خير ما أبدأ بسم الله الرحمن الرحيم , والصلاة علي خير المرسلين.
إلي جميع أخواتي الكريمات , عندي سؤال محيرني كثير؟؟؟ إذا واحد حس بالظلم وطبعا الواحد ما
يحس بمرارته إلا إذا جرب ( والله لا يوريكم) .
ظلم من أغز الناس عنده وأقربهم (هذي المشكله) أقربهم!!!!!!!!!!!!!
ويلاقي هذي الناس متهنيه بحياتها وعايشه بخير وسعاده ( لا تعتبرن هذا حسد لا والله حشي).
والمظلوم حالته صعبه , مع إنهم أهم السبب في حالته هذي
أرجوا إن تفسرولي هذى الحاله؟؟؟؟؟؟؟؟؟؟؟؟؟؟؟؟؟؟
ومشكورين

الدنيا يومين.... يوم نعيش و يوم نموت....
حطي في بالك ان الدنيا ما تسوى الضغط العصبي والضيقة...
وبعدين يمكن الطرف الثاني مش حاس بالمشكلة اللي انتي عايشتها... أو ممكن انه ما يبي حتى يفكر بللي صار... واتني اتقولين انهم عايشين مستانسين!! يعني ما في داعي للحالة اللي انتي فيها...
يا ماما عيشي حياتك تحت ظل رضى ربك عليك أهم شي.... ودام ان ربك راضي عنك... ما في أي مخلوق يستاهل انك تتضايقين...
واذا اليوم انتي حاسة بالظلم والضيقة... باكر تنسين وتندمين على لحظات العمر اللي فاتت بدون وناسة...
ابتسمي واستانسي... الدنيا ما تسوى الزعل...

Always Keep Smiling Always keep smiling

أنصحك بقراءة كتاب "لاتحزن" لعائض القرني

مشكوره حبيبتي علي هذا الرد الحلو
بالنسبه لكلمتك إن الناس الثانيه ( الظالمين) مو حاسين , لا مو صحييح هذي قمت سعادته
يوم أخذوا مني راحت بالي و(أشياء ثانيه) !!!!!!!!
ومشكوره علي الكتاب إنشاله أقراه.

هلا أكوان...
حاولي تكونين قوية أمام مصاعب الحياة... وتذكري ان الحياة مو كلها عسل.. لازم نذوق مرارتها عشان نحس بطعمها الحلو...
وبعدين أكيد هذا ابتلاء من رب العالمين...
وصبرك على طبايع الناس لك عليه أجر ان شاء الله....
ودوم دوم دووووووووم قبل لا تنامين ناجي ربك وقولي يارب ان كان لي على الناس حق فأنا متنازله عنه عشانك يا ربي... وصفي نيتك ويا كل الناس ..
وتذكري شي مهم ان الانسان يسوي بأصله... وما في شيء يضيع عند الله...
ولا تنسين تكثرين من قول حسبي الله ونعم الوكيل ""
أكدي لنفسك دوم ان الله حسيبك وهو اللي ياخذ حقك من الناس ..


لا تنسين المثل اللي يقول:
الحقران يقطع ال............

يا بعد عمرى
يعني الواحد شنو يبي غير الكلمه الطبيبه , والتذكير بنعمة الله .

(حسبي الله ونعم الوكيل)

بسم الله الرحمن الرحيم

عزيزتي أكوان ...
الظلم موجود من زمااااااااااان وراح يظل موجود ، و نحن كلنا مرينا بفتره من الفترات شفنا فيها الظلم و الويل و كان كل واحد منا يظن أن الظلم الواقع عليه هو الاكبر و الأمّر ... لكن الحقيقة عكس ذلك ...وشلون ...؟؟
يا أختي الغالية حنا ويييييين و خيرة البشر وين ..؟؟ الظلم اللي يقع علينا في هالزمن ما يسوى ذرة من الظلم اللي شافوه السلف الصالح ، و اللي بالاخص وقع على الانبياء والرسل و على رأسهم نبينا محمد صلى الله عليه وسلم ...

نصيحتي لك أنك كل ما تذكرتي الظلم الواقع عليك أنك تذكرين هؤلاء اللي أنظلموا بأبشع أنواع الظلم المعنوي والمادي ، أنظلموا في نفسهم وفي أهلهم و بعد من مين ...؟؟ من أهلهم وناسهم ، و أنتي لما تذكرين هذا الشيء راح تهون عليك نفسك و تهدأ أعصابك و تذكري أن الشيطان أكبر عدو و ظالم للأنسان ، فلو كان الظلم من الناس يهون ... ! أما لو كان الظلم من الشيطان ...!!! فهذا اللي ما يهون فلا تخلين الشيطان يظلمك بأنه يسيطر على عقلك بتذكيرك للهم و الحزن ، وتذكري أن المؤمن مبتلى في الدنيا علشان يرتاح في الآخره ..صح ..؟

وفي مثل يقول (( اللي يبغي الدح ما يقول أح ...))

والله يوفقك و حاولي تسيطرين على عقلك و سيّري نفسك ولا تخلينها هي اللي تسيّرك طيب.

ولكم تحياتي.

انسي و حاولي ان تسامحي و تذكري ( يمهل و لا يهمل )