بعد العشاء؟؟؟؟؟؟؟؟؟؟؟؟؟؟؟؟؟؟

**xxl** · 22-06-2006, 10:59 PM

السلام عليكم
خواتي الله يعطيكم العافيه حبه اسال عن افكار بعد العشا (اعواد الاسنان والعلكه والهيل و.....والحركات هذي مادري فهمتوني لو لا

من وين اشتريها وايش الفكار الجديده واذا ممكن اسويها وشلون ؟؟
تكفون افيدوني انا من الرياض

**xxl** · 23-06-2006, 12:06 AM

تكفون ردو علي

**كيرلي** · 23-06-2006, 01:15 AM

أختي xxl مافهمت قصدك انه تريدين افكار للتقديم ولا شو؟ وبتمنى البنات اللي عندهم افكار يساعدوك

واهلا فيك معنا..

**التائبة لله** · 23-06-2006, 02:16 AM

أختي العزيزة :
السلام عليكم ورحمة الله وبركاته

أنا سويت بزواج حماي (أخو زوجي ) نفس اللي تبين
وهو :
اشتريت المناديل المعطرة (فريشي) المربعة الكرتون ب9 ريالات وبثلاث روائح
واشتريت أعواد أسنان من أبو 2 ريال
واشتريت علوك ب10ريالات وبنكهات مختلفة ( قهوة وقرفة ومستكه ونعناع ) يعني كلفني 70 ريال
وبعدين : أخذت حبة فريشي وحطيت فوقها عود اسنان وعلكه ولزقتها باللزق الشفاف وطلع عندي 300حبة بدل ماأشريهم ب300ريال
وممكن تسوين نفس الشي وتحطين بدل العلك حبة حلاوة بولو بالنعناع مع حبة هيل أو قرنفل
أتمنى اني أكون قد أفدتك ولو بالقليل
والسلام عليكم

**Rana363** · 23-06-2006, 05:39 AM

زي ماقالت التائبه الى الله اشتري مناديل معطره وأعواد اسنان بس تكون مغلفه بورق واشتري علكه و حلاوه نعناع وجميعها مع بعض بورق سلفان او بتجليد وزينها بشرائط او اعملي اكياس من القماش وحطيها فيها زي الصوره

**xxl** · 24-06-2006, 01:08 PM

السلام عليكم
مشكوره اختي كيرلي على الرد تسلمين
اختي التائبة لله الله يتوب عليك وعلينا ويجزاك الجنه تسلمين على الافكار الحلوه
عيوني rana363 تسلمين حبيبتي بس ابي اسال من وين اجيب هاذي الاكيس الحلوه
الله يعطيكم العافيه

**الله يجيبك** · 24-06-2006, 07:42 PM

من السواق في الرياض اسمه شارع السويلم فيي كل شيء متعلق في الحفلته

**قصيـ*نعومه*ـميه** · 29-06-2006, 04:57 AM

مراااحب

؛؛؛؛
فيه فكره مره عاجبتني وبسويها إن شاء الله بحفلة تخرجي

؛ :::
كاسات قزاز مثل كاسات العصير لكن أصغر شوي أو أي تحفه قزاز أو صناديق صغييييره من الخشب أو الحديد (بس أشكالها تجنن مو أي حديد تكون على فضي )"ممكن تحصلينها في محلات باتشي أو جهينه" وإذا تبغين أرخص لك تشترينها من محلات أبو ريالين و تعبينها أنتي حلاو صعو "ملبس" أو تحطين فيها حبة شوكولاته وحبة علك وحبة حلاو بولو و تغلفين كل كاس لحاله بتل ناعم وشرايط فخمه و إذا تحبين ترفقين معه بطاقه صغيره عليها بيت شعر كإهداء .....أتمنى تكون فكرتي واضحه

.......

**xxl** · 03-07-2006, 11:07 AM

تسسسسسسسسسسسسسسسسلللللللللللللللللللللمون
الله يجيبك وقصيميه نعومه وام عبدالله
الله يعطيكم الف عافيه ماقصرتو

**ام عبدالله 2006** · 22-08-2006, 11:12 PM

موفقه حبيبتي

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: بعد العشاء؟؟؟؟؟؟؟؟؟؟؟؟؟؟؟؟؟؟

أدوات الموضوع

العرض