السلام عليكم ورحمه الله وبركاته

صديقاتي واحبائي الادارين والمشرفات والعضوات
ابارك لكم قرب قدوم الحج وعيد الاضحى
واتمنى من الله ان الجميع يرزق السنه بحجه من عنده

احبائي
اذا رحتي من قبل الحج او قررتي السنه تروحين ايش اهي الاستعدادات من ناحيه الملابس والاغراض يعني شاحط بالشنطه معي لاني انا رايحه لحالي معا زوجي ولان سني صغير فأخاف اني اخربط او اغلط بجهل مني او سهو فالرجال لحالهم والنساء لحالهم



1-وابي اعرف اذا امكن من اي بلد انتي وعلى اي حمله بتروحين؟ وذلك ليستفيد باقي الاعضاء وحتى لو كان احد من اقربائك
2-واذا اخطأتي في الحج شنو كان خطأك وكيف تتصرفين ؟
3-واذا فكرتي السنه بتروحين شنو اكبر مخاوفك ؟
لاني خايفه من الزحمه والاختناق
4-وايش كتاب الادعيه الي بتاخذينه معك ؟





اتمنى اني ماطولت عليكم وسمحولي والله اني ما اعرف وابي اروح الحج عارفه الي لي والي علي وخليت الموضوع عام علشان الكل يستفيد معاي ان كان العضوات والا قرايب لهم


ودعائي للجميع للي ارد علي والي مابرد بأن الله يحقق له الي في باله ويرزقه الجنه والصحه والذريه
آآآآآآآآآمين يا رب العالمين

اختي الحبيبة انا مارحت الحج بس عنديناس اعرفهم بيروح كثير واول شيء انصحك انه ماتاخدي معك اغراض كثير عشان لما ترجعينراح تجيبي معك اغراض ثانية وراح يكون ثقل عليكم وحاجة اخرى خدي معك ملابسمن القطن عشان هناك بيكون الطقص حار ولازم قطن عشان يمتصالعرق واكيد راح تاخدين معك لوازم الحمام من شامبو الى اخره وشيء ثاني خدي معك شيء مثل حقيبة صغيرة جدا عشان تحطين فيها اوراقك كلها وبتتعلق في العنق مع خيط عشان ما تضيع وثائقك
اما الزحمة اختي ماتخافي اللي كاتبها الله بتكون انت تجنبي الاماكن اللي فيها الزحمة وخلاص ربنا ياخدك ويجيبك على الف خير يارب ودعواتك

اهلا اخت حبيبه زوجها اسعدني دخولك وردك ونبهتيني على نقطه والله كنت ناسيتها ال هي الملابس القطن
الحين سؤالي الشامبو والمعجون والصابون اكون فيه ريحه او بدون ريحه

اتمنى اشوف تفاعل منكم يابنات والله ان ودي الكل يستفيد

انا رحت الحج والحمد لله .اولا اخلاص النية.. بيكون الحج في شهر ديسمبر يعني برد مع الملابس القطنية خذي جاكيت ثقيل .و سوكسات ثقال..ونعال مريح. وملابس كل يوم قطعة لانك مارايحة تحصلي وقت تغسلي ملابسك .. وخذي شنطة صغيرة لما تروحي منى ... و. كيس نوم ... وفزلين وصابون ما معطر ,,, ومزيل عرق بون عطر .. وواق شمس .... وملابس داخلية استخدام مرة وحدة.....ولازم تنتبهي اذا كنت حامل ... وما تاكلي من اي مكان .. وشربي سوائل كثير ... ولا تعرضي نفسك للشمس اذا بامكانك تجلسي في الظل...واسألي اهل العلم عن اي شي وما تقومي باي منسك من مناسك الحج الا بعد ما تقرأي كيفية تأديتها... يعني ابدأي اليوم بالقراءة وشوفي خرائط منى وعرفات والمشعر الحرام ... واكبر خطأ يقع فيه بعض الحجاج جهلا منهم .. هو الخروج من عرفات قبل غروب الشمس... هذا اللي يحضري والله يوفقك ويتقبل حجك... وادعي لي

اشكرك يا اخت salisa مشكوره يا اختي على النصايح بس الصابو ن بدون رائحه يحضرك اسمه والعبايه شلون افصل افصل مسكره كامله والا عمانيه والا ام راس نفس اهل الشرقيه واخر سؤال تحمليني شوي بس عن الاحرام انا دائما اسمع ان ماتحكي جلدك او ماتنتفي شعرك اظل بالاحرام الاول لمده كم يوم والاحرام الثاني كذلك

ويجزاك الله الف خير والله يرزقك على حسن نيتك

السلام عليكم
ربنا يكتبهلنا قريباا يارب ياشاى الضحى
ومبارك ليكى حبيبتى
وان شاء الله الاخوات يفيدوكىىىىىىى

انا حجيت السنة اللي فاتت مع حملة الاسلام المتحدة في الرياض والله ممتازه طبعا كل تقريبا عشرين حريم في غرفة
لقيناهم جايبين لكل وحدة شنطة سفر صغيرة فيها محفظة المقصات ويوم عرفة اعطونا فراش للنوم وكيس فيه سجادة ومصحف ومظلة صغيرة طبعا البوفية كان نظيف حتى يوم طلبنا يغيرون لنا البوفية وطلبنا الاكل من البيك غيروه لنا وطلبنا فراش متين لان ذيك الليله كانت برد جابوه لنا
وفيه في المخيم داعية عند النساء وشيخ معروف بس نسيت اسمه كنا نستفتي منه
وعاملات النظافة من يقومون وهم ينظفون ويغسلون دورات المياه
والقهوة تقدرين تطلبين يسوونها لك تبغين مسمار هيل ......(الحريم والقهوة)
ويوم العيد وزعوا الشوكولاتة
والهدي طبعا اذا خلصوا وذبحوه اعلنوا في المخيم علشان تحلين احرامك
اما بالنسبة للاغراض اللي اخذتها:شامبو، صابون، الفرشاة والمعجون،شبشب لدوة المياة، الجزمة اللي بتروحين فيها لازم تكون مريحة عشان المشي،كيس كبير تجمعين فيه ملابسك الوسخة ،الشاحن للجوال،كلينكس لاسمح الله زكام ،فوطة للتروش،كيس للملابس اذا بغيتي تتروشين لان مافيه معلاق في الحمام،جلال او شرشف زي حق الصلاة عشان ، مصحف ، شنطة صغيرة تحطين فيها جوالك اذا طلعتي وتكون جوا العبايه ،والجوال انا مااخذت الكاميرا اخذت عادي عشان لوسرق ،كريم لليدين،والملابس طبعا شكلتها شي صيفي علشان الحرم حر وزحمة،واخذت شتوي لانو بصراحة برد واخذت بيجامة داخلية شتوية طبعا تلبس تحت الملابس وشال على الراس وجلابيتين حقات الكشخة لمدة يومين بس وشراب للرجلين يكون صوف واشوف اللي معي بالخيمة بعضهم مايلبسون الا تنورة وبلوزه طبعا وبعضهم كاشخين كل يوم جلابية شكل ونسيت اقولك خوذي معك شوي بسكوت ومكسرات وحلاوة فكس
وطبعا النقاب مايجوز الا بعد ماتحلين احرامك
والشنطة اللي راح تاخذينها لاتكون كبيرة خليها وسط والافضل تكون بعجلات
والزحمة لاتخافين انا كنت خايفه مرررررررره لكن الحمدلله كان كل شي منظم وهذا بفضل الله
الله يوفقك وترجعين سامة انت وزوجك
واذا رجعتي لاتنسين تخبريني وش صار معك استناك وادعيلي معك
لاتنسين اسمي نفنووووووووووووووووووووووووووووووووووووووووووووووو وووفة
انتظرك

معليش اختي اسفه قصدي ترجعين ساااااااااااااالمة انت وزوجك
اعذريني خطا مطبعي هههه

اخت نفنوفه كلامك كلبلسم علي والله انك وضحتيلي لي شويه شغلات مثل الجلابيتين لزوم الكشخه خخخخخخخخخخخخخخخخخخخخخخ
والله اني تمنيت الموضوع اكون حيوي الناس تشترك وتحط تعليقات علشان استفيد من الاخطاء
يعني مثلا انا توني عارفه ان مايجوز ترفعي شي عن الارض يعني لو لقيتي فلوس مايجوز تشيلينها
واخت نفنوفه كنت باسألك ما كأن 20 حرمه في غرفه كثير انا في حملتي الي باروح عليها 4 حريم في غرفه

والشكر الجزيل لج على ردج الكافي والوافي والله انج بيضتي الويه
ولاتحاتين من ارجع باخبرك بالتفاصيل واذا تبين الممله بعد
ولا تنسيني تراني ام ابراهيم

انتظر ردك الحلو

السلام عليكم/اولا اختى الكريمه اسال الله ان ييسر لك اداء المناسك وحسب تجربتى انصحك بالتوبه والاقلاع عن الذنب قبل السفر وعدم العوده (2)حاولى الاستعداد فى المنزل وتطبيق حديث الفطره خمس الختان والاستحدادوقص الشارب وقلم الاظافر حتى لاتحتاجى لشى منها وانت محرمه (3)لاتنسى دعاء السفر(4)اذا وصلتى الى الميقات بسلامة الله اغتسلى حتى لو كنت حائض وتحرمى مع الناس وتفعل الخائص ما يفعله الحج الا الطواف بالبيت الحرام لاتفعله الا على طهاره(5)لك ان تلبسى ماتشاء من الثياب واى لون ليس فيه لون معين ابيض اواخضر وماشابه ولا تلبسى النقاب ولا القفازين ولا اعنى ذلك ان تكشف الوجه لا لكن تغطى بغير النقاب وبعد ذلك انوى دخولك الاحرام فى التسك الذى تريده ان كنت متمتعه يعنى تعملى عمره الاول ثم تتحللى منها حتى ياتى يوم الترويه وتخرجى مع الناس مهلله بالحج وهذا افضل انواع النسك
(6)لا تنسلى ان تشترطى اثناء الاحرام وتقول ان حبسنى حابس فمحلى حيث حبستنى وفائده هذا الشرط

ان المحرم اذ عرض له اى شى يمنعه من تكمله المناسك جاز له ان يتحلل ولا عليه شى وهذه نقطه مهمه اختى من خلال التجربه والحج اثناء هذا العام ياتى فى الشتاء صحيح جو مكه بالنهار حارلكن منى تكون بالليل برد
اكثرى من التلبيه فاذا دخلتى مكه المكرمه اقطعى التلبيه وادخلى الحرم وعند رؤيه الكعبه المشرفه قول اللهم انت السلام ومنك السلام فحينا ياربنا بالسلام وطوفى بالبيت سبع مرات بعدها صلى ركعتين خلف المقام و اشربى من زمزم واصعدى الى الصفا والمروة وابدى بالصفا وانتهى بالمروه وطبعا تروحى من الصفا الى المروة شوط وترجعى شوط اخر ولا تسمعى كلام بعض الناس ان الصفا والمره شوط واحد لا لو حسبناها تكون 14مرة وهذا خطا وبعدها قصرى جزء من اسفل الشعر وكدة انتهت العمرة (مقبوله ان شاء الله)وتنتظرى حتى ياتى يوم الترويه تخرجى مع الناس للمبيت بمنى وفى صباح يوم التاسع تذهبى مع الناس الى صعيد عرفات( ولاننس اخت لك من الدعاء عسى دعوة محسن تنجيتنى من النار )وعند غروب السمش اكثرى من الدعاء لان الله جل وعلا يتظر الى اهل هذا الموقف ويباهى بهم ملائكته ويشهدهم انه قدغفرت لهم فالهم رحمتك نرجوا فاغفر لنا ااااااااامين و لاتخرجى من عرفه الابعد غروب الشمس ثم تذهبى مع الناس الى مزدلفه وتبيتى بها حتى الفجر ان تيسر لك وتدعى عند المشعر الحرام حتى اصفرارالشمس وفى يوم العيد ترمى جمرة العقبة ب7حصيات وتقصى من شعرك ثم تذبجى هديك ثم تطوفى بالبيت الحرام طواف الافاضه وهذه الاربع اشياء اذا قدمتى منها شى اواخرتيى شئ فلا حرج وبعدين ترجعى الى منى وتبيتى بها ثلاث ابام لرمى الجمرات وبهذا ينتهى الحج وان خرجتى من مكه عليكى بطواف الوداع هذا كتبته من خلال تجربتى للحج عدة مرات اسال الله القبول وليس من كتاب فسامحينى على تقصيرى او نسيت شى فهذا من نسيانى وتقصيرى لكنى تجرات على الكتابه فى الموضوع لاشتياقى للحج فكنت عزمت العام الماضى ولم يتيسر لى فمن شاهد مكة وجلس بها سنين يصعب عليه مفارقتا اسال الله ان يجعل لى بها قرار مره ثانيه وسا مخينى للاطاله لا تنسينا من الدعاء تروحى وترجعى بالسلامة