السلام عليكم الغاليات

اشحالكم ان شاء الله بخير :bt:

تعرفون نحن قاعدين نجهز للاحتفال بيوم الاتحاد لانه على الابواب والبعض يدور على افكار يديدة او على الاقل طرق مبتكرة لفكرة قديمة ممكن :ah:

وانا حالي حالهم اكيد ادور على اشياء غير ومبتكرة ,, وعموما انا عايبتني سالفة المباخر حلووووة اشوفها ممكن قديمة بس حاولت اني اقدمها بطريقة على الاقل بالنسبة غير ويكفي انها من صنعي انا :122:

للي يحبون شغل التوزيعات والعلب الورقية اقدم لهم توزيعات المباخر الورقية ,, :001: ان شاء الله تعيبكم ,,

ملاحظة :

انا سويتها بالورق الـ A4 العادي لان ها شكل اولي للتوزيعات يعني على قولتهم الباترون لو ضبط عقب بطبقه على الورق الخاص بصنع العلب ,, و على فكرة انا تعمدت اني اسويهن جي بدون اي اضافات او تزيينات عسب اي حد يحب يسوي الشغل ما يتقيد بشكل تزيين معين

وهاي اول صورة ( المباخر القديمة )



بنتي الوسطانية قالت لي هاي مال البخور اما ولدي نصوري والصغيرونه مصممين انها جلاص شاي :ha:

وها حجمها عند المسجلة :



عبارة عن صندوين فوق وتحت لو تلاحظون المساحة تقريبا 4سم * 4سم

بجرب عقب احط طريقة العمل كاملة في موضوع ثاني لو تحبون ..

************************

ثاني صورة ( مباخر بالشكل التقليدي الدارج ) :



بس هاي الحمد لله اقتنعوا انها مالت البخور :

وها حجمها عدال المسجلة



نفس الشي عبارة عن صندوقين لكن مفتوحين من فوق وتحت وبينهم اعمدة شرات ما تشوفون ونفس الشي ان شاء الله عقب بنزل خطوات العمل كاملة بس خلوا عيوني ترد لحالتها شوي لان نحولت في الاعمدة وااايد صغيرة نص سم * نص سم انحوال مرتب ياني :a050:

**********************

وهاي شكل ثاني لنفس الفكرة وممكن تسون اشكال وايد منها



**********************


ان شاء الله اشوف ارائكم وانتقداتكم البناءة في الموضوع ,, والله يوفقكم وييسر لكم الخير ان شاء الله دنيا واخره

@ اختكم في الله @

ام ناصر

افكار حلو ه للتوزيعات والله
ياريت تشرحى لنا الطريقه

تسلم الايادى واهلا بك في الركن

ما شاء الله تحفة اضم صوتى للاخت رنا

السلام عليكم الغاليات

تسلمون خواتي على تواجدكم المميز ,,, واطلب من مشرفة القسم جزاها الله كل خير ان تتكرم بغلق الموضوع وذلك لاني وضعت في الدرس في موضوع منفصل ,, والله يوفقكم وييسر لكم الخير ان شاء الله دنيا واخره

@ اختكم في الله @

ام ناصر

مشكووووووووووووووووووووووووووووووووووووووووووووووو رة

السلام عليكم

للاسف الصور مش ظاهره عندي

السلام عليكم الغالية

مش مشكلة ان شاء الله قريبا بنزل الموضوع مرة ثانية واسفة بس لان مركز التحميل للاسف لغى الصور سبحان الله .,,, والله يوفق الجميع لما يحب ويرضى

@ اختكم في الله @

ام ناصر