حصل موقف قبل شوي قهرني و حسيت بدي اموت من الغيظ....

عندنا في الشركة البنت اللي على مقم التليفون بتشغل أغاني من الكمبيوتر عندها و بتربطها على المقسم فبيقدر اي واحد ببالقي المكاتب يسمع هالاغاني وقت ما بده بس بيحط كود على جهازه اللي عالمكتب...
انا كان هالحكي مضايقني و قلت لها عالاقل اذا مصرة تسمعي اغاني لا تشبكيها عالتليفون تاخدي اثمك و اثم اللي بيسمعها معك و اللي بدو يسمع يحط اغانيه لحاله.. لانه لما الكل يحط نفس الاغنية بنسمعها غصب عنا لانه كل الموظفين ما شاء الله حاطينها و عالعالي ...

عشان اداري عالصوت العالي و بنفس الوقت استفيد ان شاء الله حملت محاضرات لعمرو خالد من ركن الصوتيات (اله يجزاهم الف الف خير يا رب كل اللي بيشاركو بهالقسم) و بديت احطها عندي و بصراحة حسيت براحة نفسية غييييير شكل ...

و من مبارح كل ما موظف او موظفة يدخل مكتبي يوقف و يسمع شوي المحاضرات .. و اليوم قلت للبنت نفسها ليش ما تحطي محاضرة لعمرو خالد بدل الاغاني و انبسطت كتير قالت انا كنت بدي اطلب منك و مستحية ...
المهم ما في و الله عشر دقائق اشتغلت المحاضرة... و الكل بيحكي معها بيحكي لها زيدينا من هالمحاضرات و ما في داعي لاغاني .. يا الله شو انبسطت وقتها حسيت انه ما رح يحطو اغاني بعد هيك بالمرة ...
بعد شوي اجا واحد من المديرين .. اول ما سمع المحاضرة شغالة عند واحد من الموظفين صرخ فيه شو هالستيريو اللي فاتحينه؟ احنا وين قاعدين.. ؟ مع العلم صوت الاغاني بيوصل لبرة و ما عمره اعترض... و راح للبنت و حكالها هاي الاشياء ما بدي اسمعها مرة تانية هون .. اللي بده يسمع شي بيسمعه على قده ...
المشكلة مو كل الموظفين و العمال عندهم كمبيوتر بيعتمدو على التليفون و طبعا هلا رجعت الاغاني و الا كنت حطيتها على الشبكة للكل يسمعها ... لكن مو عارفة ايش احكي من كتر ما تضايقت و حسيت انه كل اللي تاملت نعمله راح عالفاضي....

اسفة طولت عليكم.. بس من قهري رح اموت لو ما حكيت لحد..

الله المستعااااااااااااااااااااااااااااان..


قبل لااكمل قراءة باقي الموضوع ........كنت راح اقولك ليه ماتخبري الادارة ..

لكن لما كملت للنهاية ......


الله يجزاك خير على حرصك ويثبتك على الحق الي يوم الدين ويعينك ........

الله يهديهم يارب .......

يريدون أن يطفؤا نور الله بأيديهم.
كتب الله لك الأجر الطيب و هاي سياسة العولمة في بلادنا, أنا لما كنت في الجامعة في الأردن كانت احدى الطالبات الملتزمات متفوقة ما تتخيلي كيف كانوا الدكاترة يحاربوها و يكرهوها و لكن قدرة الله كانت أكبر و طلعت الأولى على الدفعة, فلنصبر و لنحاول حتى ننصر هذه الأمة.

حسبي الله ونعم الوكيل

وجزاك الجنه يااااااااااااااارب
وأعانك وصبر قلبك على دين الله والدعوه له
فلسنا أفضل من أبنياء الله فقد إذاهم الناس
تسلممممممممممممين

بارك الله فيك على غيرتك دندوش..
لقد حاولتي تغيير الخطأ بيدك، وشبه نجحتي، وهذا يؤكد أن المجموعة فيها خير كثير وبإذن الله هناك أمل في الهداية. على الأقل أثّرتِ عليهم، فحاولي الاستمرار بأن يبتعدوا عن إذاعة الأغاني إن لم يكن عمرو خالد هو البديل. وإن لم تنجحي فعليك بأضعف الإيمان.
والله يهدي هذا المدير!!!!!!

حسبي الله ونعم الوكيل طيب ممكن تهدوا المدير من هذه المحاضرات .
يعني تروحوا مثلا تعتذروا له عن الصوت العالي ثم تهدوا من هذه المحاضرات كام هدية يمكن تعجبه واحد يوم ويطلب منها !!!
جزاك الله خيرا يا دندوش ويجعله في ميزان حسناتك الى يوم القيامة

الله يحفظك يادندون ...ويسعد قلبك بصلاحهم ..
يمكن هالمدير خايف يعتبروه ارهابي !! ....ترى هذي تهمه جاهزه هاليومين ...!!

داندوش الله يثيبك رضاه و الجنة علي غيرتك وحرصك علي الدين.
هنا في كندا الموسيقى في كل مكان بتروحيلوا حتى حمامات المحلات ومراكز التسوق.
بس يا عزيزتي الصراحة رغم أن المحضرات الإسلامية شيئ رائع لاكن يمكن المدير رفض وجودها لأن الموظفين ما بيصيروا إيركزوا بالشغل وبيصير بدهم يسمعوا ويستفيدوا من المحاضرة وبهيك..بينما الأغاني ما بدها تركيز...
علي أي حال وجود الأغاني في الشغل مجرد تقليد للغرب...وإنشاء الله ما تزعلي مني.

الله يسعدكم و يبارك فيكم على اهتمامكم و ردودكم ...
التحسن الحمد لله موجود لانهم عم يستغلوا فرصة غيابه و يحطو محاضرات .. و انا اكيد مو طلبي انهم يحطوها دايما.. بس اذا لا بد من صوت فهي افضل من الاغاني ...

هاد المدير مش المدير العام .. لكنه مسؤول الموظفين و كلمته اللي بتمشي بهيك أحوال.. و حتى بيستنكر لما يشوف حدا بدو يصلي (متلي لما اصلي بالمستودع بيحكي لي مفكرة ربنا حيقبل صلاتك بين الكراتين).. الله يهديه و يهدينا يا رب ..

مرة تانية شكرا الكم


أم شهد حبيبتي لشو بدي ازعل الله يسامحك أكيد المحاضرات بدها تركيز اكتر من الاغاني كلامك مزبوط .. بس كمان وجود الاغاني طول اليوم خلاني افكر انه لازم بديل .. لانهم ما حيقعدوا عالساكت

دنووووش
صحيح شيء يموت من القهر لكن
بارك الله فيك وكثر من أمثالك