يارب... يارب سامحنى..واغفر لى كل ذنوبى يارب...
أنا عارفة انى باعمل حاجات كتيرة غلط فى حياتى من نميمة فى جلسة اصحاب..وكذب علشان اخرج من مواقف..
لكن والله العظيم يا رب لما باقعد لوحدى باكون فى أشد حالات الندم
ساعدنى يارب وثبتنى..أنا أوقات كتيرة باتجه للقرآن والبرامج الدينية ولبس العباءات والبعد عن الماكياج والاغانى
وباكون راضية عن نفسى...لكن....بارجع تانى لكل ده من غير ذرة خجل واحدة...
يارب قوينى وقربنى منك أكتر وأكتر
يا رب ممكن يشفع لى عندك انى باصوم كل اتنين وخميس طول السنة؟؟؟
يارب ممكن يشفع لى عندك انى من يوم مااتعلمت الصلاة الصحيحة وانا فى 5 ابتدائى يعنى من9 سنين وانا ماسبتش ولا فرض وباصلى كل فرض فى معاده على اد مااقدر؟؟
يا رب ممكن تشفع لى عندك صلاة الفجر وقيام الليل؟؟؟
يا رب ممكن يشفع لى عندك انى من يوم مااتعلمت السنن وانا باصليها؟؟
يارب هايشفع لى عندك القرآن اللى باقرأه وباخلصه وكل ماأخلصه أبدأه تانى؟؟
أنا الحمد والشكر لك يارب باعمل لدينى حاجات كويسة لكن باضيّع كل ده فى كلام فاضى زى الاغانى والملابس والماكياج
يارب نفسى وانا باصلّى اكون خاشعة فى صلاتى..انا احيانا كتيرة باصلى ولما انتهى من الصلاة احس انى باعمل واجب عليا مش حبا فيها(استغفر الله)
يارب تقبل منى اى حاجة اعملها لدينى وماتخليش يوم القيامة اى حاجة كويسة عملتها فى حياتى (هباء منثورا)
يارب اقبلنى عندك من التوابين يارب
يارب قوينى
يارب خلّى فى طريقى حد ياخد بإيدى ويقوّمنى يارب
يارب سامحنى انا وامة المسلمين وتجاوز عن سيئاتنا وعن سيئات اموات المسلمين
آمين يارب العالمين

التائبة الى الله

السلام عليكم ورحمه الله وبركاته
اختاه اعانك الله على فعل الطاعات واجتناب المحظورات ولكن البدايه من العبد والله يساعدك بعد ذلك
اخيه بارك الله فيك بس انا معترض على العنوان ياريت تغيريه

أختي بارك الله فيك و جزاك الله خير الجزاء

أنبهك وفقك الله على أننا لسنا بحاجة لكتابة رسائل لله عز و جل هو سميع قريب مجيب يعلم السر و أخفى .. هذا شيء مُبتدع ..ما تُعُبّدنا بهذا .. ولم يفعل ذلك أحد من السلف الصالح وكانوا أخوف منا من الذنوب و أورع و أتقى .. ايييييييه أين نحن منهم sid و يذكرني هذا أيضا بعمل اليهود الذين يكتبون رسائلا للرب جل في علاه

و لعل تغيير العنوان كما قال الأخ الفاضل واحد تاني مناسب