بسم الله الرحمن الرحيم

السلام عليكم و رحمة الله و بركاته

ده اول موضوع هكتبه بعد غيابى عنكم لمدة عامين تقريبا
و بجد وحشتونى
ووحشنى المنتدى قوي
المهم مش هطول عليكم

اكيد انت نفسك تعرفي اسمه
دي حاجة المفروض انها تهم اى حد عنده قلب
و بيحس..

عايزين تعرفو هو مين
انا هقولكم
بس ركزوا معايا
و احفظوه
و اوعوا تنسوه ابدا

هو حد ينفع ينسى حبيبه؟؟

هو اسمه....

محمد بن عبد الله بن عبد المطلب بن هاشم بن عبد مناف بن قصى بن كلاب بن مرة بن كعب بن لؤى بن غالب بن فهر بن مالك بن النضر بن كنانة بن خزيمة بن مدركة بن الياس بن مضر بن نزار بن معد بن عدنان..



هو ده اسم حبيبى و حبيبك و اللى لازم يكون حبيب المسلمين كلهم..
واللى لازم كل مسلم يحفظ اسمه زي مهو حافظ اسمه و اسماء صحابه بالظبط و اكتر شوية
عشان هو اللى هيشفعلنا يوم القيامة ان شاء الله


وصيتى ليكم النهاردة تحفظوا الاسم ده
و تخلوه في قلوبكم دائما
و متنسهوش ابدا
و كل متفكري فيه
صلى عليه
عشان هو قالنا
ان ال هيصلى عليه صلاة واحده ربنا هيصلى عليه 10 صلوات
و قالنا كمان
اننا لو صلينا عليه 10 الصبح و 10 باليل ..
هددركنا شفاعته يوم القيامة


شفتوا بقى احنا مضيعين مننا ايه
حاجه بسيطة مش هتاخد مننا ثوانى
بس ثوابها عظيم قوى

ها بقى مين اول واحدة هتبتدي بالحفظ معايا
انا حفظت نصف الاسم تقريبا و براجعه باستمرار عشان منسهوش
و الحفظ ده اخد منى دقائق
بس خلانى مبسوطة قوى
عشان حسيت انى كنت بقول طبعا بحب الرسول بس بلسانى مش بقلبي و كيانى
و قلت لنفسي..
ازاى حد ممكن يحب حد و هو مش عارف اقل حاجة عنه
اللهيه اسمه..
فقررت احفظه و مش كده و بس
حسيت انى نفسي اعرفه اكتر
اعرف اخلاقه
حياته
اصحابه
زوجاته
اقاربه
سلوكه
كل حاجة..
فجبت كتاب حلو قوى و اسلوبه سهل قوى
انصح العالم كله انه يقرأه
عايزين تعرفوا اسمه؟

هو كتاب ( سيرة الرسول )
د.مصطفى مراد
كليه الدعوة جامعة الازهر
2005




اللهم اشغلني بما خلقتني له ..
ولا تشغلني بما خلقته لي