هل توقفتى مع نفسك للحظات وسألتى نفسك انتى نفسك فى ايه
معظمنا يغرق فى مشاكل الحياه وينسى احلامه وكل حاجه كان نفسه فيها وكان يتمنى ان يفعلها
هل نسينا انفسنا معظمنا يهتم بمن يهمه
ولكن هل نهتم بأنفسنا ؟
هل يوجد فى حياتنا من يسألنا انتى نفسك فى ايه ؟ احلامك ايه ؟
هل هناك من سيحقق لنا احلامنا وطموحاتنا ؟
لا
لان مفيش حد معاه عصا سحريه لنطلب فنطاع
ليه منفتكرش احلامنا ليه منستعدش طموحاتنا الى دفنت او دفناها نحن فى بئر عميق
متيجوا كده نعرف ايه الحاجات الي نفسنا فيها مهما كانت صغيره اومستحيله او تفهه
ليه نحبسها بداخلنا
كل واحده فينا تقول نفسها فى ايه وادينا بنفضفض
يمكن نقدر نساعد بعض بأفكار لتحقيق بعض احلامنا ليه لا
متيجى نسمع بعض ونعرف ليه احلامنا مش قادرين نحققها يمكن نطلع برؤيه جديده او مفهوم جديد
لمجرد عرض الفكره
ونحاول مع بعض نضع طرق تحقيقها ويستفيد كل منا بخبرة الاخر فى الحياه
ايه
شايفين الموضوع صعب او مستحيل او تضيع للوقت او يمكن تسألى نفسك هقول حلمى ليه
وانا عارفه انى مش هقدر احققه ....

صدقونى الموضوع مش صعب ولا هوه تضيع للوقت اكيد كل واحد فينا هيخرج من الموضوع بحاجه
حتى لو محدش فينا استفاد من الاخر بس ادينا فضفضنا وفكرنا بعض اننا لسه عايشي
ن وان كان فى احلام نفسنا نحققها ويكفى اننا قدرنا نخرج الى جوانا من غير محد يتريق علينا اويستهين بأحلامنا او يحبط فينا

انا الى خلانى اعرض الموضوع عليكم انا سألت نفسى انا نفسى فى ايه ياترى احلامى زمان كانت ايه
وايه الى حققتوا من احلامى وايه الى ضاع منى من غير محس

بس محبتش ان الموضوع يكون عشوائى حبيت احدد نقاط بسيطه
علشان منهتمش بأشياء ونهمل اشياء اخرى

عايزه اقولكم على حاجه ان الانسان الناضج هوه الى بيغذى كل جوانب حياته
وبيحاول الا يهتم بجزء على حساب الاخر

هنبتدى ان شاء الله وهوه عباره عن اسئله ونحاول نجاوب عليها وانا كمان هجاوب عليها معاكم .

تمام كده نبتدى باذن الله

نفسك فى ايه من الناحيه الروحانيه ( اى الدينيه) ؟
نفسك فى ايه من الناحيه الماليه ؟
نفسك فى ايه من الناحيه العلميه ؟
نفسك فى ايه من الناحيه الاجتماعيه ( وهى شامله الاقارب والاصدقاء والعائله ) ؟
نفسك فى ايه من الناحيه العمليه ؟
نفسك فى ايه من الناحيه الترفيهيه ؟
نفسك فى ايه من الناحيه التربويه والاخلاقيه ؟



قبل الاجابه احب ان اوضح شيئ
طبعاهذه الامنيات او الاحلام التى نتمنى ان نحققها هى احلام خاصه بنا نحن وبنحاول نحققها فى انفسنا
وليست احلام عامه .
دى احلامنا احنا الى لما نجلس مع انفسنا نقول نفسى فى كذا وكان حلمى كذا
يااااااااه معقوله الحلم ده ممكن يبقى حقيقه ........ ياريت

وانا كمان هفتكر معاكم احلامى الى نسيت بعضها مع مشاغل الحياه محبتش افكر لوحدى
يمكن فى حلم نسيتوا لانه كان صعب تحقيقه يمكن نقدر نحققه الان ليه لا متيجى نحاول
مش هنخصر حاجه

موضوع جميل ليت كل ما يتمناه المرء يدركه بس المشكله مش فى احلامنا وجود من يحاول تدمير حلمك
انا نفسى احج بيت الله
ونفسى استقر ماديا واضبط مصاريفى ومحملش هم كتير
نفسى ارجع شغلى واكون شعله نشاط كما كنت واعوض بعثه انجلترا الى طارت بسبب جوازى

نفسي اتجمع انا واخواتى ونقعد ناكل ونهزر ونضحك من قلوبنا مش مجامله اجتماعيه
نفسى ازور ناس كتير اوى وحشونى
نفسي ربنا يقدرنى على تربيه اولادى تربيه صالحه ويكونوا سند وعون لى
نفسى اروح الملاهى واركب كل الالعاب المرعبه الى كنت بحبها مع صحبه حلوه
نفسي احفظ اولادى القران وبدعلى من قلبى ان ربنا يقدرنى

اعتقد انى جاوبت على معظم الاسئله او كلها وطبعا هذا جزء مم يجول بخاطرى

كتبت بواسطة naglaa22

نفسك فى ايه من الناحيه الروحانيه ( اى الدينيه) ؟

أن يرضى الله عني
نفسك فى ايه من الناحيه الماليه ؟
ستر الحال والحمد لله أن ربي مكرمنا بالستر

نفسك فى ايه من الناحيه العلميه ؟
كان نفسي دراست الصيدلة لكن زواجي المبكر منع ذلك أن شاء الله
يعوضني ربي في أولادي
نفسك فى ايه من الناحيه الاجتماعيه ( وهى شامله الاقارب والاصدقاء والعائله ) ؟
أحتفض بها لنفسي حتى لا يعتقد القارى أدعائي للمثاليه
نفسك فى ايه من الناحيه العمليه ؟
نفسك فى ايه من الناحيه الترفيهيه ؟
نفسك فى ايه من الناحيه التربويه والاخلاقيه ؟
أجابت جميع ما سبق أن أرى أولادي هُداتاً مهتدين
غير ضالين ولا مضلين نافعين لمجتمعهم

جزاك الله خير أختي الغالية على هذا الموضوع الجميل
فدائماً أنت مميزه في جميع مواضيعك تمنياتي لك بالتوفيق
وتحقيق جميع أحلامك

كتبت بواسطة shrwet

موضوع جميل ليت كل ما يتمناه المرءيدركه بس المشكله مش فى احلامنا وجود من يحاول تدمير حلمك

ربنا يبارك لكى اختى الغاليه ان شاء الله تحققى كل احلامك ونتحدى كل الصعاب لنحقق احلامنا

انا نفسى احج بيت الله

انا كمان نفسى احج رغم ان الظروف الماديه لا تسمح انتى متعرفيش انا بتمنى حتى ولو عمره نفسى ارتاح من هموم الدنياهناك عند بيت ربنا
انا عارفه ان الموضوع ممكن صعب تحقيقه بسبب الظروف الماديه
طيب متيجى نحاول نحققه هتقوليلى صعب مفيش فلوس انا عارفه انوا صعب عليا وعليكى طيب عملنا ايه علشان نحققه مفيش حد هيحقق لينا الحلم ده انا عارفه
ليه منحولش نحققه لانفسنا نخليه هدف بدل حلم وان شاء الله هيبقى حقيقه حتى ولو طال بنا الامل
احنا هنسعى ونسيب الباقى على ربناانا عندى فكره قوليلى ايه رأيك فيها
متيجى نعمل حصاله على جنب كده تكون دى حصالة الحج ونضع بها اى مبلغ يتوفر معنا حتى ولو جنيه واحد يوميا صدقينى مش هنحس بيه
ومهما حصل منجيش جنب الفلوس دي مهما حصل انتى عارفه ياشروت هنحس بأحساس حلو اوى اننا بنعمل حاجه لانفسنا وهنحس ان هيجى يوم ونحقق الحلم ده
ولو محققنهوش يكفينا شرف المحاوله كفايه ان فيه حاجه كنا عايشين ليه
قوليلى ايه رئيك ونبتدى مع بعض ونشجع بعض

ونفسى استقر ماديا واضبط مصاريفى ومحملش هم كتير

ده حلم كويس انا كمان نفسى فيه بس انتى شايفه ايه الى ممكن نعملوا علشان نحقق الهدف ده متيجى نفكر مع بعض ياريت تقترحى عليا بعض الافكار بخصوص الموضوع ده ونحاول ننفذها لانه بجد موضوع مهم انا مستنيا اقتراحاتك ونحاول نعملها مع بعض

نفسى ارجع شغلى واكون شعله نشاط كما كنت واعوض بعثه انجلترا الى طارت بسبب جوازى

انا كمان نفسى ارجع شغلى تانى وهوعملى فى التدريس ونفسى أخذ كورسات فى بعض اللغات بس مش عارفه بسبب البيت والاولاد
ده كمان حلم اكيد هيسعدنا جدا لو حققناه بس هوه ده الحلم الى الواحد بيفتكرو ويقول ياااااااااااااااااااااريت يتحقق

نفسي اتجمع انا واخواتى ونقعد ناكل ونهزر ونضحك من قلوبنا مش مجامله اجتماعيه

طيب الحلم ده صعب ليه هوه فيه مجاملات اجتماعيه بين الاخوات

نفسى ازور ناس كتير اوى وحشونى

وانا كمان نفسى ازور اصدقاء ليا لم اراهم من زمان وديما بحن ليهم بس انا الى منعنى عنهم بسبب زواجى انتى ايه الى مانعك من زيارتهم

نفسي ربنا يقدرنى على تربيه اولادى تربيه صالحه ويكونوا سند وعون لى

ده حلمنا كلنا ان نربى اولادنا تربيه صالحه تنفعهم فى دنياهم واخرتهم وان يحسنوا الينا كما نحسن اليهم
ان شاء الله نشوف اولادنا احسن ناس فى الدنيا كلها وربنا ميحزناش على حد فيهم يارب

نفسى اروح الملاهى واركب كل الالعاب المرعبه الى كنت بحبها مع صحبه حلوه

انتى عارفه يا شروت انا كمان نفسى اوى اروح الملاهى ونفسى موت اركب القطار المرعب بجد نفسى فيه
طبعا من المستحيل اقول كده لزوجى هيقول عليا انى اتجننت هههههههههههههههه اه والله وهيهرينى تريقه بس بينى وبينك من جوايا يتمناه اوى
انتى عارفه بتمنى ايه تانى نفسى اتعلم السباحه نفسى بجد وانا عارفه ان دلوقتى مستحيل وخصوصا ان سنى 35 سنه يعنى مينفعش وهتعلم فين وازاى ومين هيعلمنى وخصوصا انى منتقبه الان بس لما بروح مصيف مع الاولاد ببقه نفسى اوى انزل البحر بس انا راضيه ومش زعلانه ان نقابى منعنى من نزول البحر بس كان نفسى اتعلم السباحه من صغرى بس كنت بخاف موووووووووووت
انتى عارفه نفسى فى ايه من واناصغيره اتعلم ركوب العجل بردو خوفى منعنى منها
جوزى لو عرف دى كمان هيودينى مستشفى المجانين رسمى هههههههههه بس ادينا بنفضفض
نفسى فى حاجه كمان انى اتعلم السواقه بردو خوفى منعنى من تعلمها بس هيه دى الحاجه الى لسه هحاول فيها وهنتصرعلى خوفى انشاء الله

نفسي احفظ اولادى القران وبدعلى من قلبى ان ربنا يقدرنى

ان شاءالله هتقدرى مش صعبه دى بصى هقولك انا عملت ايه مع الاولاد فى البدايه عودى الاولادعلى ان لازم وضرورى
يقرأوا بعض ايات القرأن يوميا حتى ولو ايتان كل يوم حتى لا يكونوا هاجرين لكتاب الله
وبعد حوالى شهر ابتدى حفظى كل واحد فيهم ايتان فى اليوم او ثلاثه المهم الا يتخطوا الثلاثة اسطر علشان ميستصعبوش الموضوع
بصى افضل الاعمال عند الله ادومها حتى ولو قلت واعملوا الموضوع ده سوا انتى وهما مثل هذه الاشياء تأتى بالتعود صدقينى واستمرى على كده لمدة سنه لغاية ما يبقى الموضوع عندهم سهل مثل الاكل والشرب اما الموضوع ده نجح معايا جدا واوقات الاولاد بيكونوا مكسلين اقول لهم خلاص هنقرأ ايه واحده علشان منبقاش هاجرين كتاب الله وبالفعل اصبح الموضوع معاهم سهل ومتعودين عليه
الصلاه نفس الحكايه خلتهم يصلوا الفرائض بدون السنن ويتعودوا عليها ولما خلاص بقة الصلاه تصلى تلقائيا من غير ما اقول لهم
لسه مبتديه مع حافظ ابنى موضوع السنن وبردوا جائت بالتدريج يعنى خليتوا مثلا يتعود على سنة الظهر فتره وبعدها سنة المغرب هوه الان لسه بيتعود على سنة العشاء بس لسه متعودش عليها اوى

اعتقدانى جاوبت على معظم الاسئله او كلها وطبعا هذا جزء مم يجول بخاطرى

جاوبنى واحسنتى كمان ان شاء الله تتحقق كل احلامنا ونسعد بها فى دنيتنا واخرتنا شرفتينى ياشروت بأضافتك الاكثر من رائعه وياريت تقوليلى رأيك فى الاقترحات الى عرضتها عليكى

السلام عليكم
أريد أن أفرح ........كما كنت
أريد أرى السعادة ترتسم على وجوه أهل بلدي ........ كما كنا
أريد أن تحلم طفلتي........ كما كنت أحلم
أريد أن أعود الساعة الثالثة فجرا" مع زوجي و أطفالي و نحن نتقول في أنفسنا سبحان الله كأنها الساعة الثامنة ألا ينام الناس
أريد أن أمشي في الطريق دون خوف من انفجار أو طلقة أو مجرم ......... كما كنت
أري ان أقضي الوقت الذي أمضيه أمام الحاسوب(( للأطمئنان على أحوال البلد يوميا" في كل الاماكن)) مع أطفالي ..... كما كنت أحلم
أريد صلة الرحم فعليا" و ليس بالهاتف و الرسائل ....... كما كنت
أريد أن أعيش حياتي متفائلة ...........كما كنت
أريد ألا أسمع و أرى الموت يوميا".......... كما كنت
أريد أن أكمل حياتي كما كنت
أريد لبلدي أن تعود كما كانت

أريد حريتي ممن سرقوها مني

وعليكم السلام ورحمة الله وبركاته

حياك الله أختي نجلاء
موضوعك وفضفضتك رائعة وحروفك هادفة وحوارك نافذة ضوء...


بداية اسمحي لي أن أقول هي ليست أحلام ..بل ينبغي أن تكون أهداف
والهدف رؤية أمامية وخط مستقيم يجب أن تضعها نصب عينيك وتسير نحوها
أهدافنا كما قلت وليست أحلامنا لا أحد يستطيع أن يهدمها إلا ذواتنا ...ولا أحد يستطيع أن يوقف حلمك إلا إذا أردت
لنا في النملة عبرة فعندما نضع يدنا الكبيرة أمام ذلك المخلوق الصغير لا يتراجع إلى الوراء
ولا تلتفت خلفها ..بل تحاول أن تجد ثغرة لتمر منها أو تتقدم لتجد طريقا آخر...
وقف سائح مع رجل كبير السن فوق قمة جبل وفجأة انجرفت تربة في مكان يبعد قليلا عنهم
فصرخ السائح من الرعب فقال له الرجل : بثبات مابك قال : لو كنا نحن هناك..فرد عليه الرجل: لكننا لم نكن ...
مضمون القصة الذي قصدته أننا طالما نبحث عن تحقيق أهدافنا ينبغي ألا تخيفنا العوائق الجانبية..

نستطيع أن نحقق أهدافنا بعد إرادة الله بالصبر والإرادة والعزيمة والمثابرة والطموح وتوطين النفس على تحمل الصعاب
الأهداف كالنجوم والنجوم ليست أسفل أقدامنا بل هي عالية ...كذلك طموحاتنا ينبغي أن تكون ...

،’

لي عودة بإذن الله للرد على الأسئلة كي لا أطيل الرد ..
وفقك الرحمن وجزاك كل خير... فضفضتك راقت لي كثيراً...


،’

كتبت بواسطة فكرةوفن

السلام عليكم
أريد أن أفرح ........كما كنت
أريد أرى السعادة ترتسم على وجوه أهل بلدي ........ كما كنا
أريد أن تحلم طفلتي........ كما كنت أحلم
أريد أن أعود الساعة الثالثة فجرا" مع زوجي و أطفالي و نحن نتقول في أنفسنا سبحان الله كأنها الساعة الثامنة ألا ينام الناس
أريد أن أمشي في الطريق دون خوف من انفجار أو طلقة أو مجرم ......... كما كنت
أري ان أقضي الوقت الذي أمضيه أمام الحاسوب(( للأطمئنان على أحوال البلد يوميا" في كل الاماكن)) مع أطفالي ..... كما كنت أحلم
أريد صلة الرحم فعليا" و ليس بالهاتف و الرسائل ....... كما كنت
أريد أن أعيش حياتي متفائلة ...........كما كنت
أريد ألا أسمع و أرى الموت يوميا".......... كما كنت
أريد أن أكمل حياتي كما كنت
أريد لبلدي أن تعود كما كانت

أريد حريتي ممن سرقوها مني

وعليكم السلام ورحمة الله وبركاته اختى الغاليه
ربنا ينصر كل اخواتنا فى سوريا يارب
كم انتى تتألمين عزيزتى على وطنك الغالى ان شاءالله بلدك الحبيبه تنهض من جديد على يد اولادهاالشرفاء
صدقينى يا اختى كل احلامك هذه جميعنانريد مثلها فى سوريا وفى ليبيا وفى العراق وفى تونس وفى مصر وكثير من البلاد العربيه

احنا حالنا فى مصر صعب جدا رغم اننا خلصنا من النظام المستبد ولكن اعوانه مازالوا يحاولون وبكل ما اوتى لهم من قوه
ارجاع النظام السابق الملوث بدماء شهدائنا الثوار
محدش فينا عايش فى امان وبنقول ياربالمرحله دى تعدى على الخير

احنا كنا عايزين الديمقراطيه والحريه هذ هو ثمنها
معلش لازم نستحمل مش علشانا علشان اولادنا يمكن مستقبلهم يكون افضل فى بلدهم ويقدروا يحصلوا على مالم نستطيع نحن الحصول عليه
ان شاء الله القادم افضل لان خلاص بقه صعب نصمت اكثر من كده
كل حقوقنا ضاعت وحقوق اولادنا حتى كرامتنا ضاعت النظام القديم كان معيشنا فى رعب وعلشان تعيش وتاكل عيش فى البلد
لازم تكون ولا بتسمع ولا بتتكلم ولابتشوف
صبرنا كتير لغاية ما اتفرعنوا علينا بس خلاص كان مبأش فاضل حاجه يتبكى عليها
صعب الصمت بعد الان يمكن رضينالانفسنا الذل والهوان بس صعب ان اولادنا يعيشوا فى نفس الوضع الى احنا عشنا فيه
معلش الضريبه غاليه بس دى اقل حاجه نقدمها لاولادنا علشان ميشفوش الى احنا شفناه
ان شاء الله بكره هيكون احلى واحلى
وربنا ينصر كل الشعوب العربيه على كل الطغاه والمستبدين

وان شاء الله تعودى لوطنك وتفرحى بيه ويفرح بيكى وتتجمعى مع كل احبائك
وتحسى بالامان الى تبغيه ليكى ولاولادك
صبرا اختى ان شاء الله سيأتى النصر من عند الله

رغم الخوف والرعب الى عايشين فيه بس اكيد كلنا من جوانا فرحانين علشان قدرنا بعد زمن طوووووووووووووويل من الصمت نقول لااااااااااااااااااااااااااااااا
انا فخوره انى حصلت الثوره فى حياتى علشان اقول احنا الى قضينا على الظلم والفساد واستحملنا كتيررررررررر علشان ثورتنا تنتصر
وممكن نستحمل اكثر واكثر واكثر من كده بكتيرررررررررررررررررررررر فى سبيل القضاء على الظلم والظالمين

كتبت بواسطة سمو الحياة

وعليكم السلام ورحمة الله وبركاته

حياك الله أختي نجلاء
موضوعك وفضفضتك رائعة وحروفك هادفة وحوارك نافذة ضوء...


بداية اسمحي لي أن أقول هي ليست أحلام ..بل ينبغي أن تكون أهداف
والهدف رؤية أمامية وخط مستقيم يجب أن تضعها نصب عينيك وتسير نحوها
أهدافنا كما قلت وليست أحلامنا لا أحد يستطيع أن يهدمها إلا ذواتنا ...ولا أحد يستطيع أن يوقف حلمك إلا إذا أردت
لنا في النملة عبرة فعندما نضع يدنا الكبيرة أمام ذلك المخلوق الصغير لا يتراجع إلى الوراء
ولا تلتفت خلفها ..بل تحاول أن تجد ثغرة لتمر منها أو تتقدم لتجد طريقا آخر...
وقف سائح مع رجل كبير السن فوق قمة جبل وفجأة انجرفت تربة في مكان يبعد قليلا عنهم
فصرخ السائح من الرعب فقال له الرجل : بثبات مابك قال : لو كنا نحن هناك..فرد عليه الرجل: لكننا لم نكن ...
مضمون القصة الذي قصدته أننا طالما نبحث عن تحقيق أهدافنا ينبغي ألا تخيفنا العوائق الجانبية..
نستطيع أن نحقق أهدافنا بعد إرادة الله بالصبر والإرادة والعزيمة والمثابرة والطموح وتوطين النفس على تحمل الصعاب
الأهداف كالنجوم والنجوم ليست أسفل أقدامنا بل هي عالية ...كذلك طموحاتنا ينبغي أن تكون ...
لي عودة بإذن الله للرد على الأسئلة كي لا أطيل الرد ..
وفقك الرحمن وجزاك كل خير... فضفضتك راقت لي كثيراً...

اشكرك اختى الفاضله على اضافتك الاكثر من رائعه للموضوع
فبكلماتك القيمه اثريتى على موضوعى وجعلتى له رؤيه اوسع واشمل
وهى بالفعل اهداف يجب ان نسعى اليها بكل ما اوتى لنا من قوه لتحقيقها
لان الانسان الذى يعيش بدون هدف فهو كالميت لا هيفيد فى الحياه ولا هيستفيد
{وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُون...} سورة التوبة آية 105
والعمل لا يأتى الا من وراء هدف نسعى لتحقيقه بالعمل

لى كل الشرف ان لاقى موضوعى اعجاب حضرتك جمعنى الله واياكى على الخير دائما وعلى حبه وحب كل عملا يقربنا الى حبه
وفى انتظار اضافتك المميزه

كتبت بواسطة أم أملْ

جزاك الله خير أختي الغالية على هذا الموضوع الجميل
فدائماً أنت مميزه في جميع مواضيعك تمنياتي لك بالتوفيق
وتحقيق جميع أحلامك

اشكرك اختى الغاليه ام امل شكرا لكى على كلماتك الرقيقه ربنا يكرمك فى الدنيا والاخره
ربنا يرضا عنك يارب ويرزقق الفردوس الاعلى
وربنا يعوضك كل ما حرمتى منه فى اولادك ان شاء الله وتشوفيهم كما تريدين
وربنا يجعلك مستوره ديما يارب

نفسك فى ايه من الناحيه الاجتماعيه ( وهى شامله الاقارب والاصدقاء والعائله ) ؟
أحتفض بها لنفسي حتى لا يعتقد القارى أدعائي للمثاليه
اختى الغاليه اهم حاجه كانت فى موضوعى ان مفيش حد يستخف بأحلام حد نقول الى جوانا من غير ما نقلق من ان يحكم علينا احد
وهو ده الهدف من الموضوع نقول الى جوانا بلا تردد صدقينى مفيش حد هيقول انك بتدعى المثاليه
يمكن يكون كلامك قدوه لينا او ممكن تصحى فينا حاجه كانت مخفيه او مش حاسين فيه
ياريت تتكلمى معنا من غير ما تظنى ان ممكن حد يظن اى شيء ودى احلى حاجه فى الموضوع
وبعدين انتى مش شفتى بعض ردودى على اختى شروت انا قلت الى جوايا ومخفتش انكم تطلقوا على احكام مسبقه انا قلت الى نفسى فيه الى مش قادره اقوله لحد او خايفه انو يتريق عليا

متبخليش علينا بردك على السؤال ده غلاسه بقه ههههههههههههههههه
نفسك فى ايه من الناحيه الاجتماعيه ( وهى شامله الاقارب والاصدقاء والعائله ) ؟
أحتفض بها لنفسي حتى لا يعتقد القارى أدعائي للمثاليه

وديما منورانى يا ست الكل

اشكرك أختي نجلاء علي هذا الموضوع الرائع
كل ما اود ان يتحقق علي الصعيد الشخصي هو شفاء ابني ولا تهمني نفسي اي شيء نفسها فيه. ههههه انا اسفة خربطت الكلام .