسى بس بابا مش موافق
يعنى حبيبتى لو تيسرلك الامر البسيه فهو عفة وطهارة ومنة من الله اتمنى ان تنعم بها كل بنات المسلمين
واحتسبى انك تقلدين زوجات النبى عشان تبقى معاهم فى الجنة
انتى عارفة الحرب اللى على النقاب دلوقتى مخليانى نفسى البسه اوى هو انا اطول اتحارب عشان دينى زى ماكان الرسول بيتحارب عشان الاسلام
بس الاهم من النقاب ان تعملى باخلاق النقاب يعنى ماتكونيش صورة سيئة للمنتقبة
انا احسبك على خير ومابقولش انك وحشة لا سمح الله لا والله بالعكس لا نزكى على الله احد ولكن احسبك مؤمنة وخلوقة
خليكى مثال للبنت المنتقبة الشريفة العفيفة الخلوقة اللى الناس كلها تتمنى تبقى زيها وتحب النقاب بسببها
وممكن ربنا يهدى على ايديكى ناس من غير ماتدعوهم بالكلام بس باخلاقك وتصرفاتك تكون دعوة للتدين والالتزام ولئن يهدى الله بك رجلا واحدا خير لك من الدنيا ومافيها
ويكون كل افعاله الصالحة اللى عملها بسببك فى ميزان حسناتك
واعرفى ان النقاب لا يمنع الزواج يعنى لو مكتوبلك تتزوجى فى سن معين النقاب مش هو اللى هياخره ولما ربنا يرزقك بالزوج هيجيلك زوج تقى وصالح مثلك
ربنا ييسرلك الحال و يكرمك ويبارك فى عمرك ويتقبل منك
الروابط المفضلة