السلام عليكم ورحمة الله وبركاته
الحمد لله حمدا كثيرا طيبا مباركا فيه كما يحب ربنا ويرضى
الحمد لله حمدا ملئ السموات وملئ الارض وملئ ما بينهما وملئ ما شاء ربنا من شئ بعد
اللهم لك الحمد كما ينبغى لجلال وجهك وعظيم سلطانك
وصلاة وسلاما على سيد الخلق اجمعين سيدنا محمد عليه افضل الصلوات من رب العالمين الى يوم الدين ثم اما بعد

فا كان فى قصه بتحكى فى قديم الزمان ان جوم لواحد فقير وغلبان ومحتاج قالوله بص من اول الفجر دهوه اطلع اجرى وانطلق فى الارض الواسعه الرهيبه اللى قدامك ده هيه كل ارض هتقطعها انهارده هتبقى ملكك بس على شرط ان قبل ما الشمس تغيب تكون رجعت لنقطة البدايه الراجل اول ما الفجر طلع طلع يجرى يجرى يجرى كل ارض اقطعها تبقى ملكى فضل يجرى لغاية ما لقى نفسه اتقطع فبدأ يكلم نفسه طيب اقف شويه طب استريح شويه استريح ؟ ده انا كل ارض هاقطعها هتبقى ملكى استريح ازاى ؟ طلع يجرى يجرى يجرى بعد شويه خلاص نفسه هيتقطع معدش قادر طيب اجرى براحه شويه ريح نفسك شويه اريح نفسى ؟ دا انا هستريح راحه بس لما اوصل دا انا هعيش باشا دا انا كل الناس هتخدمنى دا انا هسكون فى قصور ملهاش مثيل دا انا كل الناس هتعظمنى وهتنبهر باللى انا هوصل ليه اجرى واستحمل فضل يجرى ويقطع مسافات ورا مسافات لغاية ما خلاص وصل فى الاخر هيقع من طوله طب خلاص استريح شويه استريح ازاى ؟ دا انت لو استريحت كل اللى انت حصلته دا هوه هيروح عليك لو ملحقتش ترجع كل المسافه دى تانى طب وبعدين اجرى حتى لو نفسك اتقطع حتى لو طاقتك كلها راحت اجرى والحق انا لا يمكن اضيع شقى عمرى ابدا لا يمكن بعد ما ملكتها لا يمكن بعد ما بقت قدام عيني وفي ايديه اسيبها تروح منى لازم اجرى واجيب المسافه دى كلها تانى فضل يجرى يجرى بيسابق الشمس والشمس هتغيب وهو بيجرى والشمس هتغيب وهو بيجرى واخيرا يا جماعه وصل فعلا لنقطة البدايه قبل ما الشمس تغيب ولكن للأسف كان وصل بعد ما بذل مجهود خااااارق ادى فى الاخر انه اول ما وصل سقط ميت عند نقطة البدايه داخل الارض اللى هو مالكها جه الراجل اللى منحه الارض دى كلها قال لهم احفروله نص متر فى اتنين متر جوه الملك الواسع دا هوه كله عشان يتدفن فيه هى دى اخرتها هى دى اخرتها ؟ بعد جرى الوحوش اللى الناس بتجريه فى الدنيا دا هوه هى دى اخرتها ؟ مع ابو اربعين مليار جنيه هو واللى اربعين مليار بتوعه يوم ما يتحط فى الكفن مش هيسوى الكفن اربعين جنيه هى ى اخرتها ؟ مع اصحاب الابراج والقصور واصحاب العقارات والعمارات ؟ هى دى اخرتها ؟ مع عمّار المصايف وعمّار الشواطئ وعمّار الدش والفضائيات هى دى اخرتها مع شباب الجامعه وشباب المصايف يا جماعه ؟ هى دى اخرتها محدش فكر ؟ اخرتها ايه ؟ لو الراجل ده كان فكر بس وهو بيجرى كده وقف فى النص خمس دقايق فكر اخرتها ايه لو الملايين اللى قاعدين يتفرجوا الوقتى على المبارايات وقفوا مش هنقول سابوا المبارايات وقفوا بين الشوطين يفكروا اخرتها ايه لو الشباب اللى اول ما خلصوا الامتحانات طلعوا على المصايف يبارزوا ربنا بالمعاصى وبالكبائر وقفوا وفكروا اخرتها ايه لو كل بنت متبرجه لو كل واحد مننا الوقتى وقف وفكر بس اخرتها ايه اخرتها ايه بعد جرى الوحوش دا هوه كله اخرتها نص كيس قطن وكفن ونص متر فى اتنين متر فى الارض مؤقتا لحد ما حضرتك تبقى تراب يحطوا مكانك واحد تانى للأسف الشديد
عايزين نتكلم الليله يا جماعه عن عذاب القبر ونعيمه الناس خارجه والشباب خارجين دلوقتى من الامتحانات والناس كلها خارجين من الدنيا القلوب خلاص مفضيه شحن مش قادرين عايزين نتشحن شويه فى بداية الاجازه عايزين نتكلم عن الموت عن عذاب القبر ونعيمه هنتكلم الليله فى العناصر التاليه ك اول حاجه هنتكلم فيها (مطمنين ليه ؟ )
تامى حاجه هنتكلم فيها (ماذا لو تكلم الكفن ؟ )
3- قبل ان يأكلك الدود
4- ماذا يحدث داخل القبر ؟
5- مصيبة الموت ؟
6- اخرتها ايه ؟
مطمنيين ليه محدش فينا وقف يفكر كده احنا مبنفكرش ليه حدفينا يقف يفكر كلمة سرطان لما بتتقال قدام حد مننا بيترعب بيترعب ليه ؟ ياااااااااه دا بيحسوا بألآم فظيعه طب كلمة موت لما بتتقال قدامك ما بتترعبش ليه من الم الموت ؟ كلمة سجن لما بتتقال قدامك يااااااه دا ضيق وحبسه وضالمه طب كلمة قبر لما بتتقال قدامك ليه ما بتترعبش من الحبسه والضالمه اللى فيه ؟ كلمة النور هيتقطع لما النور بيتقطع على حد مننا الوقتى يعنى بعضنا وهو قاعد لوحده فى الشقه ممكن يترعب ويتفزع طب انت مفكرتش انك انت هتتحط فى مكان الظلمه اللى فيه ملهاش مثيل على وجه الارض وهتسكن فيها ليوم القيامه ؟ احنا يا جماعه لما بنسمع كلمة امتحان بيجى الوجل فى قلوبنا والرعب ليه ؟ امتحان يا اخى تخيل لو جيت لواحد منكوا كده فى ثانويه عامه مثلا مثلا قلتله تتصور ان بكره امتحان ثانويه عامه بكره ؟ بكره تخيل هيعمل ايه واسرته هيبقى حالها ايه ؟ وبيتوع ثانويه عامه هيبقى الفزع اللى فى قلوبهم ايه ؟ طب انت الوقتى مبتتخيلش ليه ان امتحان الآخره ممكن يبقى بكره ؟ ليه مابيجيش نفس الاحساس فى قلبك احنا لما بنسمع عن ناس ما بتذاكرش ما بيذاكرش دا ممكن يسقط وفى واحد مذاكرش واترفد وفى واحد مذاكرش وابوه مات بحسرته عليه طيب انت مسمعتش عن عاقبة اللى عصوا ربنا فى امتحان الآخره ؟ طب ما بنذاكرش ليه ؟ طب ما بنتشطرش فى امتحان الآخره ليه ؟ مطمنيين ليه ؟ اذا كان رسول الله صلى الله عليه وسلم قال " لولا الا تتدافنوا لدعوت الله ان يشفعكم من عذاب القبر " مطمنيين ليه ؟ وربنا سبحانه وتعالى هو اللى قال {قُلْ إِنَّ الْمَوْتَ الَّذِي تَفِرُّونَ مِنْهُ فَإِنَّهُ مُلَاقِيكُمْ ثُمَّ تُرَدُّونَ إِلَى عَالِمِ الْغَيْبِ وَالشَّهَادَةِ ) مطمنيين ليه ورسول الله صلى الله عليه وسلم بيقول " لو تعلمون ما أعلم لضحكتم قليلا ولبكيتم كثيرا وما تلذذتم بالنساء على الفرش ولخرجتم إلي الصعدات تزأرون إلى الله " مطمنيين ليه ؟ ايه اللى مطمنا ؟ هو قوم لوط لما ربنا خسف بيهم الأرض كان بسبب الكفر بتاعهم ولا كان بسبب فعل اهل لوط اللى هما كانوا بيعملوه كان بسبب الاتنين يعنى زى ما الكفر بيهلك المعصيه بتهلك يبقى احنا مطمنيين ليه واحنا مقيمين على معاصى الله سبحانه وتعالى مطمنين ليه اذا كان رسول الله صلى الله عليه وسلم داق من الام الموت اللى السيده عائشه قالت بعده والله لا اغبض احدا بهوان موت بعد رسول الله بعد كده لو شوفت واحد الموت بتاعه سهل مش هقول يا بخته عند ربنا لا بعد اللى شوفته من رسول الله صلى الله عليه وسلم مطمنين ليه ؟ اذا كان واحد زى سعد ابن معاذ اللى اهتز ليه عرش الرحمن وفتحت ليه ابواب السما وشهدت جنازته افواج من الملائكه ضم عليه القبر وضاق عليه القبر يبقى انا وانت نطمن ليه ؟ مطمنيين ليه ؟ اذا كان واحد زى ابليس عليه لعنة الله يروى فى الاثر انه عبد الله 80000 سنه قبل ان يضل واحد هيقولى 80000 جبتها منين ؟ بلاش خلينى بعقلى وبعقلك على الاقل عبد ربنا قد عمرى وعمرك 100 مره على الاقل ثم ضل يا جماعه ده الواحد مننا لو بياكل اكل قاعد يا كل اهوه بياكل لحمه وفراخ وكباب و سمك وكل انواع اللحوم ومعندوش اكل بكره بيبقى بياكل وهو متنكد
طب انت معملتش حساب جوع 50000 سنة يوم القيامة ده الواحد مننا لو بيتسحر فى يوم حر شوية زى الايام دهية بيتسحر ربنا يأجر خير اللى بيصوموا فى هذه الايام بيتسحر و بيشرب مية ورا مية ورا مية بيبقى حامل هم عطش بكرة طب انت محملتش هم عطش و حيل بينهم و بين ما يشتهون فى الدنيا يقولك الراجل العاقل اللى يعمل حساب مستقبل ولاده من و هما لسة اطفال و الطالب العاقل اللى يعمل حساب امتحان اخر السنة من و هو لسة فى اول السنة و الانسان العاقل اللى يعمل حساب المستقبل طب ليه مبيقولوش ان الانسان العاقل هو اللى بيعمل حساب مشاكل الاخرة من و هو لسة فى الدنيا ليه يا جماعة ؟ ليه المتدين ممكن يتقال عليه درويش و ممكن يتقال عليه متزمت ؟ وهو الانسان العاقل الوحيد على وجه الكرة الارضية دى كلها مطمنين ليه ؟ دا انت لو داخل امتحان الامتحان ده يا اما تنجح فيه يا تدخل دور تانى اخر الصيف يضيع معاه الصيف بتبقى داخل مرعوب و لو داخل امتحان دور تانى لو سقطت فيه هتعيد السنة كلها داخل مرعوب اكتر و لو داخل امتحان بقى نهاية البكالوريوس ولا الليسانس ولا حاجة مرعوب اكتر و لو داخل امتحان بيترتب عليه وظيفة بره مغرية و بأجر مغرى بتبقى مرعوب اكتر طب الامتحان اللى بيترتب عليه مصيرك امتحان القبر انت مطمن تجاه هذا الامتحان ليه ؟تبقى مش مصدق هذا الامتحان تبقى مش حاطه فى اعتبارك و لا مش متصور ايه اللى مخلينا مطمنين ؟ انت معتقد انك مش هتموت ؟ طب ما رسول الله مات عليه الصلاة و السلام و جبريل هيموت و ملك الموت هيموت و صاحبك و حبيبك مات انت مطمن لانك انت معتقد ان قبرك انت بالذات هيبقى واسع و منور و كبير بأمارة ايه ؟ مطمن لانك انت معتقد ان كل طاعة عملتها فى حياتك ربنا تقبلها و كل معصية عملتها فى حياتك و لسة هتعملها الله تاب عليك منها و كل سبب من اسباب عذاب القبر و عذاب القيامة و عذاب الاخرة انت مرتكبتوش و كل سبب من اسباب حبوط العمل انت نجوت منه مطمن ليه ؟ ايه اللى مخلينا يا جماعة اللى بيفكر فى هذه الامور و بيحطها قدام عينه بيوصل لكلمة واحدة فى الاخر (فكر النجاة )انا عايز انجو انا كل همى الوقتى ان انا انجو انما اللى احنا عاملينه عاملين بالظبط يا احوالنا زى طالب مثلا طب عليه امتحان بعد ايام عملى وشفوى و تحريرى و حالات و هو قاعد مبيذاكرش و لا مذاكر قاعد هادى فتروح تقوله يا ابنى انت طب هتعمل ايه فى امتحان العملى طب لو نجوت من امتحان العملى هتعمل ايه فى امتحان الشفوى طب لو طلعت من الاتنين هتعمل ايه فى التحريرى اهو بالظبط دهالسؤال اللى احنا عايزين يتسأل لنا طب هنعمل ايه فى أسئلة القبر طب الميزان طب الصراط طب العرض على الله طب العرض على النار طب القنطرة طب هنعمل ايه فى مرحلة مرحلة من مراحل الاخرة عشان كدة الانسان يا جماعة اللى بيفكر فى احوال الناس فى علامة تعجب قد الكرة الارضية دى كلها بتملى صدره علامة تعجب ايه الاستهتار اللى ممكن يودى فى داهية ده تخيل انك انت فى ثانوية عامة كدة و نزلت تصلى وطالع لقيت اصحابك اللى فى ثانوية عامة جايبين كورة و عاملين فريقين و قاعدين يلعبوا ليلة الامتحان انتوا بتعملوا ايه ؟ طب يا ريتكوا حتى كنتوا مذاكرين كنا نقول غير كدة انتوا بتعملوا ايه ؟ طب انت مطمن لانك انت معتقد انك مش هتموت الوقتى بأمارة ايه ما انت اللى قدك بل الاصغر منك مات قدام عينيك و اسباب الموت فى هذه الايام لا ترتبط بسن يا جماعة السرطان اللى يقينا مفيش واحد فى المسجد الوقتى حد من قرايبه او اصحابه او جيرانه او معارفه مماتش بالسرطان السرطان ده بيفرق بين صغير و كبير نزور قسم السرطان ونشوف سن اللى موجودين هناك على السراير الصغير و الكبير و الطفل و الراجل و المرأة يبقى ايه اللى احنا بعد كل ده يخلينا مطمنين ده رسول الله صلى الله عليه وسلم بيقول " الجنة اقرب الى احدكم من شراك نعله و النار مثل ذلك " ليه يا رسول الله ؟ عشان حاجات كتير من اهمها ان الموت اقرب الى احدكم من شراك نعله كل واحد صاحبك مات رسالة ليك من الموت كل واحد قريبك مات رسالة ليك من الموت كل حادثة و انت مسافر على الطريق شفتها قدام عينيك رسالة ليك من الموت كل مرض ابتليت بيه فى حياتك رسالة ليك من الموت يبقى كل الرسايل دى بعدها لما نبقى مطمنين قدام ظاهرة مفزعة و فظيعة زى ظاهرة الموت الموت اللى كسر الجبابرة ده فرعون فرعون الجبار العاتى لما جاله الموت اتهد قال امنت انه لا اله الا الذى امنت به بنو اسرائيل فرعون الجبار اتهد من الموت الموت اللى كسر ظهور الامراء و الملوك هارون الرشيد هارون الرشيد لما جاله الموت مش انا و انت بكى حتى ابتلت لحيته ثم قال احملونى الى قبرى فلما ذهب قال {اللهم يا من لا يزول ملكه ارحم من زال ملكه اللهم يا من لا يموت ارحم من يموت } معاوية بن ابى سفيان لما اتى ليه الموت فقال {اين كنت حينما كان غصن الشباب ريان اللهم ارحم الشيخ العاصى ذو القلب القاسى } الموت يا جماعه ابكى الصالحين عثمان ابن عفان -رضي الله عنه - كان كل ما يشوف القبر يبكى يعيط كانوا بيبكوا لما يشوفوا القبر او يفتكروا الموت انت بكيت كام مره لما افتكرت القبر؟ بكيت كام مره لما زرت المقابر؟ زرت المقابر كام مره ؟ احنا باكينا فى منا ناس بكت لما الفريق بتاعها خسر الماتش ولا مصر خرجت من كاس العالم وفى اخوات بكوا لما الفيلم اللى بيتفرجوا عليه البطل مات فى الاخر وفى منا شباب بكوا لما اتقدمولها وابوها رفضهم وفى منا ناس بكت لما شالت مادتين كام مره بكيت لانك هتدفن تحت التراب ويتردم عليك وتتسأل عن ساعه ساعه فى عمرك اللى انت قضيته ؟ كام مره يا جماعه بكينا من اجل قضية الموت وقضية سؤال الملكين وقضية ضيق القبر وظلام القبر وحبسة القبر ؟ كام مره ؟ عايزين كل واحد مننا يفكر الف مره الف مره ساعة ما هتيجى تموت هيتنزل عليك ملايكه تقولك ابشروا بالجنه ولا يتنزل عليك ملايكه تقولك اخرجوا انفسكم اليوم تجزون عذاب الهون ؟ ساعة ما هتيجى تموت هيتنزل عليك ملايكه بيض الوجوه وجوهم مثل الشمس المضيئه ولا ملايكه سود الوجوه ؟ ساعة ما تيجى تموت هتكفن روحك فى حنوط من حنوط الجنه ولا مسوح من مسوح النار ؟ ساعة ما تيجى تموت وروحك هتتطلع هتفتح ليها ابواب السماء ولا هتغلق دونها ابوب السماء والعياذ بالله ؟ عايزين نفكر المؤمن الصادق عامل بالظبط زى الطير اللى لما يتحط فى الزيت المغلى الزيت يطشطش لما يتقلب على جنب تانى الزيت يفور تانى اهوا ده قلبك كل ما يفتكر معنى من معانى الموت والاخره القلب يفور الخوف اللى فيه من الله تفتكر سؤال ملكين الخوف يفور فى قلبك تيجى تهدى لسه هتهدى تانى تفتكر ضيق القبر وحبسته الخوف يفور فى قلبك تيجى تهدى تانى تفتكر عذاب القبر الخوف يفور فى قلبك هو ده المؤمن الحق يا جماعه يبقى مطمنين ليه ؟ يبقى الناس اللى قاعده الوقتى مطمنه ليه ؟ والناس اللى بره دى والناس اللى بتلهوا والناس اللى مقيمه على المعصيه وعلى الغفله والناس المتذبه فى علاقتها بالله تيجى شويه وتروح شويه والناس اللى يعنى بتقدم رجل وتأخر رجل كل دول مطمنيين ليه ؟
ثانيا : ماذا لو تكلم الكفن ؟
كفى بالموت واعظا احنا الليله عايزين نقول كفى بالكفن واعظا احنا الليله عايزين نتخيل ان كفنى وكفنك هو اللى قاعد مكانى الوقتى وهو اللى هيتكلم فى الميكروفون وهو اللى انطقه الله الذى انطق كل شئ عايزين نتخيل لو الكفن اتكلم يا جماعه هيبقى فصيح اوى والله هيقول كلام مفيش داعيه فى الارض كلها يعرف يقوله لو الكفن خاطب كل واحد مننا هيقولى ايه ؟ وهيقولك ايه ؟ وهيقولكى ايه ؟ وهيقول للى ماشيين بره فى الشارع ايه ؟ هيقول لكل واحد مننا انت بتهرب منى ليه ؟ دا انا اكبر حقيقه فى حياتك كلها انا اللبس اللى يقينا هتلبسه فى حياتك فى يوم من الايام افتح الدولاب بتاعك وحطنى جنب بدلة فرحك وجنب هدوم خروجك حطنى جنبهم ممكن اى هدمه من الهدوم اللى فى الدولاب متلبسهاش ما يجيش عليك اليوم اللى تلحق تلبسها فيه انما انا لا يمكن متلبسنيش ابدا لو الكفن اتكلم مع العصاه اللى بيعصوا ربنا واحنا اكتر ناس بتعصى ربنا لو الكفن اتكلم مع العصاه يقولوهم ايه؟ هيقولوهم انا كفن من غير جيوب يعنى ايه ؟ يعنى الانسان اللى باع حياته كلها عشان ياخد كل شئ بيخرج فى الاخر من غير ولا شئ من غير جيوب يعنى ايه ؟ يعنى لافى جيب هتحط فيه موبايل حد يرنلك عليه ولا فى جيب هتحط فيه علبة سجاير ساعة ما تتوتر فى سؤال الملكين تطلع سيجاره وتاخد نفسين ولافى جيب هتحط فيه علبة برفان لما الريحه تبدأ تطلع فى القبر ترش شوية برفان ولا فى جيب هتحط فيه علبة مكياج علشان اللى بيحصل والتغيرات اللى بتحصل فى الوش نبدأ نجملها شويه مفيش جيوب حرير قطن معدتش فارقه خلاص واللون بتاعه لاهو اورنج ولاهو مطرز ولاهو بدانتيل لا ابيض من غير اى خيوط كله زى بعضه ياااااااه عشان كده الكفن بينادى كل عاصى بيقول اياكم واى معصيه ساعة ما تتلف بيه وتتحط تحت التراب تندم على انك انت عاصتها وانت كنت لسه فوق التراب اياكم والاختلاط اياكم والدش فى القنوات الاباحيه الغير دينيه اياكم والتليفزيون اياكم الغنائيات اياكم و اى معصيه تندم عليها لما تنزل قبرك اياكم والسفور والاختلاط و التبرج والمكياج لو الكفن كلم الغافلين فى جمع الدنيا عن الاخره هيقولهم ايه؟ {وانظر لمن حوى الدنيا بأجمعها هل راح منها كلها بغير القطن والكفن} لا والله يارب ما راح بأى حاجه غير القطن والكفن لو الكفن اتكلم مع المتبرجه هيقولها ايه ؟ هيقولها هتتحجبى هتتحجبى لا هتتنقبى اصل الكفن ده حاجه زى النقاب بالظبط هيتلف عليكى لا لون بقى الوان ولا تفصيله ولا قصه لا هتتغطى كلك من اولك لاخرك يبقى غطى نفسك بإرادتك قبل ما تتغطى غصب عنك لو الكفن اتكلم مع كل الناس وكل الدنيا هيقول لكل انسان ايه ؟ هيقوله انا السجن اللى هتتحبس فيه لغاية ما دوده دوده تاخد من جسمك الرزق اللى ربنا قسمهولها الدوده دى ليها رزق فى عنيك والدوده دى ليها رزق فى قلبك والدوده دى ليها رزق فى بطنك لغاية ما كل دوده تاخد رزقها انا اخر توب هتلبسه فى الدنيا دا هيه كلها بعده مش هتلبس ابدا غير يا اما توب من تياب النار يا اما توب من تياب الجنه ربنا يجعلنا من اهل الجنه جميعا بيقولك انا الشاهد الوحيد على اللى هيحصل عليك لما تدخل القبر
ودى النقطه التالته يا جماعه قبل ان يأكلك الدود
قبل ان تتحول من احسن خلق واحسن تقويم الى اسفل سافلين قبل ان يأكلك الدود تخيلوا كده لو انا جيت كلمتكوا او انت سمعت من اى حد عن واحد ايديه والعياذ بالله بتحصل كتير يعنى المرضى امراض كتيره ايديه حصل فيها تعفن ومتلحقتش لدرجة ان الدود طلع فيها هيبقى احساسك ايه ؟. هتبقى مقشعر كده ورعوب طب ما انت عضو عضو فى جسمك هيحصلوا كده طب لو قلتلك بقه انهما سبوها شويه لحد ما الريحه قلبت المستشفى والمكان اللى هما فيه هتحس انك انت جسمك متاخد كده طب ما انت هيحصل فى عضو عضو من جسمك كده يا جماعه كلمتكوا قبل كده زماااااااااان عن الجثه ممكن يحصلها ايه بعد ما تموت بس لما جيت اقول الكلام يوميها صعبتوا عليه فقلت بلاش بلاش اتكلم وافسر يا جماعه الواحد دلوقتى بيفكر طب بلاش ليه بلاش ما احنا لازم نفوق انت ليك روح وليك جسد قاعدين نهتم بالجسد ونأكل الجسد ونشرب الجسد ونريح الجسد وناسيين الروح تماما وناسيين الدين تماما فربنا بيقولك بقه شوف رحلة جسمك جو القبر شوف جسمك بيحصلوا ايه ؟ عشان تعرف جسمك اللى انت عشت عشانه الدنيا دا هيه كلها فى الاخر بيحصله ايه لما يدخل القبر يااااااااه اول ما الواحد بيموت فى اول ساعات بعد موته اول حاجه بيقولك الانسان بيتيبس يعنى ايه بيتيبس يعنى يتسمر كده كأنه صنم منحوت كده فى الوضع اللى هو مات عليه لو واحد مات ساند على حيطه اه يتيبس كده وهو فى الوضع كده وهو ساند على الحيطه طب ولو واحد مات وهو بيزنى والعياذ بالله يتيبس فى الوضع بتاع الزنا والانسان يبدأ يتلج خلاص يبقى عامل زى حتة الحديده لو حطيتها فى الصيف تسخن لو حطيتها فى الشتا تبرد ومعدش بقه خلاص يبقى الدكتور فلان والاستاذ فلان والحج فلان واحد صاحبنا راح يغسل ميت الاسبوع اللى فات فبيقولهم هو فين قالوله انت عايز الامانه ؟ قالوهم اه عايز الامانه بقى اسمه الامانه خلاص بقه لا عاد عاد الدكتور فلان ولا هاتوا الدكتور فلان قلبوا الدكتور فلان على بطنه اما نغسل ظهره ولا هاتوا الدكتور فلان اما نكفنه خلاص انتهت خلاص بقيت الامانه او بقيت الجثه حسب الصيغ اللى بيستعملها اللى بيغسلوك فى هذا الوقت فاول ما الواحد يموت بعد اول ساعات لو فتحت القبر على حضرتك او حضرتى او حضرت اى حد ما اللى قاعدين معانا بعد يوم واحد من موته هتلاقى ان البطن بدأت تتعفن والعفن بدأ يمتد لغاية ما خد البطن والفرج اكتر حاجتين الانسان عاش حياته عشانهم كلها كل حياته عشان البطن والفرج اول حاجتين بيعفنوا بعد كده يبدأ التعفن يمتد للجسم كله يبقى الجسم عامل زى رغيف العيش اللى بقاله اسبوعين لغاية ما اتعفن داير ما يدور كله يبقى الجسم باللون ده يااااااااااااااه بعد ما كانت بتاخد حمام شمس عشان يبقى لونها برونزى وبعد ما كانت بتتدهن كريم اساس عشان المكياج يبقى يعنى يتهئ للناس ان هى بيضه على المكياج اللى هى حطاه فوقها وبعد ما كان ده اسمر وده ابيض وده قمحى كله بيبقى اخضر والعياذ بالله بعد كده تبدأ العروق تتنفخ عروق الجسم كله من اخمص القدمين الى مفرق الرأس عروق الجسم كلها تتنفخ وتبرز تخيل لو شوفت واحد كده وشه بس فيه عرق طويل كده بارز فيه يبقى المنظر ايه طب تخيل لو الجسم كله بقه كده تخيل ده فى اليوم الأول
لو فتحنا فى اليوم التانى : على فلان باشا وفلان بيه وعلان باشا هنلاقى ان المخ اتحلل والكبد اتحلل والطحال اتحلل والمعده اتحللت والامعاء اتحللت
لو فتحنا فى اليوم التالت : على اجمل بنت فى المنصوره كلها واجمل بنت فى الجامعه والنادى كلهم مش هتقدر تفتح ابدا ليه؟ اول ما هتشيل طوبه بس كده هتلاقى ريحه تقلب المقابر كلها هتبدأ الريحه تطلع عارفين لما واحد يجيب كذا بخاخة معطر جو ويفضل يبخ كل عضو من جسم الميت فى اليوم التالت بيبقى بخاخه بس بتبوخ ريحه لا يمكن ان تطاق اللى كانت متعرفش تنزل الا بالبرفانات واللى مكنش غير بعد الحمى الريكسونا والمش عارف ايه و حاجات اللى دا دى حاجات كويسه انما اللى بتنزل بالبرفانات ما تعرفش تنزل غير بيها وبعدين اهى دى اخرتها يا جماعه
لو فتحنا على ملكة جمال العالم بعد اسبوع واحد بس : بيقولك بعد اسبوع ده بقى المرحلة بتاعة الوش الوش بقى حاجه تانيه خالص العنين تفضل تتنفخ تتنفخ لغاية ما تفرقع اللى كانت متكحله ومسكره وايلينر ومش عارف ايه اللسان اللى اغتاب دى وجارتك وصحبتك وكل اللى انتى عرفتيهم يبدأ يطلع ويبرز من البوء والوش يتنفخ ويسود والعياذ بالله دا كل ده بعد ايه بعد اسبوع واحد بعد ما كان الوش دا لازم تخرج و وشها ده معمول فيه ايه بقى ساعه قدام المرايه عشان وشها ده لوحده بعد اسبوع تخيلوا بعد 6 ساعات بس من موت اجمل نساء العالم مين اللى بيقولوا عليهم جميلات مارلين مونرو اخ شاف صورتها بعد 6 ساعات من موتها بيقول ما بطيقش اسمع اسمها من يوميها بعد 6 ساعات بس من موتها ديانا اسبنسر اللى كانت وهى مع دودى تحت النفق 5000 مصور قاعدين يصوروها اول ما ماتت ولا واحد منهم لقت لها صوره واحده خلاص معدش ليها قيمه اول ما ماتت بس بقى وشها ملوش قيمه مش بعد اسبوع
طيب ولو بعد 10 ايام : لو فتحنا بعد عشر ايام على دكتور فلان وباشمهندس فلان بتلاقى كل حاجه بتبدأ تفرقع البطن تبدأ تنفجر بعد ما تتنفخ يعنى يا جماعه والعياذ بالله كلام قاصى ولكن هى دى الحقيقه الأعضاء التناسليه بتبدأ تنفجر برضه بعد ما بتتنفخ كل حاجه فى الجسم لو فيه اكل فى المعده لسه يبدأ يترجع لو فى اى فضالات تبدأ تخرج تخيلوا المنظر بيبقى شكله ايه تخيلوا منظر البنى ادم اللى كان ما يمشيش الا وهو فى قمة الايافه والشياكه تخيلوا منظره ساعتها يبقى شكله ايه ؟
لو بعد 14 يوم بعد اسبوعين فتحنا على يعنى اى واحده كان اى حد بيهيم بيها حبا فى حياته كلها هيفاجأ ان الشعر وقع والضوافر وقعت الشعر بقه للرجاله والستات بقه تخيلى شعر راسك اللى ياما اتعمل عند الكوافير وياما اتعملوا حمامات شعر تخيل السوالف اللى كانت بتتعمل لما الشعر يتعمل يعنى خدلى شعرى درجه اتنين بس خد بالك من السوالف السكسوكه الدوجلاس تبدأ تقع كل حاجه الحواجب اللى اتخططت واتنمصت تبدأ تقع كل حاجه تبدأ تقع الاسنان الجميله اللى كانت بتعمل ضحكه ساحره لما الاخت تتصور مع الشله بتاعتها اخر الموسم الجامعى ولا لما الاخت تلبس فستان سواريه وتحضر فى فرح من الافراح وتتصور وهى بتضحك ضحكه ساحره كده مع زميلاتها اللى لابسين زيها ولا ولا ولا الاسنان دى تبدأ تقع
لو بعد 15 يوم :فتحنا على الحاكم فلان والملك فلان والباشا فلان والرئيس فلان هنلاقى الدود بدأ يغطى جسمه كله وبدأ يظهر الدود ؟ اه والله يا جماعه عارفين اللى يقولك الدبانه الزرقه مش هتعرفلك سكه اهى الدبانه الزرقه دى هى بتشم ريحة البنى ادم من بعد 5 كيلو لو واحد مات توصله وتحفر لو هو مدفون ومقفول عليه تحفر ممرات تحت الارض لغاية ما توصل لجثته وتبدأ تبيض البيض والبيض يخرج الدود لو فتحت تربه فى هذا الوقت تلاقيها مليانه دبان حى ودبان ميت ودود حى ودود ميت والعياذ بالله بعد 15 يوم دا ده لو فتحنا على الملك فلان ولا الريس فلان اى حد بقه معدتش فارقه بعد 6 شهور بيتحول هذه المنظومه كلها الى هيكل عظمى لسه متماسك مع بعضه معدش فيه اى حاجه لو فتحنا على رينالدوا وروماريو وريفالدوا ورائول الناس اللى كانت ليهم اجسام دول ياخدوا الملعب ساعتين رايح و جاى بعد سنه واحده بس هتلاقيهم شوية عضم متنتور مفيش اى علاقه بينه وبين بعضه لو فضيلت لغاية خمسه وعشرين سنه وفتحت على اى حد هتلاقيه بقى بودره قبل ان يتحول الى تراب معدش فيه حاجه بس غير [عجز الذنب] اللى هما بيسموها فى الطب ال coccyx اللى هو رسول الله صلى الله عليه وسلم قال هى دى الحته اللى بيبعث منها مرة اخرى عشان كده سيدنا على -رضي الله عنه - مره كان ماسك اناء ميه كده فجه يرفعه فى بوئه يشرب نظر اليه وقال [ اللهم اعلم كم فيك من عينا كحيل وخدٍ اسيل] يترى انت الكوز بتاعك ده يمكن كان عين واحد كانت مكحلاها وكانت حلوه اوى ممكن الايد اللى انا ماسكك منها دى كانت خد بتاع واحد ممكن يا جماعه مش بيبقى تراب وبعد كده الله اعلم ايه اللى بيحصل الا الشهداء فى سبيل الله سبحانه وتعالى عشان كده التغيرت اللى احنا قلناها دى كلها ممكن تحصل وممكن متحصلش ممكن تحصل بسرعه جداً وممكن تبطأ جدا عقبه اب ابى معيض اللى اذى رسول الله صلى الله عليه وسلم فى مكه اللى مره الرسول وهو ساجد فى الكعبه خنق رسول الله لغاية ما كان هيموت وابو بكر هو اللى دفعه اللى مره ابو جهل قال من يأتينا بجزور بنى فلان يجبلنا الامعاء بتاعتها يلقيها على محمد وهو ساجد هو اللى قام جابها والقاها على رسول الله صلى الله عليه وسلم لما عقبه ابن ابى معيض قُتل فى غزوة بدر بيقولك ان هو تعفن فورا لدرجة ان من رحته مقدروش ان هما يشلوه يدفنوه مع الناس ردموا عليه التراب فى المكان اللى هو فيه فى حين العكس عبد الله ابن حرام لما ابنه بعد اكتر من 15 سنه حوالى 15 سنه من موته جه ينقل القبر بتاعه فى عهد عمر ابن الخطاب يقول فتح القبر على ابيه فوجده كما هو ويده على اذنه فلما رفع يده سال الدم من اذنه دكتور طب شرعى كان بيكلمنى ودكتور طب الشرعى ده هما اللى تخصصهم الحاجات دى بيقولى واحد فى جنوب سيناء اتضرب النار وهو ساجد كان بيصلى وهو ساجد اتضرب بالنار بيقول اتأخروا 3 ايام يعنى 3 ايام دول يعنى خلاص المفروض الجثه بيبقى نصها اتحلل اتأخروا 3 ايام فى نقله لغاية المكان اللى هو هيتشرح فيه عشان يعرفوا الملابسات الجنائيه للحادث بيقول اتنقل وكان فى الصيف يعنى الكلام ده بيبقى اسرع والاحداث دى اسرع بيقول نقل كما هو دون ان يتغير منه اى شئ يبقى ممكن الحاجات دى تزيد وممكن الحاجات دى تقل انا بقول كده ليه ؟ زى ما قولتلكوا يا جماعه اصل الجسد احنا مهتمين بيه اوى اوى اوى لسه هنتكلم الوقتى الروح بيحصل لها ايه بقه عشان نعرف ان جسمك وكل ده بيحصله شوف روحك بيحصلها ايه عشان بعد كده تكرر انت هتهتم بدى ولا بدى؟ انت هتعيش حياتك عشان تشبع رغبات مين ؟ وتشبع ملذات مين وشهوات مين ؟ وتشتغل عشان تصلح مين فى الاتنين ؟ قبل ان يأكلك الدود لازم كل واحد منا ينتبه انت ربنا خلق عينك فى احسن تقويم وايدك فى احسن تقويم ورجلك فى احسن تقويم وكل عضو من اعضاءك لما بتدخل القبر كل عضو من اعضاءك بيبقى فى اسفل سافلين ليه ؟ عشان ربنا يعرفنا ايه هى قيمة الجسد اللى احنا عايشين عشانه كل الدنيا دى .
4- ماذا يحدث داخل القبور :
يا ترى ايه اللى داخل القبر يا ترى يا جماعه الناس اللى مش مصدقه اللى بيحصل داخل القبور يقولك يا عم عذاب قبر ايه ونعيم قبر ايه واللى بيحصل داخل القبر
يا جماعه والله اللى ما يصدق الكلام ده مجنون مجنون لان كل كلمه من الكلام ده عليها الف دليل ومجنون لانه هيضيع نفسه لو جيت قلتلك فى اسد هيجي اسد يا عم اسد مين اللى يخرج من جنينة الحيوانات يا بنى فى اسد والله العظيم يا عم اسد ايه اللى يمشى فى الاسفلت مع الشارع هتفضل فى مكانك لغاية ما تسمع الزئير بتاعه يبقى اذن يا جماعه اللى ما يصدقش الكلام ده يبقى هو اللى بيجنى على نفسه فى الوقت اللى جسدك فيه شوف بيحصله كل ايه كل ده بيحصل للجسد شوف الروح بيحصلها ايه بقه شوف فى الوقت ده روحك بيحصلها ايه شوف رسول الل صلى الله عليه وسلم وهو بيقول فى حديث البراء ابن عذب من اروع احاديث رسول الله صلى الله عليه وسلم بيقولك " ان المرء اذا كان فى انقطاع من الدنيا واقبال من الآخره [انقطاع انقطاع يعنى ايه ؟ عارف لما الكهربه تتقطع فجأه اهو انت بالظبط كده فجأه نازل من بيتك رايح محلك رايح شغلك رايح جمعتك رايح دراستك مسافر نازل البحر فى المصيف مسافر مع واحد صاحبك على الطريق وفاتحين على الرابع فجأه تنزل ملايكه ورا ملايكه وراهم ملك الموت ايه ده انتوا عايزين منى ايه؟ روحك . ليه؟ لمقابلة الملك سبحانه وتعالى عشان رايح الى الله تخيل فجأه ان المرء اذا كان فى انقطاع من الدنيا ايوه لازم تصدق ان هيجى اليوم اللى هتتقطع صلتك فيه بكل شئ من اشياء الدنيا انت مرتبط بيه هيتقطع صلتك بأحبابك واهلك وجيرانك ومراتك وولادك ودراستك وشغلك هيتقطع صلتك بالمسجد اللى كنت بتصلى فيه وهيتقطع صلتك بالمكان اللى كنت بتتفسح فيه ] اتاه ملائكة بيض الوجوه وجوههم كالشمس [ الله أكبر انا عايزك تعيش بقلبك مع الحديث ده وانا بقرأه حسيت بنبهار كل كلمه من كلماته تجيب انبهار وشهم كالشمس الرسول بيقول ] فيجلسون منه مد البصر [ يا جماعه انتوا تخيلوا كده وانت بتموت كده معنتش دارى باللى حواليك وفجأه تلاقى الدنيا بتنور دا لو شمس واحده طلعت شوف تنور ايه تخيل بقه مئات الشموس او الاف الشموس تخيل النور اللى بدأ يطلع عليك ] معهم حنوط من حنوط الجنه وكفن من كفن الجنه [ يعنى ايه ؟ يعنى معاهم لبس من لبس الجنه وعطر من عطر الجنه ليه ؟ اصل انت طالع تقابل الملك انت فى رحله الى الله الوقتى ينفع دا انت لسه خارج من سجن مش الدنيا دى سجن الدنيا سجن المؤمن ينفع تروح تقابل الملك بلبس السجن ما ينفعش لازم تطلع تقابل الملك بلبس بقه ايه يليق بجلال الملك فيحضرولك اللبس ده عشان كده حنظله غسيل الملائكه ليه غسلوه اصل هيطلع يقابل الملك لازم يقابل الملك وهو طاهر عشان كده يبدأوا الملايكه يحضرولك دول فيجلسون منك مد البصر تخيل بقى وانت بتموت الوقتى وانت بتبص قدامك كده خلاص انت معنتش شايف اللى حواليك من البشر بتبص لقيت المنظر الرهيب ده قلبك هيجيى فيه اطمئنان قد ايه وفرح قد ايه ؟ ] ثم يأتى ملك الموت فيجلس عند رأسه [ طب ملك الموت ما بيجيش فى الاول ليه ؟ عشان ملك الموت ده منظره فظيع يروى فى الأثر ان منظره بس للى يشوفه اشد من الف ضربه بالسيف فتخيل لو ملك الموت اللى جالك فى الاول هتترعب رحمة ربنا وحب ربنا ليك يجبلك الملايكه المنوره دى الاول ] فيجلس ملك الموت عند رأسه ويقول أخرجي أيتها الروح الطيبه إلى مغفرة من الله ورضوان [اعلان النتيجه بقى ملك الموت بيعلنلك النتيجه من اولها عشان تبقى مطمن وفرحان ] فتخرج روح المؤمن تسيل كما تسيل القطره من فيي السقاء [ زى ما نقطة ميه تنزل كده الله دا ايه السهوله واليسر ده ] فلا يدعونها في يده طرفة عين [ من شدة حبهم ليك مايسبوش روحك طرفة عين ما بين ايده انا عيزك تحس ان روحك دلوقتى هى اللى بنتكلم عنها هى اللى بيحصلها ده ما يسبوش روحك ولا لحظه ويقوموا ماسكينها حطينها فى الحنوط بتاع الجنه ومكفنينها فى الكفن بتاع الجنة للتعطير واللبس] ثم يصعدون بها فيخرج منها ريح كأطيب ريح مسك وجدت على وجه الأرض [ايه ريحة ايه ؟ مش ريحة الحنوط ريحة عملك ريحة قيامك ريحة جلسات الضحى بتاعتك ريحة بكاءك فى السجود ] فيخرج منها هذه الريح الطيبه فكلما مروا على ملأ من الملائكه [ انت بتطلع دلوقتى اهوه بقه ] قالت الملائكه ما هذا الروح الطيب قالوا انها روح فلان ابن فلان بأحب أسمائك [دا روح محمد دا روح أحمد دا روح أقول ايه بس روح حازم شومان يارب دا روح فلان ابن فلان] فكلما مروا على ملأ من الملائكه الملايكه تسألهم ويردوا بأحب اسم ليك فى الدنيا[ فبعد كده] فإذا وصلوا إلى السماء الدنيا يستفتحوا له [ افتحوا لفلان ابن فلان ] فإذا كان مؤمن [ انت الوقتى عبد مؤمن اهوه ان شاء الله ] فيفتح له ثم يشيعه مقربوا كل سماء [كل سما الملايكه المقربه بتاعتها من فرحها بيك تنضم للموكب تطلع السما التانيه ينضم للموكب اكتر كل ما تطلع الزفه بتزيد اكتر والاحتفال بيزيد اكتر والانوار بتزيد اكتر حتى تصل إلى السماء السابعه قربت من الملك فيقول الله سبحانه وتعالى اكتبوا كتاب عبدى فى علييييين الله الله لما ربنا يقول عليك كده تخيلوا احد السلف وهو بيموت فضحك فقالوا له مما تضحك ؟ قال إلى اين انا ذاهب ؟ قالوا الى الله قال و كيف لا اضحك و انا ذاهب الى الذى لا ارى الخير الا بين يديه ماضحكش ازاى مفرحش ازاى اكتبوا كتاب عبدى فى لوحة الشرف بتاعة البشرية فى عليين ] ثم انزلوه الى الارض فمنها خلقتهم و فيها اعيدهم و منها اخرجهم تارة اخرى [فتنزل تانى للقبر بتاعك ]فيأتى لك ملكان فى قبرك فيجلسانك [ يجلسانى ازاى يا عم الشيخ مينفعش الكلام ده كلام جميل و روحانى و جميل يعنى ازاى يعنى مبنشوفش حد بيقعد يا ابنى يا ابنى هو الوقتى انا لو جبت راديو و فتحته مش هييجى صوت قرآن هييجى ولا لأ هييجى لو قلبت هييجى صوت اغانى قلبت هييجى مسرحية الاصوات دى كانت فين يا جماعة موجودة بس انت الالة بتاعتك ودانك متعرفش تلقطها لازم الة تانية عشان تلقطها يبقى لو انت مش سامع يبقى الصوت مش موجود مين اللى قال كدة طب انا مش شايف الا هو انت لو مسكت ريموت و فتحت بيه عربية او فتحت بيه كاسيت هو انت شوفت الحاجة اللى فتحت العربية يا ابنى يقينا فى حاجة طب انا مشوفتهاش ليه؟ لان الجهاز اللى معاك اللى هو عينيك ميعرفش يجيبه يبقى مش كل حاجة انت مش شايفها مش موجودة تخيل ان انت واحد صاحبك نايم معاك فى الاوضة كدة و انت قاعد تذاكر او تقرا قرآن فصحى بعد شوية قالك ياه يا أخى دا انا حلمت ان انا كنت فى عربية الوقتى و طلعت القمر و طرت بين السحاب و...تقوله كداب يقولك و الله يا اخى ده انا شوفته تقوله و الله كداب يقولك يا اخى و الله شوفته انا لا شوفتك و لا شوفت العربية و لا شوفت القمر يبقى دا ايه بقى يبقى ده عاقل يبقى مش عاقل يا جماعة يبقى اذا فيجلسانه ]فيقولان له [تخيل بقى انت لسة نازل من عند مين من عند ربنا و هما بيقولولك]من ربك [من ربى يااااااااه ربى الله هى دى عايزة كلام عشان كدة الجنيد لما جه يموت فقالوا له قل لا اله الا الله قال لهم و هل نسيته حتى اذكره هو انا امتى كنت نسيت ربنا سبحانه و تعالى من ربك ربى الله حبيبى الله سبحانه و تعالى] من نبيك [حبيبى رسول الله صلى الله عليه وسلم] ما دينك [الاسلام اللى كنت عايش عشانها اللى ضحيت عشانه بكل حاجة اللى كان من حبى ليه كان نفسى كل الناس تبقى دعاة و كان نفسى انا نفسى ابقى داعية الى الله من كتر حبى فى الاسلام طب ما علمك القرآن طبعا و انا هجيب علم منين يعنى غير من كتاب الله سبحانه و تعالى نجحت فى الامتحان الف مبروك اوعدنا يا رب نجحت فى الامتحان ] فينادى منادى من السماء ان صدق عبدى فأفرشوه من الجنة [خد بقى العطايا بقى] و البسوه من الجنة و افتحوا له بابا الى الجنة [الله شقة مفروشة مش بتطل على النيل يا جماعة و لا بتطل على اول سطر فى راس البر و لا فى الساحل الشمالى شقة مفروشة بتطل على الجنة تدفع فيها كام دى بقى الشقق بتاعة المشاية دول بيدفعوا فيها كام طب انت تدفع كام فى شقة بتطل على الجنة تدفع عمرك و الله قليل على شقة بتطل على الجنة] ثم يقال له افسحوا له فى قبره مد بصره [ده الشقة دى مش 100 متر و لا 150 متر بقى و لا 200 متر ده مد البصر شوف المساحة بتاعتها شكلها ايه كل كلمة لو انت فعلا روحانياتك عالية كدة و انت بتسمع الحديث ده تحس ان انت قلبك فى السما ثم يمد له مد بصره طب مبينورلوش القبر ليه يا اخى ده الجنة بقت مفتوحة شباك كدة طالل على الجنة نور ايه اكتر من انوار الجنة فى الوقت اللى هو فيه ده ] ثم يأتيه رجل حسن الوجه جميل حسن الثياب [لابس لبس حلو اوى طيب الرائحة ريحته جميلة] فيقول له من انت فوجهك الوجه الذى يأتى بالخير يقول له أبشر بالذى يسرك ابشر هذا اليوم الذى كنت توعد انا اعملك الصالح [انا صيامك و قيامك انا جلسات الضحى اللى انت كنت بتقعدها انا نقابك انا نقابك اللى اتعففتى بيه عن فتن هذا الزمان انا برك بامك و ابوك انا برك بزوجك انا طاعتك لله و تكبيرات الاحرام اللى انت كنت بتدركها انا حضورك للدروس و دعوتك الى الله و طلبك للعلم انا عملك الصالح] فيقول ربى اقم الساعة ربى اقم الساعة [الله اقم الساعة ايه بعد كل النعيم اللى انت فيه ده عارف ان فى نعيم تانى مستنيه الراجل ده ايه يا جماعة الراجل دا افراح الروح بتاعته من فرح لفرح اول فرحه عدوا معايا كده الافراح اللى قاعده تنزل عليه كل فرحه ما بينها وبين التانيه ثوانى اول فرحه هه كانت ايه؟ اول فرحه لما شاف انوار الشمس اللى نزله عليه دى اطمن تانى فرحه لما ملك الموت نزل يبشره ده ملك الموت نفسه اللى نازل يبشرك تالت فرحه بعد كده لما الملايكه حنطته فى الجنه بقى ورفعته فى السما تخيل بقى عريس وبيتلبس ليلة الزفاف بتاعته تخيل فرحته وهو بيلبسوه وبيعطره وبشيكوه رابع فرحه الاكرام اللى هو خده بقه من الملايكه فى السما تخيل امال ليه الجنازه بتقول قدمونى قدمونى ليه؟ ليه احب المؤمن لقاء الله ما هو عارف التكريم اللى هو هيشوفه بدأ يشوف بوادر التكريم لما تشوف كل التكريم ده تبدأ بقه تحس انك عايز تطلع رابعه فرحه التكريم اللى انت بتشوفه تخيل كل باب من ابواب السما كده دا مين دا فلان الاه دا فلان اللى مكنش بيسيب تكبيرة الاحرام السما اللى بعدها فلان اللى كان ما بيسبش السنن الرواتب السما اللى بعدها فلان اللى كان بيصوم اتنين وخميس السما اللى بعدها فلان اللى كان فى ماله حق معلوم للسائل والمحروم السما اللى بعدها فلانه اللى عمرها ما اتفرجت على فضائيات اباحيه ولا بصت للولاد اللى رايحين وجايين فى الشارع ولا كشفت حاجه من جسمها تفتن بيها الناس ولا عملت علاقات مع شباب السما اللى بعدها فلان اللى كان بيدعو الى الله تخيلوا بقه تخيل الفرح اللى انت فيه يا بخته والله والله يا جماعه اللى يعرف الكلام ده ما يبطل عمل صالح ليل نهار يحترف العمل الصالح طول حياته يقتل نفسه فى استرضاء الله دا مهرجان دا احتفال سبع سنوات بيك بى ايمانك وبعبادتك يوم ما تلقى الله سبحانه وتعالى الفرحه اللى بعد كده لقاء الله بقه لقاء حبيبك سبحانه وتعالى الله اعلم ربنا هيلقاك فى هذا الوقت ازاى الفرحه اللى بعدها لما تجاوب على سؤالملكين تخيل ان انت واقف مع دكتور الماده كده وقاعدين تضحكوا وتهزروا مع بعض ولله المثل الأعلى بعد كده خرجت من الاوضه لقيت واحد بيقولك ايه دكتور الماده الفلانيه اسمه ايه؟ اسمه ايه دا محفور فى قلبى دكتور فلان الفلانى طبعا تخيل ان انت جلال الله ساكن جوه قلبك مش ممكن ما تجوبش على اسئلة الملكين طب النجاح فى امتحان الملكين الفرحه اللى بعدها يا سلام الشقه المفروشه الجميله اللى انت خدتها اللى بتطل على الجنة الفرحه اللى بعدها هتشوف مقامك فى الجنة مرتين كل يوم ولو انت شهيد هتمرح فى انهار الجنه الفرحه اللى بعدها نعيم القبر بقه شوف نعيم القبر دا موضوع غير اللى احنا بنقوله كمان اللى فرحه اللى بعدها الفرحه اللى بعدها كل دى فرحات ورا بعض تضيعها عشان ايه طب شوفوا بقه فى النحيه التانيه بقه شوفوا المقارنه بقه شوفوا الوش التانى] فإن العبد الكافر أو الفاجر إذا كان في إنقطاع من الدنيا وإقبال من الآخره [الكلام ده احنا هنعيشه كل واحد منكوا هيعيشوا يقينا على وجه التفصيل اللى انتوا بتسمعوه فى دقايق هتعشوه فى سنين يا جماعه الكلام ده هيمر بينا يا جماعه القبور دى فيها نعيم عمرنا ما سمعنا عنه فى الدنيا وفيها عذاب عمرنا ما تخيلناه فى الدنيا وفيها غليان اشد من اشد قدر بيغلى على الطعام اللى فيه] أتته ملائكة سود الوجوه معهم مسوح من النار [لبس كثيف اسود تقيل من النار والعياذ بالله تخيل الدنيا ضلمت كده] ثم يأتيه ملك الموت فيجلس عند رأسه فيقول أخرجي أيتها النفس الخبيثه إلى سخط من الله وغضب [والعياذ بالله دا ايه ده ايه الكبسات اللى ورا بعضها] فتفرق فى جسده [الروح تهرب تترعب] فينزعها من جسده كما ينزع السفوت من الصوف المبلول [تخيل الحديد اللى متشعب منها تفرعات حديديه لو اتحطط جوه صوف واتنزعت هتقطع فى الصوف تخيل احساس الميت ساعتها زى واحد جسمه كله من جوه مسامير جسمه كله اشواك من جوه طب بتهرب روحه ليه؟ ما تطلع ما هى عارفه هتطلع لأيه هتهرب] فإذا خرجت لم يدعوها فى يده طرفة عين فيحنطوها [يخدوها بقه يحطوها فى المسوح بتاعة النار يبقى على طول تخيلوا بقى لسه ألم الموت طالع منه يقوم داخل فى ألم النار والعياذ بالله] ثم يخرج منها ريحٌ نتنه كأنتن جيفة على وجه الأرض [ريحة عمله المهبب والعياذ بالله ريحة الاباحيه اللى هو عايش فيها ريحة الشهوات اللى هو عبادها ريحة بعده اعراضه عن الله سبحانه وتعالى ريحة الكلبات اللى اتفرج عليها ريحة المصايف اللى عمل فيها اللى عمله ريحة وريحة وريحة تخيلوا بقى عيش شبابك فى الرحالات وعيش شبابك كل ده] فيصعدوا بها إلى السماء فكلما مرت على ملأ من الملائكه قالوا ما هذه الريح النتنه [ايه دى ريحة ايه دى تخيلوا يا جماعه يعنى هو اول ما طلعت من ايده خدوها ليه خدوا الروح بتاعة الفاجر ده ليه؟ لان من غلهم منه عايزين يحطوها فى النار وبعد كده عايزين يحطوها فى حنزط من النار ليه لو كلب ميت ومعفن هيلفوه فى ايه يعنى والعياذ بالله طب تخيلوا الريحه اللى طلعه من الروح الخبيثه دى جوه الحنوط بتاع النار عشان كده مفيش ملك بيحب ان الروح دى تقرب منه ولا تعدى جنبه] فإذا ذهبت إلى السماء الدنيا استفتحوا لها فلم يفتح لها ابواب السماء حتى يلج الجمل فى سم الخياط [لغاية ما الجمل يعدى كده من خرم الأبره عمره ما هيعدى والعياذ بالله شايفين اليأس اللى بيبقى فيه] فيقول الله سبحانه وتعالى اكتبوا كتابه فى سجين وانزلوه إلى الأرض فيحط إلى الأرض حطا [عارفين لما كيس زباله يترمى كده اهو الرميه اللى بيترماها دهيه] حتى اذا يجلسانه فى قبره فيقولان له ملكان يأتيانه من ربك؟ هاها لا أدرى. [ميعرفش ربنا مين لا عرفه فى الدنيا ولا عرفه فى الاخره لا أدرى معرفش دا انا لو جيت سألتك أسئله أنت عارفها أنت عارفها كويس بس بسألك وانا بهزك وبنهرك مش هتعرف تجاوب فمبالك بأسئله انت مش عارفها من ربك معرفش يعنى ايه الكلمه اللى بتقولوها دى] ما دينك هاهاهاها لا أدرى من نبيك هاهاهاها لا أدرى فينادى منادى من السماء ان كذب عبدى فأفرشوه من النار وافتحوا له باب من النار [والعياذ بالله] ثم يضيق عليه قبره حتى تختلف اضلاعه [شوفت السعه اللى التانى كان فيها مد بصره دا القبر بتاعه يبقى اقل من مساحته هو نفسه حتى تختلف اضلاعه دا الواحد لو اضغت عليه لغاية ما ضلوعه اتكسرت شوفوا الالم امال لو الضلوع اليمين جت فى الشمال والشمال جت فى اليمين] ثم يأتيه رجل قبيح الوجه قبيح الثياب قبيح الرائحه يقول له من انت فوجهك الوجه الذى يأتى بالشر فيقول له انا عملك السئ [انا المعاصى اللى انت كنت قاعد تعملها ليل ونهار انا اعراضك عن الله سبحانه وتعالى انا عد كل اللى انت عملته اللى انت عارفه كويس اوى زى ماهو مكتوب فى صحيفتك انا هو ده بقى معاك ليوم القيامه معاك فى هذا القبر لما يكون عملك الصلاح معاك يبقى كنزك معاك كنز معاك كنز مش فلوسك ولا اموالك كنزك الحقيقى بيدافع عنك ليوم القيامه طب عملك السوء بقى والعياذ بالله انا عملك السئ ] فيقول ربى لا تقم الساعه ربى لاتقم الساعه " [لا تقم الساعه ازاى؟ دا انت العذاب اللى انت فيه مفيش بنى ادم يتخيلوه فضلا على انه يتحملوه ما هو عارف اللى بعد كده ايه اللى بعد كده اشد من اللى كان قبل كده والعياذ بالله الراجل ده عاش فى عذاب شكله ايه يا جماعه عذاب فورا ورا عذاب ورا عذاب اول عذاب عذاب لما الدنيا اسودت فجأه تخيل المنظر الكئيب اللى بيبقى فيه والملايكه سود الوجوه نزلوا تانى عذاب انه شاف منظر وش ملك الموت تالت عذاب الم الموت وهو بيتنزع روحه رابع عذاب لما ملك الموت قاله النتيجه بتاعته مقدما وبشره بالنار وسخط الله وغضبه والعياذ بالله خامس عذاب لما اتلف فى مسوح النار عذاب النار المادى اهوه بدأ يدخل فى العذاب المادى سادس عذاب الاهانه من الملائكه وانه ينادى بأقبح اسماء فى الدنيا والاسماء اللى كانت بتدل على معاصيه وفضايحه وان هو ييأس لما الابوب تتقفل فى وشه سادس عذاب لما بيطرح ويترمى زى كيس الزباله للأرض سابع عذاب لما يتسأل سؤال الملكين وميعرفش يجاوب عليه تخيلوا كل ده ورا بعضه ورا بعضه ورا بعضه ثامن عذاب لما يضيق عليه قبره حتى تختلف اضلاعه تاسع عذاب لما يفرش قبره من النار وكمان شبابيك على النار تاسع عذاب لما يعرض عليه مقامه من النار مرتين احنا قاعدين نعد نعد نعد عاشر عذاب لما يسقط فى امتحان الملكين العذاب ال11 و12 و13 لما يعذب عذاب القبر بقى غير كل ده دا حاجه تانيه اسمها عذاب القبر ايه عذاب القبر ده انتوا عارفين احاديث رسول الله صلى الله عليه وسلم رسول الله اخبرنا اطراف من عذاب القبر اطراف غريبه يا جماعه يعنى "ان الشمله التى اشتملها لتستعر عليه نار فى قبره " ممكن واحد قبره يولع عليه يولع عليه ؟ اه ليه لانه اكل حق غيره امال اكل مال اليتيم بقى و اللى سرق واللى نصب امال دول بيحصلهم ايه طب المتثاقل عن الصلاه بيحصله ايه ؟ تحطم رأسه حتى تتهشم ثم تعاد مرة اخرى لانها اتثاقلت على الصلاة لرب العالمين سبحانه وتعالى دا اللى اتقال عن الصلاة طب امال يا جماعه اللى وقعوا فى الزنا والعياذ بالله دول بيوضعوا فى تنور فى فرن بيوشوا فيه فى القبر انا عايز اقول اذا كان دا عذاب اللى زنا امال عذاب المتبرجه ايه ؟ المتبرجه ؟ المتبرجه دى اللى اكتر ولا اللى زنى دا المتبرجه دى هى سر انتشار الزنى فى العالم كله امال عذاب المتبرجه يبقى شكله ايه بقى ؟ اللى كانت السبب فى 99 % من جرائم الزنى على وجه الأرض 99% والسبب فى اثارت الشهوات دى كلها يبقى عذابها شكله ايه ؟ يبقى ده عذاب القبر يبقى اكل مال اليتيم ما يفتكرش انه هينجوا من عذاب القبر يبقى اكل الرشوه والسحت ما يفتكرش انه هينجوا من عذاب القبر يبقى اللى منع زكاه ما يفتكرش انه هينجوا من عذاب القبر يبقى اكل الربا ما يفتكرش انه هينجوا من عذاب القبر يبقى اللى كشفت من جسمها اللى تفتن بيه الناس ما تفتكرش انها هتنجوا من عذاب القبر يبقى اللى اتهمت واحده غيرها فى عرضها ما تفتكرش انه هتنجوا من عذاب القبر يبقى اللى شرب مخدرات واللى شرب خمره واللى ضيع فرائض ما يفتكرش انه هينجوا من عذاب القبر اذا كان رسول الله صلى الله عليه وسلم قالنا ان اللى ما بيستبرئش من بوله بعد ما بيدخل الخلاء ما بيتطهرش من بوله بيعذب فى القبر امال باقى المعاصى بقى صاحبها يعمل ايه ؟ عشان كده لما بقولكوا يا جماعه ان فى قبور بتغلى على اهلها اشد مما تغلى القدور على الطعام والله انا صادق فى هذه الدعوه انا صادق فى هذه الدعوه بكلام الله وبكلام رسول الله صلى الله عليه وسلم ماذا يحدث داخل القبور يا ترى ايه اللى بيحصل داخل القبور ؟ اتكلمنا عن طرف منه ]
ننتقل بعد هذا الى مصيبة الموت :
ايه مصيبة الموت ده ؟ مصيبة الموت هو الموت ده مصيبه ولا مش مصيبه؟ مصيبه ولا لأ ؟ مصيبه انا اللى قلت كده؟ربنا اللى قال كده ( فَأَصَابَتْكُم مُّصِيبَةُ الْمَوْتِ ) يعنى الموت مصيبه مصيبه ليه يارب؟ مصيبه ليه!!!! قول مصيبه ليه ولا ليه الكلمه دى يا جماعه عايزين نفكر فيها مصيبه هو انك تعفن دى مش مصيبه؟ ان انسان يعفن دى مش مصيبه؟ التعفن اللى بيحصل . هو انك تنقطع عن اهلك وتفارقهم دى مش مصيبه؟ هو ان يتقفل باب التوبه دى مش مصيبه؟ هو ان تتقفل صحيفتك دى مش مصيبه؟ اذا كان قفلة الصحيفه مش مصيبه امال ايه المصيبه ؟ ان تتقفل صحيفة اعمالك الصالحه وخلاص معدش هيتزاد فيها مش مصيبه؟ هو ان الواحد يدوق الم الموت وان الواحد يشوف ملك الموت دى مش مصيبه ؟ اللى بيحصل لأهلك وحبايك بعد ما انت بيتسيبهم وبتدخل قبرك دى مش مصيبه كل ده يا جماعه مهواش مصايب؟ علشان كده ايه مصيبة الموت دى ؟ اول مصيبة مصيبة التعفن اللى بيحصل هو اخطر ابتلاء فى الدنيا زى ان الواحد يدود؟ هو اشد الم فى الدنيا زى ان الواحد يعفن ؟ اصعب وحده فى الدنيا انك انت ميبقاش ليك حبيب فى الدنيا زى وحدة القبر؟ هو اخطر فقر فى الدنيا زى فقر الكفن؟ هو اشد ضيق فى دنيا زى ضمة القبر؟ عشان كده رسول الله صلى الله عليه وسلم بيقول"ما رأيت منظرا قط الا والقبر افظع منه " على الاطلاق مصيبه عنيك اللى كنت بتتلذذبيها للحرام لسانك اللى كنت بتغتاب بيه الناس هيبقى تراب قلبك اللى كنت بتحلم بيه بالمعاصى هيبقى تراب انا وانت وانتى كلنا كل أعضائنا دى هتبقى تراب الا من مات شهيدا فى سبيل الله سبحانه وتعالى مصيبة التعفن .
المصيبه التانيه يا جماعه {فتنة الممات} تعرفوافتنة الممات اللى رسول الله صلى الله عليه وسلم كان بيستعيذ منها كل صلاه بعد التحيات و امرنا ان احنا نستعيذ منها عارفين ايه فتنة الممات فتنة الممات دى الشيطان امنية حياته ان هو يخليك تعصى و لا يخليك تكفر ؟ تكفر تعصى ايه ربنا يغفرلك ذنوبك ربنا رحمته واسعة يخليك تكفر طب الشيطان مأفلحش معاك باقى على عمرك دقيقة يبقى الشيطان هيحاول انه هو يكفرك فى الوقت ده طب ازاى ؟ يقينا فى حيل محدش يعرفها غيره فى الوقت ده هيعمل معاك ايه ؟ اول حاجة هيعملها و انت روحك فى مرحلة التراقى التشكيك يشككك فى دينك ازاى ؟ روى عن كثير من السلف انه يأتى لك فى صورة احد حبايبك اللى ماتوا و يقول لك انا مت قبلك و علمت ان اليهودية هى الدين الحق فموت على اليهودية و علمت ان النصرانية هى الدين الحق فموت على النصرانية و علمت ان و العياذ بالله و انت فى مرحلة التراقى لو معندكش يقين زى الجبال تعمل ايه انت فى الساعة دهية طب معرفش يشككك يخليك تموت من غير ما تقول لا اله الا الله ازاى ؟ يفكرك بشهواتك اللى انت كنت مستعبد ليها فى الدنيا اللى كان ميعرفش فى حياته غير الشهوات يفكره بيها و اللى كان ميعرفش فى حياته غير الفلوس يفكره بيها اللى كان ميعرفش فى حياته غير الشهادات يفكره بيها عشان كدة تلاقى تجار بيموتوا و هما بيعدوا الفلوس و تلاقى شربة خمر بيموتوا و هما بيتكلموا عن الخمر ليه ييجى يفكره بالشهوات ينسيه لا اله الا الله يموت من غير ما يقول لا اله الا الله الحاجة التالتة اللى ممكن يعملها انه يخليك متقولهاش بس لو كان العبد مستعبد فى المعاصى يعنى ايه ؟ يعنى واحد فى طيارة بيموت بيحتضر فاللى جمبه بيقوله قول لا اله الا الله ميردش قول لا اله الا الله ميردش قول لا اله الا الله قاله الكلمة دى مش قادر اقولها يربط لسانه ده دى بتحصل مع اللى بيبقوا مستعبدين بقى من قبل الشيطان اللى بيبقوا اتبعوه فى الدنيا لدرجة انه يقدر يستعبدهم ساعة الموت واحد بيقولوله قول لا اله الا الله قال كل ما اجى اقولها لسانى يتعقد مش قادر اقولها و العياذ بالله يبقى المشاكل دى همها الاكبر و لا مشاكل الدنيا اللى شايل هم مادتين ماشى بس دى الاكبر و لا هم اول ليلة تحت التراب اللى شايلة هم عريس اتأخر شوية على ما ييجى ماشى بس ده الهم الاكبر و لا هم سؤال الملكين المصيبة التالتة مصيبة انقطاع التوبة ان الله يبسط يده بالليل ليتوب مسئ النهار و يبسط يده بالنهار ليتوب مسئ الليل يعنى ايه يا رب ؟ يعنى انت دلوقتى لو واحد غلط فى حقك الصبح مش هتقدر غلط فى حقك غلطة بسيطة ممكن تقعد سنة على ما نفسك تصفو انك انت تسامحه ربنا ممكن العبد يزنى بالنهار بالليل يفتح له باب التوبة شايفين يا جماعة رحمة ربنا يبقى لما باب التوبة يتقفل معناها ان اخطر باب من ابواب رحمة الله او باب من اعظم ابواب رحمة الله بيتقفل على العبد و العياذ بالله مصيبة ان العمل الصالح بينتهى ان ورقتك بتتشد منك فى اللجنة معدش ينفع تكتب حاجة خلاص لا عاد ينفع تمسح حاجة من اللى اتكتبت و لا عاد ينفع تزود حاجة على اللى انت مكتبتوش يبقى مصيبة يا جماعة ان الورقة بتاعة الاجابات بتاعتك اتقفلت و هتتسلم الا لو ليك حسنة جارية من بعد موتك مصيبة الم الموت هو الم الموت ده حاجة بسيطة يعنى اختين منهم بنت ماتت فأختها اترعبت من الموت لمدة شهور نفسها تشوف اختها مرة فى الرؤية فشافتها فى الرؤية بعد سبع تمن شهور فقالتلها الموت ده عامل ايه ؟ قالتلها الموت ده حاجة لا يمكن حد يقدر يوصفها غير اللى مر بيها حاجة متتوصفش الم الموت ده من شدة الم الموت ربنا جعله من ضمن انواع العذاب اللى اهل جهنم بيتعذبوا بيه ( وَيَأْتِيهِ الْمَوْتُ مِن كُلِّ مَكَانٍ ) من انواع عذاب جهنم الم الموت و العياذ بالله الم الموت يا جماعة عشان كدة المحتضر اللى بيشوف محتضرين او بيتعامل مع محتضرين تلاقيه فى الاول يبدأ مش قادر يقعد يتأوه بطنه بتوجعه لا انا صدرى بيوجعنى لا مش عارف اخد نفسى الحقونى مش قادر الحقونى شوية و يبدأ يسكت خالص لا يقدر ينطق و لا لو كلمته يرد عليك هو معدش حاسس بالالم لا لا لاء ده هيدخل فى غيبوبة و فعلا يدخل بعدها فى غيبوبة ممكن الالم بل يقينا الالم بيزيد بس مش قادر يعبر ساعتها بعدها بيبدأ يدخل فى مرحلة مرحلة بيسموها العيان بي gusp يعنى ايه يعنى انت بتاخد فى الدقيقة حوالى 20 نفس او 25 نفس هو ميقدرش ياخد النفس غير كل 15 ثانية يعنى 3 او 4 مرات فى الدقيقة كلها تخيل الالم ساعتها انت الوقتى و انت سليم امنع نفسك انك تاخد نفس غير كل 15 ثانية و شوف الحالة بتاعتك هيبقى شكلها ايه عشان كدة عمرو بن العاص و هو بيموت قال كأن السماء انطبقت على الارض و هو بينهم زى ما تكون السما دى كلها فوق صدره و كأنى اتنفس من ثقب ابرة حتى يقضى الله و ترتفع روحه من جسده الم و لو ترى بس لو تشوفوا (وَلَوْ تَرَى إِذِ الظَّالِمُونَ فِي غَمَرَاتِ الْمَوْتِ ) زى ما يكون واحد غرقان فى بحر كدة لا هو قادر يطلع و لا هو روحه بتطلع منه و لا هو بيطلع و لا هو بيتساب ( فِي غَمَرَاتِ الْمَوْتِ وَالْمَلآئِكَةُ بَاسِطُواْ أَيْدِيهِمْ أَخْرِجُواْ أَنفُسَكُمُ الْيَوْمَ ) و العياذ بالله يبقى المنظر مش زى المنظر الهادئ اللى احنا بنشوفه لاء ده فى منظر تانى ربنا بيأكد لينا ان هو ده المنظر الحقيقى اللى بيبقى حادث فى هذا الوقت و العياذ بالله عشان كدة سيدنا رسول الله صلى الله عليه وسلم لما قالنا ان الموت ده من انواع تكفير السيئات يعنى لما تعرف ان سيئاتك بتطلع عليك عند الموت يعنى لما تعرف ان الم النزع بيزيد كل ما يكون عليك سيئات يبقى انت لازم قبل ما توصل لمرحلة النزع تكون صحيفتك دى بيضة عشان متتعاقبش بالم الموت ساعة موتك بالسيئات بتاعتك ازاى الحسنات الماحية يا جماعة جلسة الضحى ماشى قيام ليل اجرى نقاب البسى اى حاجة تقدر تمحو بيها السيئات اللى عليك امحو بيها السيئات اللى عليك حضور دروس سماع شرايط صحبة صالحة قراءة قرآن حفظ قرآن اى عمل صالح تقدر انك انت تستنقذ بيه نفسك من ألم الموت يبقى تهرع الى هذا العمل الصالح ثم بعد هذا ملك الموت انك هتشوفه يعنى ايه ملك الموت يعنى ؟ هو ملك الموت دا واحد جاى ياخد ايدك ولا رجلك ؟ دا لو واحد جاى يقطع ايد ولا رجل هتترعب منه فما بالك بواحد جاى ياااااخد روحك يبقى المنظر بتاعه ده شكله ايه؟ احد رؤساء العمل يعنى الناس الرؤساء فى العمل بتاعهم قاعد على المكتب بتاعه كان شديد مع الموظفين بتوعه وهو معاهم فجأه بص قدامه كده قال ايه ده ؟ وتبول على نفسه بيجروا عليه بيشوفوه لاقوه فقد الروح المنظر اللى شافه خلاه تبول على نفسه ده اللى هو ملك الموت عشان كده لما ملك الموت بيدخل بيت وياخد روح تلاقى كل اللى فى البيت بيعيطوا بتعيطوا ليه انتوا كام واحدفى البيت خمسه ؟يبقى ملك الموت ده يقينا هيزور البيت ده خمس مرات مش اخر زياره هيزورها يبقى بتعيط ليه؟ فهذا قدر ربنا قدره على بنى آدم ان فى ملك بياخد الروح كان ممكن ربنا يقول للروح اصعدى فتصعد ولكن الله قدر ان يبقى فيه ملك وهو ملك الموت ينزع هذه الروح من الانسان من مصائب الموت (وَحِيلَ بَيْنَهُمْ وَبَيْنَ مَا يَشْتَهُونَ ) خلاص اتحال بينه وبين فلوسه اتحال بينه وبين مراته اللى بيحبها اتحال بينه وبين اولاده كان جدار ما بينه وبين كل مافى هذه الدنيا واخيرا اخرتها ايه يا جماعه ؟ اخرتها ايه ؟ لما تقف تبص للجامعه كده ومنظر الشباب اللى فيها او منظر مدرسه ثانوى بنات او ولاد اقعد فكر كده بعد خمسييييييين سنه الناس اللى واقفه قدامى دى هيبقى شكلها ايه ؟ اللى عايش منهم اصلا هيبقى شكله ايه؟ نضارة الشباب والجمال ده هيبقى شكله ايه؟ اخرتها ايه؟ بعد خمسين سنه بس المنظر ده كله هيبقى شكله ايه؟ انا متخيل الملايكه كده لو هى بتبص دلوقتى على كاس العالم والملايين اللى قاعدين يقوموا كل ما جون يجى والالوف المؤلفه من الشباب بتوعنا اللى سايبين الصلاه وقاعدين قدام التليفزيون وبرافو يا رونالدوا والعبها صح يا بيكهام ومش عارف ايه يا زيدان وقاعدين كأنهم قدام ايه تخيل كده الملايكه دى وهى بتبص ايه اللى بيجى فى قلبها اتجاه الانسان؟ يل ترى يا جماعه ايه اللى بيجى في قلبها؟ ألهذا خلقتم؟ ايه اللى انتوا بتعملوا ده ؟ واحد ليه رب بيراقبوه من فوق سبع سموات وهيتحاسب على النقير والقطمير بتعملوا ايه؟ ايه الاطمئنان اللى انتوا مطمنينه للدنيا ده؟ ايه الغفله اللى انتوا فيها دى ؟ فى غفله للدرجه دى؟ فى غفله ممكن تصل الى هذه الدرجه يا جماعه؟ يعنى اخت كانت بتقول انا مش عارفه انا هموت ازاى انا مقدرش اتحاسب انا عارفه انا لو اتحسبت هيحصلى ايه يا جماعه احنا ذنوبنا كتير احنا لو اتحاسبنا هيحصلنا ايه؟ المكلمات اللى بتيجى للواحد مكلمات عجيبه والله
الو : ايوه اتفضل حضرتك: لو سمحت حكم البنوك الغير اسلاميه يعنى كمان مش حتى البنوك اللى كاتبين عليها كلمة اسلاميه كده ضحك على الناس البنوك الغير اسلاميه ايه؟
والله ربا يا اخى ان شاء الله طب سلاموا عليكوا
الو لو سمحت حكم الاختلاط والاصحاب والحبايب والمش عارف ايه ؟ والله يا اخى لايجوز : طب شكرا
الو لو سمحت حكم الرحلات بتاعة يوم الجمعه ولا بتاعة يوم مش عارف ايه ولا صيف ايه ؟ والله يا اخى لايجوزطب شكرا
لو سمحت حكم الاغانى
ايه يا جماعه فى ايه ؟ الناس عادت غارقانه فى معصية الله الناس لهذه الدرجه اصبحت غارقه فى هذه المعصيه كنت بقرأ فى كتاب تاريخ من ايام فلقيت جايبين منظر لمدينه رومانيه ربنا خلى بركان يثور فى دقايق المدينه كل اللى فيها ماتوا الواحد يا اخى فكر سبحان ربى ايه المعاصى اللى خلت دى يهلكوا مفيش معصيه واحده فيها مش موجوده فى المجتمع بتاعنا الوقتى مفيش المعاصى اللى احنا بنبارز ربنا بيها دى مفيش امه قبل كده بارزت ربنا بهذه المعاصى مجتمعه الا الأمم اللى نسمع قصصها فى قصص الأمم الهالكه والعياذ بالله فلحد فين يا جماعه ؟ واخرة اللى احنا بنعمله ده ايه ؟ واخرة المعاصى اللى احنا فيها واخرة حب الدنيا اللى فى قلوبنا اخرة شدة التعلق بالدنيا اللى مالى القلوب بتاعتنا دى اخرها ايه ؟ يعنى تخيلوا كده تعالوا لواحد قاعد يعيط على واحد حبيبه مات اسئله كده انت بتبكى ليه؟ اسئله هيقولك ايه؟ انا ببكى على انه مات فى عز شبابه انا ببكى على البهدله اللى اتبهدلها قبل ما يموت والمرض اللى مرضه انا ببكى على عياله اللى سابهم مش ده اللى بيتقال فى حد هيقولك انا ببكى على الحساب اللى بيتحسبه الوقتى فى القبر ولا ببكى على المعاصى اللى عملها الله اعلم بيعفو عنه الوقتى فيها ولا بيعذب عليها ايه الغفله اللى احنا عدنا فيها دى احنا بنفرح ليه وبنزعل ليه؟ تخيلوا كده لو دكتور جراح فى البيت بتاعه وواحد قام رايح الساعه 3 الفجر وقام مخبط عليه جامد فالراجل فتح الباب قاله فيه ايه؟ قاله فى اتنين عيانيين محتاجين عمليات جراحيه حالا اهوه فى العياده بتاعة حضرتك وعايزين تعملهم العمليات هيقولوا ايه؟ هيقولوا اوى اوى ربنا يبارك فيك اتفضل والله ما انت واقف بره الباب اتفضل لغاية ما البس واجى معاك طب تخيل بقى لو خبطت عليه الساعه 3 الفجر فتحلك قالك فى ايه؟ قلتله دا فى ميت الف واحد فرنساوى اسلموا الليله فى فرنسا هيعمل فيك ايه؟ انت جاى تصحينى الوقتى فى بيتى عشان الخبر ده؟ طب تخيل لو رحت لمدرس الساعه 3 الفجر وقلتله انا جايبلك خمس مجموعات خمس مجموعات !!!! دا لو اتصلوا بيه الفجر يتصلوا فى اى وقت طب لو قلتله دا فى قريه كامله او قبيله كامله من قبائل افريقيا دخلت فى الاسلام وفرحمة الله الليله هيعمل فيك ايه؟ تخيلوا يا جماعه احنا عادت قلوبنا دى معجونه فى حب الدنيا معجونه والعياذ بالله كثير من الخلق عايزين نستنقذ قلوبنا من حب الدنيا قبل لحظة الموتقبل ان نلقى الله سبحانه وتعالى قبل ان نصعد الى الله سبحانه وتعالى عشان كده اخر حاجه عايز اقولها فى درس الليله اخر حاجه عايز اقولها ان احنا عايزين نعيش حياة مودعين عايزين يا جماعه نصلى صلاة مودع جربت انك تصلى صلاة مودع؟ انت عارف يعنى ايه صلاة مودع ؟ تخيل انك انت واقف كده وملك الموت واقف على باب المسجد يعنى هياخد روحك وانت خارج هتصلى ازاى؟ يعنى انا الوقتى رايح لربنا هتركعله ركوع شكله ايه ؟وانت عارف انك هتقابله بعد دقايق سجودك بين ايديه هيبقى شكله ايه ؟ وانت عارف انك رايح تقابله بعد دقايق هيبقى صلاتك شكلها ايه؟ وصلاة مودع يعنى لا راجع لمراتك ولا لبيتك ولا لولادك ولا لدنيتك يبقى كل اللى انت كنت بتفكر فيه وتنسى ربنا فى الصلاه معدتش هتفكر فيه لانك مش راجعله زى عبد الله ابن رواحه كده وهو فى غزوة مؤته لما زيد اتقتل وجعفر اتقتل وبقى هو اللى هيمسك الرايه فلاقى نفسه متردد طب متردد عشان ايه؟ {قال يا نفس مالك لا تقدمين الزوجه فهى طالق ام المال فهو صدقه لسبيل الله سبحانه وتعالى } يعنى ايه اللى هيقف بينى وبين ربنا اى حاجه تقف بينى وبين ربنا انسفها من طريقى فاكرين لما اتكلمنا من سنه ونص عن القلب الشاحنه القلب اللى عامل زى الشاحنه اللى بتنسف اى حاجه فى طريقها اهوا ده القلباللى احنا عايزينه القلب اللى مفيش حاجه تقف فى طريقه الى الله سبحانه وتعالى اللى لو فى حاجه وقفت بينه وبين ربنا ينسفها من طريقه وينطلق فى طريقه الى الله عايزين يا جماعه نتوب الى الله توبة مودع نتوب بقى نتوب هنتوب من ايه؟ من الذنوب لا الذنوب كتير بس مش دى المشكله الوحيده نتوب من الغفله بتاعتنا اللى اشد من الذنوب نتوب من التذبذب فى علاقتنا بالله شويه كده وشويه كده نتوب من المعامله اللى احنا بنعامل ربنا بيها اللى احنا منرضاش ان مخلوق يعاملنا بيها نتوب من ضعف اليقين اللى فى قلوبنا والشك اللى فى قلوبنا نتوب من الامراض اللى فى قلوبنا نتوب من ان احنا بنحب الدنيا اكتر ما بنحب الاخره وبنحب المخلوق اكتر ما بنحب الله بنحب ولادنا وزوجاتنا واعمالنا واشغالنا اكتر ما بنحب الله سبحانه وتعالى هنتوب من حاجات كتير اوى يا جماعه و الموفق هو اللى هيعرف هيتوب من ايه ولا من ايه عايزين فى اخر درس الليله يعنى ما نبقاش اتكلمنا وخلاص او يعنى علينا صوتنا وخلاص عايزين فى اخر درس الليله يا جماعه فعلا نتواصى مع بعض بحاجات لو عملناها الموت يدخل قلوبنا ويحيي قلوبنا يعنى فى كذا حاجه كده الواحد فكر فيها كل حاجه هتعملها من الحاجات دى هتزود بإذن الله الخوف فى قلبك من هذه القضيه هتزود التفاعل مع قضايا الآخره فى قلبك
1- زيارة المقابر وخد معاك ووكمان واسمع فيه شريط عن الموت هناك او خد معاك كتاب عن الموت وروح اقرأه هناك لو الواحد مننا يثبت معاد اسبوعى لزيارة المقابر تبقى حاجه جميله اوى
2-طبق الروشته بتاعة سيدنا ابو بكر -رضي الله عنه - الاربع حاجات (المشى ورا جنازه - الصدقة - عيادة مريض - الصيام) اللى يجتمعوا فى يوم فيه فهو من اهل الجنه واستثمر الفرصه وانت ماشى ورا الجنازه وزور المقابر كرر دايما الروشته بتاعة ابو بكر كلما استطعت
3- اشترى كفن وحطه فى الدولاب بتاعك وكل شويه طلعه ولفه عليك واقف قدام المرايه كده وشوف منظرك هيبقى ايه
4-زور القبر اللى لو مت بكره هتدفن فيه (مقابر عائلتك ) 5-زور قبر اصحابك اللى ماتوا وحبايبك اللى ماتوا
6-اكثر من سماع شرائط الموت دايما علشان تبقى القضيه دى حيه فى قلبك
7-جرب مره واقعد فى الشقه بتاعتك واقفل الكبس المركزى بتاع النور وعيش الليله دى فى الشقه والنور ضالمه حاول تنزل كده تحت كنبه او تحت السرير وتجيب ملايه بيضه وتلفها

الدعاء الاسبوعى: الرسول صلى الله عليه وسلم ما سبهوش ولا مره بعد صلاة بل امر امر صريح مباشر للأمه كلها ان هى تقوله بعد ما تخلص التحيات لدرجة ان بعض الفقهاء اوجب هذا الدعاء بعد التحيات الدعاء ده الرسول استعاذ من اربع حاجات
"اللهم انى اعوذ بك من عذاب جهنم ومن عذاب القبر ومن فتنة المحيا والممات ومن شر فتنة المسيح الدجال"
ثبتها كما امرنا رسو الله صلى الله عليه وسلم وعيش معاها بقلبك
اقول قولى هذا واستغفر الله لي ولكم
سبحانك اللهم وبحمدك اشهد ان لا اله الا انت استغفرك واتوب اليكhttp://www.lakii.com/vb/showthread.p...42#post2137542

جزاك الله خيرا اخى على مجهودك الكبير الذى قمت به من اجل تفريغ الشريط و توصيله الينا ليكون لنا عظه

وجعله فى ميزان حساناتك

و الله يحسن ختامنا و يجعلنا من اهل الجنه و يجعل قبورنا روضه من رياضها

وربنا يهديك و يرزقك بالزوجه الصالحه اخى قريبا ان شاء الله

كتبت بواسطة دندونه الاموره

جزاك الله خيرا اخى على مجهودك الكبير الذى قمت به من اجل تفريغ الشريط و توصيله الينا ليكون لنا عظه

وجعله فى ميزان حساناتك

و الله يحسن ختامنا و يجعلنا من اهل الجنه و يجعل قبورنا روضه من رياضها

وربنا يهديك و يرزقك بالزوجه الصالحه اخى قريبا ان شاء الله

جزاكى الله كل خير