مرحبا يا جماعه
سمعتوا عن شركة كوست نت
هاي الشركه اللي بتبيع منتجات مثل الساعات و المجوهرات و الميداليات و الادوات الطبيه
طبعا للتوضيح انه الاشتراك فيها بيكون عن طريق النت
يعني انت بتشتري متج معين بيعطوك يوزر الك و بتكون انت (اوفيسور) مطلوب منك انك تجيب زبائن عن طريقك
كل ما جبت زبائن يشتروا المنتج بيكون الك نسبه من الربح

يعني ارباح خياليه فيما لو فعلا اشتغلت كويس

بيطلبوا منك اسمك الحقيقي و رقمك الوطني و الوريث لانه الشركه هاي ل 25 سنه يعني يوم عن يوم رح بتزيد الارباح و مشان يضمنوا حقك فيما لو صارلك شي ف مشان هيك بدهم وريث



المهم
سمعت من ناس انهم اشتروا جهاز تنظيم السكر bio disk كأنه اسمه
و انه اللي بيستخدمه كثير حس بفرق و انه وضعه الصحي صار احسن بكثير


و نصحوني اشتري المنتج عن طريقهم يعني هم بيستفيدوا و انا هيك هيك بدي اوفيسور اشتري المنتج عن طريقه و بعدين اجيب انا زباين و اربح



هلأ بحثت عن الشركه و خصوصا بالاردن كونه انا اردنيه كانت نتائج البحث شي بيقول انها شركة نصب و احتيال و انه الشركه مش مرخصه (لاحظوا انا ما بحكي عن الشركه لما كانت تحسب نقاط و ما بعرف شو)
و ناس أكدوا لي فعالية المنتج و اكدولي ضمان الربح
طيب من ناحية حلال و حرام شو الحكم؟
كمان من ناحيه قانونيه فيها مساءله؟

احكولنا بالتفصيل عن الية الاشتراك بالضبط

افيدونا
احكولنا تجاربكم او اي تجربه سمعتوا عنها


شكرا