سلام عليكم ورحمة الله وبركاته ..

كيفكم ؟ إن شاالله بخير ...

أحتاج مساعدتكم شوي ... ( لا تخيبو أملي فيكم )

إلحين إن شاء الله الشهر الجاي ملكتي .. كنت حابه أعمل شي عشان الناس تكتبلي فيه

لكن بصراحه ما ودي أعمل دفتر أبي فكره جديده تكون سهله بحيث إني أنا أقدر أعملها ..

فاحبيتي اشوف رئيكم ؟؟؟ وأفكاركم ؟


وجزاكم الله خيراً ..


محبتكم ..
شموعه .

و عليكم السلام و رحمة الله و بركاته

الف الف مبروك شموعة

و عقبال الزواج

طيب وين بتسوين الحفلة ؟؟؟

انا جا في بالي تاخذي صورة للقاعة و معها اسماءكم

و تطلبوا من محلات طباعة كروت الدعوة

يسووا لكم لوحة كبيرة شوي

تكون خلفيتها بالفاتح صورة القاعة و اسمك و اسم العريس

و ممكن كم بيت شعر كمان

و تنحط ببرواز كانها لوحة بس من دون ما تتغطى بقزاز من قدام

و تنحط على طاولة متوسطة الحجم بمدخل القاعة و حولها ورد منثور و ثلاث تحف شمعية مثلا

و القلم يكون موجود مع الشمعة اللي بالنص

و لما يجوو الناس يوقعوا على اللوحة

يعني كانها سبورة ورق و يكتبوا عليها اهداءاتهم لكم

اتمنى الفكرة تكون عجبتك و الف الف مبروك مرة ثانية

السلام عليكم ..

هلا حبيبتي

أناا اقول لو تاخذي لوح كبيـــر وتكتبي عليه اسمج واسم العريس وتزينوه وتعدلووه .. وتحطوا صورج وصور العريس فيه وكل ما يدخل أحد يكتب لج ..

والف مبروووك والله يهنيج

السلام من جديد

حبيبتي ..

فكرة ثانية :

تاخذين صندوق كبير وتزينيه ..

وبعدين تحطين داخل الصندوق ورود طبيعية .. ..

وتكون الورود أوراقها كبيرة ..

أو تجيبين ورد مجفف (أوراقه فقط) وتكون أوراقه كبيرة

وتكتبين أبيات .. والناس يكتبون لج على الورق ..

شرايج .. ؟

أبيات :

الذكرى ذكراكم والقلب لن ينساكم ..

الى من يكتب لي كلمة أو حرف ..

عندما تدق ساعة الوداع

يعتري المكان سكون رهيب.. !

فلا يسعني إلا أن افتح صندوق الذكريات..

لأنعم بذكريات ماضية ..!!

جزاكم الله خيرا ..

لكن كنت حابه بشي سهل أقدر انا اعمله في البيت ..

(تراني فنانه .. دارسه في معهد ) بس أبي فكره ... وبصراحه وفيتوا وكفيتوا ..