لما يكون في عزيمة ...والكل مستعد وتجهز....ويطلعون برا وينادون السواق
وأخيرا ما يحصلون السواق - مو موجود
وبعد جولة على جوالات الإخوان.... وتسييرة على جوال الأب
ويأس من ظهور السواق
وبعد جملة ما فيه روحة اطلعوا غيروا
تلاقي صرخة تسبق هالجملة وتعبر عن الموقف بقوة
( يا ليتني ولد (
----------------
وإلا بجمعة عائليه ...وتخييم حلو بالربيع
العيال مجتمعين يلعبون بالبقي والدبابات
وبعضهم معه جمس وإلا جيب
والباقين بلوت
وضحك وبسطة
والبنات اللي معهم جوالات ويروح رجاها بالهوا
والثانية واقفة تترجى أخوها ...بدون فايدة
والثالثة بعد ما يأست رجعت لسوالف الحريم المملة والكئيبة
مع إن طلباتهم ما تعدت دورة بالجيب بين هالرمال
وإلا دورة بالبقي
وإلا حتى يمكن شريط بسيارتهم بس ما أحد راضي يعطيها المفتاح
والنهاية
( يا ليتني ولد (
----------------
وأحيانا تعزم صديقاتها
وتقولهم بكل الفخر
العشا علي ...لا ومن وين من ذاك المطعم الفاخر ......طلبيه عشان خاطر عيونكم
هم ما عندهم سواق
لأن الأب يقول عندكم 5 أخوان
أحنا ما نحتاج سواق البيت كله شباب
وإذا كانوا هالشباب
واحد مقفل جواله
والثاني بالبر ما يوصل له الإرسال
والثالث نايم بالملحق ولا في أمل يصحى
والرابع بالغرفة ...وقافل على نفسه الباب ...ويقول لااحد يزعجني
والخامس مع عيال أخواله عندهم دورية
والعشا يتفركش
والأعذار تتسكت بوجبات( بتوصيل منزلي) من هرفي
وأول ما يطلعون
تسمع صرخة بالحوش
( يا ليتني ولد (
----------------
كل شيء يهون بس اللي ما يهون أيام العطل
قبل العطلة يمكن بشهر
البنات حول الأب
يبه تكفى ..الله يسلمك ...الله يعافيك ...الله يخليك ....الله لا يحرمنا منك ..الله ....الله... الله... الله
نبي نسافر ذا السنة
لا وأنا أبوكم ذا السنة مشغول
عندي انتداب عمل
ويمكن عمل إجباري
هالسنة أمكم والده
وين نأخذ بزر بالشهور معنا
وأخوكم مهند
توه يمشي
تبغونه يشغلنا إذا سافرنا وإلا يضيع من بين أيدينا
تدرون
تبون جدة وإلا الشرقية ...يالله اختاروا ...
وإلا وش رأيكم نروح عند أهلكم بالـ ................
بنفس هالوقت يدخل فيصل
يبه عن إذنك ترى اليوم رحلتي مع محمد وتركي وخالد ولد عمتي
بنسير على مصر أم الدنيا كم يوم ونجي
عاد مثل ما قلتلك يمكن نمر شرم الشيخ
هاه يأخوتي ياحلوين تأمرون على شيء قبل ما أروح
إيه
سمو
تبادل
ايش
( يا ليتنا أولاد (
----------------
ولما تكونين جالسة على اللابتوب
وتو النت شابك
تم تسجيل دخولك الى شبكة الاتصال
وتوك فاتحة على المفضلة تبين تشيكين على الموقع اللي تبي تدخلينه
إلا اللي فوق راسك
ومن صار ... ...أخوك ....حبيب البيت ......وبرا البيت
_____________
قفلي النت
ليه؟؟؟؟؟
ابي التلفون ....وثاني مرة لا تشبكينه فاهمة !!!!اوكي
وليه ما أشبكه
أولا صرف ....ثانيا بنت ....ثالثا وشوله تشبكينه ...وش الفايدة...؟؟؟؟ماله داعي
!!!!
لا أحد يرفع السماعة طيب......
( يا ليتني ولد (
----------------
طبعا صايرة كلمة للعائلات فقط تستفز شريحة كبيرة من الشباب هنا
اضف الموضوعات الصحفيه المنتشرة بخصوص هالموضوع
طبعا هالافته بقدر ماهي مزعجة
بقدر ماتخليك تفكر وتمعن فيها
الكل مع الشباب المعارضين لها
لان المحطات الترفيهية لهم قليلة
لكن ،،،لما يجون يقارنونها بالبنات .......هنا نوقف شوي
أغلب المجتمعات النسائيه كيئبة ومملة بشكل كبيييييييير
والسواليف أغلبها تقتصر على
لبست...شرت ...انخطبت ...تزوجت....حملت....سافرت
وتلاقي درجة الغليان عند البنات من هالسواليف توصل 100درجة مئويه
الطلعات برا و مع الصديقات....أغلب العوائل محدودة
والبقيه مابين حريه مطلقة....الى منع مطلق ...فالبيت هو المنتزه الموجود المشترك
وش في هالمنتزه ؟؟؟؟؟؟؟؟؟؟؟؟؟؟؟؟
مثلا تلفون
أغلب العبارات التي تنقال على اللي تكلم
ايه تلفون 24 ساعة انتي ماتملين
بالله عليكم وش تقولون كل هالوقت
منهي ذي ؟؟؟؟ هذي تغريد....هماك توك شايفتها بالجامعة
قفلي التلفون .....ليه؟؟؟؟؟؟؟بس مو لازم كل ذي الهذرة-
من بتكلمين نهى ...مو لازم بكرة بتشوفينها بالعزيمة ألحين انتظر تلفون من أختك ببريطانيا _
من اللي شاغل التلفون ...والله اني قايلته شوفي سوير ان رفعتيه ثاني مرة لا تلومين الا نفسك
__________________________________
طيب مو لازم انترنت ولا تلفون لانه امر مفروغ منه ...بس أخوي مسموح له .....ابوي دايم يقول ان اخوي ولد وعادي لو يشبك النت ...ولو قلتله على الفاتورة ...قال هو يشبك على خطه ...انا مالي دخل
طيب اروح عند التلفزيون ....لا لا لا
مستحيل التلفزيون انقلب الى أداة لترويج المنكر ...كله استعرض للبنات ....وهو خراب لعقولنا يالبنات
أداة استحقر نفسي إذا شفتها ...حتى الافلام اللي شفتها معادة بالقناة نفسها 4 مرات
غير البرامج والسخافات ووووووو...............
وين أجل وين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مافي قدامي غير غرفتي .....تدرون وش ابسوي فيها
-
-
-
-
-
-
(ااذاكر)
!!!!!!عرفتوا ليه البنات اشطر من الاولاد ...........استوعبتوا السر ؟؟؟؟
طبعا في اشياء ثانيه موجودة
بس هذي اهم الاشياء
وأول ماتفتح الكتاب وتمسك القلم
افففففففففففففففففففف
( يا ليتني ولد (
منقول
رد مع الاستدلال
الروابط المفضلة