السلام عليكم

انا تحيرت وين اكتب هذا الموضوع ! في ركن القضايا الخاصة ؟ جاوبت نفسي وقلت .. بس مشكلتي موب خاصة .. الكثير من البنات المتزوجات تعرضو لها.. وتعدوها .. بس هل أثر على حياتهم؟؟ هل هي حالة مستمرة لو تتلاشي مع الزمن؟؟ أو تزيد مع كثرة الاولاد؟؟
انعم على الله والحمد لله بطفلي الثاني والحين انا في شهري الرابع بعد الولادة .. مشكلتي اني اعيش في دوامة ولدي الله يحرسه ويخليه متعب واحس متطلباته مالها اول من آخر .. مو عارفة شلون اوفق بين .. زوجي .. بنتي وعمرها اربع سنوات و8 شهور ..ولدي وصراخه.. وسهري
معاه .. (انا )) ..البـــيت !! والتنظيف والطبخ !! هل هذا وضع طبيعي من البهدله ؟؟؟

ابي نصايحكم ومساعدتكم من خلال تجاربكم .. شلون قدرتوا تتغلبوا على هذا الوضع؟؟ انا احس
انها مشكلة عامة وفي نفس الوقت خاصة .. ما عرفت وين اكتبها.. المهم هو ردكم علي ومساعدتكم؟؟ تحسون انه وضع طبيعي بس العيب من انا ؟؟ خيبه وموب عارفة ادبر اموري ؟؟؟
علموني وفهموني وش اسوي ؟؟ وكيف اتصرف والله يجزاكم كل خير

حياك الله أختي مجد.........
ما راح أشارك بتجربه ولكن ان شاء الله أشاركك برأي المتواضع لعلك تستفيدي منه ....

أختي سلامتك من الخيابه .......ربما تحتاجي لترتيب وقتك وتنظيمه فقط لكي تشعري بالراحه ..
بالنسبة لأطفالك حاولي تنظيم وقت نومهم حتى تستطيعي أخذ وقت ترتاحي فيه وكذلك..يمكنك القيام بواجباتك المنزلية في هذا الوقت .........

وحقيقة موضوعك يستحق المشاركه من الأخوات وان شاء الله ما يقصروا....

تسلمين حبيبتي المها..على سرعة المبادرة في الرد
بالنسبة لتنظيم النوم .. بنتي مقدور عليها.. بس ولدي الله يخليه .. ما اقدر اتحكم بنومه .. وحبيبي ما ينام الا بعد ما يهد حيلي هددد.. ولا تكون فيه طاقة لأي شي !!
وإذا فيه طريقة لتنظيم نومه يا ريت احد يقول لي .. ويالله حبيباتي لا طنشوني وردو علي

اخت مجد بالنسبه لابنك تحتاجين بعض الشده معاه عشان ينام لان اغلب الاطفال ودهم ماينامون ابدا ويلعبون طول الوقت وعشان ينام بدرى لازم تصحيه بدرى والى ان يصل الليل بيكون نعسان ويريد ينام وهيئي له الجو وان شاء تستفيدين ....