مرااااااااااااحب ..
كيفكم؟؟
من عندها أفكار حلوه لحفله منزلية بمناسبة رجوع خالي من السفر ( هو يدرس وجاي اجازه )

الله يعافيكم عطوني أي فكره .
وتسلموووووووووون

وينكم

الله يخليكم .. الحفله الخميس .. ردوا علي بسرعه .. عشان يمديني أجهز


لاتنسوني

اجعليها بسيطة وعائلية.
اطبخي أكلاته المفضلة. أو أكلات خفيفة (ومتوفر الكثير منها في المنتدى).
اجعلي أطفال العائلة يكتبون له حمداً لله على السلامة على ورق كبير ويلونونه ويعلق، أو ممكن أن يكتبها الكبار.
للزينة: انفخي بالونات بواسطة الغاز (الهيليوم)، ويعلق بالخيطات والثقالات، وتجمع كل 3 في زاوية.
واذا رغبت ممكن إضافة مسابقات، مثل مفتاح اللغز، أو مسابقات ثقافية، أو حتى مسابقات في مجال دراسته.
هذا ما يحضرني الآن.

تسلميييييييييين على الرد .. إيمان

ومشكوووووووووره .

ياليت ياتوتي تحددين نوعية الأفكار المرغوبه وان شاء الله نساعدك وامونه ماقصرت جزاها الله خير والحمد لله على سلامة خالك مقدما

تسلمين عزيزتي المستعجله ..
بس ياليتك قدمتي شوي .. كان ودي أستفيد من أفكارك وخبرتك .. يله خيرها بغيرها

بس الحمد لله .. مرت الحفله وطلعت تجنن .. بأفكار بسيطه وجميله ------> بمدح نفسي

وإذا بغيتوا أعلمكم ... أنا حاضره

يالله ياتوتي طلعي المستخبي من افكار عملتيها في الحفله وبالتفصيل الممل عشان نستفيد منها جميعا ومشكورة مقدما

من عيوني ... عزيزتي المستعجله








تــــحـــت الإنـــشـــــــاء

شوفي عيوني ..
تصدقين مابدأنا نستعد للحفله إلا في وقت متأخر .. بس الكل جاب همته ..
المهم كانت الحفله عبارة عن - يقولون -حفلة شاي .. وكانت في غرفة ( هي اللي نقدر نسكرها عشان مايشوفها راعي الحفل )
فجبنا طاوله صغيره ( هذا الموجود ) .. لنضع عليها التورته ( كتبنا عليها - نورت ياغالي -)
الحين أقولكم شلون سوينا الطاوله .. بس ياليت عندي صوره لها - كان شكلها يجنن والكل يقول -
فرشنا المفرش وحطينا التورته والفاكهة ونثرنا ورود مجففه على الطاوله وجبنا شموع معطره ( فواحه ) ووضعناها في كاس مخصص لها مخرم على شكل نجوم .. (يعني إذا ولعت الشمعه يعكس على الجدار شكل نجوم) وحطيناها على الطاوله وجبنا تحفتين على شكل اسطواني وحطينا الملاعق والشوك فيها ..
مممممم شبعد .. ايه .. وجبنا جحه ( بطيخه ) وقطعناها بشكل زخرفي .. ماأعرف أوصف
وباقي الأكل ..فرشنا سفره ( ماعندنا طاوله ) ... وقلنا لازم نزينه .. فجبنا أوراق ملونه وقصصناها على شكل مستطيلات صغيره ونثرناها على السفره .. بعدين حطينا الأكل فوقه ..وجبنا شموع صغيره ونثرناها على السفره .. فلما تطفين الأنوار ومايبقى غير الشموع .... ياي جو خيالي ..( قاعده أعيش الموقف )
وكاسات العصير .. جبنا مناديل ملونه أو مزخرفه .. وفتحناها وحطينا الكاس بالنص ولفيناه من تحت بالمنديل .. فيطلع الكاس كأنه طالع من ورده .... فهمتوا علي ..

إيه وسوينا لوحات ترحيبيه .. جبنا أوراق ملونه وكتبنا عليها بالكمبيوتر عبارات رائعه وعلقناها .

وكان عندنا أفكار أحلى وأكثر بس لوكانت الحفله في الحوش بس كان ذاك اليوم مطر غزير . ماشاء الله .

وبعدين قاموا الأطفال ينشدون ( ماشاء الله شكثرهم ) مستانسين .

هاااااااااااااااااااااه شرايكم .. وأنت المستعجله شرايك - ترى رايك يهمني -

روعه ياتوتي اقول توتي ...








الحمد لله اني مااقترحت عليك كان تفشلت لأن افكارك رائعه بعد ماتخيلت الحفله