كل الكلام الخاص بعدم سماع الاغانى ده جميل قوى وانا معكم فيه بسسسسسسسسسسسسسسس



ايه رايكم فى واحده تسمع اغانى مش كتير خالص ولا عاده يوميه لكن لو لقت اغنيه حلوه ممكن تسمعها وتعملها نغمه موبايل كمان والسثب
التحبب يعنى انها بتحاول انها تحب فى جوزها مش عن طريق انها تقوله كلام حلو لا عن طريق انها تسمع اغنيه وتسمى جوزها حبيبها وتطبق عليه كلام الاغنيه وتصحى مشاعرها تجاهه فتحس بلحظه سعاده حلوه وممكن تنعكس على جوزها
او سبب تانى تشغل هيا وجوزها اغنيه بيئه جدا وبلدى جدا عشان ترقصله سواء طلب او هيه الى عرضت عليه عشان تدخل لحظات سعاده على قلبه وترقصله وتحس بانوثتها معاه

او زوجين ابنهم نجح وشغلوله الاغانى الخاصه بالمناسبه دى لمده ساعه مثلا يفرحوا وينبسطوا ومينسوط فروضهم طبعا

او اغانى سبوع للبيبى


كل دى مناسبات محتاجه فعلا اغانى عشان الناس تسرح شويه وتنسى همومها ووقت الكلام ده بيبقى بسيط قوى يعنى مش كل يوم ولا مره فالشهر لا كل حد حسب ظروفه
وزمان والله اعلم النبى عليه الصلاه والسلام كان بيستمع للشعر وتقريبا درب الدفوف للاسف انا مش متاكده من الكلام ده قوى


ها قولولى ايه رايكم فى الكلام ده المقصود اننا منمنعش خالص الاغانى بس نوظفها فيما لايغضب الله والله اعلم

أختى الاغانى حرام فى كل الاحوال والاوقات
قال تعالى (ومن الناس من يشترى لهو الحديث ليضل عن سبيل الله بغير علم ويتخذها هزوا أولئك لهم عذاب مهين)---------سورة لقمان
واجتمعت اقوال الصحابه على ان المقصود من الايه الغناء وهو رأى كل مفسرى الايه من العلماء
ويوجد الكثير من الاحاديث التى تحرم الاغانى
وقول الصحابه (لا يجتمع الغناء والقرأن فى قلب واحد)
وقال ربك ( وما اتاكم الرسول فخذوه وما نهاكم عنه فنتهوا)--ونهينا عن سماع الغناء فى كل الاوقات ولا يوجد اوقات خاصه يحل فيها الغناء فهذا مدخل من مداخل الشيطان
فما نهانا عنه ربنا تبارك وتعالى وبينا صلى الله عليه وسلم يجب تركه بالكليه
فلتحذر كل فتاه تسمع الغناء فى هذه المناسبات التى ذكرتيها ان تموت على هذه المعصيه ولتحذر من عدم نطقها الشهادتين عند موتها مفيش حاجه اسمها اسمع اغانى علشان اجدد حب زوجى فى قلبى او ان ادخل على زوجى بعض السعاده فرضا الزوج من رضا الرب فكيف ترضين زوجك وربك بالمعصيه وبما نهاكى ربك ورسولك عنه
وقلب الزوج بين اصبعين من اصابع الرحمن لوشاء الله لقلبه عليك بشؤم معصيتك ولن يفرح زوجك بالرقص له ولا بمحاولتك ادخال السعاده عليه بسماع اغنيه
فحب الزوج لك من عند الله وما عند الله لا ينال إلا بطاعته
وكذلك الذين يقومون بتشغيل الاغانى فى المناسبات مثل (فرح - نجاح - سبوع)
كيف هذا يا اختى وكل هذه النعم من الله عز وجل فهو من عليك بزوج وغيرك تعانى من العنوسه او نجاح وتفوق وتحصيل علم وغيرك يعانى من الفشل او بمولود جميل غيرك حرم منه فكيف نقابل نعم الله علينا بالمعصيه (فهل جزاء الاحسان إلا الاحسان)
فربك من يدخل الفرح عليك وهو من يحزنك قال تعالى (وانه هو اضحك وابكى )سورة النجم
فكيف يدخل عليك الفرحه بمعصيه
والشعور الوهمى الذى تجده الاخوات عند سماع الاغانى (يعنى يتجدد حب زوجها فى قلبها او تشعر بالسعاده وينعكس ذلك على زوجها ) فهذا كله من عمل الشيطان ليزين المعصيه ويشعر العبد ان هذه المعصيه فيها سعادته فيلجأ لها كلما شعر بحزن حتى يتعلق قلبه بها ثم لا يتركها
والله ابدا ما فى سعاده إلا بالطاعه واتباع هدى النبى صلى الله عليه وسلم واعلمى ان القلوب بين يدى الله فلن تنالى السعاده والفرح مهما فعلتى إلا بإذن الله وبطاعته واتباع سنة نبيه
واغناء التى تقولين انه كان حلالا على وقت النبى فإنه ابيح للجاريات الصغار ان ينشدن ويضربن الدفوف (والاغانى الان غير ذلك )
والاناشيد التى كانت تنشدها الجاريات الضغار اناشيد تحس على الجهاد (كغناء بعاث )وهذه موقعه حربيه قديمه كانت تنشدها امنا عائشه عند لعبها مع الصغار وهذا ما سمح به نبيك وليس (الاغانى المتعارف عليها الان ) والاشعار التى كان يستمع الها النبى كانت تحس على الجهاد وتصف القبائل وقوتها وشمائلها فكان الصحابه ينشدون قائلين (لولا ربنا ما اهتدينا ولا تصدقنا وصلينا ) وحاشى لله ان يحل نبينا الاغانى وما نسمعه الان من كلاو بذىء
وللمزيد اسمعى دروس لمشايخ تحرم الغناء كله منها درس للشيخ (محمد يعقوب ) وما حرم كله لا يحل بعض منه ولا فى مناسبات وظروف خاصه ومفيش حاجه اسمها توظيف الاغانى فى مكانها فالاغانى كلها حرام فى جميع احوالها
وفقنا الله لطاعته

تردد
انا معاكى بصراحه بس السبب للاسف انى مش متدينه انا عاديه جدا من ناحيه الدين والحمد لله ادعولى بالهدايا بس

زهرات شذيه
اختى اا عايززه اقولك حاجه
انا عاوزه افهم يعنى انتى و زوجك طول النهار والليل و طول الوقت بتقروا قران بس؟
انا مش بجادل والله لانى مقدرش لانك ماشاء الله رديتى على كل نقطه بايه من القران الكريم
بس انا مش متخيله الوضع

للاسف انا عايزه اقول حاجه
انا عندى 20 سنه ومش مخطوبه وعادى

للاسف الجمله اللى حقولها غصب عنى بس انا بجد (متخيلش الحياه من غير اغانى)
والله انا قلت الجمله دى عشان بس تدعولى بالهدايا مش اكتر
مع انى عارفه انى حلاقى 100 رد عليا انا لوحدى وفيها هجوم جامد

بس ياريت تدعولى بس

اصل فكرتى ان الواحد مش بيعمل كل حاجه صح عشان كده يقف لحد الاغانى ويعمل ستوب
بعمل حاجات غلط كتير وبحاول اصلحها طبعا ومزودهاش
بس ياريت تفهموا وجهه نظرى

اختي الغناء محرم باجماع العلماء ربنا يهديك ويرزقك الزوج الصالح اللي ميسمعش الاغاني وعلى فكرة انا اصغر منك بسنة لو حابة تتعرفي علي راسليني على الخاص

أختي العزيزه لو عايزه تفرحي فهناك البديل ( الأناشيد الإسلاميه ) ولكل المناسبات أيضاً ..

انتي فقط ابحثي على جوجل وان شاء الله تلاقي اللي تحبي ..

انا مش شايفه مشكله في اغاني الاطفال واغاني السبوع وغاني عيد الميلاد
لو اغاني الحب هي الي ممكن تكون حرام فايه حرمانيه الاغاني الي مفيهاش حب
زي الاغاني للعيد مثلا او للاطفال او رمضان او للبلد
وليه لا لما اكون عامله حافله في اي مناسبه واكون مشغله اغاني مش هقول فيديو كليب لكن كاسيت

في الحفلات الاناشيد الاسلاميه لا تناسبها بردو الرسول عليه الصلاه والسلام قال
روحو القلوب ساعة بعد ساعة

يعني مش دايما هنبقي بنقرا قران او بنسمع اناشيد

ده رائي يعني والله اعلم

المشكلة اللتي نجهلها جميعا
ان
مش الاغاني في حد ذاتها الي حراام

بل الموسيقى هي المحرمة

مزمار الشيطان هي الي حرام

الموسيقى يا اخوات ثورت النفاق في القلب


في اغاني الاطفال والحب وكل حاجة بس من غير موسيقى

وهي ما تسمى باناشيد


يستحيل يكون قلب يجمع بين حب الله وبين الموسيقى

لو تقوليلي انك بتحبي ربنا وبتسمعي الموسيقى

اقولك انت كذابة

او مش فاهمة معنى الحب ايه

انك تحب معناه انك تكون زي ما حبيبك عاوز

ربنا محرمش الاغاني عبث

ده مزمار الشيطان بينادي بيه القلوب الغافلة

لو اطعتي ربنا واتبعتي الرسول مش حتلاقي وقت لسماع الاغاني

مثلا وانتي بتتصفحي النت استمعي لاناشيد

قران

دروس

تغنيييييييييييك عن سماع الموسيقى

انا مش حنكر اني لما كنت في السنوية قبل الجواز

كنت بعشق الموسيقى

ومكنتش اتخيل اني اعيش من غيرها

انام عليها والسماعات في اذني طول الليل وانا نايمة واصحى الصبح وهي شغالة في اذني

مفتكرش في حد مدمن على الاغاني زي مكنت

بس لما تعرفي تحبي صح

حتسيبي اي حاجة عشان حبيبك

لما تستشعري وجود حبيبك جنبك (الله سبحانه وتعالى )

حتنسي الاغاني والي يجي من وراها

مثلا بتستفيدي ايه منها!!

تقولي كلمات لزوجك

طيب استعيضي عنها بالشعر من غير موسيقى وقوليها لزوجك مباشرة

او ارسيلولو ياها في مسج او ايميل

او اكتبيها في ورق وحطيها في شنطة عملو يتفاجأ بها

والله السعادة الحقيقية في حب الله

تصوري لو ابوك بيرفض انك تسمعي اغاني

لو دخل عليك الغرفة ولقاكي بتستمعي الاغاني حتعملي ايه؟؟

عطول حتوطي الصوت او تضفيه

طيب ربنا مش حيستأذن يدخل غرفتك هو شايفك وسامعك


انت عارفة يعني ايه تعملي حاجة ابوك مبيحبهاش قدامو<<

ده ممكن يغضب منك

طيب فكري في غضب ربنا

ولا انت مش مستوعبة الكلام


انت شايفة حلم ربنا علينا

بنعصيه وهو ليس بغافل عنا

ولا هاملنا
ولكنه سبحاااااااانه جل في علااااااااه ماهلنا

عطينا وقت ممكن نرجع وممكن نتوب
ممكن نحبه في يوم

وممكن اوي نموت على المعصية


هو حد ضامن عمره

ياما شباب بيموتو من غير مقدمات

اختي الاميرة هو الرسول قالك روحيها بالاغاني !!!

بالله عليكم يا اخوات

ما تستدلوش بحاجة انتو مش فامنها اصلا

ممكن تروحي عن نفسك بذكر الله
الا بذكر الله تطمأن القلوب

اقرئي كتب فقهية تعلمي فيها دينك

تصفحي النت في اشياء مفيدة

لا تجعلي الله اهون الناظرين اليك

الاغاني والموسيقى بتجر زي البحر

والي بيسمع موسيقى يستحيل يجمع في قلبه حب القران وحب ربنا

وليا رجعة باذن الله

ايه رايكم فى واحده تسمع اغانى مش كتير خالص ولا عاده يوميه لكن لو لقت اغنيه حلوه ممكن تسمعها وتعملها نغمه موبايل كمان والسثب

ده يبقى الشيطان بيمهد لها
وكل شوي حيطلع لها اغنية حلوة

طيب قوليلي الحلاوة فيها فين!!!

انا اجاوب مكانك
الحلاوة دي بيخليكي الشيطان تحسيها لانك بتعصي ربنا فيها

التحبب يعنى انها بتحاول انها تحب فى جوزها مش عن طريق انها تقوله كلام حلو لا عن طريق انها تسمع اغنيه وتسمى جوزها حبيبها وتطبق عليه كلام الاغنيه وتصحى مشاعرها تجاهه فتحس بلحظه سعاده حلوه وممكن تنعكس على جوزها


او سبب تانى تشغل هيا وجوزها اغنيه بيئه جدا وبلدى جدا عشان ترقصله سواء طلب او هيه الى عرضت عليه عشان تدخل لحظات سعاده على قلبه وترقصله وتحس بانوثتها معاه

مفيش مشكلة ممكن توضف الكلام بس
مش تسمع الاغنية وتسمعها لجوزها

بس يا ترى هي حترضى تخلي زوجها يستمتع بصوت وحدة ثانية !!
تخلي لو زوجها بدأ يتخيل المغنية الي اكيد حاطة كيلو روج وكيلو مكياج عيون
ومليون ونص عمليات تجميل
ولبس فاضح

او زوجين ابنهم نجح وشغلوله الاغانى الخاصه بالمناسبه دى لمده ساعه مثلا يفرحوا وينبسطوا ومينسوط فروضهم طبعا

طيب ضمنتي ربنا ياخذ عمرهم في الساعة الي بيعصو فيها ربنا دي

يعني معقول ربنا اكرمهم بنجاح ابنهم يقومو يفرحو بعصيان ربنا!!!

ممكن اوي يشترولو هدية يطلعوه فسحة
يشغلو اناشيد نجاح الاطفال وهي كثييييييييييييييييرة اوي

او اغانى سبوع للبيبى

هي اصلا كلها شرك و معصبة في كلامها غير الموسيقى الي فيها

فيه اناشيد حلوة اوي للعقيقة
ومن غير معصية
بدل ميفرحو بنعمة ربنا (المولود الجديد بالشكر وذكر الله)
يقومو يعصو رب العزة

كل دى مناسبات محتاجه فعلا اغانى عشان الناس تسرح شويه وتنسى همومها ووقت الكلام ده بيبقى بسيط قوى يعنى مش كل يوم ولا مره فالشهر لا كل حد حسب ظروفه
وزمان والله اعلم النبى عليه الصلاه والسلام كان بيستمع للشعر وتقريبا درب الدفوف للاسف انا مش متاكده من الكلام ده قوى

هي الهموم في القران والاناشيد والدروس ولا ايه!!!
تنسى همومها بالاغاني وتروح على نفسها من القران!!!

انتبهو شوي للكلام

الا بذكر الله تطمأن القلوب

انا اقسم بالله اللذي لا اله غيره

عمرك محتنسي همووووووووووومك لو بعدتي عن كلام ربنا

والله اعلم النبى عليه الصلاه والسلام كان بيستمع للشعر وتقريبا درب الدفوف للاسف انا مش متاكده من الكلام ده قوى

الرسول صل الله عليه وسلم ماكنش بيستمع لدفوف

الدفوف مسموج بيها للنساء بس في الاعراس والمناسبات
مثل الاعياد وكدة
بس الموسيقى لأ لآلآلآلآلآلآلآلآلآلآلآلآلآلآلآلآلآلآلآ

لانها بكل بساطة مزمار الشيطان

وليا رجعة باذن الله
ارتب افكاري شوي

قال الله تعالى :
{وَاسْتَفْزِزْ مَنِ اسْتَطَعْتَ مِنْهُمْ بِصَوْتِكَ وَأَجْلِبْ عَلَيْهِم بِخَيْلِكَ وَرَجِلِكَ وَشَارِكْهُمْ فِي الأَمْوَالِ وَالأَوْلادِ وَعِدْهُمْ وَمَا يَعِدُهُمُ الشَّيْطَانُ إِلاَّ غُرُوراً }الإسراء64
الشرح في التفسير الجلالين : (واستفزز) استخف (من استطعت منهم بصوتك) بدعائك بالغناء والمزامير وكل داع إلى المعصية (وأجلب) صح (عليهم بخيلك ورجلك) وهم الركاب والمشاة في المعاصي (وشاركهم في الأموال) المحرمة كالربا والغصب (والأولاد) من الزنى (وعدهم) بأن لا بعث ولا جزاء (وما يعدهم الشيطان) بذلك (إلا غرورا) باطلا

أي أن الغناء والموسيقا صوت الشيطان أيا كان ... بنية طيبة أم لا ...