انا يتيمة وباتزوج بالعطلة و ماعندي احد يعلمني عن حركات الغرف او الموضة بالفساتين تك
بنات
انا زواجي بالعطلة هذي والله يابنات اني يتيمه وعمتي ماهتمت مني زي ماهتمت من بناتها ومالي الا انتم تكفون علموني انا محتارة باشياء كثيرة مثل الغرفة الكومدينة (التسريحه ) فستان الصباحية وحركات تنسيق غرفتي وكل شي ابشركم الدخون (البخور ) الحمد لله تكفلت في جارتنا الدوسرية بتشتريه لي بس باقي الغرفة بنات حنا في الديرة عندنا كل عروسة لها غرفتين غرفة نوم وغرفة للجلوس طبعا تكون فيها جلسة وتلفزيون طبعا من عادتنا ان حنا نزين الغرفتي بتولات او حرير ندمج لونين ونشتري تحف وزينات ونطقم مفرش السرير غرفة النوم مع كافة المفارش اللي عند الطوالة واللي بالدولاب .. الخ ..سؤالي غرفتي لونها بني و انا محتارة وش احط لون المفارش وش رايكمدلوني على لونين حلوة ادمجمهم للمفرش النوم وكل شي.. ثانياعندكم حركات للتسريحة اقصد الكومدينة غير حركة الصندوق والخداديات و التحف اللي فيها ورد وحركة التولات اللي نازلة كل ذا الحركات سوتها بنت عمتي وبنات جماعتنا ..تكفون يا بنات انا متزوجة رجال من عايلة اجنبية عنا ولازم اجي كشخة تكفون الله ويوفقكم ساعدوني بنات في ربكم _ أي وحدة عندها حركات للغرفة او لي او كوشة او الكومدينة او فستاني او أي حركة غريبة علموووووووووووني ؟._ بنات ابي اسوي كوشة وش رايكم وين اروح بس تكفون لا تدلوني على محل غالي ؟_ حركة للمدخل او الهدايا ماعرف تكفون علموني _ أي تعرفونه يتسوي او أي نصيحة حلوة او حركة جديدة وغريبة في ربكم علموني او حتى ارسلي مسج بليز الله يوفقكم ساعدوني ولا تبخلون علي والله لو لاقية احد ياجاوب سؤالي ماقلت لكمبنات اللي ماتبي احد يدري بحركاتها عادي ترسل لي على الخاص والله ماعلم بس تكفون الله يوفكم ويستر عليكم ساعدني الناس اللي انا تزوجت منهم اكشخ منا وعمتي الله يسامحها احسها مااهتمت من امري تكفونانا من قرية صغيرة تتبع الرياض ومن طبعنا في الديرة نتعب في تزين الدار وكل وحدة تقول الزود عندي في الحركاات بس عادي اقدر اجي للمحلات اللي تنصحوني فيها بالرياض ماعندي مشكلةالمهم حركات في تزين الغرفة الشلالات قديمه والكريستالات حطوها والورد والشموع بعد حطوها بنات تعرفون شي جديد تكفون علموني
رد مع الاستدلال
الروابط المفضلة