تفريغ ح 3 من برنامج دقة قلب للشيخ هاني حلمي

https://archive.org/details/way_3_20160418

أعوذ بالله السميع العليم من الشيطان الرجيم,

بسم الله الرحمن الرحيم, الحمد لله وكفى وصلَّ الله وسلم وبارك على النبي المصطفى وآله المستكملين الشرفا, ثم أما بعد فأسأل الله تبارك وتعالى أن يرزقنا وإياكم قلوبًا سليمة وألسنةً صادقة,

اللهم إنا نعوذ بك من علمٍ لا ينفع, ومن نفسٍ لا تشبع, ومن قلب لا يخشع, ومن دعوةٍ لا يستجاب لها, ربنا آتنا من لدنك رحمة وهيء لنا من أمرنا رشدًا,

على مدى الأسبوعين الماضيين دق القلب أم لم يدق؟ هل ترى بدأ القلب يتحرك لربنا سبحانه وتعالى، تقطع كل الطرق بالأقدام إلا طريق الرحمن فإنه يطرق بالجنان كما اتفقنا, وكنا بدأنا نتعرف على قلوبنا أي القلوب قلبك؟ قلنا أن التقسيمة التي درج عليها العلماء أن يقولوا القلوب ثلاثة: إما قلبٌ سليم, وإما قلبٌ سقيم, وإما قلبٌ ميت, والعياذ بالله

ودرسنا في المرة السابقة علامات القلب الميت

وقلنا { أَمْوَاتٌ غَيْرُ أَحْيَاءٍ وَمَا يَشْعُرُونَ أَيَّانَ يُبْعَثُونَ } [النحل:21],

وأخذنا كلام أبو بكر الوراق عندما قال إن القلوب ستة وليس ثلاثة قال:

القلب الميت والقلب الحي والقلب المريض والقلب الصحيح والقلب النومان والقلب اليقظان،

سنبدأ نرى مع بعض علامات القلب المريض وعلامات القلب الصحيح واليقظان والنومان كي نكون بذلك أنهينا مرحلة التشخيص وعرفنا أي القلوب قلوبنا,

لو تخيلت أن حضرتك ذهبت لدكتور لطبيب وفي أعراض بسيطة برد مثلاً أو شيء ونظرت وجدت الدكتور وجهه خطف وقال لك لو سمحت أريدك تعمل لي رسم قلب ماذا سيكون رد فعلك؟

رسم قلب لماذا يا دكتور ماذا يوجد؟ هل هناك مشكلة؟ قلب!! أنا لا زال عمري 30 سنة قلب لماذا؟ ماذا يوجد؟ هل هناك شيء معين؟ لا طمأنني أليس كذلك؟ لن تكون مطمئن لو مجرد أن هناك هاجس إن القلب مريض فكيف بك إذا عرفت أننا مرضى قلوب وأني وأنت من مرضى القلوب ونحن لا ندري،

ربنا سبحانه وتعالى قال: { أَمْ حَسِبَ الَّذِينَ فِي قُلُوبِهِمْ مَرَضٌ أَنْ لَنْ يُخْرِجَ اللَّهُ أَضْغَانَهُمْ وَلَوْ نَشَاءُ لَأَرَيْنَاكَهُمْ فَلَعَرَفْتَهُمْ بِسِيمَاهُمْ وَلَتَعْرِفَنَّهُمْ فِي لَحْنِ الْقَوْلِ }

[محمد:29 و30]

هل أحد يفهم أن أمراض القلوب هذه لن تظهر؟

{ أَمْ حَسِبَ الَّذِينَ فِي قُلُوبِهِمْ مَرَضٌ أَنْ لَنْ يُخْرِجَ اللَّهُ أَضْغَانَهُمْ }

إن هذه المشاكل الداخلية لن تخرج؟

لا.....ستخرج : (

ولذلك علماء التزكية يقولوا: التزكية على ثلاثة أشياء تخليةوتحليةوتحقق,

ويقولوا التحقق هذا ماذا يعني؟ كيف أعرف أنني لدي مرض قلب أو أنني بفضل الله عز وجل في مقام من مقامات الإيمان؟

قالوا بشيئين:- *بمعاملات الناس, *وبلسانك,

يظهر ما بداخلك ويظهر هل فعلاً هذا القلب صحيح أم مريض، القلب يمرض ومرضه عادةً في شيئين تتشعب منهم أشياء كثيرة,

مرضالشهوات, ومرضالشبهات, ربنا سبحانه وتعالى عندما قال في حق أمهات المؤمنين { يَا نِسَاءَ النَّبِيِّ لَسْتُنَّ كَأَحَدٍ مِنَ النِّسَاءِ إِنِ اتَّقَيْتُنَّ فَلا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ } [الأحزاب:32]

المرض هنا مرض الشهوة وربنا سبحانه وتعالى وصف أهل النفاق { أَفِي قُلُوبِهِمْ مَرَضٌ أَمِ ارْتَابُوا } [النور:50] سورة النور,

الريبة هنا هي المرض الذي هو مرض الشك ومرض الشبهة فيمرض القلب بالشبهات.

إذًا القلب يمرض بشيئين يمرض بالشبهات ويمرض بالشهوات، شبهات وشهوات، القلب المريض قلب مفتون بفتن الشيطان ربنا سبحانه وتعالى يقول لنا مثلاً { لِيَجْعَلَ مَا يُلْقِي الشَّيْطَانُ فِتْنَةً لِلَّذِينَ فِي قُلُوبِهِمْ مَرَضٌ وَالْقَاسِيَةِ قُلُوبُهُمْ } [الحج:53] فهو قلب من حزب الشيطان، قلب مفتون بفتن الشيطان، القلب المريض قلب تتنزل عليه اللعنات، انظروا ربنا سبحانه وتعالى عندما يقول في قوله تبارك وتعالى لما تنزل الآيات

{ وَأَمَّا الَّذِينَ فِي قُلُوبِهِمْ مَرَضٌ فَزَادَتْهُمْ رِجْسًا إِلَى رِجْسِهِمْ وَمَاتُوا وَهُمْ كَافِرُونَ } [التوبة:125]،

عندما قال ربنا { وَنُنَزِّلُ مِنَ الْقُرْآنِ مَا هُوَ شِفَاءٌ وَرَحْمَةٌ لِلْمُؤْمِنِينَ وَلا يَزِيدُ الظَّالِمِينَ إِلَّا خَسَارًا } [الإسراء:82].

لما ربنا قال : { وَنُنَزِّلُ مِنَ الْقُرْآنِ مَا هُوَ شِفَاءٌ وَرَحْمَةٌ لِلْمُؤْمِنِينَ وَلا يَزِيدُ الظَّالِمِينَ إِلَّا خَسَارًا } [الإسراء:82]

فالقلب ده , القلب ده قلب يزداد رجس, يزداد بعدا, يزداد للأسف الشديد قذارة أنا بحاول أقول معنى يكون يعني مناسب, لكن هو كده: قلب متسخ بالمعاصي, هذا القلب المريض.

ربنا يقول : ( لَئِنْ لَمْ يَنْتَهِ الْمُنَافِقُونَ وَالَّذِينَ فِي قُلُوبِهِمْ مَرَضٌ وَالْمُرْجِفُونَ فِي الْمَدِينَةِ لَنُغْرِيَنَّكَ بِهِمْ ثُمَّ لَا يُجَاوِرُونَكَ فِيهَا إِلَّا قَلِيلًا (60) مَلْعُونِينَ... ) ]سورة الأحزاب[

أصحاب القلوب المريضة تتنزل علهم اللعنات, هم من حزب الشيطان, هم للأسف الشديد يقعون في ظلم عظيم تلاقيهم دايما في علاقة كده مابين القلوب المريضة, ومابين النفاق , ومابين الكفر تلاقي مثلا ربنا سبحانه وتعالى يقولنا في غير ما موضع في القرآن , في موضعين يقول : "وَإِذْ يَقُولُ الْمُنَافِقُونَ وَالَّذِينَ فِي قُلُوبِهِم مَّرَضٌ مَّا وَعَدَنَا اللَّهُ وَرَسُولُهُ إِلَّا غُرُورًا" (12) سورة الأحزاب,

تلاقي المنافقين وأهل القلوب المريضة الإتنين دايما في علاقة بينهم يجمع ربنا سبحانه وتعالى القلوب المريضة دي وما بين أهل الكفر تلاقي ربنا يقول مثلا : (..وَلِيَقُولَ الَّذِينَ فِي قُلُوبِهِم مَّرَضٌ وَالْكَافِرُونَ مَاذَا أَرَادَ اللَّهُ بِهَذَا مَثَلا كَذَلِكَ يُضِلُّ اللَّهُ مَن يَشَاء وَيَهْدِي مَن يَشَاء..) سورة المدثر 31,

ماذا أراد الله بهذا مثلا , تلاقي دايما في علاقة مابين الكفر, ومابين أهل القلوب المريضة وبين النفاق, وبين أهل القلوب المريضة.

طيب لو أنا قلبي مريض أعرف منين؟

إيه العلامات اللي تدل على إني إنسان صاحب قلب مريض؟

أول علامة : لا تؤلمه جراحات الذنوب إحنا قولنا في القلب الميت إنه ما بيحسش أصلا إنما ده بيبقى في أثر بس يعني إيه بيعديه,

القلب الميت مش حاسس أصلا خالص إنما ده في جرح بس بيعديه كده, لا تؤلمه جراحات القباح

إتنين من علامات هذا القلب: أنه يجد لذة في المعصية,

آآه أنه يجد لذة في المعصية هو بيحب يتفرج على المواقع دي, مزاجه فيها,

بيحب يتفرج على زنا, بيحب كده,

متعته كده بيحب, بيحب إنه, بيحب الكلام اللي فيه سخرية ووو,

وبيحب أوي يعمل الألشات دي , وإنه يضحك على الناس, ويعمل المقالب ياااااه,

بيحب أوي الجو ده طب دي فيه ذنوب, مينفعش لا يسخر قوم من قوم,

أووه إنتوا هتحبكوها بقى, بيحب ده هي تحب أوي القعدات اللي فيها الغيبة والنميمة وتجيب سيرة الناس ونفهم ونرسى بيحب ده بيحب كده,

بيحب الذنوب, بيحب المعاصي, يحب إنه للأسف الشديد إنه يبقى على قلبه الران وهو مش داري, بس هو كده أنا كده حر,

أنا كده مبسوط, أنا لاقي فيها مزاجي أنه يجد لذة في المعاصي, وإنه يجد راحة بعد عملها المفروض إن القلب الصحيح,

إنه يبقيى متأذي, يعني بعد ما يعمل الذنب تلاقيه : ليه كده, ليه عملت كده لا صاحب القلب المريض بالعكس بيبقى مرتاح جدا وهو بيعمل المعاصي لالا صاحب القلب المريض بالعكس يبقى مرتاح جدا وهو بيعمل المعاصى يقولك أنا كده مبسوط.

• من علامات القلب المريض: إنه يقدم الأدنى على الأعلى ويهتم بالتوافه على حساب معالى الامور, قولى النهارده الناس حافظة الفرق الكورة وأسمائهم ومدربينهم,

ومثلا ااه دا الجماعة بتوع مش عارف ريال مدريد إيه وبتوع برشلونه إيه ومش عارف إيه وحفظينهم حفظ وعارفين وبيتابعوا والكذ والكذا والحاجات دى كلها يهتم جدا ويبقى عارف تفاصيل التفاصيل.

طب لو قلت له في كام نبي مذكور في القراءن, في كام نبي مذكور في القراءن؟ سمعها بقى فى مسابقة تبقى كده أسامى الأنبياء طب المذكورة في القراءن مين؟ طب الصحابة طب العشر المبشرين بالجنة هما مين؟ متلاقيش خالص,

إنما فرقة الاهلى من الأول لآخر والزمالك عارفها بالاحتياطي باللي اتعاقدوا معاهم في الصيف واللي اتعاقدوا معاهم في الشتاء, واللي عمل واللي سوى مهتم جدا بالقصة دي, إنما الحاجات التانية دي ياعم الكلام دا أصله كلام تشدد.

تلاقيه مهتم جدا اه انهارده اتفرج على الماتش وبرنامج تحليلى قبليه قبل الماتش ما يجى بساعه أو ساعتين وبرنامج تاني يمسكوا الماتش ويحللوه حتة حتة فنيا وتحكيميا وبتعتيا ومش عارف إيه يقعد علشان الماتش الفلاني قعد يتفرج عليه ست ساعات.

"علامة المقت ضياع الوقت"

طباه احنا مبنحرمش مشاهدة لكن كل ده! كل ده! الأمر فى الآخر ها الأهلي كسب ها الزمالك كسب خدنا الدوري ها خدنا الكاس,

إيه دا بقى يهتم جدا بتوافة الأمور, الحاجه دي ع الماشي كده حاجة مش مديها قلبك اوى مش مركز معاها اوى, لا هو مركز في دا جدا,

الحاجات التانية بقى ها طب بتصلي الضحى النبى صل الله عليه وسلم بيقول: "صلاة الضحى صلاة الأوابين"

الناس صلاة الضحى النبى صل الله عليه وسلم بيقول:- إن ربنا بيقول في الحديث القدسى : "عبدى صلي لي أربع ركعات أول النهار أكفك آخره"

انا بقول صلاة الضحى مش عايز أقول صلاه الصبح بتتصلى في وقتها ولا بتتصلى الساعة تمانية وتسعة قبل ما أنزل على الشغل إيه ارخبار؟

هو طب دا حارق قلبك؟

لا, لكن الماتش راح لكن الفيلم متشافش لكن المسلسلة اللي كنت بتابعها لكن مش عارف إيه الحاجات دي قلب مريض قلب مريييض,

وللأسف الشديد الظاهر الجسم صحيح والقلب للأسف الشديد مريض مرض شديد.

من العلامات إنه أهو دلوقتي من العلامات إنه يكرة الحق ويضيق صدره إيه بقى اللي جاي يقولك بقى مش عارف إيه ده هه

• يا عم حول إيه يا سيدي دا بقى هي ناقصاك يكره الحق ويضيق صدره به,

لو قيل له طب وبعدين هتقف قدام ربنا سبحانه وتعالى؟؟؟

وعن عمرك فيما أفنيت وعن شبابك فيما أبليت هتعمل إيه في الأسئلة دي؟

وقت الله يحلها الله مش وقتك بلاش بقى الكلام دا دلوقتي,

ليه مبيحبش الكلام ده؟؟

يكره الحق ويكرة النصيحة ويضيق صدره به

بيقى اووه دايما لأنه متبع هواه والهوى ده أعظم أمراض القلب.

• من العلامات أنه يجد وحشة من الصالحين ويأنس بالعصاة والمذنبين الجماعة المدروشين دول ما والجماعة اللي هما السنية دول والجماعة اللي هما تجار الدين,

• أيوة صح زى ما الإعلام أيوه أيوة هما دول تجار الدين هما دول,

• وهو أصلا محجوب عنهم مبيحبهمش ومابيحبش التعامل معاهم مش بقى أحب الصالحين ولست منهم لا,

• واللي يكلمه في الدين واللي يعمله كده إيه ياعم أنت هتستشيخ فيها!!

أنت بقى هتعملي فيها أبو العريف أنت بقى جي أنت خلاص معاك سكوك الجنة,

• يا سيدنا يبتدي بقى الكلام اللي بنسمعه في الإعلام فيأنف من هؤلاء وميحبش التعامل أصلا من الأشكال دي, الأشكال دي بالنسبة له كده!!

يأنف من صحبة الصالحين أو من معاملاتهم قلب مريض إنما الناس اللي معاه في نفس القصة هنقعد ندخن مع بعض ونخرج مع بعض نسهر مع بعض والحبة دول دول شلة الأنس قلب مريض.

من العلامات أيضا أن يقبل الشبهات الزمن دا بقى مفيش أكتر في الإعلام, نجد أن صاحب القلب المريض يستمع إلى الشبهات ويتصدر لها كشبهات أن الحجاب عادة،

والحجاب حرام ليقال الاستاذ الفلانى أو استاذ الفقه المعاصر يحب أن يسمع الشبهات تحت مسميات عصرية ما أنزل الله بها من سلطان, مثل حرية الرأى، و حرية التعبير والفكر,

. ويستنكر الأفكار مثل ازدراء الأديان فتجده يرى أن من حقه أن يسب النبي لكن إن كان هذا السب في حق البلد يرى أن ذلك خيانة عظمى وأمن قومي.

و نجد أيضًا أن صاحب القلب المريض يحب برامج التوك شو، والإعلام لكي يكون جذابًا لابد أن يأتي بالأفكار غير التقليدية فمثلاً لا يقول فلان عضه كلب لا يقول فلان عض القلب فيلفت الناس لمعرفة وسماع هذا الخبر,

فصاحب القلب المريض محب لسماع الشبهات فنراه يحب الصحف الصفراء والأخبار الصفراء.

صاحب القلب المريض يخاف من غير الله:-

من علاماته أنه يخاف خوفًا شديدًا من الجن مثلاً فإذا سأله سائل أترى قطط في المنام؟

أترى أن إصبع قدمك اليمنى الكبير ينمل؟! إذًا أنت تعاني من المس ..!

و ياتي إلى أخرى فيسألها كم عمرك؟ 32 عامًا ! و يتقدم للزواج منك الكثير، و مع ذلك لم تتزوجي،

إذًا هناك جن عاشق هو الذي يمنعك عن الزواج !! كيف هذا؟؟ و هناك 18 مليون امرأة تجاوزت سن الثلاثين أهؤلاء كلهن مسهن الجن !! و محسودات !!

وأحدهم عمل لهن عملاً كما يقولون !!

فنجد صاحب القلب المريض إذا حدثه أحد عن الجن وماذا يفعل من أجل ذلك يخاف حد الرعب فيخاف من الجن أكثر مما يخاف الله،

يخاف من أهل الظلم والجبروت أكثر مما يخاف الله،

فيقع في صاحب هذا القلب شركيات الخوف وهو لا يدري قال الله تبارك و تعالي: {أَتَخْشَوْنَهُمْ فَاللهُ أَحَقُّ أَن ْتَخْشَوْهُ إِنْ كُنْتُمْ مُؤْمِنِينَ} [التوبة:13]

من علامات القلب المريض:-

وجود العشق في هذا القلب فهو قلب متعلق بغير الله، تجد أن حياته، وسروره، انتعاشه، ورضاه، و سكينته في وجود المحبوب.

ونجده ضيِّق الصدر، مهموم، وحزين لأن معشوقه غير موجود فللأسف هذا قلبه غير معلق بالله.

عرضـت سيدنا أبو هريرة بيستغفر في اليوم الواحد 12 ألف مرة إيه دا!!

طيب وأنا رصيد الإيمان عندي إيه بقى؟؟ رصيد الإيمان فين ورصيد دا هو حضرتك عندك رصيد في البنك حضرتك شايف فلوس تحت البلاطة بتحوش عايز تتجوز, عايز فلوس عشان الشقة؟

عندك رصيد يعني بالله عليك رصيد الحسنات عندك أخباره ايه ؟؟

إحنَّ كل ما يحصلنا إبتلاء بنسحب من رصيد, فلو أنا على بياض يبقى شيك علي بياض يبقى شيك بس على بياض, الشكل شيك الشكل كذا بس على بياض,

فالسؤال أنت بيحصلك دا عشان تكون من أصحاب القلوب الصحيحة,

أنت بيحصلك دا لو فاتك حاجة من الأوراد أو طاعة من طاعات هل تتألم له؟؟

صاحب القلب الصحيح:-

يشتاق للخدمة هو اسمه عند ربنا كدة هو بيحب الأسلوب دا أوي,

أنت مين أنت خادم دين ربي, خدام عند ربنا, وشيوخنا علمونا أن يا بني لو سالوك أنت شغلتك إيه؟؟

أنت مهندس, أنت طبيب شغال في أي حاجة متقولش كدة يا بني قول أنا خدام عند ربنا,

شغلتي خادم دين ربي خدااام وبشتاق

يااااا على اللذة والسعادة والسرور والهنا كله لما أحس بعرق الخدمة اللي هو كدة

( نفسي اتقطع ليك يارب )

واحد من السلف قالوله ما تشتهي ما قالهومش بقى امرأة حسناء رصيد ضخم في البنك عربية فيلا, ها جاه كرسي منصب ها قالوله ما تشتهي؟؟

قال أقوم أقف كدة حتى لا استطيع أن أقوم نفسي اقف يا غاية لما اقوله يارب أنا جبت أخري,

اشتهي أن أركع حتى ما استطيع أن أركع,

اسجد حتى ما استطيع أن اسجد,

نفسي أتقطع ليك يارب هو دا ويجاهد نفسه

(..وَجَاهِدُوا فِي اللَّهِ حَقَّ جِهَادِهِ ۚ هُوَ اجْتَبَاكُمْ..) ] سورة الحج 78[

صاحب القلب الصحيح يشتاق لخدمة ربه حاله حال موسى عليه السلام {وَمَا أَعْجَلَكَ عَن قَومِكَ يَا مُوسَىَ * قَالَ هُمْ أُوْلاءِ عَلَىَ أَثَرِي وَعَجِلْتُ إِلَيْكَ رَبّ لِتَرْضَىَ {سورة طه,

بيقولوا سكن الله القلوب الصحيحة قلوب الأولياء, قلوب المحبين,

قال "مَنْ كَانَ يَرْجُو لِقَاءَ اللَّهِ فَإِنَّ أَجَلَ اللَّهِ لَآَتٍ" سورة العنكبوت,

اصبر هي الدنيا صعبة ومرة هيا تغر وتضر وتمر هيا الدنيا كدة في أول تغرك, بعدين تضرك, وتمر هي كدة الدنيا مرار !

فخلاص عما قليل يرتاح الإنسان راحة في أول قدم يضعها في الجنة,

هنا راحة فالراحة دي يجدها الإنسان في جنة الدنيا,

جنة القرب دي جنة الرضا, جنة العبادة, جنة الخدمة,

خدام يارب "وَعَجِلْتُ إِلَيْكَ رَبّ لِتَرْضَىَ"وأول ما سأل قال "..رَبِّ أَرِنِي أَنظُرْ إِلَيْكَ ۚ .."

سورة الأعراف - الآية 143

والنبي صلى الله عليه وسلم سيد المشتاقين خير ها تخليك معاهم شوية ولا تقبض الآن فقال بل الرفيق الأعلى, الرفيق الأعلى, خلاص بقى اشتقتلك يارب نفسي أملي عنيّ منك يارب,

هو دا القلب الصحيح قلب محب,

قلبي ملك ربي وربي حبيب لقلبي.

من علامات القلب الصحيح أن صاحبه يهتم بتجويد العمل أكثر من صورة العمل مش مهم إنه لحية وثوب وعلم,

قال شيخ الإسلام ابن تيمية في الجزء الخامس صفحة 323 من مجموع فتاوى,

سيبك من موضوع دا كله طبعا أدخلوا في السلم كافة,

طبعا ظاهر وباطن مش معنى أنه لازم طبعا اتسنن بسنة النبي صلى الله عليه وسلم لازم أبقى عارف أن لازم يكون ليا العلم النافع "...فَاعْلَمْ أَنَّهُ لَا إِلَٰهَ إِلَّا اللَّهُ.." سورة محمد 19,

كل دا جميل لكن المشكلة في إيه المشكلة

تخليك معاهم شوية ولا تقبض الآن؟؟ قال بل الرقيق الأعلى, بل الرفيق الأعلى,

إن أنت تبقى شايف أن هو ده الدين, بس شايف أن هو دا المطلوب وبس,

فتبقى إيه الأخبار؟

زي ما نهانا النبي صل الله عليه سلم أن يقول الرجل صمت رمضان وقمته, قال لا أدري الصحابي أكره التزكيه,

أم لأن كل عمل لابد له من نقصان,

فأصحاب القلب الصحيح ميجيش يقول لك الحمد لله أنا بقيم الليل,

والحمد لله بصوم, وأنا حافظ مش عارف كام جزء من القراءن, ودايما ألاقي في رسايل الناس تجى الاخوات تقولك وأنا بفضل الله عز وجل أنا خاتمة القراءن من خمس سنين وارتدي نقاب وبيحصل لي كيت وكيت وكيت,

هو انتى مغرورة بعملك ليه؟

القلب دا قلب مريض, مريض بالغرور مريض بالعجب؛ لأن المفروض حال المؤمن "وَالَّذِينَ يُؤْتُونَ مَا آتَوا وَّقُلُوبُهُمْ وَجِلَةٌ" سورة المؤمنون آية 60 ,

علشان كدا مفيش حاجه اسمها عوام وخواص,

علشان كدا زي الناس زي زي الناس

"..ثُمَّ أَفِيضُوا مِنْ حَيْثُ أَفَاضَ النَّاسُ.." سورة البقرة 199 , الناس بتعمل إيه؟ زيك زي الناس متقليش أنا الملتزم,

متقليش الخاصة متقلش أنا المتدين, لأنك حاسس أن أنت اللي على راسك ريشة,

وللأسف أنت مغرور بظواهرالأعمال أن أنت بتصلي وبتصوم وبتحضر دروس وبتحفظ شوية قراءن وبتعمل كذا,

صاحب القلب الصحيح يقولك ياعم ربنا يسترني, ربنا يقبل بس أنا مش عارف, "وَالَّذِينَ يُؤْتُونَ مَا آتَوا وَّقُلُوبُهُمْ وَجِلَةٌ أَنَّهُمْ إِلَىٰ رَبِّهِمْ رَاجِعُونَ" (سورة المؤمنون آية 60) ,

فطول الوقت صلينا بس مكنش فيها الخشوع المطلوب,

وصمنا بس مسابتش أثر التقوى المطلوب, ذكرنا بس كان ذكر لسان ومكنش ذكر قلب.

صاحب القلب الصحيح:-

اللي مصحصح يهتم بتجويد العمل: بأنه يبقى عمل قلب ولسان, بيقى عمل قلب وجوارج, مايبقاش بس منظر وخلاص علشان كدا هو مش دايق,

ده يعنى إيه مش دايق ده,

هو مش حاسس إنه هو باللحية أصبح ملتزم,

وبالنقاب أصبحت ملتزمة,

وبالحجاب الشرعي أصحبت ملتزمة,

وبكلمتين حفظهم أصبح ملتزم مش شايف ده,

لانه لو شاف ده حبط عمله, "إِنَّ الْإِنسَانَ لَيَطْغَىٰ (6) أَن رَّآهُ اسْتَغْنَىٰ (7)" سورة العلق,

ثلاث مهلكات شح مطاع, وهوى متبع, وإعجاب المرء بنفسه,

مش شايف دا خالص ولا يغتر بثناء الناس,

ماشاء الله عليك ربنا يفتح عليك, لا يغتر يقول عاجل بشرى المؤمن وهذا الكلام يسر ولا يغر, هذا صاحب القلب الصحيح,

طيب يبقى عرفنا كده الوصفة,

ها هي علامات القلب المريض, وها هي علامات القلب الصحيح.

القلب الخامس القلب النومان:-

القلب الأولاني كان ميت, والتاني مريض, التالت ده مغفل شوية اللي هو إيه,

زى ما حضراتكم دلوقتي قاعدين دلوقتي, ومركزين وماسكين ورايا ورقة وقلم, هنحط الخطة لاستعداد لرمضان وإن شاء الله حلقة بحلقة هنأخد الطريق لربنا سبحانه وتعالى,

واذا كان طريق ربنا سبحانه وتعالى بيقطع بالقلوب فأحنَّ شغالين أهو في دقة قلب؛

علشان نصحح القلوب دي وعلشان نجري لربنا بقلوبنا مش بس بجوارحنا,

علشان ما نبقاش قاعدين بنعمل أعمال كتيرة وإحنَّ بنجري في المحل وحسبين أننا بننهج أن إحنَّ هل عملنا حاجة وهو جري في المحل صح كده؟

فتلافيه فى وسط الكلام دا وهو واوا يروح شارد شويه تهت منك حبتين افتكرت مش عارف إيه وغفلت, دخل صلى كان مركز, وداخل هنصلي صلاة العشاء شوية هنقيم الليل كويس, شوية وبعدين تاه غفل بقى كده اللي هو واحد من السلف,

بس بقى الفرق بينا وبين السلف يعني واحد من السلف وجدوه قاعد كده وسرحان خالص إيه ياعم إيه ياسيدي,

عارف لما تيجي واحد كده تلاقيه مش معاك خالص تقوله إيييه رحت لغاية فين؟

فقالوا له كده قالوا له ها أين أنت قال الصراط سرحان فين؟

في الصراط سرحان في الأخرة عمرك شفت واحد سرحان مع ربنا؟ أهو هما دول أهل الله عز وجل, هما دول بقى أولياء الله عز وجل, هما دول فعلا أهل الديانة,

قالك علامة القلب الذى مع الله, القلب اليقظان بقى ده ها حاجتين

1- كثرة المناجاة :-

كثرة المناجاة أهى كثرة المناجاة دي عايزين نتعلمها,

فاكرين لما اتعلمنا الله ناطر إليّ, الله مطلع عليّ, الله شاهدي, الله معي,

بتقولوها ولا نسيتوا أهي عايزين نتعلم دي بقى,

عايزين نتعلم ازاى يبقى القلب مع ربنا؟؟

قالك بكثرة المناجاة, يعنى إيه يعني حضرتك ماشي كده, وسايق عربيتك وقاعد وأنت ماشى تقوله موادينى فين يارب واخد بالك بتكلمه أنت,

ماشي كده في الطريق وشوية اتكلم معاه, ربنا منك قريب, اتكلم معاه وقوله يارب حالي لا يخفى عليك, وحالي يغني عن مقالي, أنت داري بحالي يارب, وأنا حالي لا يرضي عدو ولا حبيب,

وأنا تعبت من نفسي وولفيييت و مبقاش ليا إلا أنت "..وَظَنُّوا أَن لَّا مَلْجَأَ مِنَ اللَّهِ إِلَّا إِلَيْهِ..."

سورة التوبة - الآية 118 ,

فيارب متسبنيش يارب خذ بيدي وناصيتي إليك أخذ الكرام عليك, فضفضله قوله تعبان يارب,

من لم يسأل الله يغضب عليه, كانوا يسألون في شسع النعل, عارفين يعني إيه شسع النعل؟

أعزكم الله الرباط فك رباط الحذاء فك قوله يارب الرباط أتفك,

الرباط باظ يارب يارب دبر لي أمري يارب حتى في شسع النعل؟

أهو ربنا يحبك لأنك كده مستحضر قرب الرب, طول الوقت بتكلمه طول الوقت حاسس بقربه حاسس أن الغيب ده بقى شهادة, هى دى أن تعبد الله كأنك تراه,

كأنك شايف ربنا تقوله يارب, هتصرف ازاى بقى هعمل إيه فى دي؟

اتكلم معاه هي دي كثرة المناجاة.

2- الاشتغال بالله:-

علامة القلب اللي مع الله كثرة المناجاة والإشتغال بالله, مشغول بربنا,

كان سلمان الفارسي يقول اضحكني ثلاث وأبكاني ثلاث فمن الحاجات اللي ابكت سلمان يقول وعبد سائر لايدري أمسخط ربه أم مرضيه,

أهي عايشنها وخلاص يعني السوال الآن حضرتك ربنا راضي عنك؟

حضرتك انتِ أيوة حضرتك ربنا راضي عنك؟

الحمد لله يعني هتلاقي ناس بتقول كده, الحمد لله يعني يعني الحمد لله,

احنا كنا فين وبقينا فين يعني اسال الله القبول يعني الحمد لله أظن ان ربنا إن شاء الله يكون راضي,

عليا وناس تانية محبطة لاطبعا ده ربنا غضبان عليّ,

كل حالى وحش والدنيا صعبة جدا.

إيه علامته, تعرف منين إن ربنا راضي عنك ولا مش راضي عنك؟

حاجة واحدة علامة رضاه سبحانه عنك رضاك أنت عنه أنت راضي عن ربنا؟

آه طبعا رضيت بالله ربا, بالله؟ طب لما بيحصل حاجة مش متوقعة بتعمل إيه؟

يعني إيه المفروض واحد زائد واحد يساوي اتنين, محصلش يعني حاجة لما حاجة تبقى طلبها اوى من ربنا يعني ومتجيش, نفسك تتجوزي ومتجيش, هه نفسك تبقى عندك شوية فلوس تعز نفسك بيها بدل ما تبقى للي يسوا واللي مايسواش ومتجيش,

هه لما تكتشف أنك بليت ببلاء معين ليه يارب دا أنا في عز شبابي حتى ليه يارب ما الناس اللي قاعدة بتعمل وبتعمل عايشة أهي وكويسة اشمعنا أنا اللي اتبهدل, أنت راضي؟ وراضي عن كل أحكام الشرع؟

وربنا؟ أنت قلت لها هذا، قلت لها غيران لربنا صلاة الفجر لا تتصلي وحرقة القلب بهذا الشكل لا تعمل عمركم سمعتم عن شخص حدثت له سكتة قلبية لإنه من شهر لم يصلي الفجر؟!

عمركم سمعتم عن سخص حدثت له سكتة قلبية لإن العمل الذي كان بيحصل منه على كذا...فقده؟!

أو نقوده التي وضعها في البورصة ضاعت أو ..أو حدثت له سكتة قلبية ومات؟ ما يسمى هذا؟ هذا هو... تعلق متعلقة هو كان الماء والهواء، هو كان كذا...

لا يا فندم لا يوجد أحد غير ربنا بالشكل هذا هو كل الناس يعاملك لنفسه،

إلا الله فيعاملك لك إذا فقدت الله فماذا وجدت،

وإذا وجدت الله فماذا فقدت,

لكن لإن القلوب لا تعيش هذه المعاني، لإن القلوب تعودت على الناس كلها ماذا تعمل؟

إحنا طلعنا فتحنا عنينا، مش بيوت أولياء الله الصالحين يعني، مجتمع المسلسلات، الأفلام، الدنيا الأغنية بتقول حب حب حب، والمسلسل يقول قصة الحب،

والفيلم حب، الحكاية حب في حب وضحك ولعب وجد وحب،

حب حب حب فخلاص الحب هو الحياة إني أتزوج واحدة وأأنس بها وإنهها كذا..،

وإنه .. وربنا؟

وحب ربنا سبحانه وتعالى؟

أما صاحب القلب الصحيح هو الذي يرفع شعار

(قلبي ملك ربي وربي حبيب قلبي)

هذا هو صاحب القلب الصحيح من يقول: جن الليل وخلى كل حبيب بحبيبه فيا قرة عيني إليك جئت هذا هو قلب موصول بالله،

قلب عارف الله فقلب صحيح عكس هذه المشكلات،

يأنف من الشبهات، يأنف يعني تلاقيه لا يحب هذا الجو لا يحب الجلسات التي يقال فيها قيل وقال،

قلبي بيضيق بسبب هذه الأمور لا يحب الجلسات التي تكون كلها دنيا وكلام فارغ

، لا لا لا لا أرتاح، بشعر بقبضة في صدري لا أعرف ما سببها,

صاحب القلب الصحيح محب لأولياء الله ، يحبهم ويرفع شعار

(أحب الصالحين ولست منهم لعلي أن أنال بهم شفاعة)

صاحب القلب الصحيح تلاقيه مسارع للخيرات، يسارع للخيرات

(أُولَٰئِكَ يُسَارِعُونَ فِي الْخَيْرَاتِ وَهُمْ لَهَا سَابِقُونَ) المؤمنون61

هذا هو (وَأَصْلَحْنَا لَهُ زَوْجَهُ إِنَّهُمْ كَانُوا يُسَارِعُونَ فِي الْخَيْرَاتِ وَيَدْعُونَنَا رَغَباً وَرَهَباً وَكَانُوا لَنَا خَاشِعِينَ ) الأنبياء 90 , وسابقوا، وسارعوا تجده عندما يفتح باب طاعة من الطاعات عندما يسمع عن طريق من الطرق أو يحث عليها تجد رد فعل حالاً قلبه مصحصح قلب صاحي وقلب صحيح,

صاحب القلب الصحيح ذكرنا أنه يأنف من الشهوات، يأنف من الشبهات، يسارع إلى الخيرات، إذا فاته فرض من فرائض الله أو فاته ورده سواء كان هذا الورد أذكار الصباح أذكار المساء ورده من النوافل يجد لذلك ألمًا شديداً ما هي المشكلة؟

يأتي أناس يتصلوا علينا تجد عجب تجد المفتون، وتجد الذي يبكي بحرقة قلب ماذا ياعم وقعت في كبيرة من الكبائر ولا ماذا؟

لا أنا بقالي يومين لم أصلي الضحى هو هذا الذي يتعبك؟

إن بقالك يومين لم تصلي الضحى؟ أصل الأسبوع هذا لم أصوم فيه، أصل اليومين الماضيين لم أقل فيهم كذا يوجد أناس أمثال هذا؟ آه والله يوجد أناس مثل هذا أعرف أناس أثناء كلامهم بدون قد وجد منهم من يختم القرآن كل ثلاث أيام, ما هذا يوجد أناس مثل هؤلاء؟

آه والله في ناس كده أنا لم أقل كل الناس تعمل مثلهم, والناس التي تشتغل, والناس التي تعمل كذا لكن يوجد أناس مركزة يقيموا الحجة علينا لما تكتشف إن عمك فلان،

الحاج فلان كان يوميًا يعمل ورد سيدنا أبو هريرة يستغفر في اليوم الواحد اثنا عشر ألف مرة.

الحمد لله الذي بنعمته تتم الصالحات