مساء الدم ياريس مساء القتل ياريس***مساء الموت لشعلت الشمع بارواحنا العيده
----------
طفت أرواح طفولتنا مدارسناكراريس وكراسي المدرسه وأقلام **** تلويحةأهالينا قبل لاندخل الطابور ونكهة خبزنا التنور
---------
وأناشيد الطفوله ترسن زوايا المدرسه وأجراس**** طفت بغدادنا الجنه طفت ياسيدي وهو ظل بشر ماطفته ريحك
--------
عراقيين عراقيين عراقيين وصرنا بلا قصد اغراب**** على برد الرصيف إنام غطاء آآآه غطاء آلام
--------
مواجعنا تحت اقدام فلا نمنا مكانيس الفقر والجوع تهدينا لاقرب ريح **** عراقيين عراقيين عرا ولاشي بقى غير الاسى والظيم يسترنا
--------
صرنا أوراق صرنا فراق وصرنا بلاحضن وأشواء****بتلويحة أهالينا قبل لاندخل الطابور
وهذا الفراق اهو هذا العراق
-------
شلون ماندري اهو بالضبط مثل طعم البكى فينا****بينج انتي ياغربه وبين احضان اهالينا
-------
ولكن كانت احضان الاهالي تمد عيون مي زينه****على اقرب صدر نرمي بكانا وبعدها ننسى
-------
ننسى أجراس المدارس والحصص
والجوع****واشوف أبوي يصلي قطعني من الملل من جنت اشوف امي
-------
واهي تخبز برجوع ذاكرة عيني ****وبعدها ناظري يرجع علي والبس عيوني
-------
وأشوف الوالد يصلي عبث العب على شعره ****على صدره سجوده جان يتأخر من ركوعه
-------
ألف سجادته وأمشي تردها أمي **** يايمه ليش بعثرت اللعب وياه
-------
ألم سجادته باقيه يحز بخاطري بظلمه يحز بخاطري بكربه **** يحز بخاطري للآن وانا اتقلب يايمه بجمرة الغربه
-------
مو إحنا فراق مو يعني عراق **** من اول جان قلتي لي فراق عراق عراق فراق
-------
من اول جان قلتي لي يايمه **** فراق عراق عراق فراق
-------
مساء الموت ياريس وإنته بكل سنه تهدي بيوت الشعب في عيدك **** أبد مابيت مامره هدية عيد ميلادك
-------
تساوينا بهدية عيد ميلادك هديتنا تجي بتابوت ****شفت شلون شفت شلون لا اشعلت الشمع بارواحناوالموت
-------
تصدق ؟ تصدق ؟ حتى لهجتنا ****نستنا من تشردنا وإحنا وإحنا مانسيناها
-------
مو صرنا بلا ملامح لا وطن بلسانه يحجينا ****نخلنا نخلنا هو نسى ولا بعد للحين يذكرنا ويبجينا ؟
-------
في يوم يوم الجان جنه جان يطعلنا **** في يوم الجان جنه جان يهزهزنا
-------
أبد أبد من قال يهزهزنا؟ مو جنا إحنا نهزه في سوالفنا****ويرمينا برطب من جان شموخه من شهامتنا
-------
وشفت شلون شفت شلون يانخل ****يانخل الحزن وشلون تذكرنا وتبجينا
-------
بعكس بعكس ماسوا ريسنا**** في عيد كل سنه يشعل شمع فينا ويطفينا
***************************
اللهم انصر اهل العراق على طاغيتهم ولم شملهم وارحهم من عذاب الغربه وآلامها وفرح اطفالهم حالهم حال بقيه الاطفال في كل بلد حر ....اللهم آمين ...
تحياتي للجميع ..... أختكم المحبه

اللهم آمين........

الله يسمع منك ، لأن اللي الواحد يسمعه ويشوفة ما يصدقه عقل .