السلام عليكم ورحمة الله وبركاته

صباح الخير للي دخلوا الصبح ومساء الخير للي دخلوا بالليل << بترضي جميع العضوات

اكيد كلكم تبون تصيرون هوامير وتبون فلوسكم تكثر وتكثر وتكثر

مين منكم يحلم انه يصير غننني اكيد كللللكم وانا اولكم
بس المشكله انو كل شي غاااااااالي هالايام فصعبه انو الواحد يجمع له قرشين خاصه الشباب ياقلبي عليهم والله اني ارحمهم وشلون يبي يتزوجون ويفتحون بيوت ويجيبون عيال << كني طلعت عن الموضوع

ومع هالغلاء كثررت البنوك صارت اكثر من البقالات في كل شارع 4 او 5 بنوك
والمشكله انو اغلبهم اذا مو كلهم مستغليييينا ومع هذا لازم يكون عندنا في كل بنك حساب
وكلما فتح بنك جديد طرنااا له نفتح حساب خخخخخ والله من كثر الدراهم عاد تلقينها كلها فاضيه بس برستيج قدام الناس لازم لاشافو بوكك شافوو صفت هالبطايق
عاد من كثر مااروح لهالبنوك << اقول لايكثر

لقيت لكم بنك خطييييييييييييييييييييير وكلكم تعرفونه بس شكلكم ناسينه او ماتوقعتو انو بهالمميزات والاهميه

ومن مميزات هالبنك << بتحمسكم
1- قريييب من كل وحده فيكم يعني متوفر في كل مكان
2- ماله وقت ماحدد 24 على24
3- أي شي تحطينه فيه يقبله بدون تعب واوراق وحوسه
4- مايحتاج لا معرف ولااااشي
5- يضاااااااااااااااااااااااااااا ااااااااااااااااااااااااااعف اللي تحطينه فيه

وناسه صح ؟

تبون تعرفونه ؟

اسمه

بنك ( الحسنات )

يمكن بعضكم يقول وش تبي ذي جايه تنصحنا عارفين هالكلام قبل نشوفها
بقولهم ( ان الذكرى تنفع المسلمين ) والموضوع مو ماخذ من وقتك كثير اقريه واحتسبي الاجر

واقري قوله سبحانه :" إن الذين يتلون كتاب الله وأقاموا الصلاة وأنفقوا مما رزقناهم سرا وعلانية يرجون تجارة لن تبور.ليوفيهم أجورهم ويزيدهم من فضله إنه غفور شكور"

شوفي هالكلمه الصغيره

( لا اله الا الله)

تدرين اذا قلتيها كم يدخل في رصيدك ؟؟

اقري هالحديث وتعرفين

ومن فضائل لا إله إلا الله أنها إذا رسخت في قلب العبد بددت ضباب الذنوب وغيومها فعن عبد الله بن عمر مرفوعاً (يصاح برجل من أمتي على رؤوس الخلائق يوم القيامة فينشر له تسعة وتسعون سجلاً كل سجل مد البصر ثم يقال : أتنكر من هذا شيئاً ؟ فيقول : لا يارب . فيقال : ألك عذر أو حسنة ؟ فيقول: لا . فيقال : بلى إن لك عندنا اليوم حسنة وإنه لا ظلم عليك فيخرج له بطاقة فيها أشهد أن لا إله إلا الله وأن محمداً عبده ورسوله فيقول : يا رب ما هذه البطاقة مع هذه السجلات؟ فيقال: إنك لا تظلم فتوضع في كفة و البطاقة في كفة فطاشت السجلات وثقلت البطاقة))([12])رواه أحمد والترمذي وغيرهما ، بإسناد صالح .

أيها المؤمنون إن من فضائل لا إله إلا الله الكبار أنها تثمر العمل الصالح فجميع الأعمال الصالحة الظاهرة والباطنة إنما هي ثمرة هذه الكلمة المباركة قال الله تعالى : ﴿أَلَمْ تَرَ كَيْفَ ضَرَبَ اللَّهُ مَثَلاً كَلِمَةً طَيِّبَةً كَشَجَرَةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاءِ . تُؤْتِي أُكُلَهَا كُلَّ حِينٍ بِإِذْنِ رَبِّهَا وَيَضْرِبُ اللَّهُ الْأَمْثَالَ لِلنَّاسِ لَعَلَّهُمْ يَتَذَكَّرُون﴾([13])فشبه سبحانه الكلمة الطيبة بالشجرة الطيبة فمن رسخت هذه الكلمة الطيبة في قلبه إيماناً وتصديقاً انقادت جوارحه لأمر الله تعالى عملاً وتطبيقاً فلا إله إلا الله ما أعظم هذه الكلمة وأكثر فضائلها.

صراحه بعد الحديثين يعجز اللسان عن التعبير
اللهم اجعل اخر كلامنا لا اله الا محمد رسول الله

من ينكر منا انه يرتكب ذنوب ؟

طيب احسبي معي اليوم شفتي التلفزيون وسمعتي اغاني ولبستي عاري وو ..الخ
وبكره نفس الشي واللي بعده واللي بعد والشهر الجاي والسنه الجايه واللي بعدها
وبعدين ؟؟

خلاص هذي حياتك تجمعين من هالذنوب وبس
اتوقع كثيييير منكم مايسوي في اليوم من العبادات الا الصلااة وياليتها في وقتها وبخشوع

تدروون وش مشكلتنا
مافيه حل وسط ياانك راح بتجمعين ذنوب بدون ماتجمعين حسنات او العكس
وياااااااليتنا تجمع حسنات بدون ذنوب كل انسان يتمنى يكون كذا بس الشيطان شاطر اعوذ بالله منه
واذا ارتكبتي ذنب دااايم تعجزين انك تسوين حسنه وهذا من الشيطان
فليش ماتحاولين اقل شي توازنين

في البدايه خليك على معصيتك اذا صععب انك تتركينه بسهوله
بس خلي قلبك دايم شغال بالطاعه
خلي ثمرة الاسلام تشتغل عندك
الا متى وحنا معطلينها ؟؟

خليك لما تشوفين لبس على طول يجي في بالك حلال ولا حرام ؟ بدال حلو ولا مو حلو ؟ واذا كان حلال فكري حلو ولا لا

لما تجي اغنيه فكري حلال ولا حرام ؟ وش راح استفيد لما اسمعها ؟ ووش راح اخسر لما اسمعها ؟

اذا كان بالتلفزيون مسلسل وبرنامج ديني
فكري وش اللي راح تستفيدين منه اكثر وش اللي راح يظل معك اجره طول العمر
الوقت اللي ضيعتيه في مسلسل او الوقت اللي راح في متابعه برنامج مفيد ينفعك بالدنيا والاخره ؟

والمهم لساااااانك
اشغلييييه بالذكر

ماتطفشون وانتو راكبين السياره ؟؟
اكيد كلكم تطفشون
طيب ليش ماتخلون هالدقايق مفيده بالنسبه لكم وتنفعكم يوم الحساب
فكري كيف بتقابلين ربك بدون رصيد كافي ؟؟

والله الدين يسر بس احنا اللي معسرينه

ودك تمسحين خطاياك لو كانت مثل زبد البحر

قولي سبحان الله وبحمده في يوم مائة مرة شفتي كيف الدين يسر

ودك تجمعين كل يوم الف حسنه
تحسينها صعبه صح ؟؟

لا

بس قولي سبحان الله مائه مره كل يوم
وقال صلى الله عيه وسلم:" أيعجز أحدكم أن يكسب كل يوم ألف حسنة"فسأله سائل من جلسائه كيف يكسب أحدنا ألف حسنة ؟ قال:
" يسبح مائة تسبيحة ، فيكتب له ألف حسنة أو يحط عنه ُ ألف خطيئة "

تخيلي انك قلتيها من اليوم الى الاسبوع الجاي

يصير في رصيدك 7000 حسنه
شويه ؟؟

طيب قولي اسبوع ثاني بعد

كمان شوي

طيب حاولي تقولينها الى اخر يوم في حياتك وشوفي كم راح يكون في رصيدك

تبغيني ادلك على كنز ؟؟

قولي لاحول ولا قوه الا بالله

وقال صلى الله عيه وسلم:" يا عبد الله بن قيس ألا أدلك على كنز من كنوز الجنة ؟" فقلت:بلى يا رسول الله ، قال :" قل لا حول ولا قوة إلا بالله "

اللهم اجعلنا ممن نحاسب انفسنا قبل ان نحاسب
اللهم ابعدنا عن الذنوب والمعاصي
اللهم اجعل الدنيا اخر همنا
والطاعه هي مرادنا
اللهم اجعلنا من الصالحين
اللهم لاتحرمنا من لذة النظر الى وجهك يوم الحساب
الله احسن خواتمنا واجعل اخر كلماتنا اشهد ان لا اله الا الله واشهد ان محمد رسول الله

اللهم امين

اتمنى اني مااكون ثقلت وطولت عليكم

واتمنى اني اكون افدت نفسي وافدتكم
لاتحرموني من دعائكم