انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 2 12 الأخيرالأخير
عرض النتائج 1 الى 10 من 17

اختى....ايه رأيك تكونى منتقبة؟

(روضة السعداء - منتديات لكِ النسائية - الأرشيف)
...
  1. #1
    أم هيونة's صورة
    أم هيونة غير متواجد عضو نشيط
    تاريخ التسجيل
    Sep 2005
    الموقع
    في بلاد الله الواسعة
    الردود
    324
    الجنس
    أنثى

    flower1 اختى....ايه رأيك تكونى منتقبة؟

    بسم الله الرحمن الرحيم
    السلام عليكم ورحمة الله وبركاته
    ترددت كثيرا في فتح هذا الموضوع لانكم كما ترون موضوع النقاب تكرر مرارا وتكرار ويثير الجدال اينما طرح وطالما اتهم مؤيدوه بالتشدد والتعصب واتباع هوى النفس وانهم يفرضون في الاسلام فروضا ويحرمون على غير المنتقبات لبسهن لهذا الحجاب وانهم يزكون انفسهم بلبسهن النقاب واتهامات كثيرة
    ويمكن اللى شجعنى لعرض هذا الموضوع في هذه الفترة بالذات ان الحمدلله وجدت ان في اخوات حولى اعرفهن نفسهم تهفوهم للبس النقاب وبيدعوا ربنا كثيرا للبسه فكان هذا الموضوع ان شاء الله تثبيت لهن باذن الله واسأل الله الاخلاص قولا وعملا

    واعدكم ان تتحدث هذه الغرفة بلسان اخراكثر تحبيبا في النقاب بلا جدال ولا نزاع
    ووعد الحر دين عليه !!
    ويشهد الله ان مادفعنى لكتابة هذا الموضوع الا حبي لكنَ في الله وفى رغبتى ان يجمعنا الله جميعا في جنة الفردوس وان يحشرنا مع زوجات النبي صلى الله عليه وسلم
    ويبقي فقط ان انوه اننا لن نتحدث عن فرضية النقاب من عدمه فهو مفتوح لكم ان تقتنعوا بالفرضية ام الافضلية مما تستشفوه من قراءاتكم لكتب التفاسير واراء العلماء
    فالموضوع هنا يحمل معنى الدعوة بدون التطرق للجدال في الامور الخلافية!!وساعرض الموضوع ان شاء الله على هيئة سلسلتين وكل سلسلة ذات حلقات مرقمة باذن الله
    وانتظرونى
    وجزاكم الله خيرا
    السلام عليكم ورحمة الله وبركاته

  2. #2
    أم هيونة's صورة
    أم هيونة غير متواجد عضو نشيط
    تاريخ التسجيل
    Sep 2005
    الموقع
    في بلاد الله الواسعة
    الردود
    324
    الجنس
    أنثى

    beatheart اختى....ايه رأيك تكونى منتقبة؟

    (1)
    السلام عليكم ورحمة الله وبركاته
    اخواتى في الله منتقبات وغير منتقبات
    لن ابدأ حديثى بالبداية التى تفزع الكثير منكم وتجرى الدم في العروق وما كنت اعلم انها مثيرة او مستفزة لهذه الدرجة وهى عبارة(النقاب فرض)
    واحب ان ارفع شعارى عندما قررت فتح هذه الغرفة وهى....
    لا للجدال ولكن الدعوة بهدوء
    كتير من الناس بيرددوا عبارة(النقاب فضل او فضيلة)
    طب تعرفوا هى معناها ايه؟؟
    ساستعين برأى الشيخ الجليل الالبانى في شرح افضلية النقاب على الحجاب العادى (غطاء الرأس)فيما يفيد موضوعى...قال الشيخ الجليل
    السنة: ما يثاب فاعله، ولا يعاقب تاركه، والمستحب كذلك؛ إذن الشيخ يرى أن التغطية سنة مستحبة، لم يقل:
    مباح، جائز، بل قال: سنة، مستحب؛ وهذا ألفاظ شرعية تدل على الأفضلية..
    .والمشروع هنا هو تغطية الوجه،ومعلوم المشروع وهو ما شرعه الله تعالى أفضل من الجائز، وهو ما أباحه الله تعالى.
    وفي بعض الناس بتفهمها خطأ تقول دى زيادة تقوى منى وزيادة تستر منى..... لى انى اعملها او معملهاش لانها فضل!!

    سبحاااااان الله !!!! ده في اية كريمة بتقول
    (يمنون عليك ان أسلمو قل لاتمنو على اسلامكم بل الله يمن عليكم ان هداكم للايمان ان كنتم صادقين )
    الناس فاهمينها بالمقلوب
    يعنى حتى لو عايزين يصححوا رؤيتهم شوية يقولوا طيب ده فضل من ربنا على انه يرزقنى حاجة زى دى ويهدينى انى اتستر مش انه فضل منى؟؟؟!!!
    وانا بقول الكلام ده بناءا على ناس شفتها وكلام سمعته من واحدة منتقبة

    سبحاااان الله!!
    على حجاب هذه الايام الوانه تجنن بتدعو لاطلاق البصر انا نفسي كفتاة انظر اليها والى تناسق الالوان والشياكة والخرز والترتر اللى بيلمع فيها والى طريقة ال cross في لف الايشارب التى طالما جننتنى (ايام الجاهلية) قبل الالتزام لأتعلمها الى الbandاو اللى بيسموها (باندانا) وليها لون وتلبس تحت ايشارب لون مختلف عشان تعمل contrastشياكة يعنى
    الى لفات الايشارب التى تخنق الرقبة لانها ملفوفة حولها مباشرة ولاتغطى الصدر كأنه لم تنزل اية تقول
    (وقل للمؤمنات يغضضن من ابصارهن ويحفظن فروجهن ولا يبدين زينتهن الا ماظهر منها وليضربن بخمرهن على جيوبهن)
    الى حجاب جديد غريب من نوعه يغطى الشعر والرقبة ثم يمر ليظهر الاذن!!!
    الحجاب الspanish
    لاحول ولاقوة الا بالله هل هذا نوع جديد من الحجاب نزلت به اية؟؟
    .دى فتنة.الى جانب ان شكلها مش ظريف الى جانب انى اكتشفت ان موضة اظهر الاذن من تخت الحجاب قديمة جدااااا
    طب بفرض خلاص لبسنا عباية
    (عباااااية مش بنطلون وعليها بلوزة قصيرة او بودى اوشيميز اوحاجة من الحاجات الوحشة دى) مع الايشاربات دى طب ماكده الحجاب مش مستوفي كل شروطه...ويااارب العباية ماتكونش زينة في نفسها...تخيلى الاية بتقول
    (ولايبدين زينتهن) واحنا بنخالف ونبدى الزينة
    وصور الزينة معروفة تناسق الالوان
    ولا اعنى اننا نبقي مبهدلين :hhha:
    لكن مايلفتش النظر والتطريز والايشاربات المشجرة القصيرة ولبس الخواتم والذهب اعنى اظهارهم
    يعنى ربنا سبحانه وتعالى بعث لنا رسولنا الكريم صلى الله عليه وسلم ليكون لنا قدوة واسوة ونموذج نسير على دربه هو واوزواجه ثم صحابته ثم التابعين
    وادينا دلوقتى عايشين في هاويةالمنحدر ونرى مظاهر العرى قد تفشت فهذا يعنى ان ماكان قبلنا كان اكثر مننا تسترا فاكثر فاكثر حتى نصل لزمن النبي صلى الله عليه وسلم اللى كانت فيه النساء يرتدين السواد حجابا لا حدادا وهناك احاديث كثيرة عن عائشة ا تصف فيها لباس النساء(متلفعات بمروطهن مايعرفن من الغلس) والغلس هو الظلام الدامس وقول اخر(عليهن اكسية سود كأن على رؤسهن الغربان من السكينة) مش ده برضه قول امنا عائشة ا وكانت صغيرة لما اتحجبت هو الحجاب ده مش لينا احنا المسلمين
    سؤال:ليه دايما بنفهم ان المؤيدين للنقاب اللى هو عبارة عن قطعة قماش سوداء تغطى بنعتبرهم متعصبين متشددين ؟؟
    الجواب :لا ابدا هم مش بينادوا بكده
    هم بينادوا بالرجوووووع للحجاب اللى كانت بترتديه نساء النبي صلى الله عليه وسلم في حرصهم على حجابهم وهم مثلا بينفذوا سنة من السنن او فرض من الفروض نفسهم برضه ان اخواتهم ينفذوه زيهم
    وبالنسبة للاخوات اللى نفسهم يلبسوا النقاب نصييييحة اختى ساااااااااااارعي اليه والله والله هتحسي بحلاوة محدش هيحسها غيرك وهتلاقي نفسك فرحاااانة جدا ماتعرفيش ليه ولو الاهل مش موافقين ماتيأسيش ادعى لنفسك بالثبات وادعى لهم بالهداية وبان ربنا يشرح صدورهم لتقبله وابتدى ادعيهم بالحسنى انهم يقتنعو وسوقي لهم الادلة وافتحى معاهم كتب التفاسير القرآن دستورنا والسنة منهاجنا نرجع لمين غيرهم؟؟
    ولو زاد الامر سوءا معاهم واصروا على الرفض فما تركنيش الموضوع خليكى لسه سخنة فيه وحطيه في دماغك كاى اولوية بتدى لها اهتمام ناس كتير خدتهم الحمية في الاول وبعد كده بردوا وكأن شيئا لم يكن وللاسف ده بيسوء الصورة عند الاهل وبيعتبروا النقاب مجرد حاجة بنتهم شبطت فيها لفترة وبعد كده زهقت وبيزود التأكيد والاقتناع عندهم ان حجاب الايام دى يمشي مع اننا في عصر الفتن خلاص المنتقبة والغير منتقبة بتتعاكس ماعدتش تفرق مع الشباب فاولى باولى اننا نزيد التستر
    كما ترون انى لم اناقش فرضية النقاب ولكنى ادعو لتفتيح المسام المنغلقة تجاه هذا الموضوع والله اعلم بنيتى واسأل الله ان يجعل كل اعمالى خالصة لوجهه الكريم
    السلام عليكم ورحمة الله وبركاته

  3. #3
    أم هيونة's صورة
    أم هيونة غير متواجد عضو نشيط
    تاريخ التسجيل
    Sep 2005
    الموقع
    في بلاد الله الواسعة
    الردود
    324
    الجنس
    أنثى

    beatheart اختى....ايه رأيك تكونى منتقبة؟

    بسم الله الرحمن الرحيم
    (2)
    السلام عليكم ورحمة الله وبركاته
    سؤال بيطرح نفسه
    مش اللى عايز يعمل حاجة لازما ولابدا يعرف ايه فوايدها. ..دلوقتى هقول الفوائد الظاهرية
    والفوائد الباطنية طبعا عارفينها انه افضل وانه قربي لله تعالى
    وسبحان الله تستر المرأة الكامل له فوائد جميلة جدا مايحسهاش الا اللى لبسوه(وعلى لسانهم)
    هى فوائد عجبانى شخصيا حتى من قبل ما البس النقاب
    مثلا في الميكروباص لما تيجى تركبي كأن في حالة لبس حصلت فيه كله بيوسع للمنتقبة احتراما لها(وانا لا ازكيهم على الله في ان شكل الحجاب ده مثير للاحترام) بس ده اللى بيحصل فعلا....ولو قدر الله ان قعد جنبها رجل برضه يوسع لها وبيبقي كأنه قاعد مش على بعضه خايف انه يمسها....
    سبحان الله!! انتى كده بنقابك خدتى عليه كذا ثواب
    اولا :اعنتيه على غض بصره
    (ومن دعا الى هدى كان له من الاجر مثل اجور من تبعه لا ينقص من اجورهم شيئا)
    ثانيا: اعنتيه انه لايمس بدنك
    (لأن يطعن في رأس احدكم بمخيط من حديد خير له من ان يمس امرأة لاتحل له)
    ثالثا :خارج الميكروباص في الكلية بيخلصك من آفة الاختلاط سبحان الله مثلا كنتى بتكلمى ولد وانتقبتى مرة واحدة سيبك من انه مش هيعرفك بس مش هيجرؤ انه يجى يكلمك هيحس بهيبة تانية
    ده غير طبعا وانتى لابسة القفازين محدش هيسلم عليكى بالايد
    رابعا : تستر وعفة وطهارة من جوة
    خامسا : بييعينك انتى نفسك على غض البصر وبيعين غيرك معاكى
    سادسا :بيقرب منك صحبة صالحة ماتعرفيش ازاى لانهم هيتوسموا فيكى الخير وهتلاقيهم هم نفسهم بيدعوا لك بالثبات
    سابعا :هتحسي بقرب شديد من ربنا سبحانه وتعالى هو اللى انعمه عليكى واختصك به
    ثامنا :بيحميكى من اسمرار البشرة في الصيف بالذااااات لو خدتى بالك وانتى محجبة بتلاقي في فرق في اللون بين برة وجوة لكن في النقاب بيبقي في homogenity في اللون
    وكفاية كده النهاردة :yaha:
    السلام عليكم ورحمة الله وبركاته

    أحبكن في الله

  4. #4
    أم هيونة's صورة
    أم هيونة غير متواجد عضو نشيط
    تاريخ التسجيل
    Sep 2005
    الموقع
    في بلاد الله الواسعة
    الردود
    324
    الجنس
    أنثى

    اختى....ايه رأيك تكونى منتقبة؟

    بسم الله الرحمن الرحيم
    (3)
    السلام عليكم ورحمة الله وبركاته
    نستكمل معا
    حاجة دايما بتخاف منها البنات قبل ما تلبس النقاب الا وهى......
    وكلكم طبعا عارفينها ........(الزواج)
    طب هسألكم سؤال انتم مش مؤمنين بالله سبحانه وتعالى ومؤمنين انه مقسم الارزاق وعلام الغيوب؟؟
    الزواج ده رزق من ربنا سبحانه وتعالى يؤتيه من يشاء وينزع الفضل ممن يشاء...يعنى ماتخافيش هيجيلك هيجيلك ده مكتوب لك فوق ومقدر ليكى يتقدم لك في اليوم الفلانى في السنة الفلانية....
    .وعايزة اطمنك ان رزق المنتقبات اللى شفتهم حولى (ولا احسدهم وازكيهم) ماشاء الله بيبقي اوسع اوسع اوسع بكتييييييييييييييييير من غير المنتقبات ...مابيجيلهمش الا الملتزمين غالبا
    واحد قاصد بزواجه منها رضا الله سبحانه وتعالى وانها تعينه على طاعته....يعنى واحد عارف ربنا...واحد عايز بدايته تبقي كده تفتكرى ده احسن ولالا؟

    (وكل واحدة على اد نيتها في الزواج وفي ارتداء النقاب قاصدة به وجه الله تعالى والتقرب منه بتنفيذ احكامه ولا عشان يجيلها واحد كويس)
    والنبي صلى الله عليه وسلم بيقول:
    (انما الاعمال بالنيات ولكل امرئ مانوى ومن كانت هجرته الى الله ورسوله فهجرته الى الله ورسوله ومن كانت هجرته الى دنيا يصيبها او امرأة ينكحها فهجرته الى ماهاجر اليه)
    يعنى لو كانت نيتها انها تلبس النقاب عشان يجى لها واحد كويس فقط دى نية فاسدة ومردودة عليها ........ لازم تخلص اى عمل تعمله لله !!
    يعنى النقاب(قطعة القماش السوداء هذه) مش هى اللى بتفرق...تضمنى منين انه حتى يجى لك وانتى غير منتقبة اهو واحد شافك وشاف اد ايه انتى جميلة يكون كويس او ملتزم؟
    الله اعلم....ربنا هو عالم الغيب

    وعلى فكرة دى تعتبر فايدة جميلة احب اضيفها لفوائد التستر الكامل...انه بيغرس فيكى وازع التوكل على الله واليقين بالله والثقة في الله
    سايبة نفسك لربنا سبحانه وتعالى ومتوكلة عليه وربنا عز وجل هو الكريم الرزاق.....وكمان لما ترددى بينك وبين نفسك بتسترك وعفتك(من ترك شيئا لله عوضه الله خيرا منه)
    وتقتنعى وتثقي وتجزمى بيقين ربنا هيعوضنى انا بعمل كده وواثقة ان ربنا هيدينى احسن ماكنت اتمنى وزيااادة!!
    وانتظرونى المرة القادمة ان شاء الله
    السلام عليكم ورحمة الله وبركاته


    أحبكن في الله

  5. #5
    أم هيونة's صورة
    أم هيونة غير متواجد عضو نشيط
    تاريخ التسجيل
    Sep 2005
    الموقع
    في بلاد الله الواسعة
    الردود
    324
    الجنس
    أنثى

    byebye لو لاقيتى واحدة صاحبتك لبست النقاب بتلاقي نفسك تلقائيا بتقولى لها مبروووك؟؟؟؟؟

    بسم الله الرحمن الرحيم
    (4)
    السلام عليكم ورحمة الله وبركاته
    سؤال تانى ليه دايما لو لاقيتى واحدة صاحبتك لبست النقاب بتلاقي نفسك تلقائيا بتقولى لها مبروووك؟؟؟؟؟
    وممكن لو قالت لك عقبالك تقولى يارب
    انا بقول الكلام ده للاخوات اللى بتروح لاختها المنتقبة تبارك لها مش تقولها ايه اللى انتى عملتيه في نفسك ده ؟ ليه عملتى كده؟ انتى لسه صغيرة!!

    فتشي بينك وبين نفسك اختى هتلاقى سبحان الله ميل غريزى انك تبقي متسترة تبقي غالية مكنونة في حجابك والا ماكنتيش قلتى لها مبروك او قلتى يارب يرزقنى زيها

    نقطة كمان بعض الاخوات بتبقي نفسها جدا تلبس النقاب ومقتنعة به وكل حاجة بس تيجى تلبسه تقول لا بعد مااتزوج.....واحنا اتفقنا انه رزق

    حتى اختى الغير محجبة برضه بتلاقي في نفسها نفس الميل ده للتستر وللحجاب مثلا تقولى لها نفسي اشوفك لابسة الحجاب... تقول لك ادعى لى ان ربنا يهدينى والبسه..
    يعنى هى مقتنعة وعايزة تلبسه بس الشيطان مانعها... مقيدها...مسلسل ايديها ورجليها انها تنزل تشترى الحجاب اللى تستر به نفسها والقرآن الكريم بيحكى لنا خطة عمل الشيطان في افساد الشعوب(ليريهما ما وورى عنهما من سوءاتهما) تخيلوا اللعين عايز العرى ينتشر !!
    وكانت هى دى خطته من زمان المحجبة يقول لها ده انتى بنت كده خلاص انتى عملتى اللى عليكى كفاية عليكى كده... خليكى كده
    فيفتنها ويصرف تفكيرها انها تعدل في حجابها او تطور نفسها فيه ان كان قصير تطوله
    ان كان في زينة تبعد عنها
    وان كان بنطلون ماتلبسوش
    يقولها ده البنطلون عملى وكمان لما تيجى تركبي الميكروباص محدش يقدر يشوف منك حاجة!!!
    والغير محجبة ينسيها (بالرغم من انها بتشوف نفسها في المراية كل يوم وبتسرح شعرها الصبح ) ينسيها فرض الله الا وهو الحجاب وتسأل عنه يوم القيامة تلاقي نفسها مش عارفة تقول ايه وتخيلى اختى من اللى بيسألك....الجبااار....سبحانه وتعالى
    انا مش بخوفك اختى لكن بالله عليكى ماتضيعيش فرض الله انتى مسئولة طول ما انتى بالغة ورشيدة مسئولة
    وفوايد الحجاب جمييييلة وكتيييييرة بس انتى انوى والبسيه
    السلام عليكم ورحمة الله وبركاته


    أحبكن في الله

  6. #6
    أم هيونة's صورة
    أم هيونة غير متواجد عضو نشيط
    تاريخ التسجيل
    Sep 2005
    الموقع
    في بلاد الله الواسعة
    الردود
    324
    الجنس
    أنثى

    flower2 واحفظى نفسك بنقابك

    بسم الله الرحمن الرحيم
    (5)
    السلام عليكم ورحمة الله وبركاته
    طب بعض الاخوات تقول ادعى لى ان ربنا يهدينى الاول وبعد كده البسه !!
    طب انتى وانتى لابسة حجابك(غطاء الرأس) لما كبرتى قعدتى تقولى لما ربنا يهدينى !!
    انا بقولك ده على اساس انك لسه مقتنعة ان هو ده الحجاب الشرعى اقصد انى مقلتش هنا النقاب فرض ولا حاجة....
    لا مقلتيش كده.... بالرغم من انك في قرارة نفسك لابسة غطاء الرأس على انه فرض
    اذن تنفيذك لفروض ربنا ومنها حجابك وتسترك مالوش علاقة بدرجة الالتزام والهداية
    يعنى مش طول الحجاب مقياس على درجة الالتزام !!
    لكن لا ننكر انه عامل مهم انه بيضعك في صورة محترمة وصورة نساء المؤمنين

    (والله يهدى من يشاء)
    البسي الاول وهتلاقي النقاب نفسه بيضفي عليكى مشاعر وموجبات الالتزام منها غض البصر ليكى وبتعينى غيرك بيه وخفض الصوت وطبعا مفيش اختلاط مفيش سلام باليد مفيش تبرج في حجابك ولا زينة في نفسه ولا لباس شهرة
    طب في اخوات بيقولو اخاف البسه وبعدين اخلعه تانى؟؟؟
    يعنى اذكر حاجة غريبة
    الشيوخ اللى بيدعوا لسنن اعفاء اللحية بيقولوا ايه في موضوع زى ده
    بيقولوا"خلى لحيتك تربيك"
    "واللحية مش مجرد شوية شعر في وجهك واذا ربيت لحيتك وقصرت بنطلونك وما اتصرفتش بما يقتضيه عليك هذا المظهر فلحيتك قذارة في وجهك !!"
    اقصد بالرغم من دعوتهم للموضوع ده بالحسنى لكن من باب تربيتهم للأخوة الشباب بيعنفوا بشدة :Ooohtu: اللى بيعملها ومش بيتصرف بمقتضياتها !!
    وبغض النظر عن هذا وذاك فاللحية حكمها عند الرجال واجبة ويؤثم حالقها !

    طب بعض الناس بيقولوا ان اللى بتلبس النقاب بتبقي غاوية"منظرة" وبتهتم بالمظهر وتترك الجوهر !!
    احنا لم ندخل في نوايا وسرائر الناس حتى نحكم عليها هكذا والاهتمام بالجوهر في تزكية نفسه وعباداته -واكيد احنا لم نراها بالكلية- وحتى لو رأيناها مش احنا اللى نحكم عليها
    وربنا سبحانه وتعالى بيقول
    {إن أكرمكم عند الله أتقاكم}
    انا عن نفسي لما بشوف واحدة ملتزمة اكتر منى بقول يا ترى هل انا أكرم عند ربنا أم هى؟
    وهل اللى انا اخترته كشكل لنفسي مثلا فيه تقوى لربنا 100% اذا فضلت على نفس حالى عشان اضمن انى اكون اكرم عند ربنا ولا لما اعمل زيها؟
    وعن تجربة لما بقف مع نفسي هذه الوقفة بتدفعنى نفسى لحاجات كتير
    شوفي يا اختى المفروض انك لابساه ابتغاء لوجه الله تعالى وامتثالا لاوامره يبقي تبقي مسلمة بيه وتدعى لنفسك بالثبات عليه وهتلاقي سبحان الله الصحبة الصالحة انجذبت ليكى وهتدعى لك بالثبات ان شاء الله
    وان شاء الله انا وكل اخواتى هنا من اول الناس اللى هيدعوا لك بس انتى خطى الخطوة الاولى في الطريق ده وربنا هياخد بايدك صدقينى

    اخوات تانيين ممكن يقولوا طب والشغل؟؟؟؟؟
    اااه جينا لنقطة جميلة جدا...في اية كريمة جميلة بتقول(وقرن في بيوتكن ولاتبرجن تبرج الجاهلية الاولى)شوفي معايا كلمة( وقرن في بيوتكن) اد ايه جميلة تحسى ان الاسلام فعلا دين بيعزز المرأة وبيكرمها
    تفتكرى لو زوجك قالك اقعدى في البيت ماتشتغليش هتطيعيه ولا لا ؟
    طب ده ربنا عز وجل هو اللى بيأمرك ليه ماتطيعيهوش !!!
    وتدبرى معايا اختى ان ربنا قرن(ولاتبرجن تبرج الجاهلية الاولى) بالخروج من البيوت ومخالفة امره بالقرار فيها
    وانا مش بقولك خليكى في البيت محبوسة لحد مايجيلك كبت...لا ابدا....
    اسلامنا عمره ماكان دين شدة وعنف بينا وماكان الله سبحانه وتعالى ليكلفنا مالا نطيق
    انتى مأمورة انك تتعلمى(طلب العلم فريضة) ولكن تلتزمى في خروجك بالضوابط الشرعية كغض البصر وعدم الخضوع بالقول وعدم الاختلاط
    والنقطة الاخيرة (عدم الاختلاط) كلنا للاسف مش عارفين نحققها لانها موجودة في كل حتة في الكلية..... في الاسواق.... في الشغل.....انا دلوقتى مش بناقش فرضية النقاب بس بفكر معاكو بصوت عالى
    لذا كيف السبيييييييل؟؟؟
    واقولك يا اختى عليكى انك تنفذى الاية بشكل متحور شوية بانك تبقي برة بيتك زيك كأنك جوة بيتك.....انتى لما بتكونى في بيتك حد بيبقي شايفك...لا...الجدران والستائر والاغطية مغطياكى......طيب نفذى الاية بقي اخرجى وانتى متغطية
    فعليكى بالحجاب الكامل...اللى ينفذ لك الاية ويحفظك....
    طب في الشغل اضمنى لى انه مايبقاش في اختلاط وانا اقولك اشتغلى...هو عموما انتى مش مأمورة بالشغل لانك ملزومة من زوجك-ان شاء الله- واهلك بانهم يصرفوا عليكى
    فان كان ولابد اوى فاشتغلى واقتضت ضرورة واحفظى نفسك بنقابك وان شاء الله ربنا هيحفظك
    السلام عليكم ورحمة الله وبركاته



    أحبكن في الله

  7. #7
    أم هيونة's صورة
    أم هيونة غير متواجد عضو نشيط
    تاريخ التسجيل
    Sep 2005
    الموقع
    في بلاد الله الواسعة
    الردود
    324
    الجنس
    أنثى

    heart2 واحفظى نفسك بنقابك ..

    بسم الله الرحمن الرحيم
    (6)
    السلام عليكم ورحمة الله وبركاته

    سؤال بدعوكى اختى انك تسأليه لنفسك :thin: ...بالنسبة للاخوات اللى بيبقو نفسهم يلبسوا النقاب واهاليهم مش موافقة ليه تلاقيهم بيجاهدوا مع اهلهم كتييير وبيبكوا :tears: ويتوسلوا ويقبلوا انهم يتحرموا من حاجات كتيييييير عشان يلبسوا النقاب؟؟
    وتسمعى ان اخت اهلها قعدوها في البيت لما بس فتحت سيرة النقاب مع اهلها واصرت عليه
    واخت تانية امها بهدلتها وفضلت تعاملها زى الشغالات في البيت وهى بنت اسرة كبيرة لما جت تلبس النقاب
    واخت تالتة والدها حلف عليها انها ماتلبسوش طول ماهو عايش لحد مايموت لدرجة انها لبسته من وراه
    واخت رابعة امها قومت عليه الاهل والمعارف كله يقعد ينغزها بكلمتين
    واخت ابوها حبسها في البيت وكتييييييييييييييييييييير كتييير

    واعرف من قصص اخوات كانت ساعدت بنسبة كبيرة في تثبيتى لما جيت البس النقاب قصص مع النقاب جميييلة جدا واشعر من خلالها بصدقهن مع الله وان شاء الله يصدقهم الله
    وماتخافيييييييش مش كل الاهالى بالدرجة دى من السوء والغلظة والشدة

    في اهالى تانيين فرحوا ببناتهم جدا لدرجة انهم بكوا من الفرح لما جت بنتهم بلغتهم بارتدائها النقاب
    وفي اهالى نفسهم جو الاسرة بتاعهم من الاول بيشجع على النقاب

    وبالعقل ايه الاولى؟؟
    ان الاهل يعطوا لبناتهم الحرية في لبس الضيق او اللى لبس اللى فيه زينة او يكون الحجاب قصير؟؟؟ ام انهم يعطوهم الحرية في الاستزادة من الاحتشام؟؟

    وفي تجربة شخصية حضرت عقد زواج واحدة صاحبتى منتقبة وكنت لسه منتقبة جديد

    ماشاااء الله ذهلت من عدد المنتقبات اللى حضروا وكنت اول مرة اشوف كده
    مش هقولك الاسرة نسائها منتقبات...... لا ......معظم نساااء العيلة والمعارف واصحاب البنت واصحاب الام منتقبات ورجال العائلة من الملتحين(ولو انى والحمدلله ماشفتش الرجال ولكن سمعت ورأيت بس عدد من الرجال داخل قدرا وانا داخلة).....
    منظر بجد يفرح تحسي انه مجتمع اسلامى جميييل يرجع بينا لعهد النبي صلى الله عليه وسلم وصحابته ولا اشبههم بهم ولكن ده الله جه في بالى ساعتها
    وتحسب بجو من الالفة واكيد فيه تثبيت لكِ ان شاء الله

    السلام عليكم ورحمة الله وبركاته


    أحبكن في الله

  8. #8
    أم هيونة's صورة
    أم هيونة غير متواجد عضو نشيط
    تاريخ التسجيل
    Sep 2005
    الموقع
    في بلاد الله الواسعة
    الردود
    324
    الجنس
    أنثى

    beatheart لانزكى انفسنا فالله اعلم بمن اتقي

    بسم الله الرحمن الرحيم
    (7)
    السلام عليكم ورحمة الله وبركاته
    من بعض الكلام الذى يقال عن النقاب وقد قيلت لى من احدى الاخوات
    انها تكره النقاب وتعتبره هذا الغطاء الاسود سجن يحيط بالمرأة وتعتبره شكل لاانسانى ...بل وتشعر بالمرارة الشديدة كلما رأت فتاة ترتديه وتسأل نفسها لماذا هذا اللباس؟؟
    انه اهانة للمرأة التى كرمها الله ولم يهنها...واننا لسنا بمخلوقات خطيرة او عجيبة ليتم تغطيتنا بهذا الشكل اللانسانى
    واتذكر انى رددت عليها اننا فعلا لسنا بمخلوقات عجيبة او خطيرة كي تتم تغطيتنا ولكننا درر مكنونة علينا حفظها وسترها عن اعين الطامعين ونحن لانزكى انفسنا فالله اعلم بمن اتقي
    ولكن ااقول ذلك من واقع اهتمام الاسلام بنا الذى يحفي بنا ويعاملنا كأننا ملكات و والله والله الاسلام يحبنا ويهتم بنا
    والا ما كان الرسول صلى الله عليه وسلم يستوصي بالنساء خيرا ويقول ذلك في خطبته الاخيرة قبل وفاته صلى الله عليه وسلم
    ويقول(استوصوا بالنساء خيرا) ويقول في موضع اخر(خيركم خيركم لاهله) وفي موضع اخر يقول(رفقا بالقوارير)

    وضربت لها مثال عن طالبات الكليات العملية المرموقة كالطب والصيدلة والهندسة كيف بهن؟؟كيف يدرسن ويعملن ولايؤثر نقابهن عليهن؟؟

    ومثال لذلك كلية الصيدلة اللى انا فيها وهى كلية عملية جدا تتطلب استخدام الفم لشفط بعض المحاليل في اكثر من مادة
    وتتطلب استخدام العين للرؤية خلال الميكروسكوب
    وتتطلب استخدام الايدى في حقن وتشريح بعض الحيوانات
    ولم اسمع عمن وجدت مشكلة تذكر لدرجة ان تشكو او تتضجر منها او تندم على ارتداء النقاب....ولااقول هذا تحيزا للنقاب والا ودعينى اسأل هذا السؤال معكى والا كيف تخرجت في من هن اكبر ومروا بكل الاعوام الدراسية ومن هن لبسن النقاب من زمان؟
    وسألتها
    ولماذا تكرهين النقاب؟؟
    هل تكرهين تستر اخواتك المسلمات؟
    هل تكرهين صون وحفظ اللحوم العارية عموما وان نبقي احنا الحسنة الوحيدة بجانب العرى الشديد في المجتمع؟؟

    اوضح لكم اخواتى ان نسب الجمال متفاوتة جدا بالنسبة للرجال
    فهناك من تجدونها ذات وجه عادى جدا وتعجب رجلا وهناك من هى اكثر منها جمالا ولاتعجبه فجمال الوجه ليس في ذاته ولكن في الشخصية التى تحمله....واديكو شايفين الشباب في الشوارع والطرقات بيعاكسوا زى مابيقولوا عندنا في مصر(العامشة والكحيلة ) مابتفرقش معاهم حتى المنتقبات كمان بيتعاكسوا
    ولا اعتبر النقاب مطلقا اهانة للمراة بل هو تكريم جليل وحفظ لها
    وادعوكم انكم تسألو انفسكم معى السؤال ده
    اشمعنا النساء في السعودية كلهم كلهم بيلبسوا النقاب ليه دول بالذات؟
    ليه ده حصل بالذات في بلد النبي صلى الله عليه وسلم؟؟
    اجيبكم انه ليس امرا سعوديا وليس تشدد من علماؤهم ولكن ده توارث العلم والحضارة الاسلامية هناك هم كبروا لقوا نسائهم وامهاتهم لابسينه وهم النساء دول جابوه او اعرفوه منين الا من اللى قبلهم واللى قبلهم وهكذا....ده غير اصلا ان علماؤهم بيعتبروه فرض هناك و لانه عرف سائد ايضا فبالتالى اللى هتخالف العرف بتبقي جاذبة للنظر صح؟

    وبالنسبة ان العلماء اختلفوا فيه
    فاقول خلاص احنا لما نلاقي اختلاف قدامنا حل من اتنين
    اننا نرجع للكتب وكتب التفاسير ونقراها بتمعن متخلصين من كبائل هوى النفس
    او اننا نسأل من اكثر من هؤلاء العلماء علما
    واتفق معكم اننا وجدنا من يحلل ويحرم لدرجة اننا شعرنا بالضياع لانعرف لمن نرجع ونذهب لذا فعلينا بالرجوع للاصوووول
    السلام عليكم ورحمة الله وبركاته



    أحبكن في الله

  9. #9
    أم هيونة's صورة
    أم هيونة غير متواجد عضو نشيط
    تاريخ التسجيل
    Sep 2005
    الموقع
    في بلاد الله الواسعة
    الردود
    324
    الجنس
    أنثى

    beatheart (ألا ان سلعة الله غالية ألا ان سلعة الله هى الجنة)

    بسم الله الرحمن الرحيم
    (9)
    السلام عليكم ورحمة الله وبركاته
    وكلامى هنا من وحى اسئلة وجهت الينا من قبل في منتدى اخر وفعلا استفدت منها كثيرا وهنا رغبت ان اكتب اسئلتهم مثلما كتبنه وسألت احدى الاخوات



    أمرنا الله بغض البصر, فإذا كانت المرأة ستتغطى كلياً و لن يرى منها أي شيئ فالسؤال هو: لماذا إذاً يغض الرجال أبصارهم؟ وعن أي شيئ سيغضون أبصارهم؟؟


    وقلت لها فعلا امر الرجال بغض البصر ولكن هل اختى الفاضلة المجتمع يقتصر فقط على المسلمات؟؟ هناك النصرانيات كاشفي الوجه والشعر واجزاء من الاجساد وهناك ايضاغير الملتزمات في حجابهن وهناك المتبرجات وفي حالة الاحرام تكشف المرأة وجهها وكفيها فاولى للرجل ان يغض بصره في تلك الحالات
    وللاسف هناك ايضا من الرجال من ينظر الى المنتقبات بل ويعاكسهن في الطرقات وارى ذلك بعينى فهن مأمورات بغض البصر ايضا حتى ولولم يرى منها شيئا فهى على كل الاحوال امرأة....وبالنسبة لمن يقولون ان النقاب فقط لمن تخشي على نفسها الفتنة او لازم تكون جميييلة جدا عشان تلبسه فسبحان الله انا ارى العكس ارى انها كده بتبقي متميزة يعنى ماشية ومش باين منها حاجة بس معروف انها من تحت النقاب هتبقي جميلة
    طب كده تخشي الفتنة اكتر ولا لا؟؟
    وهناك مشكلة تقابل بعض الاخوات غير المنتقبات عندما يسافرن للاراضي الحجازية وهى انتقاد اخواتهن واخوانهن من السعوديين لهن على كشف وجوههن...فانى بالرغم من انى اعلم لماذا يفعلن ذلك لكنى لايعجبنى الاسلوب المنفر في الدعوة(الدين النصيحة) والرسول صلى الله عليه وسلم القائل(خالق الناس بخلق حسن)
    وسألت الاخت سؤالا جميلا يعكس مدى انفتاح تفكيرها وعدم تعصبها جزاها الله خيرا فقالت



    ما معنى الوسطية و عدم التطرف في كل شيئ؟؟ فإذا كان العري طرفاً و الغطاء الكامل طرفاً فما معنى الوسطية التي ينادي بها العلماء هنا؟؟؟؟

    فاعتقد(وهذا رأيي الشخصي) ان الوسطية تسرى على امور العبادات والطاعات العامة مثل عدم الاسراف في الطعام كى يصبح الجسم نشيطا لقيام الليل والانفاق في سبيل الله في قوله تعالى(كلوا واشربوا ولاتسرفوا ولاتقتروا وكونوا بين ذلك قواما)...وعدم انهاك الجسد في العبادات مما لايتحمله(فان لبدنك عليك حقا) وفي قوله تعالى(طه* ماأنزلنا عليك القرآن لتشقي)
    الا انها لا تسرى بنفس الكيف على فروض الله كالصلاة فهل فيها تهاون عن ادائها ؟
    وشرع الله سبحانه وتعالى الرخص حتى نؤديها وان كنا مرضي او قاعدين او على سفر...وكالحجاب فالمرأة مأمورة بستر جسدها وماذلك قسوة عليها ولكن حفظا وصونا لها هذا الى جانب المحرمات كالخمر والميسر هل فيها وسطية؟؟ لا...ولكن التحريم فيها قطعى بالرغم من انه جه بالتدريج الاول
    فالرسول صلى الله عليه وسلم اوصي في خطبة الوداع(استوصوا بالنساء خيرا)وهو نفسه صلى الله عليه وسلم القائل في نفس الخطبة(ماتركت فيكم من بعدى فتنة اشد من فتنة النساء) فهو صلى الله عليه وسلم يوصي بهن ويحذر منهن كى تعتدل المرأة في افكارها فلا تركن الى وصاية النبي صلى الله عليه وسلم بها فلا تنفذ شرائع الله ولاتهتم بامر زوجها واولادها(كماهو الحال الآن المرأة عايزة تاخد كل حقوقها تالت ومتلت حتى لو حشرت بين الرجال ) ولاتتمادى في الاعوجاج فالرسول حذر من فتنتهن
    وفي النهاية اقول لك اختى
    (ألا ان سلعة الله غالية ألا ان سلعة الله هى الجنة)
    احنا بنضحى باللى في الدنيا عشان ننال ثواب الاخرة يسوى ايه العمل والزينة ومهما كانت مكاسبه اذا فرطنا في فرض من فروض الله... كل شيء يهون في سبيل إرضاء ربي سواء كان فرض ام سنة المهم رضا ربنا فين فهل لو كان رضاء ربك في التستر الكامل ولا اقول النقاب كنتى ستلبسينه؟؟ هل كنتى ستضحى بالعمل والمال من اجل ابتغاء مرضاة الله؟؟

    السلام عليكم ورحمة الله وبركاته


    أحبكن في الله

  10. #10
    أم هيونة's صورة
    أم هيونة غير متواجد عضو نشيط
    تاريخ التسجيل
    Sep 2005
    الموقع
    في بلاد الله الواسعة
    الردود
    324
    الجنس
    أنثى

    beatheart (ألا ان سلعة الله غالية ألا ان سلعة الله هى الجنة)

    بسم الله الرحمن الرحيم
    (10)
    السلام عليكم ورحمة الله وبركاته
    شبهات في وجه النقاب!!

    الشبهة الاولى:النقاب يرجع بنا الى عصر الجاهلية فالمرأة مأمورة انها تنزل وتشتغل وتروح الجامعة
    كيف يرجع بنا لعصر الجاهلية؟؟ وقد كانت النساء في هذا العصر يبدين من اجسادهن الشعر والذوائب "الضفائر " والصدر وطبعا الوجه والكفين...وهو مايخالف تماما مايدعو اليه النقاب من تستر وتحجب كامل.... الى جانب انه اغفل جانب اخر وهو(وقرن في بيوتكن) وقد ناقشتها مسبقا...ولايعنى ذلك اننا نقعد في بيوتنا لحد ما يجى لنا كبت ...لا ابدا... الاسلام عمره ماكان بيقول كده(طلب العلم فريضة)احنا مأمورات بالعلم طبعا لكن مش مكلفين بالعمل فاحنا مسئولات من ابائنا واخواتنا ومن بعد ازواجنا
    فهل يا اخواتى سمعتن مرة حديث روى عن الرسول صلى الله عليه وسلم قال فيها ان احدى زوجاته كانت تعمل(بالرغم من شظف العيش)...وكان اولى لهن ان يساعدن زوجهن صلى الله عليه وسلم...حتى السيدة خديجة بعد زواجها من النبي صلى الله عليه وسلم وكلت اليه اموالها وامورها يعمل فيها...فالمرأة ملزومة من زوجها و اهلها اباها واخاها
    وان دعت الحاجة للعمل فلنفعل كما فعلتا ابنتى النبي شعيب ماكان خروجهما فعلا الا للحاجة(ولما ورد ماء مدين وجد عليه امة من الناس يسقون ووجد من دونهم امرأتين تذودان قال ماخطبكما قالتا لانسقي حتى يصدر الرعاء وابونا شيخ كبير) واخدين بالكم من كلمة( وجد من دونهم) تحسوا انهم واقفين على جنب منزويين مفيش اختلاط

    :

    الشبهة الثانية: في اية في القرآن موجهة للرجال تأمرهم(وقل للمؤمنين يغضوا من ابصارهم) واية تانية موجهة للنساء تأمرهم(وقل للمؤمنات يغضضن من ابصارهن)
    وكده يبقي الرجال نفذوا الاية وغضوا بصرهم لانهم مش شايفين منها حاجة لكن هى مانفذتهاش لانها ممكن تبص من تحت النقاب ده بالعكس ده هى كده اللى غلط لانها بتعارض الاية!!!!!!
    سبحااان الله!!...طب ما ممكن برضه يبقي في اخوات غير منتقبات وبيغضوا ابصارهم
    وممكن برضه يبقي في اخوة بيعارضوا الاية ومابيغضوش بصرهم....اذن موضوع نسبي !!
    كما ان فعلا امر الرجال بغض البصر ولكن هل اختى الفاضلة المجتمع يقتصر فقط على المسلمات؟؟
    هناك النصرانيات كاشفي الوجه والشعر واجزاء من الاجساد فدينهم لايأمرهم بالحجاب مثلنا ......وهناك ايضاغير الملتزمات في حجابهن وهناك المتبرجات وفي حالة الاحرام تكشف المرأة وجهها وكفيها فاولى للرجل ان يغض بصره في تلك الحالات
    وللاسف هناك ايضا من الرجال من ينظر الى المنتقبات بل ويعاكسهن في الطرقات وارى ذلك بعينى فهن مأمورون بغض البصر ايضا حتى ولولم يرى منها شيئا فهى على كل الاحوال امرأة

    :

    الشبهة الثالثة :الرسول صلى الله عليه وسلم بيقول في حديث(تبسمك في وجه اخيك صدقة) والا مكنش قاله بقي وكده المنتقبة بتعارض اية وحديث
    سبحاااان الله هى مش لما هتبتسم ..هتبتسم لاختها.... طب تبتسم لها بعد ماتشيل النقاب في المسجد وهم بيصلوا مع بعض او في البيت مش لازم تبتسم امام الرجال بالعكس دى لما بتبتسم وممكن لو تبسطت شوية ونظر اليها رجل ممكن ده يبقي ادعى له انه ينظر تانى ولايغض بصره(والاولى لك والاخرة ليس لك)
    هذا والله المستعان
    السلام عليكم ورحمة الله وبركاته


    أحبكن في الله

مواضيع مشابهه

  1. كيف تكوني اختي المسلمة ...مسلمة متميزة ؟
    بواسطة بنت الهاجري في روضة السعداء
    الردود: 3
    اخر موضوع: 13-03-2009, 06:19 PM
  2. إيه رأيك تكونى منتقبه ؟؟؟؟
    بواسطة نجمه فى السماء في ركن المواضيع المكررة
    الردود: 6
    اخر موضوع: 13-05-2008, 12:17 AM
  3. أختي ايه رأيك تكوني منقبة ؟؟
    بواسطة عائدة لله في روضة السعداء
    الردود: 186
    اخر موضوع: 13-03-2007, 12:18 PM
  4. الردود: 7
    اخر موضوع: 28-03-2005, 03:26 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96