هل أنت مـتـديّـن محترف أم مـتـديّـن هاوي ؟!
عايز كل واحد يقرأ الكلام ده ينزّله على نفسه بلا إسقاط على الآخرين وإنما يكون كل همّك ..... أنا ...............أنا هاستفيد إيه فعلا من الكلام ده ؟
عشان الشيطان لما بيلاحظ إنك ممكن تستفيد –دينياً- من أي موضوع بيشوّش عليك ويخليك تقرأ الموضوع بأي نيّة تانية المهم إنها تكون لغير الله.
فاقرأ لله ....... والله هاتحس بفرق ........ يمكن يا أخي مجرى حياتك كلها يتغير بسبب كلمة قرأتها !!!
آسف للمقدمة الطويلة ..... ولكن كان لابد منها عشان أبدأ
أنا طرحت الموضوع اللي فات -لو لم أكن مصريا- وكتبته بطريقة كوميدية شوية عشان ألفت الأنظار إن في مشكلة ...... لكن الموضوع أصلاً مش كوميدي !
ده موضوع حياة أو موت !
أقصد حياة أو حياة برضه !!!
لأنها إما حياة في الجنة أو حياة تانية في النار
في ناس هاتقفل الموضوع هنا
Close وريّح دماغك
ايه الغم ده عالصّـبـح ؟!!
وفي ناس هاتقول : تعالى لما نشوف الراجل ده بيبيع ايه ؟
إلى هؤلاء .... وهؤلاء فقط أقول :
هناك فرق بين لاعب الكرة المحترف ....... ولاعب الكرة الهاوي
لاعب الكرة المحترف ....... متفرغ للكورة ........ وقته كله كورة ...... بينام بدري عشان يصحى يتمرن كورة .... بياكل أكل معين عشان الكورة ...... متابع لأحدث التمرينات والحركات والترقيصات والتنطيطات و...و...و...
وعشان كدة سعره عالي عند الناس اللي بتقدّر الكورة
طيب ....
والهاوي ؟!!
الهاوي مش متفرغ للكورة ...... ممكن يكون لما بيفضى بيلعب كورة ........ مش متابع أحدث التمرينات ....
وبالتالي سعره طبعا مش عالي ...... وممكن يكون مالوش سعر أصلاً .
السؤال هنا :هل أنت مـتـديّـن محترف أم مـتـديّـن هاوي ؟؟؟؟؟؟
ولا مش متديّن أساساً ؟!!!
هل أنت متابع لأحدث الأمراض التي تتغلغل بداخل قلبك ؟
هل تعالجها؟
هل تحاول حتى؟
هل الدين أهم شيء في يومك ؟ .........ولا لما بتفضى ؟........... ولا مابتفضاش ؟
هل تجاهد عينك البصباصة ؟
هل تسمع أصوات أقلام الملكين وهما يكتبان ذنوبك ؟
هاتعمل ايه لو واحد صديقك صوّر صحيفة أعمالك 200 نسخة ووزعها على كل الناس اللي حواليك؟
يا ترى سعرك كام عند ربنا ؟ سعر المحترف ؟؟..... ولا سعر الهاوي ؟؟.......... ولا انت اللي عليك فلوس ؟؟!!
هل لا زلت تشعر أنك لا تحتاج أن تتوب؟
منقول
رد مع الاستدلال
الروابط المفضلة