السلام عليكم ورحمة الله وبركاته

هلا بالغاليات وأسأل الله تعالى ان يبارك بكم على تفضلكم بالدخول ولكن لا تطلعون من هنا الا بكلمتين اللله يجعها بموازين حسناتكم ياكريم يارب


انا بنتي انخطبت عقبال جميع البنوتات يارب
سؤالي هو!!

اتصلوا اهل المعرس بيجيبون الشبكه
ولأني اول مره وعليميه ماادري وش المفروض يسوى بهالحاله
هل تنزل البنت تسلم عليهم او تعتقدون عيب!!

وهل يحتاج عشا عزيمه او لآ!!

وان كان مايحتاج احتاج منك تكفون افكار للتقديم حلوه
وباسأل بنات الرياض عن محل الحلويات
لافندر وين مكانه بالتحديد وصفوه ولا لقيته بالتخصصي

انتظركم كلها يومين ويجون وانا ماسويت شي
الله يفرجها عليكم يارب

وعليكم السلام و رحمة الله و بركاته


الله يتمم لها على خير ان شاء الله

صراحة أحس أني محتاسة و مش عارفة الحل

أرتب أفكاري و أرجع لك ... ألف مبرووووك

بداية ألف ألف مبروك والله يتمم عليها وجعلك تفرحين في اخوانها وأولادها
الامر سهل جدا ومايحتاج كل هالحيره ....

الوقت هو الي يحدد ينوعية الضيافه
يعني لو قالوا راح نجي على العصر مو معقوله يجلسون للعشاء فيكون عصير في الأول وبعدها قهوة وشاهي مع تقديم شوكلاته فاخره وموالح وفطائر مع الشاي.

لو قالوار راح نجي بعد المغرب أو العشاء ممكن تأكدين عليهم بالعشاء وبكذا تزول حيرتك ....
ولو كانوا بيتعشون عندك ممكن تعزمين امك وام زوجك .

- محلات الحلويات ماليه الرياض ... عندك القباني وملك الحلويات وشهد الملكة و شوكلاين ..... ممكن تمرين عليهم وتخبرينهم بالمناسبه وهم يقومن بالمهمه من تغليف وخلافه .

أكيد البنت تطلع عليهم وتكون لابسه شيء مرتب مثل تايور ناعم جداً ومكياج خفيف


وهذي مواضيع اتمنى انها تفيدك ...
http://www.lakii.com/vb/showthread.php?t=113373
http://www.lakii.com/vb/showthread.php?t=104221



ولا تنسين تطمنينا عليك

السلام عليكم ورحمة الله وبركاته

يعني يوم اقول انكم جواهر بصحيح ماخاب ظني





lemo



انا ماادري وش كثر اشكرك على حضورك وانتظرك على احر من الجمر
ويكفيني شرف وجود اسمك الله يجزاكِ الجنه يارب

اسيرة الغربه


انثر عبير احرفي مطوقة بالشكر الجزيل واقول لكِ

جزاكِ الله خيرآ بصراحه روابط مفيده فتحتها تتحمل الصور وجيت طيران اكتب لكما الشكر

ماخاب ظني يوم اخترت هالمنتدى للسؤال

انا راي من راي الاخوات انك تعرفين في اي موعد بيجون اذا كالو بعد صلاة العشا يعني المفروض عشا واذا كالو بعد المغرب يعني عصرونية بس انا اكول انتي سوي فطاير مختلفة لانها في كل الحالتين مطلوبة اذا مع العشا لو مغربية
والبنت موعيب تنزل بسس تلبس تايير محتشم ومكياج خفيف ومتتكلم ولاكلمة احسن

والله يفرجها عليكم ويبيض وجهكم

dudi
هلا اختي حياكِ الله وجزاكِ الله خير على مرورك

واشكر لكم هذا التفاعل السريع

لأني بصراحه انا كان كل اعتقادي ان بالملكه يجيبون الشبكه معهم وخلاص لكن فهمت هلحين

والحمد لله انها تأجلت للأسبوع القادم

لكن احتاج محلات لا فندر كثير يمدحونها
الله تعرفها تكفون تضع عنوانهم بالتفصيل
اللى اعرفه انها بالتخصصي لكن مالقيت شي!!

حياك الله اخيتىمروج..
ومبارك لعروستكم والله يسعدها دنيا واخرة..
شوفى ياستى احنا اهل الغربية الشبكة عندها فيها علوم ورسوم ههههه

اولا:
العروسة تكون كاشخة بفستان سهرة ناعم ومكياج مظبوط وينحط لها مكان بالبيت علشان تجلس فيه ويجونكم اهل المعرس يلبسونها الشبكة...

ثانيا:
تزين البيت بورود وحركات حلوة رح نعطيك فكرة عنها لاحقا...

ثالثا:
اذا حضروا اهل المعرس يتقدم العصير...من بعدها القهوة معها شيكوتة فاخرة باتشى والا غيرها ومعها صينية ثانية حلويات مغربية مثلا ...

ثالثا:
تقديم الشاى ومعه سلات معجنات وموالح ..

اذا خلصوا من الشاى تكون بنتك الله يحفظها جالسة فى غرفة او صالة المهم مكان واسع لانه راح يزدحم..

وياليت تكون عندك اشرط افراح دفوف تشغليها لما تقولين لام المعرس اللى يحيكم تعالوا لبسوا بنتكم الشبكة..

علشان يكون جو افراح الله يديمها عليكم ان شاء الله ..

هذا اذا كانت عصرية او مغربية مختصرة ..

اما اذا كان فيها عشاء نفس النظام بس الفرق انه بعد تلبيس الشبكة ينحط العشاء وفى ناس تعشى وبعدين تلبس الشبكة...

والله يوفق لكم

الكروان غنى ندي بكبرها الله يحييكِ يالغاليه

الله يجزاكِ خير على هالمعلومات اللى افدتني فيها

اختي وينا ووينكم اهل الغربيه

بصراحه هم بهالأمور شي خطير ماشاءالله عليهم يعجبني اهتمامهم بهالأمور

الله يعين هم بيجون اليوم بعد المغرب
اقتصرت على الشوكلا والمعجنات
هل معقول يلبسونها هم الشبكه اول مره اسمعها

الله المستعان ويسهل يارب

سلام عليكم ورحمة الله وبركته
ألف مبروك أنشاء الله تم الخطوبه على خير

بسم الله الرحمن الرحيم

السلام عليكم ورحمة الله وبركاته


هلا بالجميع واعذروني على التأخر بالرد

ابشركم الأمر صار عادي والحمد لله استفدت من اراءكم

فقط كانت كالزياره الخفيفه بعد المغرب ونسقت صواني التقديم انا بنفسي
وطلعت حلوه مره وافكارها غريبه


اولآ بالنسبه لصينية تقديم الكاكاو

جبت صينيه زجاجيه واطرافها مذهبه
وفرشتها مخمل عنابي غامق
وصفيت الشوكلاته بطريقه عاديه ولونها كان ذهبي
وبالوسط جبت كاس شفاف اللى بقاعده حق العصير
ونزلت منه قطعة مخمل بشكل لولبي ووضعت بعض الورد المجففه بالكاس
وع حبة شوكلاته مزينتها بطريقه عاديه

ونثرت بعض الورد المجففه وطلعت الصينيه روووووووووعه وغريبه
اما الفطاير فجبت من الحديقه فروع من الشجر قصصتها وغسلتها وفرشتها تحت الفطاير وطلعت فانتستك خيال
وبالوسط حصيت نفس طريقة الكاكاو كاس شفاف بقاعده ومليته من نفس الشجر نازل على الأطراف وطلع روعه

اتمنى اني افدتكم وشكرآ للجميع على تعاونهم
وسأعدكم بموضوع يفيدكم بأذن الله