انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
عرض النتائج 1 الى 4 من 4

رغبا ورهبا 🎉🎉 تفريغ السر الخامس 👆👆👆👆 من سلسلة🌽 أسرار الصلاة 2 رمضان 1437 هـ

(روضة السعداء - منتديات لكِ النسائية - الأرشيف)
...
  1. #1
    لا تحزن وسبح ربك's صورة
    لا تحزن وسبح ربك غير متواجد النجم الفضي
    تاريخ التسجيل
    Jul 2011
    الردود
    1,048
    الجنس
    أنثى

    رغبا ورهبا 🎉🎉 تفريغ السر الخامس 👆👆👆👆 من سلسلة🌽 أسرار الصلاة 2 رمضان 1437 هـ



    #‏تفريغ_أسرار_الصلاة_٢

    ‫#‏السر_الخامس⬅( رغبا ورهبا )
    https://archive.org/details/asrar_aslala_2_aldrs_5

    🌟السلام عليكم ورحمة الله وبركاته..
    يوتيوب
    https://www.youtube.com/watch?v=6vY3...ikGlOj&index=4

    صوتي
    https://archive.org/download/5591437/5.mp3

    🔸الحمد لله ولي نعمتي، وملاذي عند كربتي، وأشهد أن لا إله إلا الله وحده لا شريك له، ربي اجعلني مقيم الصلاة ومن ذريتي، وأشهد أن نبينا محمدا -صلى الله عليه وسلم- عبد الله ورسوله، وأمامي، وقدوتي -صلى الله عليه وعلى آله وصحبه، وعلى من سار على هديه، واستن بسنته واقتفى أثره إلى يوم الدين-
    ↩أما بعد:-

    🔸فأهلا ومرحبا بكم إلى سر جديد من أسرار الصلاة، مع شيخنا الإمام بن القيم-عليه رحمة الله- والإمام ابن رجب الحنبلي-عليه رحمة الله- وشيخنا الشيخ أسامة عبد العظيم- حفظه الله تعالى ومع قول الله -جل جلاله:- "

    🌿""إِنَّهُمْ كَانُوا يُسَارِعُونَ فِي الْخَيْرَاتِ وَيَدْعُونَنَا رَغَبًا وَرَهَبًا ۖ وَكَانُوا لَنَا خَاشِعِينَ¤" 🌿 "رغبا ورهبا" !! يدعوننا رغبا ورهبا!!

    🔸حضرتك فاهم القصة دي إيه؟
    ↩ (يسارعون +يدعون =كانوا لنا خاشعين!!)
    🔸 معادلة بتحب المعادلات؟
    ↩( يسارعون في الخيرات+يدعوننا رغبا ورهبا=و كانوا لنا خاشعين!!)

    ↩ال ياخد الثانوية+ وبعدين ياخد بكالريوس هندس= هينفع يبقى مهندس كبير.

    ↩(يسارعون في الخيرات+يدعوننا رغبا ورهبا= كانوا لنا خاشعين)

    👌يبقى في علاقة بين الامور دي وترتبها ورا بعض

    🔸وقولت لحضرتك إنك بس مش حريص على الخيرات، لأه لازم تبقى مسارع في الخيرات

    🔸 في علاقة بين ال بيسارع في الخيرات ال بيعمل خيرات بسرعة وال بيشد همته وال حريص إنه يعمل كل خير ده هيبقى خاشع..
    .🌟في علاقة بين المسارعة والخشوع؛ زي إيه؟؟

    💌بص نفسية المسارع:- المسارع في الخير؛

    📍 المسارع ده يبقى مشتاق صح؟
    📍المسارع يبقى ملهوف صح؟
    📍المسارع ده يبقى مستعد صح؟
    📍المسارع ده يبقى أكيد ضحى بحاجات تانية،
    📍المسارع ده أكيد بيقوم بواجب الوقت،
    📍المسارع ناجح في الخشوع.
    ⬅كل دي نفسيات لها علاقة بالخشوع.
    📍نفسية المسارع ال حريص على إنه يعمل الخير بسرعة
    🌿" يُسَارِعُونَ فِي الْخَيْرَاتِ وَيَدْعُونَنَا رَغَبًا وَرَهَبًا ۖ ..."🌿
    ⬅فإن السبيل لرد القلب الغائب أنا قلبي مش حاضر دلوقت أعمل إيه علشان أجيب وقتي؟

    🌟ابن القيم -عليه رحمة الله- يقول:-
    🌹"إن التضرعه هو أسرع طريق للخشوع، ولحضور القلب، ولرقة القلب، ولو لم يكن في التضرع والدعاء إلا أنه سبب في رقة القلب لكفاه..."🌹

    🔸أيوه... هي ديحلى حاجة في الدنيا
    💌إن ربنا يعاملك،
    💌 إنك تستشعر معاملة الله أجمل من إنك إنت تدعي وتنول ال في نفسك..
    💌 إن ربنا يعاملك، إنك تحس إن ربنا بيعاملك،

    🔸طلبتها منه وإداني إنك تطلب منه، وتطمع فيه؛ فيديك إنك تحتاجله؛ فينولك

    🌟شوف الآية بتقول إيه:-

    🍃" فَلَوْلا إِذْ جَاءهُمْ بَأْسُنَا تَضَرَّعُواْ ..."🍃

    🔸ال بيجيله مشكله ويتضرع يبقى ده قلبه رقيق علشان كده الآية بتقول :-

    🍃فَلَوْلا إِذْ جَاءهُمْ بَأْسُنَا تَضَرَّعُواْ وَلَـكِن قَسَتْ قُلُوبُهُمْ وَزَيَّنَ لَهُمُ الشَّيْطَانُ مَا كَانُواْ يَعْمَلُونَ¤

    🌟ال قلبه مش رقيق سر عدم رقة قلبه؛ إن لما ربنا بيشد عليه ما بيلجألوش!!

    🔘عرفت ليه مراتك مزعلاك شوية؟
    🔘عرفتي ليه زوجك منكد عليكي؟
    🔘عرفت ليه جارك دمه تقيل؟
    🔘عرفت ليه مديرك في الشغل ما بيقدرشي؟
    🔘عرفت ليه زمايلك في الشغل بيبالغوا في المنافسة؟
    🔘عرفت ليه عربيتك منكده عليك؟

    ↩بس علشان تقول يارب ؛ إفهم بقى ربنا بيحوجك بالبلايا علشان تقول يارب فلما تقول يارب تبقى إنت كده بتعامله - سبحانه وتعالى-

    🔸ولما تعامل رب العالمين - سبحانه وتعالى- تعرف إن ليك رب؛ علشان كده لما تنزل القبر ويتقالك :- من ربك؟ تبقى إنت عارفه. عرفته منين؟ من معاملته!

    💥قال الله- عز وجل-
    🍃 ﴿ أَمَّنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الأَرْضِ أَإِلَهٌ مَعَ اللَّهِ قَلِيلاً مَا تَذَكَّرُونَ ﴾ 🍃

    🔹قليلا ما تذكرون:- يعني إنت بتنسى،،
    🔹ربنا استجابلك كتير، انت بتنسى ،،

    👌خلي بالك لما رب العالمين سبحانه وتعالى يعاملك ده أحلى من إن إنت تنول ال إنت عايزه؛

    🔹 لإن ال هيعامل ربنا وهيحس بمعاملة ربنا هيحس إن ربنا استجاب له كل دعاؤه لإنه هيدوق إن ربنا صرف عنه كذا

    💥قولي بقى عايز أسألك وأسأل الناس:-

    🔹عمرك دعيت ربنا واستجابلك؟ فاكر؟
    🔹قولي إمتى ادعيت ربنا واستجابلك-سبحانه وتعالى-؟
    💐💐💐💐💐💐💐
    🎤🎤طلبت من ربنا حاجة وإدهالك؟
    🔽ما جربتش

    🎤🎤عمرك طلبت من ربنا حاجة واستجابلك
    🔽أه أكيد طبعا
    🔽أه
    🔽أه بحاجات كتير
    🔽محااولتش
    🔽كتير
    🔽ع طول الصراحة بيستجيبلي
    🔽كل ما أطلب حاجة بتحصل وتتحقق الحمد لله

    🎤🎤عمرك طلبت من ربنا حاحة وادهالك؟
    🔽اه

    🎤🎤كتير يعني؟
    🔽اه كتير

    💐💐💐💐💐💐💐💐

    🌟أهلا بكم وطيب أوقاتكم بذكره


    🔹كلنادعينا ربنا واستجابلنا ياما
    🔹ربنا بيقول:- 🍂"قليلا ما يتذكرون" 🍂

    🔘إنت ربنا بيستجيب لك لكن إنت ال بتنسى، إنت ال بتنسى إن ربنا بيستجيب لك -سبحانه وتعالى-

    👌لو إنت فه

    مت قصة المعاملة هتدعي ربنا رغبا ورهبا؛ لإن ال بيدعي ربنا رغبا ورهبا بيخشع وهم أكثر الناس تلذذا بالصلاة "

    ↩رغبا ورهبا "
    🔘بتخاف من إيه؟ ونفسك في إيه؟ كل طموحاتك عند الله
    🔘يلا علشان نخشع ركز معايا الحلقة قربت تخلص والحلقة لما تكون قربت تخلص يبقى التمرين جه يبقى التدريب جه يبقى التحضير للخشوع جه هاااا أخشع إزاي

    🔘إنك تخلي كل أمنياتك في مقام الطلب

    👌 عايزك تحس إن المصلية دي عاملة زي العربية ال بتدخل بيها هايبر عاملة زي الشنطة ال بتعبي فيها طلباتك

    🔘 لما تدخل في الصلاة ها نفسك في إيه ؟حطه نفسك في إيه يلا هاته أوعى تخرج من الصلاة إلا وإنت محقق كل رغباتك رغبه رغبه كل ال نفسك فيه

    🌟وابن القيم -عليه رحمة الله-بيقول:-

    🌱:- إن الرغبة في الله هي أعظم بكثييييير من الرجاء🌱

    ↩ معنى لذيذ أوي اوي في مدارج السالكين
    إن الرغبة في الله-عز وجل- أكبر بكتير من الرجاء

    ⬅الرجاء 🌹إن إنت تتمنى و خايف إن ما يتحققش ال في نفسك ده، الرجاء إنك تبقى معلق قلبك بربنا وطالب منه -سبحانه وتعالى- أن يعطيك بس خايف ما يتحققش ال في نفسك🌹!!

    ⬅الرغبة 🌹هي الطمع الشديد في الله- جل جلاله-بالرغم من إيمانك بذنوبك إن إنت متستحقش لكن رغبتك في ربنا شديدة جدا 🌹

    🔹أنا مذهوووول مذهول من سيدنا سليمان-عليه السلام- وهو بيقول :-

    🌱رب اغفر لي وهب لي ملكا لا ينبغي لأحد من بعدي " 🌱
    🔹يا سيدنا سليمان مش إنت عايزه يغفرلك؟ طب ما تطلب المغفرة بس

    🔹عدي يا سيدنا سليمان واقعد على جنب في الجنه عدي يا سيدنا سليمان وسيب الدنيا تعدي أي حاجة

    ✋لأ مفيش أي حاجه..

    🔹إذا سألتم الله فعظموا فيه الرجاء فسلوه الفردوس الأعلى من الجنة قال:- ربي أغفر لي وهب لي

    👌يا حبيبي مفيش علاقة بين ذنوبك وطمعك في ربنا بالعكس دي ذنوبك المفروض تطمعك في ربنا أكتر لإن المفتقر إلى الله مؤمن بكرم الله فلا حد لهذا الطمع !!

    👈شوف سيد الإستغفار كده إسمه سيد تعرف حد إسمه سيد؟ ده بقى سيد !!
    لنا نجمع بقى الإستغفارات من القرآن والسنة

    💗(ربي اغفر لي وتب عليا إنك التواب الرحيم)
    💗(ربي اغفر لي وتب عليا إنك التواب الغفور)
    💗(لا إله إلا أنت سبحانك إني كنت من الظالمين).....
    💗(ربي ااغفر وارحم وتجاوز عن ما تعلم)

    ↩قول صيغ الإستغفار

    💢 سيد الإستغفار وسطهم إسمه سيد ده على راسه تاج👑 وسط الإستغفارات هو إسمه الحاج سيد ، سيد الإستغفار ده ماله؟؟؟؟

    "أبوء لك بنعمتك علي ..." إنت حافظه؟ طب قول معايا

    🍃 {اللهم أنت ربي لا إله إلا أنت خلقتني وأنا عبدك وأنا على عهدك و وعدك ما استطعت أعوذ بك من شر ما صنعت أبوء لك بنعمتك علي وأبوء بذنبي فاغفرلي فإنه لا يغفر الذنوب إلا أنت🍃
    🌟أبوء بذنبي فاغفرلي؟ إيه ده؟ !

    🔽هو الإعتراف مش سيد الأدلة؟!
    🔽 مش ال اعترف يبقى ودى نفسه في داهية!!!
    🔽مش ال اعترف يبقى المحامي يروح مش ال اعترف يبقى خلاص لبس القضية؟؟!!

    ✋لأه مع ربنا لأه أبوء بذنبي فاغفرلي
    ⬅ ال اعترف مع ربنا كأنه ما اقترف ...الإعتراف يهدم الإقتراف .!!

    🔸علشان كده أتمنى إن نخرج من الحلقة دي علشان تعرف تخشع في الصلاة 🍂"رغبا ورهبا"🍂

    ↩شوف يا حبيبي في الله الرجاء فيه خوف والخوف في رجاء

    💢معلش هي فزورة صحصح معايا كده!! أنا عارف إن إنت داخل على يوم صيام فمعلش ركز كده واستعن بالله وشوف الحتة دي

    💢علشان دي ألذ حاجة في الخشوع ألذ حاجة تدوقك حلاوة الصلاة دوقها كده الرجاء خوف، والخوف رجاء

    💢مش حقيقي أبدا أبدا ال يقول أصل أنا ما بجيش بالتخويف بصراحة آجي بالترغيب بس .

    💢واحد يقول بصراحة أنا ماينفش معايا الترغيب أنا لاحاجة تزلزلني

    👌 كل الخوف رجاء وكل الرجاء خوف الرجاء معجون بالخوف والخوف معجون بالرجاء ما ينفغش بنفصلوشي
    💢مش ال يحب الرجاء مالهوش في الخوف وال يحب الخوف مالوش في الرجاء الكلام ده مش صحيح

    💢 هم مع بعض ال بيحب ربنا وبيعبده طول ما هو خايف راجي وكول ماهو راجي خايف ليه؟

    حل الفزوره إيه ؟؟
    علشان ال يرجو ما عن الله لا يأمن إنه ممكن ال نفسه فيه ما يتحققش أن أرجوالجنة ضمنتها؟ أنا لوكنت ضامنها ما كنتش هبقى راجي صح؟

    🔽إنت نازل السوق تشتري ليه ؟ نازل تشتري عشان ما عندكش

    📍هو أنا لو كان عندي كنت اشتريت أنا نازل أشتريها علشان مش عندي فلو كان عندي الجنة ما كنتش راجيتها
    🍂 هو أنا لو جوه الجنة وساكن الجنة أرجوها؟ ارجو إيه ؟ أنا بعوم أهوو في نهر من عسل مع حوراء بنبلبط سوا في نهر من عسل أرجوها؟ لأ مش برجوها لو أنا جوه

    ↩لكن أنا لسه ما دخلتهاش علشان كده برجوها أنا برجو علشان أخاف أن لا أنول وال خايف إنه هيدخل النار خايف ليه؟

    💢خايف لإنه متعشم في ربنا إن ربنا ما يدخلوش لو كان هو من أهل النار ما كانش خاف ما هو جوه لو انا ال خايف منه مليون في المية هيحصل ما بقاش خايف أبقى محبط ويائس صح؟

    🔘يبقى الموضوع منتهي خسرانه خسرانه لكن أنا خايف ليه ؟ خايف لأني راجي علشان كده لما تعامل ربنا تعامله بالإتنين مع بعض رغبا ورهبا.

    💢وإنت بتكلم ربنا تطلب منه الجنه، وتطلب منه إن ينجيك من النار في نفس لحظه تطلب منه المغفرو في نفس االلحظة

    ↩تطلب منه القبول وتستعيذ منه الحبوط في نفس اللحظة مش بقولك لذه ولا في الأحلام قم فصل وذق هذا الغرام فإن المعاينة ليست كالكلام والسلام

    💐💐💐💐💐💐💐💐💐💐💐💐
    https://youtu.be/_p6uWWRIMqw

    ‫#‏شير واحتسب💪
    ‫#‏قد_جاء_رمضان_يغيرنا

  2. #2
    Hebh Hayl غير متواجد عضو
    تاريخ التسجيل
    May 2016
    الردود
    67
    الجنس
    امرأة
    موضوع جميــل .. جزاكم الله خيــر

  3. #3
    Rafeef Ahmed غير متواجد عضو
    تاريخ التسجيل
    May 2016
    الردود
    68
    الجنس
    امرأة
    احسنتم النشـــر..

  4. #4
    Dareen Ali غير متواجد عضو
    تاريخ التسجيل
    May 2016
    الردود
    65
    الجنس
    امرأة
    الله اكبـــر ولله الحمـــد..

مواضيع مشابهه

  1. تفريغ السر الأول الصلاة تغير الحياة عمرو أحمد
    بواسطة لا تحزن وسبح ربك في روضة السعداء
    الردود: 0
    اخر موضوع: 11-06-2016, 01:21 PM
  2. سلسلة أسرار الصلاة للشيخ عمرو أحمد
    بواسطة لا تحزن وسبح ربك في ركن الصوتيات والمرئيات
    الردود: 0
    اخر موضوع: 20-11-2015, 06:45 PM
  3. تفريغ 15 حلقة من سلسلة وشوشة للشيخ عمرو أحمد
    بواسطة لا تحزن وسبح ربك في روضة السعداء
    الردود: 0
    اخر موضوع: 18-11-2015, 10:51 PM
  4. مشهد(2) الصلاة راحة المؤمن. برنامج استقم 1437 للمصليات
    بواسطة خ ـيآل الإبداع في ركن الصوتيات والمرئيات
    الردود: 2
    اخر موضوع: 05-11-2015, 01:58 AM
  5. الردود: 0
    اخر موضوع: 02-06-2005, 01:09 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96