أنا تايه وحيران
و التلفزيون بيكلمني في ثوب المحسن الغلبان
أما رمضان فهو الرحمه والمغفره والعتق من النيران
تابعوا حكايتي .. واحكموا على حالي !!

المشهد الأول : ( التلفزيون بيعرض البرومات الخاصه بالمسلسلات والأفلام )
الاستعداد لرمضان

أنا : ممممممم
التلفزيون : أيه مالك ... مش عاجبك كل العروض اللى انا وريتهالك !!
أنا : بالعكس ، بس هو لازم يعني تعرضوا كل المسلسلات والأفلام دي في رمضان
التلفزيون : هدفنا منها أننا نسلي صيامك .. ونحلي أيامك
أنا : معاك حق أكيد ، أنا قاعد في رمضان على التلفزيون ليل نهار وهتابع كل الجديد
التلفزيون : بارك الله فيك ، وأعانك على ما قدمناه إليك




وصاحبنا سمع كلام التلفزيون الغلبان ... وبقى هو دا حاله في رمضان ...
تابعوني وبقية الحكايه

المشهد الثاني : ( وقت السحور )
في 1 – 10 رمضان



التلفزيون : رايح فين ؟؟
أنا : هقوم اتسحر
التلفزيون : طيب اتسحر وانا معاك ، هتفوت يعني الحلقه دي
أنا : آه صح ، بس انا بعد السحور عاوز انام وحاسس ان عيني تعبتني اوي
التلفزيون : طيب قوم نام ... اتسحر ونام بسرعه


رمضان : الصلاه يا مؤمنين الصلاه ... يلااا اصحى صلي الفجر
أنا : حرام عليك انا هلكان ... انا طول الليل سهران وطول النهار صايم وتعبان
رمضان : مش قولتلك مش تسمع كلام التلفزيون دا هيضيع صلاتك ويفسد حياتك



ونام صاحبنا الغلبان وضيع صلاة الفجر واحنا لسه في أول رمضان
تابعوني بكره في نفس الميعاد والمشهد التالت " ان بس بسلي صيامي "

جزاكي الله خيرا
فعلا هذا حال كثير من ابناء وبنات المسلمين
اعاننا الله على الصيام والقيام وهدانا لكل ما يحبه ويرضاه

بارك الله فيكِ ..

الله يهدي الجميع ويا رب يعيننا على صيام وقيام رمضان ..

جزاك الله خيراا
ونسأل الله الهدايه والمعافاة لنا ولجميع المسلمين ...

المشهد الثالث :
بسلى صيامى
فى نهار رمضان
رمضان : كده انت تفسد صيامك ، بلاش تلفزيون

أنا : هو انا عملت ايه يعني ، انا بسلي صيامي

رمضان : سلي صيامك بختم كتابك

أنا : هقرأ قرآن بعد الفطور ، دلوقتي انا تعبان وراسي بتدور

رمضان : طيب قوم ساعد أهلك في تحضير الفطور

أنا : شويه وهقوم ، أخلص الحته دي بس
*
*
*

المشهد الرابع (دا وقت صلاة التراويح )

أنا : يا سيدي خلاص سبني ، قولتلك هخلص المسلسل دا وبعدين هنزل أصلي التراويح

رمضان : المسلسل مش هيخلص ، ولا اللى بعده هيخلص

انا : طيب حاضر هقوم هقوم

رمضان : قوم لرحمة رمضان وللعتق من النيران

أنا : حاضر هخلص المسلسل دا بس واقوم اصلي في البيت هو لازم التراويح في المسجد يعني
رمضان : إلحق نفسك قبل فوات أوان الحسنات ، وتب قبل كتابة السيئات

أنا : ــــــــ

*
*
انــــــتــــظــرونــــا فى الجزء القادم ان شاء الله

رائئئئئئئئئئئئئئئئئئئئئئئئئئئئئئئئئئعه تسلم ايديك

الحمدلله وبفضل أولا وأخيرا ماعنديش دش يارب ليك الحمد وبشوف كم قناه دينيه من النت يارب ثبتني

اللهم اعني علي ذكرك وشكرك وحسن عبادتك

جزاك الله خير وهدا حال اغلب الناس الله يهديهم يارب

جميل جدااااااااااااا
اعجبني اسلوبك جدااااااااااا
ربنا يحميكِ يارب

رااائع أختي ..

يعطيكِ العـــــآفيه ..

بانتظارك """