السلام عليكم شو اخباركم كل عام وانتو بالف خير وتصوموا وتفطروا على الف خير ... واخيييييييييييييييييرا جاء حبيب القلوب وراحة الارواح شهر رمضان الحبيب .. وطبعا زي ما انتو عارفيين احنا في امس الحاجة لهادا الموسم الطيب المبارك موسم الطاعات والمغفرة والرحمات علشان نتخفف من ذنوبنا اللي غرقتنا ونغتسل في نهر الطهارة من السيئات وادران السنة في بحر الحسنات رمضان الحبيب ...
طيب علشان ما اطول عليكم راح اشرحلكم الفكرة علطول بس يا ريت توعدوني انكم تتفاعلوا وتنشروا هالفكرة بكل طريقة واللي بدوا ينشر باسمو ينشر المهم يعم الخير ان شاء الله ..
طيب الفكرة انو بدنا نعمل سباق يومي متجدد في الطاعات والسباق على الحسنات والمسارعة الى الخيرات ... وتكون من نوايانا مسابقة ومسارعة الى مغفرة الله جل جلاله وجنته واستباق للخيرات وتنافس في الطاعات كما امرنا رب الارض والسماوات :
قال الله تعالى:"وسارعوا إلى مغفرة من ربكم وجنة عرضها السموات والأرض أعدت للمتقين".
وقال الله تعالى:"فاستبقوا الخيرات".
وقال جل جلاله:"إنهم كانوا يسارعون في الخيرات ".
وقال سبحانه وتعالى:"وفي ذلك فليتنافس المتنافسون".
وقال الله تعالى:"أولئك يسارعون في الخيرات وهم لها سابقون".
طيب : اول منافسة هتكون في تفطير الصائمين : نشد حيلنا في تفطير الصائمين سواء في البيت يعني افراد الاسرة او اي حدا من خارج البيت سواء قريب او فقير او مسكين او اسرة محتاجة وهيك يعني..
وكل حدا فينا يفطر صائم يقلنا علشان نتشجع ونشجع بعض ونحث بعض على الخير.
وممكن نطرح افكار جديدة ومبتكرة في موضوع تفطير الصائمين وما تنسوا انو الدال على الخير كفاعله .
الله يتقبل منا جميعا .. مبارك عليكم الشهر .. وما تنسوني من دعواتكم.
الروابط المفضلة