السلام عليكم
مين شاف حلقة امبارح من برنامج القاهره اليوم ؟
كان عمرو أديب بيتناول كلام الفاحش زكريا بطرس
اللي تناول فيه سب الرسول عليه الصلاة والسلام
بيسب أشرف خلق الله
اللي هو أصلا حتى المسيحيه بتتبرأ منه
لأن الكنيسه شلحته بسبب أفعاله المشينه والمسيئه للدين المسيحي
فلا يجوز لهذا الحشره المنبوذ أن يتطاول على أشرف خلق الله ويقول عنه الكلام البذئ اللي قاله
دلوقتي نيجي لدونا يا مسلمين ويا كل الأديان السماويه عاوزه أفكركم بآيه
قال الله تعالى" آمن الرسول بما أنزل اليه والمؤمنون كلٌ آمن بالله وملائكته وكتبه ورسله لا نفرق بين أحد من رسله وقالوا سمعنا وأطعنا غفرانك ربنا واليك المصير "
صدق الله العظيم
الآيه دي هي السبب في احترامنا لكل الأديان لأننا بنؤمن بكل الرسل ومنهم طبعا سيدنا عيسى عليه السلام
ولو قدر وحد تناوله بالسب أو القذف فهتكون قومتنا لدفع القذف عنه مش أقل من قومتنا لنصرة نبينا عليه السلام
لازم العالم كله يعرف ان العرب مسلمين وأقباط لو كانوا بيجنحوا للسلم فده لأن الدين الاسلامي والدين المسيحي بيدعواللسماحه وللسللام
لكن لما يقوم واحد بينتسب للدين المسيحي اسما بالتعاون مع جهات أمريكيه لاشعال الفتنه عن طريق السب في أحد الرسل
فلازم نتكاتف مع بعض مسلمين وأقباط
وعمروا أديب امبارح اقترح اقتراحين
الأول اننا نعمل صيغة دعوى قضائيه لنزع الجنسيه المصريه منه ويتم جمع التوقيعات عليها مسلمين وأقباط وبكده مش هيقدر يروح أي حته فيالعالم ويعيش على حدود الدول طريد ودي تبقى أحسن خاتمه للي زيه ......والحكمه من جمع التوقيعات مسلمين وأقباط لاعلان اننا كشعب نرفض أي حد يسب في واحد فينا وعشان القضيه لا تؤخذ بمحمل فتنه طائفيه
والتاني ان مجموعه من متقني الانجليزيه يدخلوا المواقع الأجنبيه اللي زكريا بطرس بيكتب فيها ويحاجوه بأدله من القرآن والانجيل لابطال تأثيره على غير متحدثي العربيه

وأكيد احنا هنا لينا دور
ومش بس الحمله دي الا رسول الله
لا دي الا رسل الله
لأن صدقوني لو سكتنا على سبرسول فهيتوالى سب باقي الرسل
في انتظار مشاركتكم بآراء
محتاجين دلوقتي محامي متميز يكتبلنا الصيغه
وكل واحد يقوم بنسخها وطباعتها وتوزيعها
وحد يعرف ايميل عمرو أديب أو يقدر يوصلله بأي طريق يجيبلنا عنوان بريدي نبعت عليه الدعاوي موقعه وطبعا لو اي حد عنده افكارللرد على هذا الانسان البذئ يضيف رايه

شكراً لك دكتورة فوفو
بحب اطمنك ان الله تعهد بحفظ هذا الدين
ولا اي مخلوق بقدر يؤذي رسولنا هؤلاء مجموعه من الساقطين وخليهم ينبحوا مثل الكلاب

كتبت بواسطة العجورية

شكراً لك دكتورة فوفو
بحب اطمنك ان الله تعهد بحفظ هذا الدين
ولا اي مخلوق بقدر يؤذي رسولنا هؤلاء مجموعه من الساقطين وخليهم ينبحوا مثل الكلاب

الشكر لله وحده
لكن المشكله ان علينا واجب وهو الدفاع عن سيرة رسولنا عليه الصلاة والسلام
فنحن قوم نجنح للسلم طالما جنح الآخرون له
ولكن عندما يكون المساس برسولنا الكريم عليه الصلاة والسلام أو بالقرآن فلابد أن يروا للاسلام قوة لا مثيل لها

لا أعرف والله ما أقول

قبل عشر سنوات لم يكن أحد في العالم يفعل مثل هذه المسبات... لكن الآن بدأ التطاول ليصل إلى مقام النبوة...

حسبنا الله ونعم الوكيل...