قال تعالى ((وننزل من القرآن ماهو شفاء للمؤمنين )) ((قل هو شفاء للمؤمنين )) قال الرسول الكريم ((ماأنزل الله من داء الا وأنزل الدواء علمه من علمه وجهله من جهله ))وقال ((من لم يشفه القرآن فلا شفاء له)) ..... بفضل منالله رزقت ببنتي البكر وكانت على قدر من الجمال حتى اته قالي واحد من اقاربي لا توقفين الانتاج واستمري في الانجاب المهم كبرت البنت واي حاجه تلبسها كانت تجذب اي واحد وغير الذكاء والفطنه واعتبرتها صديقه لي لما صار عمرها 3ونص و قبل 6سنوات انتدب زوجي خارج الرياض لمدة شهر ورحنا معاه وكنت اروح لشيخ عشان الظروف الصحيه اللي كنت امر فيها وقبل اسبوعين من انتها الانتداب بدت بنتي تتعب وحرارة وماتقدر تمشي وكان عمرها 4 ونص ومن الالم كانت تقولي ياماما عطيني ماء مقري عليه وكنت اضحك كيف فكرت بالماء المقري عليه وديناها للمستشفى وماعرفو وش فيها وردينا الرياض وعلى طول نومناها في المستشفى وبعد التحاليل والاشعات اتضح ان معاها السرطان وكان من الانواع الاكثر فتكا والحمدلله على كل حال اخذت اول جرعة كيماوي وردينا للبيت وفي احد الليالي كنت اصلي سمعت بنتي تبكي واجي جنبها اسمعها تقول ابي قرآن كبير وقالتها 3مرات وانا انديها واكلمها ماردت علي ورجعت ونامت عرفت ان بنتي محتاجه اقرأ عليها القرآن واخذت جرعات الكيماوي والعلاج بالاشعه ورجعت صحت بنتي زينه بعد سنه من العلاج نقلنا خارج الرياض وظلت سنه او اقل صحتها كويسه وبعدها رجع لها المرض وبدا يسلب صحتا على شوي شوي الين احسبها ميته عندي وفي ليله صحت وكلمتني وقالت انا جعانه وابي آكل وكل ما اكلتها استفرغت وسولفت معي وتقول لي تعالي ياماما نامي جنبي وابي اختي تنام جنبي المهم نامت جنبي على سريري والساعه 2ليلا طلبت من ابوها يرجعها لسريرها ولما شالها ضمته وقالت انا احبك والساعه 4 تقريبا صحيت على صوت بنتي تشهق شهقات غريبه ويدينها ماتحرك واطرافها بارده وصحيت ابوها وقالي الله اعلم انها تحتضر وراح يصلي الفجر ثم رجع وقلت ودها المستشفى ودعتها وخذاها للمستشفى وعندما وضعو عليها اجهزتهم توفاها الرحمن الساعه 6 صباحا وكان عمرها 6 سنوات و5شهور واسأل الله الصبر والثبات ويعيننا عللر الدنيا ومصائبها ويجعل مانمر به رفعت في درجاتنا ......... ولا تنسوني من صالح دعائكم
رد مع الاستدلال
الروابط المفضلة