و الكل يريد أن يعرف من الفاااااااااااااااائز ؟
و كل الأحداث دي بتدل على كدة
الفائز هو طبعا : أعداء الدين " اليهود و غيرهم "
أيوة فعلا محدش فينا هيفوز لكن الفريقين هيخسروا كل حاجة كدة
بس يا ريت محدش يرد على الموضوع إلا لما يقرأه كله و استحملوا شوية
دلوقتي ايه اللي بيجمع بين المصريين و الجزائريين ؟؟؟؟
مين المستفيد من الكراهية بينهم ؟ مين اللي يهمه انه يشغلهم عن دينهم بكل حاجة ؟
أنا مسمعتش إننا كرهنا اليهود كدة و لا شتمناهم علني بالطريقة دي كدة يبقى إزاي نعمل دة مع المسلمين ؟؟؟؟؟
فعلا الكسبان الوحيد أعداء الدين لأنه لما بيشغلنا عن ديننا احنا المسلمين
المصريين و الجزائريين شعبين مسلمين
ليه نشتمهم و يشتمونا و كل اللي بيحصل دة ؟
ليه بنبص للجانب الوحش عندهم و نشتمهم بيه و هما يعملوا كدة كمان ؟؟ مين المستفيد ؟؟
لازم المسلمين كلهم يتحدوا علشان نقدر نرجع أقوى من الأول و نسترد القدس تاني و نسترد كل حقوقنا
إزاي هنستردها و إحنا بنشتم بعض و متضايقين من بعض و كل بلد نفسها الشعب التاني يموت ؟؟؟؟؟
إزاي ؟؟
إيه الفرق بين المسلم المصري و الجزائري ؟
شوفوا الرسول قال ايه عن التفرقة بينهم ؟؟
لازم نتحد يا مسلمين طالما متفقين على كلمة " لا إله إلا الله " يبقى لازم نتحد
أي مسلم لازم يكون في حياته كلها شغال بالولاء و البراء
يعني إيه الولاء و البراء ؟؟؟؟؟
الولاء : إني أحب و أنصر الله و رسوله و الإسلام و المسلمين
و كل من زاد قربه من الله بالطاعة يزيد ولائي له و أحبه أكتر
يعني ببساطة المسلم لازم يحب أخوه المسلم لمجرد إنه مسلم
طيب لو المسلم دة بيطيع ربنا ؟؟؟؟ يبقى لازم أحبه أكثر
يا جماعة كلنا مسلمين على منهج أهل السنة و لله الحمد و لازم نتحد في وجه أعداء الدين
قال الله تعالى : " إِنَّ هَذِهِ أُمَّتُكُمْ أُمَّةً وَاحِدَةً وَأَنَا رَبُّكُمْ فَاعْبُدُونِ (92) "
المفسرون بيقولوا معناها : دينكم دين واحد
اللي بيربطنا كلنا ببعض هو الدين مش حاجة تانية
الصحابي كان لو أخوه كافر كان بيحب المسلم أكثر منه لأنه مسلم و بيعبد ربنا
برضه نقولها تاني : " المسلمين إخوة أكتر من الأخوة من الأب و الأم "
و يكفي كمان من فضل المحبة في الله إن من السبعة الذين يظلهم الله في ظله يوم لا ظل إلا ظله : رجلان تحابا في الله اجتمعا عليه و تفرقا عليه
شوفتم الحب في الله عظيم إزاي و ثوابه كبير ازاي ؟
ليه نشتم بعض و بالشتايم دي كلها ؟
ليه المسلمين يكرهوا بعض ؟ و علشان ايه ؟؟؟؟؟
انت عارف لما تشتم بلد معينة مثلا عدد سكانها مليون يبقى إنت خدت مليون سيئة بكلمة ؟؟؟ لأنك شتمت مليون واحد
فما بالك لما تشتم بلد أكبر ................ هتيجي يوم القيامة تلاقي سيئات كتير
تيجي تسأل السيئات دي ليه ؟
دي علشان انت قولت كذا جملة شتمت فيها شعب بلد كذا و خدت بكل جملة ملايين السيئات
ليه نشتم بعض و نخلي اليهود يشمتوا فينا هم و كل أعداء الدين ؟
شوف رسولنا الكريم بيقول إيه ؟ " صلى الله عليه و سلم " :
لأنه مسلم فكل دة حرام عليا ناحيته مينفعش اشتمه و لا اضربه و لا اسرقه
كل دة علشان ماتش كورة ؟؟؟؟ و هنستفيد ايه ؟؟
قبل ما تجاوبوا و تزعلوا من كلامي كملوا للآخر
ماتش الكورة هيدخلنا كاس العالم صح ؟؟
و هنكسب ايه لو دخلنا كاس العالم ؟
هنكسب ايه لو طلعنا النهائي و كسبنا كاس العالم ؟
هنقابل ربنا و نقول في ميزان حسناتنا إننا أخدنا كأس العالم و شتمنا إخواننا المسلمين ؟؟؟؟
احنا طبعا عاوزين نكسب بس يعني ايه نكسب ؟؟؟؟؟
المصريين و الجزائريين و السعوديين و الليبيين مسلمين
و عمر المسلمين ما هيكونوا أعداء بسبب لعبة يا جماعة
عاوز أقول حاجة أخيرة قبل ما نخلص
فاكرين ماتش الأهلي و ريال مدريد ؟؟؟؟
أكيد فاكرينه طيب شوف المقطع الجميل ده
أو هـــــــــنــــــــــا
و كمان بالمرة أكيد فاكرين ماتش نهائي كأس الأمم بين مصر و الكاميرون
أو هــــــــنـــــــــــا
نصرنا ديننا ؟ خدمنا ديننا زي ما خدمنا الكورة ؟
ليه مش مهتمين بديننا يا شباب ؟؟؟
الكورة مش هتكون في ميزان حسناتي يوم القيامة لكن الدين هو اللي هيكون في ميزان حسناتي
يا ريت نرجع لديننا يا جماعة و بسرعة في أقرب وقت
و يا ترى نسينا إخواننا المسلمين المستضعفين في كل مكان في الأرض
فلسطين و العراق و أفغانستان و الشيشان و الصين و غيرهم
نسيناهم ؟؟؟؟
شكرا لأنكم سمعتوني للآخر
يلا يا جماعة نلغى التعصب وياريت اللى كان ناوى على حاجة بلاش .. أرجووووووووووووك بلاش
ونزيل شعار .. أنا مصري .. أنا جزائري
טּטּטּ ونرفع شعار أنا مسلم טּטּטּ
والسلام عليكم
::: دعوة محبة و إخاء لكل الإخوة العرب المسلمين عامة و الجزائريين خاصة :::
الروابط المفضلة