شفتو المحادثه ؟
تخيّلتني مكان آلاء تخيّلتني مكانها وبروح القبر أنا وكل هالذنوب الي فوق راسي
تخيّلتني أبنسأل عن عمري فيما أفنيته ؟ وأنسأل عن هالأيّام ب وشو ضيّعتها ؟
وش أبقول لربّي يارب أنا نويت أتعبّد بس أحتري هالمسلسل يخلص ولاّ ياربّ أبكمّل روايتي وبعدين أبتعبّد ولاّ يارب بس بس هالإنمي وعقبها خلاص مانيب مفارقه سجّادتي
ابنسأل حتّى على قعدتي على النّت ! وش كانت فيه كل هالسّاعات الي عليه قد أمرت ب معروف أو نهيت عن منكر
بنات ، خن نستغل العشر ذي قد مانقدر نصلّي نصوم ونكبّر ..
الموت قريّب منّا مايعرف صغير ولا كبير
السنه الي راحت توفّى خالي قرب هالأيّام ، شباب وتوّه متوّظف وقرب ملكته تتوقّعون لو ربّي يخليه يرجع لها الدنيا يوم وش يبي يسوّي بذا اليوم ؟
بيقول والله بروح أملّك ألحق على المره ؟
ولاّ بيقول خن أروح العمل كودهم يرقّوني ؟
ولاّ بيروح عند أقرب سجّاده ويصلّي ؟
طيب حنّا الي ربّي أمهلنا لين ذا الوقت وش عذرنا ؟ ليه مانقوم نصلّي ونبعده سبحانه وتعالى ؟ قال رسول الله صلّى الله عليه وسّلم : " ما من أيّام العمل الصالح فيها أحب إلى الله من هذه الأيام "الي هي العشر العشششر عشر تراها ميب سنه عشر أيّام إستغلّيها قد ماتقدرين عشان مايجي اليوم الي تتحسّفيييين فيه على تفريطك ، هالأيّام ذي كلّنا صغار قادرين على الصلاه والصيام ، واجد منّا توّهم ماتزوّجو بالعربي لاشغل ولا مشغله وش عذرنا على هالتفريط الي حنّا فيه
أحياناً تجيتني تكّه من كثر هالذنوب الي نسوّيها أروح للأبوي أقوله يبه أحسّ ضيقة خلق ودّي أموت وأفتك من ذا الدنيا أخاف أكبر وتزيد هالذنوب وأدخل النار
يقوّل لي : يابنتي ربّي ماخلقنا عشان يعذّبنا ، ربّي أرحم الرحمين ، أنت يابن آدم من ذنب ل ذنب ومن معصيه ل معصيه وربّي يعطيك فررص يعطيك رمضان تتعبّد بذا الشهر يغفر لك ربّي ذنوبك يعطيك عشر من ذي الحجّه يغفر لك ذنوبك يعطيك يوم عرفه يعطيك ويعطيك ويعطيك . . مايبي منك شيّ ، يبي يدخّلك الجنّه .. وش الرحمه الي أعظم من ذي !
---

- الله أكبر الله أكبر الله أكبر ، لاإله إلاّ الله | الله أكبر الله أكبر ولله الحمد (f)

أعجبتني واثرت بي فنقلتها للفائده

سوووم

أنحن فعلاً مقصرين في اشياااء كثيره و كل ما سمعنا محاضرة أو جانا تذكير
نتعض في نفس اللحظه و تضيق صدورنا و نحاسب انفسنا .... الخ
لكن بمجرد ما يمر يومين .. الا وتلقينا رجعنا مثل ما كنا و على قولتهم :[ رجعت حليمه لعادتها الدزديمه* ]

إذاً ..
فلنعقد العزم على أمور .. قد تكون سببا لنا في دخول الجنه و العتق من النار

أولها : الصلاة
يعني احيانا تمر عليتس ايام .. تحسين انتس تأدين عادة وليس عبادة !
فـ لذلك .. تذكرت حديث لِ علي بن الحسن ...
وكان علي بن الحسين إذا فرغ من وضوئه للصلاة ، وصار بين وضوئه وصلاته ، أخذته رعدة ونفضة ،
فقيل له في ذلك . فقال : ويحكم ! أتدرون على من أقوم ومن أريد أن أناجي ؟

ثانيها : ما نطق به لسانك , و ما خطت به يداك !
تذكري .. بأن كل إنسان محاسب على كل كلمه ينطقها .. و على كل حرف يتلفظه
و على كل حرف أرتسمته يداه !
لذلك .. فـ لنحسن ما نقول .. لعله أن يكون حجه لنا لا علينا يوم القيامه
و أحرصي دائما .. انتس تكتبين و تقولين كل ما هو مفيد و صالح !
قال تعالى : [ ما يلفظ من قولٍ إلا لديه رقيب عتيد ! ]
و قال رسول الله - صلى الله عليه وسلم - : « إن الرجل ليتكلم بالكلمة من رضوان الله تعالى، ما يظن أن تبلغ ما بلغت،
يكتب الله عز وجل بها رضوانه إلى يوم يلقاه. وإن الرجل ليتكلم بالكلمة من سخط الله تعالى،
ما يظن أن تبلغ ما بلغت، يكتب الله تعالى عليه بها سخطه إلى يوم يلقاه ».

ثالثها: القرآن .. لو أشتكى لـ اشتكى منّا !
كثييير من الناس ما يتذكر القران الا في رمضان وبس !
طيب وباقي الأيام ؟
فـ اقل شي نسويه .. انتس تخصصين لتس ورد يومي تقرينه
و على الأقل يكون وجهين تقرينهم في أفضل الأوقات لتس !
صدقيني بتتغير حياتس و بتحسين بـ سعادة داخليه ما مثلها سعادة !

رابعها :دمعه خاشعه .. في ظلمة الليل الحالكه !
نافلة من نوافل العبادات الجليلة.. بها تكفر السيئات مهما عظمت.. وبها تقضى الحاجات مهما تعثرت..
وبها يُستجاب الدعاء.. ويزول المرض والداء.. وترفع الدرجات في دار الجزاء.. نافلة لا يلازمها إلا الصالحون ،
فهي دأبهم وشعارهم وهي ملاذهم وشغلهم.. إنها صلاة الليل !
قال صلى الله عليه وسلم: [ عليكم بقيام الليل، فإنَّه تكفير للخطايا والذنوب،
ودأب الصالحين قبلكم ، ومطردة للداء عن الجسد ]

و السلام عليكم ورحمة الله و بركاته

جزاك اللـــــــــه خير اختي على الموضوع مشكوره

جزاك الله خير أخيتي وجعله
الله في ميزان حسناااتك

جزاك الله الف خير موضوع رائع جدا

حبيبتي

مشكوووووووووووورة

وفي ميزان حسناتك

اسال الله ان يجعلنا ممن يرضي علينا

بوركتِ اختي


اجدت الاختيار

::
جزاك الله خيرا سوما
تذكرة طيبة
نفعنا الله بها

::

جزاكى الله خيراً أختى

رااااااااااااااااائع موضوعك
جوزيتى الجنه

جزاك الله الف خير اختي

::

بوركتِ يا شَقيقة ..،
تذكرَة أسأل الله أنْ ينفعَ بهَا ..

[ كمْ أحبّ روحَكِ الطيّبة ]