اللي تبي افكار رومانسية للاحتفال مع زوجها انا حاضرة و مستعده للافادة ..
عندي مخزون جيد لها و احب اساعد الزوجات ..
بس قوليلي وش هي المناسبة و الميول العامة للزوج و على اتم استعداد
للتفكير معك في مفاجأة عجيبة تفاجئينه بها...
للبحث في شبكة لكِ النسائية:
|
اللي تبي افكار رومانسية للاحتفال مع زوجها انا حاضرة و مستعده للافادة ..
عندي مخزون جيد لها و احب اساعد الزوجات ..
بس قوليلي وش هي المناسبة و الميول العامة للزوج و على اتم استعداد
للتفكير معك في مفاجأة عجيبة تفاجئينه بها...
اهلين حبيبتي بصراحة جيتي في وقتك
انا بسوي ذكرى زواجي بعد اسبوعين وناوية اسوي لزوجي مفاجاءه وفكرت اخليها في فندق وحجزت سويت في اوتيل حلو ورحت للسوق وشريت شموع حمراء وورد احمر عشان اوزعه وارتبه في السويت
بس مشكلتي هنا كيف الطريقة اني اقدمله الهدية بطريقة حلووه ومو تقليدية وايش ممكن اسوي زياده على اللي بسويه
همتك معي ياام الافكار ودبرني بافكار حلوة زيك
اهلين اختي ياليت تساعديني انا كمان
يوم ميلاد زوجي
من الالف الى الياء
و جزاك الله خيرا
اهلين اخواتي اعذروني عن التأخير كان بسبب ظروف خارجة عن الارادة..
محبة للخير راجعه لك بفكرة جميلة...انشاء الله..
ام ريتال ..ذكرى الميلاد..زوجك ..تبين فكرة اوكي..
ما قلتيلي تبينها في البيت او الخارج ..عندك اولاد او ماعندك هذا المهم ..
عموما شوفي هالفكرة:اللي جربتها شخصيا..
اختاري مطعم راقي و يقدم مأكولات لذيذة لهم شي و تكون فيه الغرف مسكرة او شبه كذلك..
اشتري الزينه بنفسك و البلونات و اللي بدك اياه بس بكمية مناسبة و ليست قليلة ..
و اخذي الهدية غلفيها تغليف حلو و حلو لو كان بيدك..
اخذي الزينة و هديتك الى هذا المطعم في نفس اليوم صباحا مثلا و اختاري الغرفة و احجزيها لليل و اطلبي من الادارة انها تضع لك هالاشياء في الغرفة فبل وصولكم و لو ما نفع احجزيها ساعتين قبل و خلي احد من قريباتك تروح تعلقها لك بس المطاعم متعاونة في ذلك لو زدتي السعر قليلا ..
و لا تنسين تختارين قائمة الطعام قبل علشان لما تجون يبقى الوقت كله مع بعض دون انشغال..
عاد و دورك في البيت علشان تحيرينه اخذي ورده و بطاقة صغيرة هنيه و قوليله يسامحك انك ما جهزتي لهالمناسبة السعيدة لكن راح تعوضينه في المستقبل!!خليه شوي يحتر
و انك بهالمناسبة عازمته على عشا في مطعم انتي تختارينه ووديه و راح يفرح بالمفاجاة ..
و اطلبي كيكة لما تخلصون و طبعا انتي جايبة الشموع قبل بفترة علشان يحطونها لك فوق الكيكة!!!
و طبعا تعرفين الكشخة اهم شي مكياجك و زينتك و لبسك الجميل..
و اذا تبين فكرة هدية : اعتقد حلوة الساعة مع الازرة !!((هاذي آخر هدية عطيتها بو العيال))
و اتمنى الفرحة دايم معاكم انشاءالله
بسم الله الرحمن الرحيم
رديت لك يا محبة للخير..
باعطيك فكرة خلوة للهدية ..طبعا هديتك شاريتها ..و اذا لا ممكن تاخذينله اي شيئ من المستلزمات الرجالية المعروفة على ذوقك ..بعد اللي بتسويينه شور بيفرح حتى لو ما عطيتيه شي!!
المهم عندي فكرة للهدية ..اشتري زوج كناري حلوين عاد تنقيهم يا ستي و اخذي النشيط منهم و اللي يغرد ..او هالايام محلات الطيور تصبغ الطيور الصغيرة بالوان جميلة و يجي منها احمر اذا لقيتي منهم اخذي زوجين بدل الكناري ..لانهم عادة ارخص ثمنا..
و هالله هالله بتزيين القفص على ذوقك ..استخدمي الشرايط الستان و الورود الصغيرة و القش او الخيش ممكن يقوم مقامه لو ما توفر ..و غلفي الهدية و علقيها داخل القفص مع الطيور في النص او سويلهم عش و حطيها بداخله لو كانت صغيرة و اعطيه الفندق لو يجيبونها لك الغرفة في ساعة معينه او ابعثيها لهم قبل ما توصلين علشان تنحط في الغرفة !!
و الاحلى لو كان زوجك يخاف من الطيور ..لانه يستلزم علشان ياخذ الهدية يطلعها من داخل القفص!!هاهاهاهاها
و انتي ما عليج الا الضحك..الا عاد اذا خلاك انتي تطلعينها ترى انا ما لي خص ما قلت شي ..!!!
و تضاف المتعة و المرح للمناسبة السعيدة
ماشاءالله عليك يابنت الجامعه افكارك مررره حلوه وخطيررره
وانشاءالله ناويه اسوي حركة الهديه بس في عيد زواجي الثاني لاني للاسف شاريه الهديه وحاطتها بعلبة حمراء كبيره يعني مخلصه تغليفها وخالصه بس ماادري كيف اقدمها له في غرفة الاوتيل ؟
وشي الطريقه اللي ممكن تفاجاءه
ياحبيلك عاد انتي مررره اعجبتني افكارك وفيها ابداع
حظ زوجك والله
الله يهنيكم في بعض انشاءالله
استنى ردك ياحلوه
ياليت تفيديني بافكارك ابغى اسوي لزوجي ليله رومنسيه غير شكل انا من الرياض وساكنه مع اهل زوجي ابغى ليله غير الشموع لاني سبق وسويتها ابغى شي مميز وغير مكلف يعني كل شي اسويه بيدي
السلام عليكم ورحمة الله وبركاته
اسمحولي انا دايما اتأخر ..عذري معاي اكيييد سامحتوني صح؟؟
محبة للخير انتي تشغليني اعدل لكن و لا يهمك راجعة لك بفكرة عجيبة انشالله..
سندريلا ..انتي بروحج سندريلا تبين تفاجئين زوجك بشي احلى منك بعد؟؟!!
اوكي خلينا نفكر ..انت سندريلا ...تبين مفاجأة ....لزوجك ...
لقيتها
اعملي ليلة طرزان!!!
اقولك الفكرة تحتاجين المواد التالية :
اربع او خمس قطع كبيرة من خيش ((شوفي لك خيشة الارز و اغسليها بيدك قبل العمل و خليها تجف))
ورود صناعية بالكم اللي تقدرين توفرينه + اوراق الورود و يا ليت تكون كبيرة ((و الورد صناعي يا اختي علشان تقدرين تتصرفين فيه ))
مشموم من حديقة البيت ..
سلة فواكه كبيرة ..
و ابتدي العمل الممتع كالتالي
فصلي قطعة خيش على مقاسك يعني مو لازم ابرة و خيط اذا ما تعرفين ممكن تستخدمين الصمغ الحراري كاسهل طريقة و وسيلة اعملي تنورة لف قصيرة مثلا و قطعة علوية ..تماما مثل جين زوجة طرزان !!و شكي الورد الصناعي علشان تلبسينه مثل العقد على الرقبة و حول الكاحل و اليد مثلا ..و مكياجك انت ادرى فيه صح
اما الغرفة حاولي تشبكين قطعتين خيش مع بعض بالصمغ او الخيط و افرشيهم على السرير و انثري المشموم فوقه علشان ريحته الطيبة ..
و القطعة الاخيرة اخذيها و افرشيها على الارض ..حتى لو عندك طاولة في الغرفة لانه في زمن طرزان ما كان فيه طاوله اساسا صح؟ و حطي سلة الفواكه عليها و صحنين لكن عليك بالديكور بورق الورود الاخضر مثلا زيني الصحون او السكين و استخدمي ايضا ما بقي من خامة الخيش..
و استخدمي ابداعاتك في ديكورات اكثر توحي بجو الغابة في الغرفة بالاوراق الخضراء الكبيرة الصناعية او بالاوراق الخضراء المتسلقة او حتى اذا عندك فرش على شكل جلد النمر او الحمار الوحشي او ما شابه.. و ابحثي في العاب الاطفال بتلاقين العديد من الالعاب راح تساعد مثلا رتبي زاوية و صفي فيها الحيوانات و اختاري المتوحشة من الالعاب طبعا ..او لعبة نمر مثلا بس احلى شي لو تحصلين لعبة ثعبان كانها حقيقية حطيها بالديكور او حول سلة الفواكه و خففي الاضاءة في الغرفة علشان تساعد بالمهمة الغابية!! او اذا قدرتي بدلي الاضاءة الى اللون الاخضر متوفر في السوبرماركت او محلات الكهرباء ...
اما عن التأثيرات الصوتية اذا قدرتي توفرين كاسيت بصوت الماء مثلا او الغابة او الحيوانات راح يضيف شي جميل ايضا ..
بس اتفقي وياه قبل لا يتفاجا بهالليلة الجميلة العصر مثلا او الصبح او الليلة السابقة او ابعثيه له مسج على الجوال انك في اليوم الثاني بتغيرين اسمك من .....الى جين زوجة طرزان ..
و استقبلي طرزانك بابتسامه حلوة عند مجيئة من الخارج في الليل ...و اضيفي الى هذه السهرة المرح و المتعة ..جهزي العاب جميلة يحبها كالاونو و الكيرم و الشطرنج و غيرها مما تحبان اللعب به!!!
اتمنى ان تناسبك هذه الفكرة و ان صعب عليك تحضيرها سأزودك بالمزيد يا اختي
[COLOR=Navy] ذكرى ميلاد زوجي بعد اسبوع
ما ابا اهديه بس هدية و اتكشخ وكيكية وهاي الحركات المعتاده، طبعا انا ما علقت على حركه كل مرة شي جديد...
هاي المرة خاطري اسوي شي يتم يذكرة طوووول عمرة ز
عندي ياهلين ممكن استخدمهم كجزء من المفاجأه بس ما أعرف كيف.......
زيين انه بيصادف خميس وابا استغل فرصة الإجازه................
نحن يالسين بروحنا في شقة..............
الصراحة كنت داشة اليوم المنتدى ادور مساعدات و ييتي في وكتج
ما ابا اشياء خيالية لإنة ما يحب ..............
ابا لارد ابسرعة لو سمحتي ماشي وقت
و تسلمينلي الغالية وتسلملي أفكارج
هلا حبيبتي..
غالي و الطلب رخيص بس عطيني وقت افكر..
و راجعة لج ولا يهمك
الروابط المفضلة