السلام عليكم ..
عزيزاتي الغاليات ..
وباختصار حتى ما ابدا بالفلسفه عليكم ...
بنت عمي زواجها بعد رمضان وانا محتاره بالهديه ..
ودي بشي مميز يعني سبيشل ...
انا ما اعرف شنو الهديه المناسبه للهالمناسبه ... ما اعرف بالهالسوالف ..
ياليت تنصحوني وهي عزيزه على قلبي ..

و عليكم السلام و رحمة الله و بركاته


الركن مليان أفكار هدايا ممكن تحصلي اللي ودك فيه


على العموم ممكن تاخذي سلة أو صندوق


و تحطي بأرضيته ورد مجفف


تجيبي برواز صورة مثلا أو دبدوب


تحطيه بالزاوية


تجيبي أشياء تحبها العروس


ممكن شوكولا مفضلة


ممكن عطر مميز


ممكن لبس محبب لها


ممكن تلبسي الدبدوب سلسال ذهب مثلا



و ممكن أنك تجيبي لها قطعة ذهب و تغلفيها في محل لتغليف الهدايا بشكل مبتكر


أن كنتي مش حابة ترتبيها بنفسك


و ألف مبروك و عقبالك

مشكووووره ليمو ..
ما قصرتي ..
بس معليش راح اطولها شوي ..
عجبتني حركه السله الي قلتيها وقررت احط فيها عطر حلو بس بودي شي ثاني بجنبه ...غااالي وفخم..ايش برايك؟؟
ياليت توضحين شنو الاشياء الي تحبها العروس ...
ادري طولتها وهي قصيره ..
تحمليني شوي ..

السلام عليكم ورحمة الله وبركاته

أختي مثل ما قالت الأخت ممكن تحطي دبدوب وتلبسيه سلسال ذهب

ولو حابة شي ثاني حطي عطر مع الست ماله الهو اللوشن وشور جل والبودرة أو تحطي معاه قميص نوم أو مجموعة عطورات ثانية

عزيزتي احضري سله وضعي فيها عطر
ثم احضري مجسم او تمثال على شكل عروس وعريس موجوده هذي عند ابو ريالين ولبسيهم سلسال ذهب او الماس ممكن تعبي السله ورد مجفف وتحضري بعض الاحجار المائيه او الزجاجيه او الملونه وتنثريها بينها او ممكن بدل ماتحطي سله تحطي مجسم على شكل صدفه مفتوحه موجوده هذي عند محلات الهدايا

الله يعطيكم الف الف الف الف عااااااافيه ..
والله ما قصرتو تعبتكم معاي ...
الحين اقدر اهديها هديه ترفع الراااااس ..