#تفريغ_أسرار_الصلاة_٢
#السر_السادس⬅️(متلازمات رمضان)
ملف وورد تحميل
صوت + فيديو
يوتيوب
صوتي
🔹الخشوع هو سر تأثر القلب بالصلاة، وسر انتفاع الإنسان بصلاته، من لم تنهاه صلاته عن الفحشاء والمنكر فلا صلاة له، والذي تنهاه صلاته عن الفحشاء والمنكر هو الخاشع.
🔹الخشوع في الصلاة هو أدنى درجات الخشوع، تصور أن الخشوع في الصلاة هو أدنى حظ للخاشع بين الخاشعين ؟ في كوكب الخاشعين أقل منزلة للخاشعين هو الخشوع في الصلاة وبس..
🌟قال الله-عز وجل- :-
🌿"لقد أفلح المؤمنون الذين هم في صلاتهم خاشعون"🌿
🔹الحقيقة إن الخاشع في الصلاة ده مرتبة ولكن الخاشع هو الخاشع ع طول..
🌟قال الله-عز وجل-:-
🌿" إِنَّهُمْ كَانُوا يُسَارِعُونَ فِي الْخَيْرَاتِ وَيَدْعُونَنَا رَغَبًا وَرَهَبًا ۖ وَكَانُوا لَنَا خَاشِعِينَ¤"🌿
🔹في فرق دقيق بين "في صلاتهم خاشعون" و "وكانوا لنا خاشعين" ولا لأ؟؟
🔹ال بيخشع في الصلاة بس؟ ولا ال طول عمره خاشع ؟
🌹تصور إن في واحد خاشع في الوضوء؟
🌹تصدق إن في حد خاشع في الطواف؟
🌹تصدق إن في واحد خاشع وهو بيقول أذكار النوم ؟
🌹تصدق إن في واحد خاشع وهو بيتصدق ؟
🌹تصدق إن في واحد خاشع و هو بيسمع درس؟
↩️أيوه الخشوع كبير، و وضخم جدا و واسع لحد ما يتحول الإنسان من خاشع في الصلاة إلى خاشع "وكانوا لنا خاشعين"
🔹وكمان نفهم من قول الله 🌿" كَانُوا يُسَارِعُونَ فِي الْخَيْرَاتِ وَيَدْعُونَنَا رَغَبًا وَرَهَبًا ۖ وَكَانُوا لَنَا خَاشِعِينَ¤🌿" نفهم منها إن الخشوع صفة مجتمعية
🔹علشان كده لما واحد من الصحابه دخل على سيدنا النبي -عليه الصلاة والسلام- وهو بيصلي فسلم على الناس فانتهره الصحابه لذلك إلا رسول الله تفهم من إنتهار الصحابة له إن كل الناس كانت خاشعة!!!
🔹مجتمع خاشع زمان كان يبقى المجتمع خاشع ..والحقيقة في مساجد كتيرة فيها ناس خاشعين!!!
🔹مجرد دخولك مسجد فيه ناس خاشعين 👌ده بيأثر فيك الخشوع صفة مجتمعية؛ تدخل مسجد فضيلة الشيخ محمد الدبيسي تلاقي المسجد وأهله خاشعين تتأثر باخشوع
💌تكون موجود في المسجد الحرام قبل أذان المغرب بخمس دقايق؛ تلاقي الهرج والمرج بتاع توزيع السفرة وتوزيع الأكل والتمر وبعدين.. فجأة تلاقي الحرم كله قبل المغرب بدقيقة هس كل الحرم ساكت تحس إن إنت حد سد لك ودانك
💌كتيروالله أبقى ببدعي قبل أذان المغرب بدقيتين وبعدين أفاجئ بصمت أحس إن وداني اتسدت، كل الحرم سكت لإن الخشوع صفة مجتمعية كل الناس تتأثر مع بعضها بالخشوع
🌟علشان كده ابن القيم-عليه رحمة الله- بيقول:-
🌹 "إذا ساءت فينا الظنون واختلفت علينا الأحوال و و وجدنا من قلوبنا أتينا شيخ الإسلام ابن تيمية فما هو إلا أن نراه فيذهب هنا الذي كنا نجد. "🌹
🔹إنسان بس تشوفه تخشع، ويزيد إيمانك. يا ترى في إنسان في حياتك لما تشوفه تخشع، وإيمانك يزيد؟؟!
🌟قال رسول الله-صل الله عليه وسلم-:- 🍃"وأولياء الله الذين إذا رأوا ذكر الله.."🍃
🔹إحنا محتاجين بيئة إيمانية، إنت محتاج الأسرة كلها تخشع وإيمانها يزيد، خليك طماع متستكفاش إنهم سابوك تعفي لحيتك
🔹خليكي طماعة متستكفيش يا حاجة إنهم سابوكي تلبسي النقاب أو تطلعي الصدقة ال كبيرة ال نفسك فيها لأ خليكي حريصة إن إيمانهم يزبد.
🔹 الرجولة دي تفاحة بتقع من شجرة إسمها الإيمان؛ زيادة الإيمان ال هتخلي الراجل راجل.. فالمقصود هو إن الخشوع صفة مجتمعية وعشن ندوق الخشوع لازم ال حوالينا يكونوا طبعهم الخشوع
👈شوفت الأغاني والمعاصي وتطورها والضجيح وبدل ما كان اسمها أغنية بقى أسمها مهرجان شوفتو البذاءة.. 😣
🔹والمغني بيقول إن:- أغنيتي مش من تحت السلم دي أغنيتي أعزكم الله من البالوعة هو بيقول كده على أغنية نفسه ونجحت ونجحت معاها، نجحت ليه؟ ليه نجحت البذاءة؟ ليه قلة الأدب نجحت؟ ليه سوء الخلق نجح؟ لأ ما ينبغيش ده!!😣
🔹بالضجيج ده ما ينفعش قلوبنا ترق، والبذاءة دي بنجعل قلوبنا متنافرة، بيقولوا إن فيس بوك وتويتر وجميع وسائل الاتصال الإجتماعي تسببت في البغضاء ..
↩️ إكتب كده وحدوا الله وأتحداك إنك مش تلاقي تعليق يقولك يعني إنت هتعملنا شيخ؟؟ ياه لازم سوء خلق ..هو كده الوسائل دي خرجت الناس من رقة القلب
🌟وربنا بيقول:-
🌿"إِنَّ الْمُسْلِمِينَ وَالْمُسْلِمَاتِ وَالْمُؤْمِنِينَ وَالْمُؤْمِنَاتِ وَالْقَانِتِينَ وَالْقَانِتَاتِ وَالصَّادِقِينَ وَالصَّادِقَاتِ وَالصَّابِرِينَ وَالصَّابِرَاتِ وَالْخَاشِعِينَ وَالْخَاشِعَاتِ وَالْمُتَصَدِّقِينَ وَالْمُتَصَدِّقَاتِ وَالصَّائِمِينَ وَالصَّائِمَاتِ وَالْحَافِظِينَ فُرُوجَهُمْ وَالْحَافِظَاتِ وَالذَّاكِرِينَ اللَّهَ كَثِيرًا وَالذَّاكِرَاتِ أَعَدَّ اللَّهُ لَهُمْ مَغْفِرَةً وَأَجْرًا عَظِيمًا¤"🌿
🔹الله على كلام ربي اللهو على القرآن ..خدت بالك؟ أخلاق كتير مع بعضها، الصبر والخشوع والصيام والصدقة و حفظ الفرج والذكر الكثير
🔹عرفت الخشوع يتجاب إزاي؟ إنك تبقى مسلم ومؤمن وقانت وخاشع وصابر وصادق وصائم ومتصدق وعفيف كل ده يجيب الخشوع