يا بنات أنا بقي هأحكيلكم تفاصيل تفكيري و لبسي للنقاب
شوفوا بقي
انا بعد حوالي سنة و نص من زواجي تعرف زوجي بأصدقاء جدد و اتعرفت انا علي زوجاتهم
هما كانوا اثنين و كانوا منتقبات وانا بالحجاب العادي في الأول قلت دول هيبقوا بقي نكد و مش هيضحكوا
زي الفكرة اللي أغلب الناس أخداها عن المنتقبات
المهم لقيتهم زي العسل و طبيعيين ههههههههههه يعني بيتلموا و يضحكوا و يحكوا كده
و ابتدينا نخرج مع بعض مع أزواجنا طبعا
و لقيت نفسي بأغير منهم (غيرة محمودة) ازاي؟
لقيتني بأقول لنفسي
اشمعني أزواجهم شايفيني و زوجي مش شايفهم يا بختهم و ابتديت أحس اني مكسوفة انهم يشوفوني
و أحس ان ده مش من حقهم بس كل ده و النقاب مش في بالي اوي
بس ربك لما يريد
الشيطان قعد يقو لي هما ماشاء الله عليهم بس انتي برده مش وحشة انتي لابسة الحجاب و لبسك مش وحش
و مش بتحطي ماكياج كتير ده يا دوب روج و كحل خلاص بقي انتي شاطرة غيرك مش لابس حجاب خالص او
لابسينه و مش ملتزمين
المهم سكت الموضوع في عقلي بس في قلبي كنت بأحس ان فيه حاجة غلط و بأحس بالغيرة
ربنا بعت لي رسالة تانية
كان عندنا واحد من أصدقاء زوجي العزاب في البيت
معزوم علي الغدا و انا كنت لابسة الاسدال و من غير ماكياج و هو كان رايح يخطب و ماحصلش نصيب
لقيته بيقول لزوجي انا عايز اتجوز واحدة حلوة زي أم مؤمن
استغربت جدا و كأن ربنا بيقولي شفتي؟ يعني لا ماكياج و لا لبس بيقرق و طبعا هو ما شافش مني غير وجهي
قلبي وجعني اوي و بقيت أحسد كل واحدة منتقبة علي النعمة اللي هي فيها
المهم مؤخرا لقيت نفسي بدأت الاحظ اوي نظرات الناس في الشغل و في الشارع
مع اني و الله لبسي عادي و محترم و انا بطبيعتي مش بأحب الماكياج
المهم لقيت نفسي بتحدثني اني فعلا لازم البس النقاب
عشان أقرب من ربنا أكتر و عشان أحس اني غالية و مش حاجة مكشوفة لكل الناس تتفرج عليها و تقول رأيها
و بدأت مرحلة الجهاد مع نفسي و مع الشيطان
فبدأ يقولي انتي جميلة بتستخبي ليه؟ حد طايل ان الناس تبص له من غير ما يعمل حاجة تلفت نظرهم؟
و بعدين انتي كده هتحبسي نفسك
وكان ردي عشان انا جميلة لازم أكون غالية و مش كل الناس تتفرج عليا و كمان عيون الناس دي كأنها سكاكين بتمزقني
و انا ايه اللي هيحبسني؟ انا مش بأخرج اساس غير مرتين في الأسبوع لماما و شغلي و بأكون في العربية مع زوجي ولو مواصلات ايه المانع؟
يقولي مش هتقدري تروحي البحر
قلت له الله يخرب بيتك وهو انا يعني كنت بألبس مايوه؟؟
يقولي طيب في شغلك مش هينفع تبقي مدرسة و لابسة نقاب
قلت له انا هأشوف لو قدرت هأشتغل و تبقي نعمة من عند ربنا و لو ما قدرتش هأسيب الشغل
قالي ده شغلك اللي انتي بتحبيه و لو سبتيه تموتي
قلت له لا ربنا أحسن ومن ترك شيئا لله عوضه الله خيرا منه
و خدوا من ده كتير بقي
و منها طيب علي دخول رمضان ابقي البسيه او علي الأقل استني للشتا ده اتي هتتسلقس في الصيف
المهم قعد يجاهد فيا حوالي سنة مش يوم والا اتنين
لحد ما عملت الموضوع ده عشان أقوي نفسي و أشجعها و الحمد لله حصل
وقررت اني ألبسه و فضلت صاحية طول الليل لأن الشيطان قال ايه لما أكثف جهودي شوية
ههههههههههههههههههه
الحمد لله ربنا ساعدني و جعل قصصكم دافع قوي يقويني
لأني لما قريت المصاعب اللي مريتم بيها قلت لنفسي
شوفي الناس بتقابل ايه؟
و انتي ربنا ميسرهالك ومفيش حد عندك هيعترض
ده انتي يبقي معندكيش دم بقي لو ما عملتيهوش
وسبحان الله قبل ما أنزل من البيت لقيت ابنب عمره سنتين و نص بيقولي بلغته اللي زي عسل و يشاورلي بأيده اني أحط روج و كحل زي كل مرة
اتفاجئت هو ده اللي عايزة ابني يتربي عليه؟
ان النساء لما ينزلوا الشارع يحطوا ماكياج و انا نفسي انه يطلع داعية؟
قلت لنفسي دي رسالة من ربنا عشان تثبتك و تقولك ياللا اعملي اللي ناوية عليه
توكلت علي الله و رحت اشتريته و لبسته و كنت فرحانة اوي و انا نازلة بيه لأول مرة و كمان ماما فرحت بيا جدا
تخيلوا؟
ومؤمن كمان
الحمد لله
و لما رحت الشغل لقيتهم فرحوا بيا جدا و الطلبة و الطالبنات بتوعي فرحوا اوي و قالوا هنكمل معاكي
سبحان الله
و كده هأشتغل و ألبس النقاب
بس عارفين يا بنات الأحساس رائع فعلا حسيت ان الأصل في الفطرة الستر
يعني انا مش متخيلة دلوقتي اني ممكن حد يشوف وشي تاني
بغض النظر عن كونه فرض او فضل
الأصل في احساس المرأة انها تحب الستر
و والله اني حسيت بأنوثتي أكثر من ساعة ما لبسته و حسيت بقيربي من ربنا أكتر
و بعدين انا كنت متعودة لما أروح الشغل أقعد قي المواصلات أذكر الله و طبعا ما كنتش بأقدر أحرك شفايفي
لأن الناس بتستغرب سبحان الله لو كنت بأغني كان بقي عادي
المهم دلوقتي بأذكر ربنا في كل وقت
يااااااااااااااااااااه
انا طولت عليكم اوي
ادعولي بالثبات و الهداية أكثر
و لأبني بالصلاح
و لزوجي بالهداية
ياللا السلام عليكم

ود الرابط بتاع موضوعي اللي كتبتم فيه قصصكم اللي قويتني و ساعدتني علي اتخاذ القرار
http://www.lakii.com/vb/showthread.php?t=542423

[COLOR="Sienna"]يا بنات من الكلمات التي لمست قلبي في حكاياتكم
من ألأخت الحلوة أشرقت هذه الكلمات

.. بس بجد النقاب نعمة كبيرة جداً من ربنا وفعلاً ما في حد يقدر قيمة النقاب إلا المنتقبات أو الحد إل بيسع له .. وقتها لما تلبسي النقاب وتنزلي به الشارع لأول مرة هتعرفي الفرق وهل فعلاً كان حجابك حجاب قبل النقاب ولا حاجة تانية .. أقسم لكم بالله أنا أوقات كنت بحس لما بشوف الملحفة بتاعتي متعلقة على الشماعة كنت بحس حالي عايزة أقوم احضنها واحساس ولا مرة نسيته بحس إن الملحفة بتحضني والله بالظبط زي لما تكون أم خايفة على ابنها وتحضنه أوي عايزة تدخله جواها علشان تحميه والله حسيت مع الملحفة بكدة ..

و من الأخت محبة طيبة
هذه الكلمات

احلى شيء في النقاب انك تشعرين انك تقلدين امهات المؤمنين زوجات النبي الكريم صلى الله عليه وعلى آله وأزواجه وذرياته الطيبين الطاهرين .. فكن رضي الله عنهن يسدلن على رؤسهن الخمار ..

و من القمر عصفوراية
هذه الكلمات

انى اول ما لبست النقاب ونويت انى اخرج بيه رفعت ايدى لله سبحانه وتعالى وقلت له يا رب انا لبسته ابتغاء مرضاتك وحبك فارزقنى السعاده بيه ارزقنى السعاده بيه ارزقنى السعاده بيه
والان انا سعيده بيه والحمد لله رب العالمين

[معلش ملحوظه كان لازم اقولها:من يوم دخول النقاب حياتى وانا مواظبه على صلاة الفجر وقيام الليل والاستغفار ،لانه فعلا كالصديق الصالح الذى يعينك على فعل الخير فلا تتردى اختى وتقولى غدا او بعد غد فإن الحياه قصيره جدا والنهايه قريبه واكيد انك تريدى لقاء ربك سبحانه وتعالى وانتى فى ابهى صورك وهى الصوره التى فرضها عليكى سبحانه ليصونك ويجعلك ذات قيمه امام النا س
فالشىء القيم الغالى يغطى ختى لا يصيبه الاذى


/COLOR]

و من الأخت أم حزم

ودلوقتي عندي بنوته عندها 9 شهور بأذن الله ناويه البسها الاسدال في الخروج من سن 3 سنوات علشان تعرف الحجاب والنقاب من سن 10 سنوات بأذن الله

جزاكم الله كل خير و جعل هذه الكلمات في ميزان حسناتكم

والله أنا فرحت لك أوي أوي أوي وهذا أحسن خبر سمعته اليوم

الله يثبتك حبيبتي والله يتمم عليك ان شاء الله وعلى باقي الأخوات

ويجمعنا جميعا في الفردوس الأعلى اللهم أمين

بيروالف الف مبروك على نقابك وندعو لكى بالثبات والاجر والثواب أنشاء الله و لنا بالغيره المحموده أبتغاء رضاء الله عز وجل أمين أمين

وعليكم السلام ورحمة الله وبركاته ،
مُباااااااااااارك .. مُبَااااااااااااااارك يابيرو
ثبتكِ الله على طاعته ...
سعييييييدة لأجلك جداً جداً

ولاحظى حبيبتى أن النقاب بداية للطريق وليس النهاية
ثبتكِ الله ورزقنا وإياكِ الاستقامة على دينه
وهدى زوجك وأنبت ابنك ِ النبات الحسن

الف مبروك وعقبالي ولكن زوجي معارض

الف الف مبررررررررررررررروك حبيبتي
والله فرحت لك من كل قلبي
ياااااااااااارب يثبتك على طااااااااااعته

ربنا يخليكوا و الله انا فعلا محتاجة دعائكم جدا
و عقبال كل بنات لمسلمين يا رب
و الله انا في قلبي فرحة عمري ما حسيتها
فرحة من نوع غريب
ادعو لي يا بنات

كتبت بواسطة soufya

الف مبروك وعقبالي ولكن زوجي معارض

شوفي حبيبتي لازم تدعين ربي ان يهدي زوجك
وذكرررررريه ان الاثم عليه يوم القيامه
وقولي له ايااااااااات فيها تخويف من رب العااااااااالمين
وانه شلون يرضى حد يشوفك غيره مفروض يغاااااااار عليكي
وبعدين لاطاااااااعة لمخلوق في معصية الخااااااااااااااالق
انا انصحك انك تجاااااااااااااااهدين من اجل عفافك

بسم الله ما شاء الله
ربي يثبتك على طاعته ويعينك على ذكره وشكره وحسن عبادته
ألف مبارك
هيا بدأت طريق الخير فأمضي به واثقة الخطوة