لسه بتتفرجي على افلام ومسلسلات؟؟؟؟

طيب اختي حبيبتي انا هسالك اسئله وجاوبي عليها وبعد ما تجاوبي هسيبك انتي تحكمي بنفسك

السؤال الاول: احنا اتخلقنا ليه؟ يعني ربنا خلقنا ليه ؟

هتقولي طبعا علشان نعبد ربنا
فعلا قال تعالى " وما خلقت الجن والانس الا ليعبدون "
يعني احنا اتخلقنا للعباده وبس
طيب هتقوليلي لاء وتعمير الارض كمان
طيب انتي قصدك الشغل يعني ؟؟
ممكن يكون الشغل والتعمير عباده
وممكن يكون لهو ...ازاي؟؟
يعني اللي بينام ويضبط المنبه على معاد الشغل ومش هيقوم يصلي الفجر ويقوم يروح شغله يكذب على ده وينصب على ده ولا يتقي الله في عمله ده يبقى ايه ؟ عباده ؟؟ اكيد لاء

طيب هتقولي احنا الحمد لله بنصلي ونقراء قران ونعبد ربنا تمام ... بس لازم يكون فيه ترفيه عن النفس ...ساعه لقلبك وساعه لربك

هقولك حبيبتي الله عز وجل يقول "قل ان صلاتي ونسكي ومحياي ومماتي لله رب العالمين"
يعني كل حياتنا لله ومماتنا يعني حتى الترفيه لازم يكون في رضا الله

السؤال التاني : بالله عليكي وانتي قاعده بتتفرجي على فيلم او مسلسل بتحسي انك بتعبدي ربنا؟
بتحسي ان دي عباده بتاخدي عليها حسنات ؟؟
طيب بتحسي ان قلبك بيقرب لربنا او ممكن تبكي من خشيه الله؟؟

السؤال الثالث: طيب اختي حبيبتي انتي تحبي تموتي وانتي في الحاله دي ؟
يعني احب لنفسك انك تموتي امام فيلم او مسلسل والا وانتي بتصلي او بتقرئي قران؟؟
طيب ما هو من عاش على شيء مات عليه
طيب لو سمعتي ان حد مات في الوضع ده هتقولي "ياسلام والله موته حلوة ياريتني اموت زيها"؟؟

بالله عليكي حياتنا مش اتحولت ان الاساس هو التلفزيون وبالعافيه كده تقومي تقضي فرض ربنا وتصلي او تذكري ربنا
ممكن لو انتي قاعده قدام فيلم او مسلسل تستغفري وتسبحي ؟؟
كام مره ؟؟
انتي مش عارفه بتضيعي ثواب قد ايه بالغفله عن الذكر؟؟

السؤال الرابع : انتي اكيد عارفه ان الاغاني والمعازف حرام
طيب هسالك ؟ في فيلم او مسلسل مفيهوش موسيقى او اغاني او معازف ؟
طيب في فيلم مفيهوش فتاه متبرجه او رجل ؟ ها؟ هتغضي بصرك؟

طيب في فيلم مش بيعلموا فيه الغزل والنظر والحب والغرام في الحرام ويسموه حب طاهر

انا بس عايزاكي تقفي مع نفسك وقفه صغيرة وتراجعي نفسك وتجاوبي على الاسئله دي
وتقولي انا فعلا حال قلبي وانا قدام فيلم او مسلسل هيكون زي حال قلبي وانا قدام مجلس علم او برنامج يعلمني ديني؟ وعندك ما شاء الله القنوات الاسلاميه ربنا يبارك فيها واسمعي كلام ربنا اكيد احسن من اي شىء
ولو طهرت قلوبنا ما شبعت من كلام ربنا
يعني هتسمعيه ليل ونهار ومتشبعيش

وما تقوليش انا عندي وقت فراغ
لا والله المسلم مش ممكن يكون عنده وقت فراغ
لو بتصلي الصلاة في وقتها والسنن الرواتب وتقرئي ورد يومي للقران ولو جزء واحد فقط
وان شاء الله تصلي قيام الليل ولو ركعتين
وتحفظي ولو ايه واحده كل يوم
وتسمعي شريط او درس يعلمك دينك
وهتذكري ربنا كثيرا : ده سبحان الله وبحمده سبحان الله العظيم بنخله في الجنه
ايه استغنينا عن الجنه؟

والله مش هيبقى عندك وقت تبصي وراكي

يعني احنا خلاص اتعلمنا امور ديننا كله وادينا ربنا حقه عشان كده عندنا وقت فاضي
تاملي اختي الملائكه التي تسجد لله ولا ترفع من السجود الا يوم القيامه وتقول
سبحانك ربي ما عبدناك حق عبادتك

طيب احنا بقه نقول ايه ؟؟
والله مقصرين

يارب اغفر لنا تقصيرنا واهدنا واهد بنا

كلمات طيبة .. ناصحة ..
جزاك الله خيرا .. ونفع بكِ

جزاك الله خيرا

انا ماعندي اصلا تلفزيون

يعطيك العافيه ..
جزاك الله خيراً ..

بارك الله بك
جعلها الله في ميزان حسناتك
اللهم اغفر لنا وتب علينا اللهم انانرجو حسن الخاتمه

جزاك الله خيرا
بارك الله فيك
اللهم لاتزغ قلوبنا

جزاك الله خير وجعله الله في موازين حسناتك

جزاكم الله خيرا اخواتي الاحباء وزادكم ايمانا
بس لي طلب عندكم

ياريت تدعولي ربنا يتوب على زوجي من التلفزيون وعلى كل المسلمين اللهم امين ويخرجوا من بيتي
جزاكم الله خيرا

والله يا اختي كلامك مضبوط مية بالمية يا ريت الكل يفهمة ويعية
للاسف اصبح التلفزيون جزء لا يتجزء من حياتنا
اصبح نظام حياتنا يسير على التلفزيون
غزانا الغرب بافلامهم وافكار برامجهم
الهونا وادعو انها يرفهون عن انفسنا
لا حول ولا قوة الا بالله
اشكرك اختي
بيسان