السلام عليكم الغاليات

اشحالكم ان شاء الله بخير .,,,

نتابع سلسلة لما تنوجد الادوات الصحيحة او المناسبة يطلع الشغل تحفة

شوفوا شكل توزيعة عربة المواليد هاي ,,





هذي حجمها بالنسبة لربع تولة عطر ,,



وفي النهاية هاي هي الادوات المستخدمة فقط .



طبعا الشكل ناقصنه دوائر العجلات بس ان شاء الله قريب باخذ لي هالخرامة الناقصة

والله يوفق الجميع لما يحب ويرضى

@ اختكم في الله @

ام ناصر

ماشاء الله
تسلم ايدك

حلوه و عملهاا بسيط

تسلم الاياادي ياارب

مشكوووووووووووراااااااااااات خواتي والله يوفق الجميع لما يحب ويرضى

الله يرزقك الجنه على مجهودك

نجمة الفجر شغلك روعه اشرحي لي هالأدوات اللي وضعتيها وايش فايدتها وهل هي مكلفه الله يجزيك خير؟

كتبت بواسطة فايزة1

الله يرزقك الجنه على مجهودك

واياج الغالية

كتبت بواسطة سحر الغلا

نجمة الفجر شغلك روعه اشرحي لي هالأدوات اللي وضعتيها وايش فايدتها وهل هي مكلفه الله يجزيك خير؟

هلا الغالية

تسلمين حبيبتي بالنسبة لها الادوات تسمى خرامات نفس خرامات الاوراق الدائرية العادية بس هذي خرامات بأشكال وااااااااااااايد تييج كتبي في جوجول علشان تتعرفيين عليها اكثر ( craft punches ) في قسم الصور وشوفي الاشكال والانواع والاحجام الكثيييييييييييييرة ما شاء الله اللي بتطلع لج منها ,, وفي بعض المواقع توفرها حتى للبيع مثل موقع amazon.com وتقريبا تميت فترة ثلاث سنوات او اكثر وانا ادور على مثل هالاشياء عندنا في ابوظبي لين ما الحمد لله اخيرا حصلت محل مخصص لها الشغلات بالتحديد اسمه ( ركن الحرف اليدوية ) بحط لكم موضوع عن رحلتي للمحل وعن الاغراض اللي شريتها منه وان شاء الله لو الله راد بروح بكرة علشان اخذ لي خرامة الدوائر علشان اسوي عجلات العربانة ..

عندكم في السعودية اكيد في لان حسب ما اعتقد ان اي مكان فيه اجانب المفروض تتوفر هالمحلات لان هاي اشياء واغراض الاجانب ولو ما شي محلات خاصة ممكن تسوون لكن بزنز بيع مثل هالشغلات لان صدق صدق وااااااااااااااااااااااااااااااااايد مفيدة في نظري المفروض المدارس تكون عندها مجموعة مناسبة منهم خصوصا لحصص التربية الفنية لعمل البطاقات وتصميم وتركيب العلب الصغيرة ..

الخرامات واااااااااايد تنفع للناس اللي تشتغل حق نفسها او اللي تسوي تجارة واااااااااااايد مفيدة لكونها تخلي الشغل اسهل وفي نفس الوقت ارتب

بالنسبة للتكلفة الشكل الدائري بـ 130 درهم لان ما شاء الله حجمها كبير ,, وشكل الزخرفة بـ 75 درهم تقريبا او اقل شوي مش مذكرة هالحدود عموما معروف طبعا ان كل شي عندنا غالي بس الحمد لله على كل حال

والله يوفق الجميع لما يحب ويرضى

@ اختكم في الله@

ام ناصر

تسلم ايدك

فكرة مميزة وسهلة

,,,,,,,

....

ما شاء الله ررررررروعة ام ناصر تسلم الايادى