السلام عليكم ورحمة الله وبركاته

أكيد إنكم شايفين الناس هالأيام كيف قاعدين يسعون ويتفننون في طلب الرزق .. هذا راح ياخذ قرض ودخل بالأسهم وهذاك طول يومه بمعارض السيارات وهذاك طاحت عيونه من كثر ما درس وسهر وتعلم .. وهذا ما عاد شاف أهله من كثر ما يدور على تجارته، و رزقه، و ... إلخ
وبصراحه ما أحد يلومهم .. الكل يبي رزقه يكثر وينبسط بحياته ..
بس فيه شغله فيه ناس كثير جدا جدا ما فكروا فيها .. حتى أكبر العقليات الإستثماريه ما جت على بالهم إلا من رحم ربي .. يقول الله سبحانه وتعالى { فقلت استغفروا ربكم إنه كان غفارا * يرسل السماء عليكم مدرارا * ويمددكم (بأموال) وبنين ويجعل لكم جنات ويجعل لكم أنهارا * } ..
الإستغفار : يا ناس يا عالم الإستغفار سبب رئيس لأشياء حلوه في حياتنا .. أشياء ياما وياما تمنيناها ..
من فينا ما يحب المطر ..؟
من فينا ما يحب المال ..؟
من فينا ما يحب يكون عنده أولاد وبنات ..؟
من فينا ما يحب يعيش بوسط جنات وأنهار في الحياه الدنيا ..؟
هذي كلها أشياء خياليه .. من جد خياليه .. وماهي صعبه ولا مستحيله على رب العالمين سبحانه .. الله قادر إنه يحققها لنا .. بس إذا حققنا المطلوب منا .. وش المطلوب منا ..؟
شي واحد وبس .. ولا أسهل منه .. {الإستغفار} والإكثار منه .. طيب والنتيجه ..؟
أنا أقولك النتيجه :
النتيجة عسى ربي يحفظكم ويسلمكم إن الإستغفار سبب في نزول المطر {بإذن الله} .. وسبب في زياده الرزق وبالعربي زيادة المال .. وسبب في إن الواحد منا يرزق بالذريه الصالحه إن شا الله .. وسبب في تحول أراضينا إلى جنات وأنهار .. وهذا مو كلامي ولا كلام الشيخ فلان .. لا هذا كلام الله سبحانه ..
الله الله في الإكثار من الإستغفار .. {استغفر الله الذي لا إله إلا هو الحي القيوم وأتوب إليه} ..
ملاحظه خطيره :
إذا استغفرت ربك الحين أكيد بإذن الله إن لك أجر .. أجل وش رايك لو بعد سنه مثلا ويجون ألف واحد يستغفرون بسببك وإنت لك مثل أجرهم بالضبط .. وش رايك ..؟
طيب تخيل كم عددهم بعد سنتين .. ثلاث .. عشر سنين ؟
طيب تخيل إن هالشي ما يكلفك إلا تقريبا 20 ثانيه .. وشلون ..؟
الشغله كلها إنكم ترسلونها برسالة وسائط لمن تغلونهم من الناس او تنقلوها لمنتدى ثاني.
تخيلو نفسكم يوم القيامه وإنتم واقفين والله سبحانه يحاسبكم .. وقتها تتمنون مو حسنه نص حسنه .. وما تدرون إلا وعندكم جبال كبيره من الحسنات والأجر والثواب .. والسبب رساله ما تاخذ من وقتكم ولا خمس دقايق في قراءتها وإرسالها ..
اسأل الله العظيم رب العرش الكريم بأسمائه الحسنى وصفاته العلى أن يجعلني وإياكم من أهل الجنه .. آمين ..













القلب الكتوم