لماذا سمي بهذا الاسم
السلام عليكم ورحمة الله وبركاته
كالعاده اللون الاخضر ربي يخضرها في وشوكوا يارب
لماذا سمي المسكي بهذا الاسم؟
سمعت قصة جميله قوي من الشيخ"صفوت حجازي"
عن ابي الفضيل المسكي وبصراحة مش فاكرة اسمه ابي الفضيل ولا لا بس اسمه المسكي المشهور بيه
هذا الرجل الصالح كان بيعمل في التجارة كان بيعمل في بيع الكراسي الخشب والاثاث
وكده المهم في واحدة في يوم من الايام راحت تشتري من عنده كرسي
المهم اشترت الكرس ومشت وجات تاني يوم ومعاها الكرسي مكسور
وطلبت منه يصلحه المهم صلحة وخدته ومشت وبعدها بكام يوم راحتله تاني بس معهاش حاجة
قالتله الطبليه عندي في البيت مكسورة وعايزاك تصلحها وطبعا هي مش هاتقدر تشيلها
المهم راح معها ودخل يشوف الطبليه وكده قامت قفلت الابوابوخدت المفتاح وخبته وطلبت منه زي محصل مع سيدنا يوسف المهم الراجل قعد يوعظ فيها ومفيش فايده قالتله لو معملتش اللي بقولك عليه هافضحك وهافرج عليك الناس الراجل تذكر زوجتة اللي في البيت واولاده واول حاجة تذكرها رب العالمين وخوفه من الله تبارك وتعالي وعلي بيته وزجته
واولاده المهم قالها طب امهيليني ادخل المرحاض اغتسل وكده فوافقتدخل هذا الشريف المرحاض تصوروا اخواتي عمل ايه طلع كل اللي في الكنيفوحطة علي كل جسمة ووشه وهدومه وكله كله
وطلع للست هانم فقعدت تشتم فيه واتقرفت منه وطردته من البيت ومشي في الشارع الناس كلها مقروفه من ريحته وبتبعد عنه
المهم راح لبيته وزوجته اللي صانها واولاده قرة عينه واغتسل وبقي تمام
تاني يوم رايح مكان عمله والناس مستغربه ان بتفوح منه رائحة المسك من غير مايحط اي رائحة عليه ومش بتروح هذه الرائحة ابدا من يومها من عليه من ذلك اليوم وسمي بالمسكي
وختاما من خاف الله وارضاه رضي عنة وارضي عنه الناس
واسكنه جنات النعيم التي لايزول نعيمها ابدا
لا اله الا انت سبحانك اني كنت من الظالمين السلام عليكم ورحمة الله وبركاته
رد مع الاستدلال
الروابط المفضلة