مرحبا خواتي
يمكن سؤالي غريب شوي لكن انا اعتبركن كلكن خواتي وعادي اقولكم اللي افكر فيه
انا التزمت والحمدلله انا وريلي من فتره -- في بالي اشيا وايده ابي اسوييها -- ابي اتعلم واتفقه في ديني وايد واحضر محاضرات واتعلم كيف اكون داعيه واجتمع مع اخوات في بيتي او بيت احد منا ونتذاكر القرآن والحديث ونتحدث في امور ديننا ونبدأ نسوي مشاريع للقرب من رب العالمين ومساعدة المحتاجين -- اقدر اسوي هالاشيا بروحي -- لكن لما نكون جماعه احسن او لما يكون لي على الاقل اخت او اثنين نشجع بعض ونمد يد العون لبعض واذا اي منا فقدت عزيمتها نساعدها للرجوع.
كنت ادور هني ببلادي وبديرتي بوظبي او حتى باي اماره على اخوات نساعد بعضنا في امور الدعوه وحضور دروس فقهيه وعقيديه - - وكنت اتمنى احصل هلخوات بابوظبي ومن اي جنسيه عربيه او بنات بلادي -- وتكون ظروفنا متشابهه وهدفنا واحد.
وان شاء الله ربي يحققلي مرادي ,,,
شكرا لسعة صدوركن وطولت عليكن سامحوني
موفقين يارب
رد مع الاستدلال
الروابط المفضلة