يابنات اتمنه انكم بخير ومستمتعين بحياتكم ودايما اقول رغم المشاكل الدنيا حلوه و احلى اسنين .... سوري بس استطرب بسرعه المهم
موضوعي عن شغله يدويه في الاساس كانت اجنبيه و الحين هابين فيها بنات الخليج و انه عني بديت اكمل البومي الثاني ويسمى بـ :
scrapbook
اهو عباره عن اتزينين البوم الصور بطريقه ملفته وتوحي لج بشعورج في ذيك اللحظه و تعبر عن مافي الصور وانه احب هاي الشغله واااااااايد
وراح اخلي لكم كذا صوره توضح لكم الي قاعده اقوله واذا بغيتوا اي استفسار عن اماكن تيب هاي الشغلات و الا اشلون تبتدين والا اعلمج الطريقه كلها والا تبغون وحده تسوي لكم بعد هم موجود ..... معاكم عائشه من البحرين وحاضره لكم ولاستفساراتكم واسالتكم
هاي مثلا نوع
وبعد براويكم مثال قبل لا ابتدي النصائح
وهاي نوع
والحين ببتدي بالكلام و الشرح المبسط مثلا
انه يبت لكم هاي الصوره الي ابي اعبر عنها و احفظها ذكره للمستقبل
يبت صورة طفل في بطن امه قبل الولاده و تكون فكره تهبل انه الطفل يكبر و يكبر و يكون شاب و يعرف امه محتفظه بصوره فكره رائعه بجد
مثل هاذي
مثلا هاذي الصوره سوده و بيضه ما بقدر اختار الوان من الصوره
لكن الجنس راح يحدد مثلا هاي بنت
فابتدي اني اختار الاوراق الي بشتغل عليها مثلا وردي و درجاته و ادخلي عليه الاحمر
مثلا هاي الدرجه لانه طفل صغير في بطن امه ما يناسبه الوان فاقعه
لازم هادئه او فاتحه المهم
بعدين نختار الوان نخليها خلفيات للصوره
يعني كانها ورق مقوى للصوره ويكونون طبقات و الوان مختلفه لكن متقاربه او درجات الون الي مختارته للخلفيه ولكن بدرجات اغمج بوايد
بعدين
نوضع الصوره عالورقه و نجوف الوضعيه الي تناسبها
ونقدر نضيف لها شرايط طويله بجنب الصوره ممتده من فوق لتحت هاي فكره مني لكم
بحاول احصل لكم مثال عالشرايط
مثلاً هاذي شرايط على شكل مربع كانها فريم
وبعدين مثلا المكان الفاضي تقدرين تحطين صور ريول او ايادي والا مراضع والا مصاصات
والا قحفية ياهل والا فستان المهم انتي تقدرين تبدعين
وهاي بعض الافكار على نفس الموضع للطفل في بطن امه
وانه بكمل لكم الموضوع مره ثانيه عشان نمشي خطوه خطوه وانه
اقدر اسوي لكم البوم كامل جاهز و عليكم بس تحطون الصور مثلاً هاي الشكل
وبعد فكره اضافيه تقدرون تحطون حركة ضرف معين لون معين ومنه طالع ورقه صغيره فيها كتابه مثلا تكتبين (( هاي بنتي في بطني بالعمر 8 شهور)) وما تدخلينه تسوين حركه انج تلصقينه نصه داخل و نصه برع
لانه بينحط في البوم يتكون من اوراق شفافيات
اتمنه عجبكم الموضوع ابغي ردكم با بنات
الروابط المفضلة